વિનોદ વિહાર

ગુજરાતી ગદ્ય પદ્ય સર્જનની આનંદ યાત્રા

Monthly Archives: ડિસેમ્બર 2011

Happy New Year 2012 to all the Readers of વિનોદ વિહાર

To All the Dear Readers of                       સંકલન-  વિનોદ પટેલ

 વિનોદ વિહાર

WISH YOU ALL,

A HAPPY, HEALTHY AND PROSPEROUS NEW YEAR 2012

 On JANUARY 1, We will open the new book .

It’s pages are blank. We are going to put words on them ourselves.

 The book is called opportunity and its first Chapter is New Year’s Day.

–Edith Lovejoy Pierce

 Salutation to the Dawn of 2012

Look to this day! For it is life, the very life of life.

In its brief course lie all the verities and realities of your existence:

The bliss of growth; The glory of action; The splendor of achievement;

For yesterday is but a dream, And tomorrow is only a vision;

But today, well lived, makes every yesterday a dream of happiness,

And every tomorrow a vision of hope.

.–Anonym-

Quotable Quotes

Remember not only to say the right thing in the right place, but far more difficult still, to leave unsaid the wrong thing at the tempting moment.

– Benjamin Franklin

The tragedy of life is not that it ends so soon, but that we wait so long to begin it. –Anonym-

Life is 10 percent what you make it and 90 percent how you take it.

–Irving Berlin

Often the difference between a successful person and a failure is not that the one has better abilities or ideas , but the courage that one has to bet on one’s ideas, to take a calculated risk– and to act.

–Dr.Maxwell Maltz

Hours pass into days and time slips away.But the words we speak and things we do touch the lives of others and live on for ever . –Anonym-

Failure occurs because of two reasons:

Doing things without thinking about them.

Thinking about things without doing them.

-Anonym-

Let us work as we pray;

for work indeed is

body’s best prayer

to the Divine.

– Mataji

આનો મારો ગુજરાતી અનુવાદ આ પ્રમાણે છે.

કાર્ય સહ કરીએ પ્રાર્થના

પ્રાર્થના સહ કરીએ કાર્ય

કેમકે, કાર્ય એ ખરે જ આ દેહની છે,

એ પરમતત્વ પ્રત્યેની,

સર્વશ્રેષ્ઠ પ્રાર્થના.

માતાજી

The woods are lovely,dark and deep .

But I have promises to keep ,

And miles to go before I sleep,

And miles to go before I sleep.

— Robert Frost

ગુજરાતી અનુવાદ

તિમિર ઘેર્યું નિબીડ જંગલ ઘણું મોહક હશે કિન્તુ

વચનના  રેશમી બંધનમાં બંધાઈ ગયો છું હું

કે જોજનો રે કાપવા નયન બિડાય તે પહેલાં

હા, જોજનો દુર જાવું છે આંખો મીંચાતા પહેલાં .

–રોબર્ટ  ફ્રોસ્ટ 

સુવાક્યો 

વલણ એક સરખું રાખું છું આશા નિરાશામાં

બરાબર ભાગ લઉં છું જિંદગીના સૌ તમાશામાં

સદા જીતું છું એવું કૈં નથી હારું છું પણ બહુધા

 નથી હું હારને પલટાવવા દેતો હતાશામાં

-અમૃત ઘાયલ

કેમ હો જીવનનું ઘડતર, જયારે હું શીખ્યો, ‘મરીઝ’ !

વાહ રે કિસ્મત! કે મૃત્યુનો સમય આવી ગયો.

-‘મરીઝ’

જિંદગીના રસને પીવામાં કરો જલ્દી ” મરીઝ ”

એક તો ઓછી મદિરા છે ને ગળતું જામ છે .

–“મરીઝ ‘

ચારિત્ર્યવાન એટલે –

ચારિત્ર્યવાન થવું એટલે ફૂલ કરતાં કોમળ થઇ જાણવું અને વ્રજ કરતાં કઠોર પણ થઇ જાણવું, અત્યંત શાંત પણ થઇ જાણવું; પ્રેમવાળા પણ થઇ જાણવું; સુખ પણ હસીને ભોગવવું, દુઃખ પણ હસીને ભોગવવું; ભોગવી જાણવું અને સહી જાણવું; જોઈ પણ જાણવું અને અંધ પણ થઇ જાણવું; અલ્પમાં જીવી જાણવું અને મરી પણ જાણવું. એ યથાર્થ ચારિત્ર્ય છે.

એટલું ભૂલીએ નહિ –

એટલું કદી ભૂલીએ નહીં કે ઝાકમઝાળ એ મહાનતા નથી, વાહવાહ તે પ્રતિષ્ઠા નથી, પ્રાધાન્ય તે શ્રેષ્ઠતા નથી. આજની ઘડીનો માનવી યુગપુરુષ બનવા યોગ્ય નહિ હોય. કાંકરો કદાચ ચળકતો હોય, પણ તેથી એ હીરો બની જતો નથી. બ્રહ્માંડમાં સૌથી મોટી શક્તિઓ કદાપી ભપકાદાર હોતી નથી. વાવાઝોડા કરતાં વર્ષા વધારે અસરકારક હોય છે. જેમનાં સન્માનો થતાં નથી, જેમનાં ગીત ગવાતાં નથી તેવા મનુષ્યોની ઈમાનદારી, નિષ્ઠા અને પવિત્રતા વિના તો આ જગત જોતજોતામાં નાબૂદ થઇ ગયું હોય.

(સ્રોત –‘અરધી સદીની વાચનમાળા’માંથી, ભા.-૨ માંથી સાભાર )

                                 હું કોણ છું ?

હું કોણ છું ? – એક નાજુક દીપક છું , અને એની જ્યોત તું છે.

હું કોણ છું ?-એક ગાતું પક્ષી છું , અને એનું ગાન તું છે.

હું કોણ છું ?-એક નાની બંસરી છું ,અને એનું સંગીત તું છે.

હું કોણ છું ?-એક નાનું પુષ્પ છું , અને એની સુગંધ તું છે .

હું કોણ છું ? એક કોડિયું માટીનું ,અને ,પ્રભુ, એનો પ્રકાશ તું છે.

(ભાવાનુવાદ- વિનોદ પટેલ )

અંતે, નોબેલ પ્રાઈઝ વિજેતા આપણા કવિ રવીન્દ્રનાથ ટાગોર રચિત નીચેની  સુંદર પ્રાર્થનાને નવા વર્ષમાં અને હરહમ્મેશ મનમાં તાજી રાખીએ. 

મારી પ્રાર્થના

કરો રક્ષા વિપત માંહી , ન એવી પ્રાર્થના મારી

વિપદથી ન ડરું  કો’દી, પ્રભુ એ પ્રાર્થના મારી

સહાયે કો ચડી આવે , ન એવી પ્રાર્થના મારી

તૂટો ન આત્મબળ દોરી, પ્રભુ એ પ્રાર્થના મારી

મને છળ હાનિથી રક્ષો , ન એવી પ્રાર્થના મારી

ડગું ના આત્મ પ્રતીતિથી, પ્રભુ એ પ્રાર્થના મારી

પ્રભુ તું પાર ઉતારે , ન એવી પ્રાર્થના મારી

તરી જાવા ચહું શક્તિ ,પ્રભુ એ પ્રાર્થના મારી

તું લે શિર ભાર ઉપાડી, ન એવી પ્રાર્થના મારી

ઉઠાવી શકું સહેજે , પ્રભુ એ પ્રાર્થના મારી

સુખી દિને સ્મરું ભાવે , દુખી અંધાર રાત્રીએ, 

ન શંકા તું વિષે આવે ,પ્રભુ એ પ્રાર્થના મારી.

— રવીન્દ્રનાથ ટાગોર    

   _____________________________________

“ઉપાડશે કોણ મારું કામ ?”

અસ્ત થતા સુરજે પૂછ્યું .

સાંભળી જગત નિરુત્તર રહ્યું .

માટીનું કોડિયું બોલ્યું :

“મારાથી બનતું હું કરી છૂટીશ.”

__________________________________

MAY GOD BLESS YOU ALL IN THE NEW YEAR 2012

વિનોદ આર. પટેલ

સાન ડિયેગો ,ડિસેમ્બર ૩૧ ,૨૦૧૧.

“જ્યાં જ્યાં નજર મારી ઠરે,યાદી ભરી ત્યાં આપની “— એક સુંદર વિડીયો દર્શન.

એક પ્રેરક વિડીયોએ સર્જેલ વિચાર વમળો                          સંકલન- વિનોદ પટેલ

આ ક્રિસમસ પ્રસંગે મારા કઝીન ભાઈ નારણભાઈએ મને ઈ-મેલમાં એમની ક્રિસમસ અને નવા વર્ષની શુભેચ્છાઓ સાથે એક અદભુત વિડીયોની નીચેની લીંક મોકલી આપી હતી.

http://www.andiesisle.com/creation/magnificent.html

આ વિડીયો જોયા પછી ચિંતનશીલ બ્લોગર મિત્રોના મનમાં ઉદભવેલ વિચારોનો ઈમેલ દ્વારા એક રસિક વિચાર વિનિમય સર્જાયો એનો સિલસિલો આજની આ પોસ્ટમાં રજુ કર્યો છે.

વાચકોને, આ પ્રેરક વિડીયો નજરે નિહાળવા અને આ આનંદદાયક વિચાર વિનિમય વાંચીને જ્ઞાન સાથે ગમ્મત મેળવવા માટે આમંત્રણ છે.

ગમતાનો કરીએ ગુલાલ એ દ્રષ્ટિથી મને ખુબ ગમેલ આ વિડીયોની લીંક અંગત બ્લોગર મિત્રો શ્રી સુરેશભાઈ જાની અને શ્રી રાજેન્દ્રભાઈ ત્રિવેદીને જોવા માટે તારીખ ડિસેમ્બર ૨૪ ૨૦૧૧ ના રોજ આ પ્રમાણે એક ઈમેલ લખીને મે મોકલી આપી હતી..

 શ્રી સુરેશભાઈ અને રાજેન્દ્રભાઈ ,

આ સાથે એક ખુબ સુંદર વિડીઓની લીંક તમોને જોવા મોકલું છું. આ વીડીઓ જોઈને અને ગીત સાંભળીને મારા દિમાગમાં નીચેના કાવ્યની સ્ફુરણા થઇ .

જગતપતિની અગણિત લીલાઓ

આ સચરાચર ભર્યું ભર્યું દિશે

મનહર કલાકાર સર્જનહાર તારી કલાકૃતિઓથી.

 વાતા પવનો અને વહેતા જળનું સંગીત,

 વિશાલ જલધિ ,ઉડતાં પંખીનો સમૂહ,

 ગુલાબની સુગંધ, નવજાત બાળ રુદન,

 લીલાછમ મેદાન,પર્વતો અને ખીણો

એક જોઈએ અને બીજું ભૂલીએ એવી

તારી અનેક સૌન્દર્ય લીલાઓ જોઈ

એક બાળ શું હું પણ અવશ્ય માનું-

પ્રભુ, આ નજરે દેખાતી તારી હયાતીને !

 વિનોદ આર. પટેલ

મારા આ ઈ-મેલના પ્રત્યુત્તરમાં ચિંતક મિત્રો સુરેશભાઈએ અને રાજેન્દ્રભાઈએ જે પ્રતિભાવો આપ્યા એ આ પ્રમાણે છે.

શ્રી સુરેશભાઈ-

સાવ સાચી વાત.

આ નજર ખીલે પછી, કોઈ મૂર્તિની/ પ્રતિકની જરૂર જ નથી.

પરમ તત્વ તો હાજરા હજૂર કણ કણમાં વેરાયેલું છે જ.

એના થકી જ તો બધું છે. મને એટલે જ હાસ્ય ગમે છે. શેં રડવું?

જ્યાં જ્યાં નજર મારી પડે, યાદી ભરી ત્યાં આપની..

અને એમાં ને એમાં જ ૨૬૮ અવલોકનો લખાઈ ગયા….

  સુરેશભાઈનાં આ બધા અવલોકનો આ લિંક  ઉપર વાંચો.

શ્રી રાજેન્દ્રભાઈ

 આ નયનથી દુનિયા જોવાની,

 પણ રીત જોવાની દ્રસ્ટી પર આધારે.

 અન્ધ પણ અન્તરની દ્રસ્ટીથી અનુભવે સત્યને.

જ્યારે,

માનવ બાહ્ય દ્રસ્ટીથી જુવે તો સત્ય ના પણ અનુભવે!

કવિ એ લખેલ ને બાળપણનુ મારુ પ્રિય ગીત ગણગણુ છુ

આગળીના આધારે,

મારા મગજને કોગનીશનની મદદથી આ ટાઈપ કરૂ છુ.

 “મારા નયણાની આળસ રે ન નિરખ્યા હરિને જરી,

એક મટકુ ન માર્યુ રે નજરીયા ઝાખી કરી.”

રાજેન્દ્ર ત્રિવેદી

આના અનુસંધાનમાં સદા અભ્યાસી અને ઉદ્યમી એવા શ્રી સુરેશભાઈએ મહાકવિ નાનાલાલનાં આ સુંદર કાવ્ય-કમ-ભજન  “મારા નયણાંની આળસ રે ન નિરખ્યા હરિને જરી.” નો પૂરે પૂરો પાઠ  શોધીને મોકલી આપ્યો એટલું જ નહી એ ગીતને સંગીત સાથે કાને સાંભળીને માણવા માટેની લીંક પણ એમના ઈ-મેલમાં મોકલી આપી.

 આ ગીતને  આખું વાંચવા અને ફાલ્ગુની શેઠના મધુર સ્વરે ગીત સાંભળવા અહી ક્લિક કરો.

છેલ્લે શ્રી રાજેન્દ્રભાઈએ અને પ્રજ્ઞાબેન વ્યાસે આ ચમત્કારિક વિડીયોમાં Brian Doerksen નું જે અંગ્રેજી ગીત Creation Calls ગવાય છે એ ગીતનો સળંગ અંગ્રેજી પાઠ આ પ્રમાણે મોકલી આપ્યો.

વિડીઓ જોઇને મૂળ શબ્દો સાથે ગાતા કસક અનુભવાય છે.

Creation CallsBrian  Doerksen
I have felt the wind blow,
Whispering your name
I have seen your tears fall,
When I watch the rain.
(Refrain)
How could I say there is no God?
When all around creation calls!!
A singing bird, a mighty tree,
The vast expanse of open sea
(Musical interlude)
Gazing at a bird in flight,
Soaring through the air.
Lying down beneath the stars,
I feel your presence there.
I love to stand at ocean shore
And feel the thundering breakers roar,
[- From :http://www.elyrics.net/read/b/brian-doerksen-lyrics/creation-calls-lyrics.html -]
To walk through golden fields of grain
With endless bloom horizons fray.
Listening to a river run,

Watering the Earth.
Fragrance of a rose in bloom,
A newborns cry at birth.
(Refrain)
I love to stand at ocean shore
And feel the thundering breakers roar,
To walk through golden fields of grain
With endless bloom horizons fray
I believe
I believe
I believe
(Interlude)
I believe
I believe
I believe just like a child
(Choir I believe..)
I believe

 મને આશા છે કે આ બ્લોગના વાચક મિત્રો આ પ્રેરક વિડીયો .આ  લિંક  ઉપર  જોતાં જોતાં ઉપરનું પ્રભુનું ગુણગાન કરતું અંગ્રેજી ગીત ગાઈને  અંતરના સાચા આનંદની અનુભૂતિ કરશે અને મિત્રોને પણ કરાવશે.

અત્રે વાચકોને શ્રી સુરેશભાઈ જાની અને શ્રી રાજેન્દ્રભાઈ ત્રિવેદીનો પરિચય કરાવવાની તક લઉં છું.  

શ્રી સુરેશભાઈ જાનીનો પરિચય અને મિત્રતા મને એમના બ્લોગ ગદ્ય સુર દ્વારા થઇ  .નિવૃતિ કાળમાં તેઓ જે ધગસ અને ઉત્સાહથી આ ઉમરે :એમના આ બધા બ્લોગો ના સંચાલનમાં કાર્યશીલ રહે છે એમાંથી મને મારો આ બ્લોગ શરુ કરવાની પ્રેરણા થઇ  હતી .મારા બ્લોગની શરૂઆતમાં અને જ્યારે જરૂર પડી ત્યારે  એમણે મને એમના અનુભવ આધારિત માર્ગદર્શન અને પ્રોત્સાહન પૂરું પાડ્યું છે, એ બદલ એમનો આભારી છું. મારે મન સુરેશભાઈ એ ગુજરાતી બ્લોગ જગતનું એક મોટું આશ્ચર્ય છે. એમના બ્લોગોની મુલાકાત લેવાથી સુરેશભાઈના ખરા વ્યક્તિત્વનો પરિચય મળે છે.  

રાજેન્દ્રભાઈનો પરિચય હસી ખુસીના બ્લોગ :હાસ્ય દરબાર  દ્વારા ટૂંક સમય પહેલા જ થયો  હોવા છતાં એમના અને એમના કુટુંબીજનોના ધાર્મિક સંસ્કારો અને વિચારો મને  પ્રેરક લાગ્યા છે.બોસ્ટનના આ જાણીતા  ડોક્ટર રાજેન્દ્રભાઈ હાસ્ય દરબાર દ્વારા શરીર,મન અને આત્માના આરોગ્ય માટે જરૂરી હાસ્ય પીરસે છે  એની સાથે સાથે અમદાવાદના અંધજન મંડળ અને વિકલાંગો માટે અહી બેઠા ફાળો એકઠો કરી-મોકલીને સેવા પણ પૂરી પાડે છે.(www.bpaindia.org ).એમના અને એમના  કુટુબીજનો દ્વારા ચલાવાતો  ત્તુલસી દલ બ્લોગ એમના પિતા શ્રી મૂળશંકરભાઈ ત્રિવેદીના  આધ્યાત્મિક વારસાના  જતનનું સુંદર કામ કરી રહ્યો છે તુલસીદલની પ્રસ્તાવનામાં અમદાવાદના ભાગવદ વિદ્યાપીઠ સોલાના પુ. કૃષ્ણશંકર શાસ્ત્રી આ પ્રમાણે  જણાવે છે.

શ્રી હરિશરણ, ચરણ અને સ્મરણનો નૈસર્ગિક આનંદ કેવળ શ્રી. કૃષ્ણાનુગ્રહનું સરસફલ છે. આનંદની ક્ષુધા અને પિપાસા પ્રાણીમાત્રને સહજ હોય, એમાં આશ્ચર્ય નથી, કારણકે, આત્માનું સહજ સ્વરૂપ છે કેવલ આનંદ. સત્ય અને ચૈતન્યના ઉત્તરદલમાં આનંદ એ એક જ પૂર્ણદલ છે. કેવલ આનંદનું નૈસર્ગિક સ્વરૂપ સર્વને વિદિત  નથી “सो रसो वै सः रसम् एनम् लब्ध्वा हि आनन्दा भवति ।“ આ આનંદનો પરિચય ભગવાન વેદ છે. આનંદ સ્વરૂપ હરિનું આસ્વાદન કેવલ ભગવાનની અહૈતુકી સેવા, નૈસર્ગિક ગુણગાથા, લીલાગાથા અને નામ સંકીર્તનથી સહજ સુલભ છે. સ્થાવર જંગમને આનંદનું દાન ભગવાનના ગુણગાનથી છે. આ ગુણગાનનો આસ્વાદ શ્રીહરિના અનુગ્રહથી
પરમકોમલ હૃદય શ્રી. મૂળશંકરભાઇને સુલભ બન્યો. સર્વથા હરિ ગુણગાનપાન માત્ર જીવી શ્રી. મૂળશંકરભાઇનાં શ્રી હરિચરણે સમર્પિત કરવા આ ભક્તિરસ સભર પદપદથી વિલસિત ભજન પદાવલી સ્વરૂપ આ તુલસીદલનાં દર્શન – કીર્તનથી સહજ સુલભ થાય છે. આ અનુભૂતિનો સ્વાદ છે . સ્વાદ લઇ જાણો.

– અકિંચન કૃષ્ણશંકર 

 શ્રી સુરેશભાઈ  અને શ્રી રાજેન્દ્રભાઈના એક મિત્ર હોવાનો અને એમના સતત સંપર્કમાં રહીને પ્રેરણા મેળવતા રહેવાનો મને આનંદ છે.એમણે મારા મૂળ ઈ -મેલના પ્રત્યુત્તરમાં ઉપર મુજબ  સુંદર વિચારો રજુ કરી માહિતી પૂરી પાડી,જેના પરથી આજની આ અવનવી તરહની પોસ્ટની રચના થઇ શકી એ માટે  એમનો અને પ્રજ્ઞાબેન વ્યાસનો આભારી છું..

 સંકલન – વિનોદ પટેલ

( 830 ) ક્રિસમસ ૨૦૧૫ અને નવા વર્ષ ૨૦૧૬ નું સ્વાગત ……

MERRY CH-VINOD

ક્રિસમસ ૨૦૧૫ અને નવા વર્ષ ૨૦૧૬ નુ સ્વાગત

સન ૨૦૧૫ ના વર્ષનું એક ચક્ર પુરું થવા આવ્યું અને આવી પહોંચ્યા આપણે ક્રિસમસની હંમેશ મુજબની ચીલા ચાલુ ઉજવણી કરીને નવા વર્ષ ૨૦૧૬ નું હર્ષ અને ઉલ્લાસથી સ્વાગત કરવા માટેની તૈયારીઓ સાથે .

હિન્દુઓ જેવી રીતે કૃષ્ણ જન્મને જન્માષ્ટમી ,રામના જન્મને રામ નવમી દ્વારા ઉજવીને એમના આ આરાધ્ય દેવો પ્રત્યે ભક્તિ ભાવ વ્યક્ત કરે છે એવી જ ભાવનાથી ખ્રિસ્તીઓ પણ ભગવાન ઈશુના (ક્રાઈસ્ટના) જન્મદિન ૨૫મી ડિસેમ્બરને ક્રિસમસના લોક તહેવાર તરીકે ઉજવે છે.

૨૦૧૫ વર્ષ પહેલાંના આ દિવસે માતા મેરી અને પિતા જોસેફને ત્યાં બેથલેહામ શહેરમાં પ્રાણીઓને રાખવાના સ્થળ (manger) માં બેબી જીસસનો જન્મ થયો હતો, જેમ ભગવાન શ્રી કૃષ્ણનો જન્મ મથુરામાં જેલમાં માતા દેવકીને પેટ થયો હતો. હિન્દુઓ માટે જેવી રીતે આપણા ધર્મ પુસ્તકો ભાગવત, ગીતા અને રામાયણ આપણી સંસ્કૃતિના પાયાના ધર્મ ગ્રંથો છે એમ ખ્રિસ્તીઓ માટે બાઈબલ એ રોજ બ રોજના જીવન માટેનો માર્ગદર્શક ધર્મ ગ્રંથ છે.

બાઈબલમાં દર્શાવાયેલ ભગવાન ઈશુના ઉપદેશને ખ્રિસ્તીઓ આ દિવસે પુરા ભાવથી ચર્ચમાં જઈને સાંભળે છે અને કેરોલ ગીતો ગાય છે . ક્રિસમસ એ ખ્રિસ્તીઓનો ધાર્મિક અને સાંસ્કૃતિક તહેવાર હોઈ એક જાહેર રજાનો દિવસ છે.

આધુનિક ક્રિસમસની ઉજવણીમાં આકર્ષક રમકડાં અને લાઈટોથી ઘેર ઘેર ક્રિસમસ ટ્રી ની સજાવટ તથા ઘરની બહાર રોશનીનો શણગાર કરવામાં આવે છે.આ દિવસે સ્ટોરોમાં ખરીદી, શાંતાકલોઝ, ભેટ સોગાદોની અરસ પરસ આપ લે ,સહકુટુંબ હળી મળીને ખાણી પીણી,ગીત સંગીત અને ચર્ચમાં જઈને ભક્તિ સંગીત અને બાઇબલનો પાઠ સાંભળીને વિગેરે પ્રવૃતિઓથી આનંદ અને ઉત્સાહથી લોકો દિવસ પસાર કરે છે. 

આપણે જેવા ઉત્સાહ અને ઉન્માદથી નવ દિવસ નવરાત્રીનો તહેવાર ઉજવીએ છીએ એવા જ  ઉત્સાહ અને આનંદથી ક્રિસમસની સાત દિવસ ઉજવણી કરવામાં આવે છે.ક્રિસમસ એ ફક્ત ખ્રિસ્તીઓ માટેનો તહેવાર હવે રહ્યો નથી પણ અન્ય ધર્મના લોકો પણ આ ક્રિસમસના દિવસોમાં ઉલ્લાસ અને ઉન્માદમાં સામેલ થઈને રજાઓનો આનંદ માણે છે અને પછી નવા વર્ષની બીબાઢાળ દિનચર્યા શરુ કરે એ પહેલાં થોડા હળવા થાય છે.આવા તહેવારો સમસ્યાઓથી ત્રાસિત મનને થોડી રાહત પહોંચાડે છે.  માનવ મનને માંજીને થોડું ઉજળું કરે છે.

ચાલો આપણે પણ દિવાળી જેવા ઉત્સાહ અને ઉલ્લાસથી ક્રિસમસની ઉજવણીને વધાવીએ જૂની સમસ્યાઓને ભૂલી, હળવા બની નવી આશાઓ અને નવા સંકલ્પો સાથે નવા વર્ષનું સ્વાગત કરીએ.

નવા વર્ષે નવલા થઈએ

પસાર થઇ ગયું એક ઓર ૨૦૧૫ નું વરસ

આવીને  ઉભા નવા વરસ ૨૦૧૬ ને પગથાર

નવા વરસે નવલા બની નવેસરથી

નવું વર્ષ હળીમળી પ્રેમથી ઉજવીએ .  

નુતન વર્ષે નુતન આશાનો દીપ જલાવી

ઈશ્વરને કરીએ ખરા  દિલથી પ્રાર્થના કે

ગત વર્ષો કરતાં આવતું ૨૦૧૬ નું વર્ષ

સર્વ રીતે સર્વોત્તમ બનાવજે, હે પ્રભુ 

ક્રિસમસ અંગેનો એક સુંદર વિડીયો જોવા અને સંગીત સાંભળવા નીચેની લીંક પર ક્લિક કરો.

http://www.youtube.com/watch?v=DOFhV5J4-fc&feature=related

વર્ષના આ સુંદરમાં સુંદર સમય ક્રિસમસના પર્વ પ્રસંગે વિનોદ વિહાર બ્લોગના સૌ વાચકો/સ્નેહી જનોને ઉલ્લાસમય અને આનંદમય ક્રિસમસ માટેની વધાઈ અને નવા વર્ષ ૨૦૧૬ નું વર્ષ સુંદરત્તમ બને એ માટેની અનેક હાર્દિક શુભેચ્છાઓ.

Thank you God

વિનોદ પટેલ

_________________________________________

મેરી ક્રીસમસ અમેરીકા’…… હાસ્ય લેખક- શ્રી હરનીશ જાની 


સુરતના ‘ગુજરાતમીત્ર’ દૈનીકની બુધવારીય પુર્તી ‘દર્પણ’માં પ્રકાશીત થતી ન્યુ જર્શી નીવાસી અમેરીકાના ખ્યાત નામ હાસ્ય–લેખક શ્રી. હરનીશ જાનીની કૉલમ ‘ફીર ભી દીલ હૈ હીન્દુસ્તાની’માં પ્રગટ અમેરિકામાં ક્રિસમસ કેવી રીતે ઉજવાય છે એની સુંદર વિગતો રજુ કરતો એક સરસ લેખ વાંચવા માટે નીચેના ચિત્ર પર ક્લિક કરી ગુજરાત મીત્ર પહોંચી જાઓ.

 

Marry Christmas- Harnish Jani

namaste-namaskar

 વાંચકોનો આભાર  

મને એ જણાવતાં  ખુશી થાય છે કે ૧લી, સપ્ટેમબર ૨૦૧૧ના રોજ વિનોદ વિહાર બ્લોગની શરૂઆત કરી ત્યારથી ડિસેમ્બરના આજના દિવસ સુધીના આ સમય ગાળામાં  247,200 + સાહિત્ય રસિક વાચકોએ આ બ્લોગની મુલાકાત લીધી છે.

મારા બ્લોગની મુલાકાત લઈને મને પ્રોત્સાહિત કરવા બદલ

સૌ વાચક મિત્રોનો અંતરથી આભાર માનું છું.નવા વરસે પણ

આવો જ સુંદર સહકાર મળતો રહેશે એવી આશા રાખું છું.

The stars have 5 ends.

Square has 4 ends

Triangle has 3 ends

Line has 2 ends

Our life has 1 end

But the circle of our friendship has no ends…………………..

 વિનોદ પટેલ , સંપાદક-વિનોદ વિહાર

ક્રિસમસ ૨૦૧૫ 

 

 

 

 

 

 

 

 

 

 

 

 

 

 

અમેરિકા તરફના લોકોના આકર્ષણનું શું છે રહસ્ય ? લેખક- વિનોદ આર. પટેલ

દુનિયાના લગભગ બસો દેશોમાંથી દરેક ધર્મના લોકો અમેરિકામાં આવીને વસ્યા છે, એટલે તો અમેરિકાને વસાહતીઓનો દેશ કહેવામાં આવે છે.આ દરેક વસાહતીને પોતાનો ધર્મ અને પોતાની સંસ્કૃતિ પ્રમાણે, અહીના નિયમોનું પાલન કરીને રહેવાની છૂટ છે,અમેરિકા એક મેલ્ટિંગ પોટ સમાન છે જેમાં વિવિધ દેશની સંસ્કૃતિ, નીતિનિયમો અને સામાજિક સંસ્કારો ઓગળી જઈને એક નવી જ વૈશ્વિક અમેરિકન સંસ્કૃતિનું નિર્માણ  થયું છે .અમેરિકાએ એના ફક્ત ૨૩૫ વર્ષના ઇતિહાસમાં અજબ પ્રગતી સાધીને વિશ્વના ઇતિહાસમાં એક સમૃદ્ધ સુપર પાવર તરીકે ઉભરી આવ્યું છે.દુનિયાના મોટા ભાગના દેશોમાં એક યા બીજા સ્વરૂપે અમેરિકાની હાજરી છતી થાય છે.અમેરિકાની સમૃદ્ધિના પાયામાં એના  સ્વાતંત્ર્યનું ઘોષણા પત્ર છે જે અનુસાર આ દેશમાં  રહેતી દરેક વ્યક્તિને ઈશ્વર બક્ષેલ સુખની પ્રાપ્તિની શોધ (pursuit of happiness )નો હક્ક મંજુર કરેલો છે.આવા આ મોહક દેશ અમેરિકા આવવા માટે લોકો શા કારણથી આકર્ષાય છે એનાં અનેક કારણો છે.એમાંનાં કેટલાંક મુખ્ય કારણો અંગે મારો એક લેખ અમદાવાદથી પ્રકાશિત ધરતી માસિકના અપ્રિલ ૨૦૧૧ના અંકમાં છપાયો હતો .

આ લેખને તમે અહીં નીચેની લીંક પર વાંચી શકશો.

 અમેરિકા તરફના લોકોના આકર્ષણનું શું છે રહસ્ય ?  -લેખક -વિનોદ પટેલ 

મારા ઉપરના લેખના છેલ્લા ફકરામાં મેં જણાવ્યું છે એ પ્રમાણે અમેરિકાની ઘણી ખૂબીઓની સાથે  સામાજિક દ્રષ્ટીએ જોઈએ તો કેટલીક ખામીઓ પણ છે.આમાંની કેટલીક નજરે દેખાતી ત્રુટીઓ વિષે  વિચારીએ.ભારતથી અમેરિકા ફરવા આવતા ઘણા લેખકો પાછા જાય ત્યારે અમેરિકા વિષે અંજાઈ જઈને અમેરિકા કેટલું અદભુત છે જ્યારે આપણે અહીં ભારતમાં ….” એમ રોદણાં રડે છે.અમેરિકાની થુલીનો પણ કંસાર કરીને તેઓ અનજાન લોકોને પીરસીને પોરસાય છે. તેઓ અહીં વધારે રહે તો જ એમને અમેરિકાની બીજી બાજુની પણ પ્રતીતિ થાય .અમેરિકાના વર્તમાન પત્રો અને ઈલેક્ટ્રોનિક માધ્યમો અમેરિકન સમાજનું દર્પણ છે.એમાં જે સમાચારો આવે છે એ ગોળીબાર,ડ્રગ,ખુલ્લો વ્યભિચાર અને નષ્ટ થતી જતી કુટુંબ વ્યવસ્થા અને એના પ્રશ્નોથી  ભરપુર હોય છે.અમેરિકનો વાતવાતમાં કહેતા હોય છે કે “ધીસ ઇઝ એ ફ્રી કન્ટ્રી” પરંતુ સ્વતંત્રતાના નામે સ્વછંદતા અને નિરંકુશ વ્યવહાર પણ જોવા મળતો હોય છે.

અમેરિકનો સ્પર્ધામાં ઉતર્યા હોય એમ ડોલર માટેની ઉંદર દોડમાં ભાગમભાગ કરતા હોય છે અને એમની જીવનશૈલી ઉપરનો કાબુ ગુમાવે છે.આદમીનો પર્યાય અહીં ડોલર છે .માણસની બાહ્ય સમૃદ્ધિ એમને અંદરથી સમૃધ નથી બનાવતી.એટલે તો અમેરિકાનો મનની શાંતિ મેળવવા યોગ શીખવાડતી દુકાનોમાં ગીર્દી કરતાં હોય છે.અમેરિકામાં કુટુંબ વ્યવસ્થાના ઘણા પ્રશ્નો હોય છે.દુનિયામાં સૌથી વધારે સિંગલ પેરેન્ટ્સ અમેરિકામાં છે.રોજ જેટલાં બાળકો જન્મે છે એમાંનાં ચોથા ભાગનાં  બાળકોનો ઉછેર સિંગલ પેરન્ટ કરે છે.અહીં બાળકો પ્રેમનાં ભૂખ્યાં હોય છે .એ ન મળવાના પરિણામે બાળ ગુનેગારો ડ્રગનો આસરો લે છે અને ગેંગમાં  જોડાઈને ખુનના ગુના કરતાં હોય છે..દરેક માં-બાપને બાળક હોય છે પરંતુ દરેક બાળકને મા-બાપ નથી હોતાં , એ અહીં જોવા મળે છે. ભારત જેવી કુટુંબની હુંફ ઓછી જોવા જોવા મળે છે..અમેરિકામાં દર ત્રણ લગ્નમાંથી પચીસ વર્ષ સુધીમાં એક લગ્ન ટકે  છે જ્યારે બે લગ્ન છૂટાછેડામાં પરિણમે છે  એવું સમાજ શાસ્ત્રીઓનું તારણ છે.વિસરાતા જતાં જીવન મૂલ્યો એ અમેરિકાનો તાતો પ્રશ્ન છે.

અમેરિકા એક માયા નગરી છે. અનેક વિરોધાભાસોનો દેશ છે. જાહેર સ્થળોએ ધુમ્રપાનની સખ્ત મનાઈ પણ બંદુક લઈને બધે ફરવાની છૂટ.,અરે વિદ્યાર્થીઓ પણ ગન સાથે સ્કુલમાં જઈને શિક્ષક ઉપર ગોળીબાર કરવાના ગુનામાં પકડાય છે.!અહીં બધું ઔપચારિક છે.મહત્વાકાંક્ષા અને સ્પર્ધાને લીધે અમેરિકન સમાજ તમોને હાઈ-એચીવર જરૂર બનાવે છે પરંતુ એની સાથે માણસ માણસ વચ્ચેનો ભાવાત્મક સંબંધ ઘટતો જાય છે. ભારતની અને અમેરિકાની (પશ્ચિમની ) સંસ્કૃતિ ભિન્ન છે અને રહેવાની છે.ભારતે અમેરિકાની આંધળી નકલ કરવાની જરૂર નથી.અમેરિકાએ આર્થિક પ્રગતી કરવા માટે જે સારા ગુણો અપનાવીને આગળ વધ્યો છે એની ભારતે નકલ કરવી જોઈએ.એવી જ રીતે ભારતીય સંસ્કૃતીમાંથી અમેરિકાએ પણ ઘણું શીખવા જેવું છે અને એનો અમલ કરવાં જેવું છે..

છેલ્લે.,ગઝલકાર આદમ ટંકારવીના અમેરિકા અંગેના પુસ્તક “અમેરિકા રંગ ડોલરિયો” ના અંતે એમણે અમેરિકાના એમના અનુભવોને આધારિત કેટલીક સુંદર ગઝલો લખી છે એમાંથી કેટલા   અંશો એમના આભાર સાથે નીચે રજુ કરું છું,

પાસ છે તે પણ ન પાસ છે

આ અમેરિકા વિરોધાભાસ છે

ક્યાં ઠરીને બેસવાનું ભાગ્યમાં

આ અમેરિકાનો અધ્ધર શ્વાસ છે

એને અડકીને તું સોનું થઇ ગયો,

દોસ્ત,તારો દેશ પણ મિડાસ છે.

ઉપર ઉપરથી બધું ચકચકિત

કિન્તુ અંદરથી બધું બિસ્માર છે

એમની આંખોમાં ઉમળકો નથી

ને અહીં મારો હરખ માતો નથી

જ્યાં જુઓ ત્યાં બધે વન-વે જ  છે

ને નીકળવાનો કોઈ રસ્તો નથી

અહીનો પીઝા કે વતનનો રોટલો

એ બધી ચર્ચા હવે બેકાર છે

મારું હાળું એ જ સમજાતું નથી

આપણી આ જીત છે કે હાર છે.  

કોઈ કહે :માથાનો દુખાવો છે તું

કોઈ કહે : તું બામ છે અમેરિકા

દોડીને તને ભેટવામાં જોખમ છે

દુરથી તને પ્રણામ છે અમેરિકા!

જાણીતા હાસ્ય લેખક સ્વ.બકુલ ત્રિપાઠીએ સુંદર શબ્દોમાં લખ્યું છે કે- ”જોતા ખૂટે નહીં એટલું છે અમેરિકામાં.અહીં બધું છે પણ ભારત દેશ નથી .ક્યાં છે અહીં દાળના સબડકા અને તળાતાં ભજીયાંની સુગંધ, ક્યાં છે અહીં લોકો.લોકો,વાતો વાતો ,ટોળાં ટોળાં , કેમ છો ? સારું છે ,હળવું,મળવું,પંચાતો કરવી,સામાની આંખમાં મળ્યાનો ઉલ્લાસ ,પ્રેમની ચમક,છલકાતા ઉભરાતા સ્નેહ સાથે જીવવું ,એક બીજા વિના રહેવાય નહિ,જીવાય નહિ ,જીવી શકાય નહિ એવું જીવવું ….  એનું નામ ભારત.

કોણ ચઢે સંસ્કારમાં ,સંસ્કૃતિમાં ? અમેરિકા કે ભારત ?

આવું પ્રેમાળ ભારત છોડીને શા માટે બધા એ એકલવાયા અમેરિકા જવા ચાહે છે ?

અને અમેરિકાની મબલખ સમૃદ્ધિમાં ખુશખુશાલ છે એમને ય ત્યાં કેમ અચાનક ભારતની યાદે છાતીમાં સણકો ઉઠી આવે છે ?

શું સારું ? ભારત કે અમેરિકા ?

સદા અનુત્તર રહેવા સર્જાએલા છે આ પ્રશ્નો !”

ધનજી કુંભારનો ગધેડો ( બોધ કથા ) લેખક – વિનોદ આર. પટેલ

ધનજી કુંભારનો ગધેડો   ( બોધ કથા )    લેખક – વિનોદ પટેલ

રામજી પટેલના ખેતરના છેવાડે એક ભાગમાં ધનજી કુંભાર અને બીજાં કેટલાંક કુંભાર કુટુંબો એક ઈંટવાડો ભાડે રાખીને રહેતાં હતાં. ગુન્દેલી માટીમાંથી ઈંટો પાડી,પકવી પછી બાંધકામ કરવા વાળાઓને વેચી એ બધાં પોતાનું ગુજરાન ચલાવતાં હતાં . માટી લાવવા માટે અને પકવીને તૈયાર થયેલ ઈંટોની હેરફેર માટે ગધેડાં એમનાં મુખ્ય વાહનો હતાં .

ધનજી કુંભારનો એક ગધેડો હવે ઘરડો થઇ ગયો હતો. થોડો માંદો પણ રહેતો .ધનજી કુંભાર પણ હવે એની પાસે પહેલાં જેવી મજુરી નહોતા કરાવતા. આ માંદલો અને ઘરડો ગધેડો એક વખત ચરતો ચરતો ખેતરના દુરના છેડે પહોંચી ગયો. ત્યાં એક અવાવરું કુવો હતો.બહું  વરસોથી પાણી વગરનો બીન ઉપયોગી અવાવર પડી રહેલો.અંદર જાળાં ઝાંખરાંને લીધે કુવો સ્પષ્ટ દેખાતો પણ ન હતો.આ બિચારો ગધેડો આ કુવામાં પડી ગયો.અંદર પડતાની સાથે જ ,મદદ માગતો હોય એમ ,એના આગવા ગર્દભ અવાજમાં એણે અંદરથી ભૂંકવા માંડ્યું. કુવામાંથી પડઘાતો એનો અવાજ સાંભળી ઈંટવાડામાં કામ કરતા કુંભાર,એમના  સાથીઓ અને આસપાસના ખેડૂતો ભેગા થઇ ગયા .શું કરવું ,કેમ કરવું એની ગડમથલમાં સૌ પડી ગયા.

અંતે એમને બહું કઠોર નિર્ણય લેવો પડ્યો.આ નિર્ણયથી કોઈ રાજી તો ન હતું પણ લેવો પડ્યો.કુવાની અંદર પડી ગયેલો ગધેડો આમે ય ઘરડો અને માંદો હતો અને એને બહાર કાઢ્યા પછી પણ એ બહું લાબું જીવે એમ ન હતો.એ મરવાના વાંકે જ જીવી રહ્યો હતો.આ સંજોગોમાં ધનજી કુંભારની સંમતિથી ત્યાં ભેગા થયેલા બધા લોકોએ નિર્ણય લીધો કે આ માંદલા ગધેડા સહીત કુવાને પૂરી નાખવો જેથી ભવિષ્યમાં ફરી બીજું કોઈ અંદર પડે નહિ.

આ નિર્ણય લીધા પછી બે ત્રણ જણાએ પાવડે પાવડે કુવાની અંદર માટી નાખી કુવો પૂરવાનું કામ શરુ કરી દીધું.હવે અંદર ગધેડા  ઉપર અચાનક જેવી માટી પડી કે તરત એ માટીના મારાથી પ્રથમ તો ચોંકી ગયો.ગભરાયો પણ ખરો.સાથે સાથે આ આપત્તિથી એની જીજીવિષા પ્રબળ બની ગઈ .ભયથી સતેજ બની ગયેલા એનાં મગજે એક ઝડપી નિર્ણય લઇ લીઘો.જેવી માટી પીઠ ઊપર પડી કે તરત એ ચાર પગે ઉભો થઇ ગયો.પીઠ હલાવીને એના ઉપરથી માટી ખંખેરી નાખી અને એ માટી ઉપર ઉભો રહી ગયો. ઉપરથી જેમ જેમ એની પીઠ ઉપર માટી પડતી જાય તેમ તેમ એ ખંખેરીને માટી નીચે પાડતો ગયો. એના પગ તળે ભેગી થતી માટી ઉપર પોતાના પગ ટેકાવતો એ ધીમે ધીમે ઉપર આવતો ગયો.પશુ હોય કે માનવી હોય, આપત્તિ માથે આવી પડે ત્યારે એમાંથી બહાર નીકળી આવવાના બનતા બધા જ પ્રયત્નો કરવાની ઇચ્છા પ્રબળ બને છે .એવું આ વૃદ્ધ અને માંદલા ગધેડાએ પણ કર્યું. થાકને ગણકાર્યા વિના ,હિંમતથી કામ લઇ, મરણીયો બનીને પોતાની બધી જ તાકાતથી પીઠ ઉપર પડતી માટીને નીચે ખંખેરતો ગયો અને ઉપર ચઢતો ગયો.

આ પ્રમાણે કરતાં કરતાં જાળા ઝાંખરાથી ઢંકાયેલું એનું માથું છેક કુવાના કાંઠા સુધી બહાર દેખાયું ત્યારે ધનજી કુંભાર અને માટી પૂરી રહેલા અન્ય લોકોના આશ્ચર્યનો પાર ન રહ્યો.બધા આનંદથી ઉત્તેજિત થઈને કિલકારીઓ પાડી ઉઠ્યા અને સાચવીને ગધેડાને કુવા બહાર લઇ  લીધો.બહાર જમીન ઉપર પગ મુકતાં જ થાકેલો ગધેડો આરામ કરવા બેસી પડ્યો.

આ ગધેડાની આંતરિક  હિમ્મત અને સમયસુચકતા કેટલી તીવ્ર કહેવાય ! જે માટી એને જીવતો દાટી દેવા માટે અંદર નાખવામાં આવતી હતી એ જ માટીથી એણે પોતાની અક્કલ વાપરીને પોતાનો જીવ બચાવી લીધો.આપત્તિ કાળે એણે ઠંડા દિમાગથી કામ લઇ આવેલ આપત્તિમાંથી આબાદ રીતે માર્ગ કાઢી લીધો.બુદ્ધિ કોઈના બાપની છે! મહેરબાની કરીને હવે પછી કોઈને “ તું તો સાવ ગધેડા જેવો છે “ એમ કહીને કોઈ ગધેડાનું અપમાન કરશો નહીં !

આ અબોલ વૃદ્ધ ગધેડાએ પોતાના હિમ્મત ભર્યા આચરણથી આપણે સૌને માટે જિંદગીનો કેટલો મોટો સંદેશ રજુ કર્યો છે! .આ કથામાંથી બોધ એ લેવાનો છે કે જ્યારે પણ જીવનમાં આપણે મુશ્કેલ સંજોગોના ઊંડા કુવામાં સપડાઈએ ત્યારે મુશ્કેલીઓ રૂપી માટી નીચે દબાઈ  જઈને  દુખી થવાને બદલે એને આપણી પીઠ ઉપરથી ખાખેરી નાખી એના ઉપર સવાર થઇ ઉપર આવવા અને એમાંથી બહાર આવવાનો રસ્તો કાઢવા માટે પોતાની બધી જ હિમ્મત એકઠી કરીને કટીબદ્ધ થવું જોઈએ.મુશ્કેલીઓથી કદી ન ગભરાવું .કોઈ પણ પ્રકારની વિકટ પરિસ્થિતિમાં ઠંડા દિમાગથી વિચારવાથી અને પ્રયત્નશીલ બનવાથી કોઈને કોઈ રસ્તો નીકળી આવે છે અને અંતે મુશ્કેલીઓના ઊંડા કુવામાંથી સફળતાપૂર્વક બહાર આવી શકાય છે.જરૂરત હોય છે આપણામાં પડેલી પ્રભુ બક્ષેલ સુસુપ્ત શક્તિઓને ઢંઢોળવાની અને ખરે સમયે એનો ઉપયોગ કરવાની સુઝ-સમજ દાખવવાની.

ધનજી કુંભારના ગધેડાની આ વાર્તાનો આપણી જિંદગી માટેનો આવો સુંદર અને ઉમદા બોધપાઠ સૌએ સમજીને જીવનમાં ઉતારવા જેવો નથી શું ?

___________________________________

સાગર અને નદી                         ( બોધ કથા )

સાગરને મળી રહેલી નદી આજે ખુબ પ્રસન્ન હતી. સાગરે નદીને પ્રસન્નતાનું કારણ પૂછ્યું .

નદી કહે ,કેટલાંએ વરસોથી વચ્ચે રહેલો એક પર્વત તને જલદી મળવામાં મને અંતરાય  કરતો હતો. એ પર્વતને મેં વર્ષો પછી આજે તોડી નાખ્યો ! ચારેબાજુ હું જાહેરાત કરતી આવી છું  કે મારા રસ્તામાં જે કોઈ પણ અવરોધ કરશે તેના આ પર્વત  જેવા હાલ-બેહાલ થઈ જશે.’

સાગર હસ્ર્યો, ‘બહેન ! એક કામ કરીશ ? આ એક બાજુ નેતરની સોટીઓ ઊગી છે તેમાંથી બે-ચાર સોટીની મારે જરૂર છે, લાવી આપીશ ?’

નદી તો ઉપડી નેતરની સોટી લેવા.નદી મનમાં ગર્વ કરવા લાગી કે જેણે પર્વતના હાલ-બેહાલ કરી નાખ્યા એના માટે નેતરની સોટી તોડી લાવવી એ તો રમત વાત છે. નદીએ ભારે જોશથી નેતર પર આક્રમણ કર્યું પણ નદી જેવી નેતર પર કુદી કે તરત જ નેતરે પોતાની કાયા નમાવી દીધી. નદીનું પાણી રવાના થતા નેતર વળી પાછું ઊભુ થઈ ગયુ. આ જોઈને નદી વધુ ગુસ્સ્સે થઈ ગઈ. બમણા જોશથી નેતર પર કુદી પણ પરીણામ એનું એ જ ! આખો દિવસ  નદીના આક્રમણો ચાલુ રહ્મા .પણ  નેતર ન તૂટ્યું.! હારી-થાકીને નદી સાગર પાસે આવી.

કેમ બહેન, નેતર ક્યાં ?’

હું ન લાવી શકી. મને ખબર નથી પડતી કે આમ કેમ થયુ ? પર્વતને હું તોડી શકી પણ આ નેતરને મૂળમાંથી હચમચાવી પણ ન શકી !’

જો, આ રહું તેનું કારણ ! પર્વતને તું તોડી  શકી; કારણ કે તે અક્કડ હતો. નેતરને તું તોડી ન શકી કારણ કે તે નમી ગયુ હતું ! આ દુનિયામાં પર્વતની જેમ અક્કડ રહેનારાનાં પાણી ઉતારવાં સહેલાં છે; પરંતું નેતરની જેમ સ્વયં નમી જનારાનાં પાણી ઉતારવાં સહેલાં નથી !’

 સાગરની આ વાત સાંભળી નદી મૌન થઈ ગઈ ! આધ્યાત્મિક જગતમાં આ વાત ખુબ મહતવની છે. અક્કડ રહેનારાઓ હારી ગયા  છે અને ઝુકી જનારાઓ જીતી ગયા  છે !

                                                                 આચાર્ય વિજયરત્ન સુરિ

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

દુ:ખી થવાના દસ રસ્તા

(ક) તમારી જ વાત કર્યા કરો.

(ખ) તમારો જ વિચાર કર્યા કરો.

(ગ) ‘કદર’ ‘કદર’ ઝંખ્યા કરો.

(ઘ) કોઈ તમારી ઉપેક્ષા કરે તો બળ્યા કરો.

(ચ) કોઈનો યે વિશ્વાસ ન કરો.

(છ) તમારી ફરજમાંથી શક્ય ત્યાં સુધી છટકી જાવ.

(જ) બને તેટલી વાર “હું “’ શબ્દનો ઉપયોગ કરો.

(ઝ) બીજા માટે બને તેટલું ઓછું કરો.

(ટ) તમારી મહેરબાની બદલ લોકો આભાર ન માને તો સમસમ્યા કરો.

(ઠ) દરેક બાબતમાં તમારો જ કક્કો ઘૂંટ્યા કરો.

( શ્રી વિપુલ દેસાઈના બ્લોગ –સુરતી ઊંધિયું –માંથી સાભાર ) 

***************************************************

સુવિચાર

૧. આભને આધાર નથી છતાં એ ઊંચું છે કારણકે એ જેટલું ઊંચું છે તેટલું જ ચારે તરફ 

    ઝુકેલું છે.

૨.અસત્યોને સદા ઢાંકી રાખે એવો પડદો વણનાર વણકર હજુ સુધી તો વિશ્વમાં લાધ્યો નથી.

                                                                          — પુ. ચિત્રભાનુંજી

૩.બિંદુ ત્યારે જ મહાસાગર બને છે કે જે પળે તે સાગરનું બંધન સ્વીકારે છે.

૪.ચિંતાની ચકલીને તમારા મગજમાં  એ માળો બાંધે એ પહેલાં ઉડાડી મુકજો.