વિનોદ વિહાર

ગુજરાતી ગદ્ય-પદ્ય સર્જનની આનંદ યાત્રા

Monthly Archives: જુલાઇ 2012

(67) ૨૧મી સદીનું આશ્ચર્ય — મહાશતાવધાની જૈન મુનિશ્રી અજિતચંદ્રસાગરજી મહારાજ

Maha Shat-Avdhani Munishri Ajitchandra Sagarji

સામાન્ય રીતે કોઇ વ્યક્તિ પાંચ, સાત કે વધુમાં વધુ ૧૦ પ્રશ્નો કે વસ્તુઓ એકી સાથે યાદ રાખી શકે.પરંતુ મહા શતાવધાની જૈન મુનિશ્રી અજિતચંદ્રસાગરજી મહારાજ એકી સાથે શતાવધાન એટલે કે ૧૦૦ કરતાં વધુ પ્રશ્નો કે વસ્તુઓ યાદ રાખી શકે છે.વિશિષ્ટ શક્તિ ધરાવે છે.

એકવીસમી સદીના એક આશ્ચર્યસમ મહાશતાવધાની જૈન મુનિનું ગૌરવપ્રદ બિરુદ ધરાવનાર માત્ર ૨૨ વર્ષના જૈન મુનિશ્રી અજિતચંદ્રસાગરજી મહારાજ જગતના સેકન્ડ ફાસ્ટેસ્ટ ટૉકર પણ છે, તેઓ એક જ સેકન્ડમાં ૧૦થી ૧૧ થી યે વધુ શબ્દ બોલી શકે છે.

ગિનિસ બુક ઓફ વર્લ્ડ રેકોર્ડઝમાં તાજેતરમાં જ પુરવાર થયા પ્રમાણે એક મિનિટમાં ૧૬૩૪ એટલે કે એક સેકન્ડમાં ૨૬ થી ૨૭ અક્ષરો બોલવાની વિશિષ્ટ શક્તિ આ મુનિશ્રી ધરાવે છે.

શતાવધાન સિધ્ધિ

તેઓશ્રી એક સાથે ૧૦૦ પ્રશ્નોને યાદ કરીને ક્રમાનુસાર કે ઊલટા ક્રમમાં યાદ રાખી શકે છે.આવી વિરલ સિધ્ધિ એક યા બે સદીમાં કોઇ એક જ મહાપુરૂષને પ્રાપ્ત થતી હોય છે. જુદા જુદા ૧૦૦ વ્યક્તિઓ દ્વારા ૧૦૦ પ્રશ્નો પૂછવામાં આવે, તેને પાંચ મિનિટના વિરામ બાદ તમામ ૧૦૦ પ્રશ્નો ક્રમાનુસાર યાદ રાખી શકે છે.

તપ અને સંયમથી પ્રાપ્ત થયેલ સિદ્ધિ…

મુનિશ્રી અજિતચંદ્રસાગરજી મહારાજ મોટા ભાગે મૌનવ્રત પાળે છે. માત્ર ૧૨ વર્ષની ઉંમરે પૂજ્ય પંન્યાસશ્રી નયચંદ્રસાગરજી મહારાજ પાસે દીક્ષા લીધા બાદ ૧૦ વર્ષની સાધના તેમણે કરી છે. જૈન ધર્મના સાધુજીવનમાં આવતાં ધ્યાન, તપ, સંયમ અને ગુરુકૃપાને કારણે તેમણે આ સિદ્ધિ મેળવી છે.

જૈન ધર્મના ૪૫ આગમ પૈકી ૨૨ આગમના ૨૨,૦૦૦ શ્લોક જેમને કંઠસ્થ છે અને જેઓ આ શ્લોક ખૂબ જ ઝડપથી કડકડાટ બોલી શકે છે તેવા માત્ર બાવીસ વર્ષના શતાવધાની જૈન મુનિશ્રી અજિતચંદ્રસાગરજી મહારાજને ગિનેસ વલ્ર્ડ રેકૉર્ડ્સમાં દ્વિતીય સ્થાન પ્રાપ્ત થયું છે. આ પ્રકારનું બહુમાન મેળવનારા તેઓ પહેલા જ જૈન મુનિ છે અને ગિનેસ વલ્ર્ડ રેકૉર્ડ્સમાં વિશ્વના ‘સેકન્ડ ફાસ્ટેસ્ટ ટૉકર’ તરીકે તેમને સ્થાન આપવામાં આવ્યું છે. ‘સેકન્ડ ફાસ્ટેસ્ટ ટૉકર’ તરીકે ગિનેસ બુકમાં સ્થાન મેળવનારા મુનિશ્રી અજિતચંદ્રસાગરજી મહારાજસાહેબ એશિયામાં પહેલા સ્થાને છે, કારણ કે વિશ્વના ‘ફસ્ર્ટ ફાસ્ટેસ્ટ ટૉકર’ કૅનેડાના વતની છે.

અમેરિકામાં જૈના (જૈન અસોસિએશન્સ ઇન નૉર્થ અમેરિકા) નામની સંસ્થા છે એણે આ શતાવધાની મુનિશ્રીની આગમના ઝડપથી બોલાતા શ્લોકની ડી.વી.ડી. બનાવીને ગિનેસ વલ્ર્ડ રેકૉર્ડ્સને મોકલી હતી. એક કલાકની આ ડી.વી.ડી.માં મુનિશ્રી જે શ્લોક બોલ્યા હતા એની ગણતરી કરવામાં આવી હતી અને અમેરિકામાં રહેતા જૈન ધર્મના જાણકારોને બોલાવીને આ ડી.વી.ડી. વેરિફાય કરાવી હતી અને મુનિશ્રી જે બોલે છે એ સંસ્કૃતના શ્લોક છે કે નહીં એની ચકાસણી કરાવી હતી. છ મહિના સુધી ચાલેલી આ પ્રક્રિયા બાદ ગુરુવારે ગિનેસ બુકે આ સર્ટિફિકેટ તેમને આપ્યું હતું.

ઝડપથી બોલવાનો વિક્રમ પણ તેમના નામે અંકિત થઇ ગયો છે. ઝડપથી બોલવામાં વિશ્વમાં બીજા ક્રમે અને એશિયામાં પ્રથમ ક્રમ મેળવી ગિનિસ બુક ઓફ વર્લ્ડ રેકોર્ડઝમાં તાજેતરમાં જ સ્થાન મેળવ્યું છે. તેઓ એક મિનિટમાં ૧૬૩૪ એટલે કે એક સેકન્ડમાં ૨૬ થી ૨૭ અક્ષરો બોલી શકે છે.

મહાશતાવધાન સિધ્ધિ એ એક એવી વિરલ સિધ્ધિ છે જે સદી, બે સદીમાં કોઇ એક મહાપુરૂષને મળતી હોય છે. પાછલી સદીની શરૂઆતમાં ૧૨૫ વર્ષ પહેલાં મહાત્મા ગાંધીના આધ્યાત્મિક ગુરુ શ્રીમદ્ રાજચંદ્રજીએ શતાવધાન કર્યા હતાં. આ સિધ્ધિ શ્રીમદ રાજચંદ્ર મ.સા.ને મળેલ હતી. ચાલુ સદીમાં આ વિરલ સિધ્ધિ મુનિશ્રી અજીતચંદ્ર સાગરજી મ.સા. ધરાવે છે.

મુનિશ્રીએ ૧૨ વર્ષની વયે દિક્ષા ગ્રહણ કરી ત્યારબાદ ૭ વર્ષના મૌન અને ધ્યાન, યોગ, મંત્ર દ્વારા સતઆવધાન સિધ્ધિની સાધનાની શરૂઆત કરી.ત્રણ વર્ષ અગાઉ મુનિશ્રી અજિતચંદ્રસાગરજી મહારાજ દ્વારા ૨૦૦૯માં અમદાવાદના ટાઉન હૉલમાં ૨૦૦૦ લોકોની ઉપસ્થિતિમાં પ્રથમ વખત સતઆવધાન સિધ્ધિનો પ્રયોગ કરવામાં આવ્યો હતો જેમાં એમણે તેમની સ્મરણશક્તિનો પ્રભાવ દર્શાવ્યો હતો.આવા પ્રયોગમાં અલગ અલગ ૧૦૦ વ્યક્તિઓ દ્વારા ૧૦૦ પ્રશ્નો પૂછવામાં આવ્યા હતા જેને પાંચ મિનિટના વિરામ બાદ મુનિશ્રી દ્વારા ક્રમાનુસાર યાદ રાખી બતાવવામાં આવ્યા હતા. તેઓ ઉલટા ક્રમમાં પણ યાદ રાખી શકે છે. અને વચ્ચેથી પૂછો તો પણ યાદ રાખી શકે છે. એટલું જ નહીં પરંતુ એ પૂછાયેલા પ્રશ્નો એમ ને એમ છ મહિના સુધી યાદ રાખી શકે છે.આ પ્રયોગ પછી એમને શતાવધાનીના બિરુદથી નવાજવામાં આવ્યા હતા.

ત્યારબાદ મુનિશ્રીએ ૪થી માર્ચ ૨૦૧૨ના રોજ મુંબઇમાં માટુંગામાં આવેલા સન્મુખાનંદ હોલમાં દેશના ટોચના વૈજ્ઞાનિકો, રિલાયન્સ, હિન્દુજા, ટોરેન્ટ, બિરલા જેવા કોર્પોરેટ મહારાથીઓ, ન્યુરોસર્જનો સહિત ૩૦૦૦ લોકોની હાજરીમાં બીજો પ્રયોગ કર્યો હતો.આ પ્રયોગમાં શ્રોતાઓમાંથી ૨૦૦ પ્રશ્નો પૂછવામાં આવ્યા હતા.. જેને મુનિશ્રીએ બધાના આશ્ચર્ય વચ્ચે અક્ષરશઃ યાદ કરી બતાવ્યા એટલું જ નહીં, મુનિશ્રી ઝડપથી બોલવાનો રેકોર્ડ પણ પોતાના નામે કરી ચૂક્યા છે. તેઓ એક મિનિટમાં ૧૬૩૪ અને એક સેકન્ડમાં ૨૬ થી ૨૭ અક્ષરો બોલી શકે છે. ઝડપથી બોલવામાં તેઓ વિશ્વમાં બીજા ક્રમે અને એશિયામાં પ્રથમ ક્રમ મેળવીને તાજેતરમાં જ ગિનિસ બુક ઓફ વર્લ્ડ રેકોર્ડઝમાં સ્થાન મેળવીને ભારતનું ગૌરવ વધાર્યું છે.

૧૨૫ વર્ષ પહેલાં મહાત્મા ગાંધીના આધ્યાત્મિક ગુરુ શ્રીમદ્ રાજચંદ્રજીએ શતાવધાન કર્યા પછી મુંબઈમાં પહેલી વાર મહાશતાવધાન થયું હતું.આ કાર્યક્રમ બાદ મુનિશ્રી અજીતચંદ્ર સાગરજી મ.સા.ને મહાશતાવધાની તરીકે ઓળખવામાં આવે છે.

આવતા પાંચ વર્ષમાં વિશ્વભરમાં તેઓ આ પ્રકારના સતઆવધાન કાર્યક્રમના આયોજનની પૂર્વ તૈયારીઓ ચાલી રહી છે. આ મહાજ્ઞાન પોતા પૂરતું સીમિત ન રાખીને વિદ્યાર્થીઓમાં વ્હેંચવાના ભાગરૂપે તેઓ શિબિરોનું આયોજન કરે છે. વિદ્યાર્થીઓમાં એકાગ્રતા અને ઇન્ટેલિજન્ટ ક્વોશન્ટ (આઇ.ક્યુ.) વધે,યુવાનોને નવી દિશા મળે અને અભ્યાસમાં રૂચિ આવે તે માટે તેઓ સાધના શિબિરોનું આયોજન કરે છે.તેઓશ્રીની સાધના શિબિરોમાં વિદ્યાર્થીઓ ખુબ જ ઉમંગથી ભાગ લેતા હોય છે.આજ સુધીમાં તેઓશ્રીએ ૮૦૦૦ વિદ્યાર્થીઓને સાધના કરાવી છે.

__________________________________

મુનિશ્રીના મુંબઈના મહાશતાવધાન પ્રયોગનું વિડીયો દર્શન

તા.૪થી માર્ચ,૨૦૧૨ના રોજ મુંબઈમાં શન્મુખાનંદ હોલમાં યોજાએલ મુનિશ્રી અજીતચંદ્ર સાગરજી મ.સા.ના મહાશતાવધાનના પ્રયોગને આવરી લેતા યુ-ટ્યુબ વિડીયોની લીંક જૈન ધર્મના ઊંડા અભ્યાસી હ્યુસ્ટનના મારા મિત્ર શ્રી હસમુખભાઈ દોશીએ એમના ઈ-મેલમાં મને મોકલેલ એને એમના આભાર સાથે નીચે મુકેલ છે.

ધીરજપૂર્વક અને ધ્યાનથી તમે આ થોડા લાંબા પ્રયોગને વિડીયોમાં બતાવેલ એમની સાધના શક્તિને નજરે જોઈને તમો મન્ત્રમુગ્ધ થઇ જશો.તમોને મુનિશ્રી અજીતચંદ્ર સાગરજી મ.સાએ પ્રાપ્ત કરેલ મહાશતાવધાનની અપૂર્વ સિદ્ધિ માટે એમના પ્રત્યે માન અને અહોભાવની લાગણી થશે.

વિડીયોના અંતે મુનિશ્રીએ આપેલ પ્રવચન પણ મનનીય છે.

Maha Shat-Avdhan by Munishri Ajitchandra Sagar-ji on 4th March, 2012 at Shanmukhanand Hall, Mumbai

______________________________________

What Does Shatavdhan Mean?

SHATAVDHAN (shat-100 + avdhan) is a power to cover 100 different activities in a single act of attention.

One who reaches the stage of SHATAVDHAN is called SHATAVDHANI. A SHATAVDHANI can remember 100 different things in a 100 different orders, spoken by 100 different people. This unbelievable power has been attained by a handful of people over the human history.

This is possible only when one is able to have self control in order to experience the power of soul. According to the modern scientific belief,a normal human being utilizes hardly 2 % to 3 % of his total mental potential.

A SHATAVDHANI can uilize maximum of mental potential which demands immense concentration.

That is the reason that history can name only countable SHATAVDHANIS.

A common man can hear and remember serially 3 or 4 times at a time. This is based on conscious mind.

Anyone with exceptional intellect can extend this number from 3-4 to 10-11. However , taking this number to 100 is beyond the power of most of the people. SHATAVDHAN is the ability to receive, retain and retrieve 100 activities accrued through eyes or ears during one period of attention and carried from the conscious to the subconscious and further to PRAGNA and perhaps even to ATMA.

PRESENTING YOU A SINGLE PROGRAMME BASED ON SHATAVDHAN CONTAINING NOT 100 BUT 200 VARIOUS AVDHANS-VIZ

1) SAMYUNKTA AVADHAN

In this type of avadhan 8 different tasks are performed simultaneously (all together).

The task may include counting the ringing bells, solving two mathematical questions ,also detecting the throwing balls on the body on a particular bell, showing 4 different things. And to distract the SHATAVDHANI’s attention music is played in loud voice during the tasks are performed.

Here is the beauty THE SHATAVDHANI is liable to attend all these tasks with correct figure.

2) VYUTKRAMA AVADHAN

In this avadhan, any person from the audience quotes his desired things on a particular number which he wishes.These is carried on with many questionaries. AVDHANKAR has to arrange them in serial and reproduce in front of the audience.

3) SHIGRA AVADHAN

In this avadhan, 5 different things or 5 different pictures are presented before the AVDHANKAR for a second. And AVDHANKAR is bounded to answer all these in a correct order.

FEW IMPORTANT HIGHLIGHTS

1) Very few peoples are able to perform 200 avadhans.

2) First time in recent history in Mumbai.

3) Without training (re-incarnation) only with guru kripa.

4) Earlier are through training in certain co-relation tricks of mind power.

5)100 is done earlier.

6)200-in ascending,decending or randam order.(number-question/question-number)

7)30 avadhans-random order of questions. Avadhani will recite all questions in proper serial order.

These and many more varities are shown in a single programme of 200 AVADHANS based on SHATAVDHAN.

In this programme audience plays a fruitful role.

(Source:  www.shatavdhan.com blog )

(66) જે પરિસ્થિતિને બદલી ન શકો તેને સ્વીકારી લો લેખક-શ્રી કૃષ્ણકાંત ઉનડકટ

 

 
જે પરિસ્થિતિને બદલી ન શકો
 
 
તેને
 
 
સ્વીકારી લો 
 
 
 
 
 
 
 
 
 
 
 
આપણે જિંદગીના ઇરાદા મુજબ ચાલવાનું હોય છે,
 
આપણે જિંદગીના પડકાર ઝીલવાના હોય છે. સમય
 
કરવટ બદલતો રહે છે, એની આદત જ અવળચંડી છે.
 
ઘણી પરિસ્થિતિ જ એવી હોય છે જેને આપણે ટાળી
 
શકતાં નથી. જે સ્થિતિ, સમય અને સંજોગને તમે બદલી
 
શકો તેમ હોય તેને તમારી ઇચ્છા અને આવડત મુજબ
 
બદલો અને જે પરિસ્થિતિને તમે બદલી શકો તેમ ન હોય
 
તેને હસતા મોઢે સ્વીકારી લો.
 

જિંદગી દરેક પળે પરીક્ષા લેતી રહે છે. આપણને જવાબ
 
આવડતા હોય ત્યારે આપણને આ પરીક્ષા સરળ અને
 
સહેલી લાગે છે. અઘરા સવાલ આપણને આકરા લાગે છે.
 
 આકરા એટલા માટે જ લાગતા હોય છે, કારણ કે તેનો
 
જવાબ અને ઉકેલ આપણી પાસે હોતો નથી. આવા
 
 આકરા સવાલોના ઉકેલ શોધવા પડે છે. દરેક તાળાની
 
 ચાવી હોય છે. આપણે સાચી ચાવી શોધીને લગાડવાની
 
 હોય છે.
 

 
 પરીક્ષા આપવાનું ક્યારે પૂરૂ થશે? પિતાએ હસીને કહ્યું
 
 કે, જિંદગી છે ત્યાં સુધી આ બધું ચાલતું જ રહેવાનું છે.
 
અત્યારે તું ભણે છે, તારી પાસે સિલેબસ છે, પાઠયપુસ્તકો
 
છે, ગાઈડ છે, અને સૌથી મોટી વાત તો એ કે તને ખબર
 
છે કે તારી પરીક્ષા ક્યારે છે. ભણવાનું પૂરૂ થશે પછી
 
રીયલ લાઈફ શરૂ થશે. ત્યારે પુસ્તકો કે ગાઈડ નહીં હોય,
 
પરીક્ષાનું ટાઈમટેબલ નહીં હોય, અચાનક જ તમારી
 
સામે સમસ્યા અને સંજોગ આવી જશે અને તમને કહેશે કે
 
લ્યો હવે આ દાખલો ઉકેલો. તમારે દરેક પરિસ્થિતિ માટે
 
તૈયાર રહેવાનું હોય છે.
 

 
 
આપવા જ પડતાં હોય છે. જિંદગીનું પણ એવું જ છે.
 
અમુક પ્રશ્નોના જવાબ તમારે આપવા જ પડે છે. યુ હેવ
 
નો ઓપ્શન. તમારે પાસ થવાનું છે. જિંદગીમાં તમારે
 
સુખી થવાનું જ છે. જિંદગીની કેટલીક પરિસ્થિતિ સામે
 
લડવાનું હોય છે અને જીતવાનું હોય છે. પણ મોટાભાગે
 
માણસ લડવાનું છોડી રડવાનું ચાલુ કરી દે છે. આપણે
 
ફરિયાદો કરવા લાગીએ છીએ. આવું થોડું હોય? મારી
 
સાથે જ કેમ આવું થાય? મારો કંઈ જ વાંક નથી.

 
જવાબદારી અને મુશ્કેલી શા માટે આવી? આવા પ્રશ્નોનો,
 
આવી ફરિયાદોનો અને કેટલાક ઉધામાઓનો કોઈ
 
મતલબ હોતો નથી. સવાલો ન કરો, જવાબો શોધો. તમે
 
જવાબ શોધશો તો મળી જ જશે. કોઈ સમસ્યા એવી
 
નથી જેનો ઉકેલ ન હોય, ઘણી વખત આપણે જ ઉકેલથી
 
ભાગતાં હોઈએ છીએ.
 

 
 બળવાખોર છે. જો અને તો, યસ અને નો, આ પાર કે
 
 પેલે પાર, એક ઘા ને બે કટકા કરી દેવાના વિચાર આવે
 
છે. જિંદગી સામે આપણે શીંગડાં ભરાવીએ છીએ. માથાં
 
પછાડીએ છીએ. ઘણી વાર શીંગડાં તૂટી જાય પછી જ
 
પરિસ્થિતિ સ્વીકારીએ છીએ. કોઈ પરિસ્થિતિને હાર્યા પછી
 
સ્વીકારવા કરતાં લડયા વગર જ સ્વીકારવામાં સાચી
 
 જીત હોય છે. માણસ કેટલો સમજુ અને ડાહ્યો છે તેનું
 
માપ તેની વાતો પરથી નહીં પણ તે જિંદગીના સંજોગોને
 
 કેવી રીતે લ્યે છે, કેવી રીતે ઉકેલે છે તેના પરથી નીકળે
 
છે. ઘણાં લોકો શિખામણ આપવામાં શાણા હોય છે. પણ
 
 વાત જ્યારે પોતાની આવે ત્યારે પાણીમાં બેસી જતાં
 
હોય છે. યાદ રાખો, તમારા લોકો તમે શું કહો છો તેના
 
પરથી નહીં પણ તમે શું કરો છો તેના ઉપરથી તમારૂ
 
મૂલ્યાંકન કરે છે.
 

 
 પડતા હોય છે. જિંદગી ક્વિઝ નથી કે એક સવાલના
 
ચાર જવાબ હોય. જિંદગીની ક્વિઝ તો એવી જ હોય છે
 
જેમાં માત્ર સવાલ જ હોય છે, જવાબ હોતા નથી. તમારે
 
પહેલાં જવાબો ઊભા કરવા પડે છે. અને પછી તમારે
 
શ્રેષ્ઠ જવાબ પસંદ કરવો પડે છે. તમારા સુખ માટે
 
તમારા વિકલ્પો ઊભા કરો. અને પછી એમાંથી શ્રેષ્ઠ
 
વિકલ્પ પસંદ કરો. દરેક વખતે જવાબ સાચો જ પડે એવું
 
જરૂરી નથી. જો જવાબ ખોટો પડે તો એને પણ સ્વીકારો.

 
વ્યક્તિ એવી છે જેણે ભૂલ નથી કરી? ભૂલને ભૂલી નથી
 
શકતો એને જીત દેખાતી જ નથી. તમારૂ જીવન તમારે
 
જ જીવવાનું છે. પરિસ્થિતિથી ભાગો નહીં, પરિસ્થિતિથી
 
ભાગવા જશો તો એ તમારો પીછો કરશે. મોઢું
 
સંતાડવાવાળાની ઓળખ ક્યારેય મળતી નથી.
 

 
 કારણ કે જે પરિસ્થિતિ ઊભી થઈ હોય તેને આપણે
 
સ્વીકારી નથી શકતા. આપણને આપણી પરિસ્થિતિ
 
આપણી ઇચ્છા મુજબ જોઈતી હોય છે, જે વ્યક્તિ દરેક
 
પરિસ્થિતિને પોતાની ઇચ્છા મુજબ વાળી શકે છે એ ઓછો
 
 દુઃખી થાય છે.
 
 
 
 ન દઈ શકો, તમારે થોડાક આગળ ચાલવાનું હોય છે
 
અને નવા રસ્તાઓ શોધવાના હોય છે. પણ આપણે
 
આગળ વધતા નથી, ત્યાં જ ઊભા રહી રસ્તાઓ શોધતા
 
રહીએ છીએ. અને રસ્તો ન મળે ત્યારે બેસી જઈએ છીએ.
 
રસ્તા ઊગતા નથી, રસ્તા બનાવવા પડે છે.

 
 
છે. એક જ જગ્યાએ ચપ્પટ બેઠા રહીને તમે આગળ વધી
 
ન શકો. એક માણસનો જન્મ જંગલમાં થયો હતો. મા
 
બાપ એક ઝૂંપડું બનાવીને જંગલમાં રહેતાં હતાં.
 
જંગલમાં જ એ બાળક મોટો થયો. બીજો એક યુવાન
 
ફરતો ફરતો જંગલમાં આવ્યો. બંને મળ્યા. તેણે કહ્યું કે હું
 
તો જંગલની બહારથી આવ્યો છું. તને ખબર છે જંગલની
 
બહાર એક શહેર છે.
 
 

 
 પેલાએ કહ્યું કે ના, હું અહીં સુખી છું. બીજા યુવાને કહ્યું કે
 
એ તો તારી માન્યતા છે. તું જ્યાં છે તેને જ તેં સુખ માની લીધું છે. બીજું જોયા વગર તું નક્કી કેમ કરી શકે
 
કે એ દુઃખ છે કે અત્યારે છે તેનાથી વધારે સુખ છે? ઘણી
 
વખત આપણે જે સ્થિતિમાં હોઈએ એને જ સુખ માની
 
લેતા હોઈએ છીએ અને એટલે જ કોઈ પ્રયત્ન નથી
 
કરતાં.
 

 
 શકે તો તને ખબર જ નહીં પડે કે બીજી કોઈ દુનિયા
 
પણ છે. ઘણી વખત આપણે જિંદગીમાં પણ આવું જ
 
કરતાં હોઈએ છીએ. જરૂરી નથી કે બહાર સુખ જ હોય
 
પણ બહાર શું છે એ જાણવાનો જ પ્રયાસ કરતાં નથી
 
અને બહાર દુઃખ જ છે એમ માની લઈએ છીએ. અંદર
 
પુરાઈ રહીએ છીએ અને બહારની દુનિયાને વખોડતાં
 
અને વગોવતાં રહીએ છીએ.
 

 
 થઈ ગયા છો? ગૂંગળામણ લાગે ત્યારે બહાર નીકળીને
 
જોવું એ પણ સુખી થવાનો રસ્તો છે. તમારી માન્યતાઓ
 
અને તમારા પૂર્વગ્રહોની બહાર પણ એક દુનિયા વસે છે.
 
અંધારામાં જ રહેશો તો અંધારૂ પણ ફાવી જ જશે, લાંબો
 
સમય અંધારામાં રહેનારને પ્રકાશનો પણ ડર લાગવા
 
માંડે છે. ઘણા લોકોને દુઃખની પણ એટલી બધી આદત
 
પડી ગઈ હોય છે કે એ સુખની નજીક જતાં પણ ડરે છે.
 
તમારે બહાર નીકળવું પડે છે, તમારૂ સુખ તમારે જ
 
શોધવાનું હોય છે.
 

આંખો મીંચીને દરેક પરિસ્થિતિને તમે બદલી શકો છો,
 
 તેને બદલો. એ જ પરિસ્થિતિને સ્વીકારો જેને તમે
 
 બદલી નથી શકતા અને જેને બદલી નથી શકતા તેને
 
તમારી અનુકૂળ બનાવવાનો અને અનુકૂળ બનવાનો
 
પ્રયાસ કરો. સુખને પણ તમારે જીતવાનું હોય છે. તમારૂ
 
સુખનું નિર્માણ તમે જ કરી શકો. સુખ સામે આંખ બંધ
 
કરશો તો તમને એવું જ લાગશે કે સુખ છુપાઈ ગયું છે.
 
સુખ ક્યારેય છુપાયેલું હોતું જ નથી, આપણે ફક્ત ચેક
 
કરતાં રહેવું પડે છે કે આપણી આંખો ખુલ્લી છે કે બંધ?
 

છેલ્લો સીન
 
 :
 
 એ પોતે સાહસિક હોવાનો દાવો કરી શકે નહીં. -રોશે
 
 ફુકાલ્ડ
 
___________________________________________________________________________ 
 

ગુજરાતી સાહિત્ય/પત્રકાર ક્ષેત્રે ઉનડકટ દંપતિ

કૃષ્ણકાત અને જ્યોતિ 

વડોદરામા વસતુ આ યુગલ સાથે પહેલી વખત વાત કરો તો શુધ્ધ ગુજરાતી ઉચ્ચારણ અને મૄદુભાષી વાતો ગમી જાય તેનુ કારણ સ્પષ્ટ ત્રણેય સ નું ઉચ્ચારણ અને બ્રાહ્મણ કે નાગર કુટુંબમા વાત કરતા હોય તેમ જણાય. મારો તેમની સાથેનો પરિચય આકસ્મિક જ.. મળવા ગયો હતો વિશ્વજીતને અને દિવ્યભાસ્કર ની પત્રકાર દિપ્તીએ અમારા સાહેબને મળીને જાવ કહેતા તેમની ઓફીસમા પહેલુ પગથીયું મુક્યું ત્યાં કૃષ્ણકાંતભાઇ બોલ્યા ’વિજયભાઇ તમારા ઇ મેલ મને મળે છે તેથી પરોક્ષરીતે હું તમને જાણુ છુ. પરિચયના પુષ્પોતો આમ જ બે ક્ષણોમા ખીલી ગયા. એઓ તેમનુ કામ કરતા જતા હતા અને મને વેબપેજ વિશે પુછતા જતા હતા.

શનીવારે ઘરે આવોનો પ્રેમાળ આવકાર આપતા તેમની વ્યસ્તતામાં ઓફીસે મઝા નહીં આવેનો સંકેત કર્યો અને હું છુટો પડ્યો. એમના વિશે જાણવાનાં મારા પ્રયત્નોમાં તેમનો ભારંભાર વિનય છલકાતો અને કહેતા હું તો ગમતાનો ગુલાલ કરુ છું

કૃષ્ણકાંતભાઇનો પત્રકારીત્વ ક્ષેત્રે અનુભવ ૨૫ જેટલા વર્ષોનો (એટલે કે બહોળો) છે જેમા રાજકોટ અને દિલ્હીમાં સ્પેસિયલ કરેસ્પોન્ડન્ટ તરીકે ચિત્રલેખામાં કાર્ય રત હતા ત્યાર બાદ ગુજરાત સમાચારનાં તંત્રી તરીકે વડોદરામાં કાર્યરત હતા. હાલ દિવ્યભાસ્કર વડોદરા આવત્તિનાં તેઓ તંત્રી છે. દિવ્યભાસ્કરની કળશ પૂર્તિમાં ચિંતનની પળે નામની કોલમ લખે છે. જે અમેરિકાની દિવ્યભાસ્કર પુર્તિમાં પણ વાંચવા મળે છે. જેનો હું નિયમિત વાચક પણ છું.ગુજરાતી સાહિત્યનાંએક અનોખા પ્રકાર જેવી જીવંત પ્રેમકથાઓ “અહા જિંદગી” નામના માસિક માટે નિયમિતરુપે લખે છે. આ વાર્તાઓની મઝા એ છે કે વાર્તા સત્ય ઘટના હોય અને તેમની જે તે પાત્રોની તસ્વીરો પણ સાચી અને સચોટ રીતે રજુ કરતા હોય છે. ”ચિંતનની પળ” પુસ્તક સ્વરુપે પીઢ અને ચિંતક ગુણવંત શાહ્નાં હસ્તે વિમોચીત થઇ

જ્યોતિ બહેને પણ ચિત્રલેખામાં “વાચા” નામની કોલમ છેલ્લા ઘણા વર્ષો થી લખે છે અને સ્પેસીયલ કરસ્પોન્ડટ તરીકે રોજબરોજ ની ઘટનાઓનું રીપોર્ટીંગ કરતા હોય છે. તેમનું નોંધ પાત્ર રીપોર્ટીંગ ગોધરા ટ્રેન દુર્ઘટના, અક્ષરધામ ઉપરનો હુમલો, કચ્છનો ધરતીકંપ વિગેરે નોંધનીય છે તેમની કોલમ વાચાને પણ પુસ્તક સ્વરુપ મળેલું છે.

તેમનો બ્લોગ છે http://krishnkantunadkat.blogspot.com/

Krishnkant Unadkat,
Executive Editor,
SANDESH Daily,
Vastrapur,
AHMEDABAD-380015.
Cell :09825061787.
e-mail :

 

 

તેમનો સંપર્ક ઇમેલ

kkantu@gmail.com,

jyotiu@gmail.com

પરિચય સૌજન્ય-http://gujaratisahityasangam.wordpress.com/2009/12/27/krishnakant-unadkat/



 

(65) ધન અને સત્તા : આખરે કેટલી ભૂખ? લેખક- શ્રી કાંતિ ભટ્ટ

માણસ ઢસરડા કરી કરીને ધન ભેગું કરે છે પછી એ ધનના કે કીર્તિના ઢગલા ભોગવવાની ફૂરસદ મળે છે? ભારતના લોકોને ફૂરસદનો આધ્યાત્મિક ઉપયોગ કરતાં આવડતું.આજે પશ્ચિમની ધન ઉસેદવાની વૃત્તિ આપણને ય આભડી છે.

આજકાલ યુરોપમાં એક પુસ્તકે સપાટો બોલાવ્યો છે.જગતભરમાં આજે ધન,સત્તા અને કીતિના ઢગલા ઉસરડવામાં માણસો ગાંડા થઈ ગયા છે. તેથી, રોબર્ટ સ્કીડેલસ્કી અને તેના પુત્રે ભેગા મળીને ૨૧મી સદીમાં જગતભરમાં ધન, કીતિ, સત્તા અને વૈભવની ભૂખ અને વડચકા વિશે પુસ્તક લખ્યું છે. નામ લાંબું છે. ‘‘હાઉ મચ ઈઝ ઈનફ? ધ લવ ઓફ મની એન્ડ ધ કેઈસ ફોર ધ ગુડ લાઈફ’’ રોબર્ટ સ્કીડેલસ્કી હાવર્ડ યુનિ.નો સ્કોલર અને ફિલોસોફર છે.

તે જાણે છે કે અઢળક ધન કે વૈભવની ભૂખ માણસના સ્વભાવમાં ગળથૂંથીમાં આવે છે.ઈટ ઈઝ રૂટેડ ઈન હ્યુમન નેચર.ઓશો રજનીશને જો ૧૦૧ રોલ્સ-રોયસની ભૂખ હોય તો મુકેશ અંબાણીને થોકડાબંધ મોટરકારનો મોહ હોય તેમાં તેનો વાંક નથી.

માનવ સ્વભાવમાં જ છે કે આપણી પાસે જે છે તેનાથી સંતોષ નથી. આપણે હંમેશાં કમ્પેર કરીએ છીએ. નાનું બાળક પણ બીજા બાળકને કહે છે ‘‘તારી ઢીંગલી કરતાં મારી ઢીંગલી મોટી છે.’’ અને મૂડીવાદમાં તો ધનપતિ થવાની હરીફાઈ છે. ૧૫ વર્ષ પહેલા લંડનનું ટાઈમ્સ જ કરોડપતિનું લિસ્ટ પ્રગટ કરતું હતું હવે ફોર્બસ કરે છે.

એટલે અઝીમ પ્રેમજી,કિશોર બિયાની અને ઉદય કોટકની સરખામણી થાય છે.દેશો એકબીજાને જી.ડી.પી. અથૉત્ ગ્રોસ ડુમેસ્ટિક પ્રોડ્કટની એટલે કે કાચી રાષ્ટ્રીય પેદાશની સરખામણી કરે છે. ‘‘હાઉ મચ ઈઝ ઈનફ’’ના લેખક કહે છે કે આ જી.ડી.પી.માં સંતોષની માત્રા ગણાય છે?માણસ ઢસરડા કરી કરીને અને સગાભાઈ કે બાપને દગો દઈ ધન ભેગું કરે છે પછી એ ધનના કે કીતિના ઢગલા ભોગવવાની ફૂરસદ મળે છે?એથેન્સ (ગ્રીસ) અને રોમ (ઈટાલી)ના નગરવાસીઓને ૧૦૦ વર્ષ પહેલાં શીખવાતું કે માત્ર બે કોળિયા ખાઈ શકાય અને ત્રીજો કોળિયો ભૂખ્યાને આપી શકાય એટલું કમાઓ અને પછી લીઝર ભોગવો.બાળકોને જ વાઈઝ યુઝ ઓફ લીઝર શીખવાતું.

ફૂરસદનો કેમ મજેદાર ઉપયોગ કરવો તેના પાઠ ભણાવાતા.બન્ટ્રાર્ડ રસેલ અને તે પછી મહાન અર્થશાસ્ત્રી કેઈન્સે ૧૯૩૦માં કહેલું કે યુરોપના માણસે સપ્તાહમાં પંદર કલાક જ કામ કરવું.તો પછી બાકીના કલાક શું કરવું? આ માટે તે લોકોએ ભારતીય ઋષિઓ, ફિલોસોફરો અને ગામડાના ખેડૂતો પાસેથી પાઠ ભણ્યા. ભારતના લોકોને ફૂરસદનો શ્રેષ્ઠ આધ્યાત્મિક ઉપયોગ કરતાં આવડતું. પણ આજે?

આજે પશ્ચિમની ધન ઉસરેડવાની વૃત્તિ આપણનેય આભડી ગઈ છે.ઉપર આપણે ધનપતિઓમાં ઉદય કોટક નામ આપ્યું છે. કોટકોમાં એટલો બધો કૌટુબિંક પ્રેમ હતો કે ઉદય કોટકના ફેમિલીના ૬૦ જેટલા સભ્યો મુંબઈમાં સાથે રહેતા. ઘણી, વખત સાથે જમતા, જમે છે. આ લોહાણા-કોટકનું કલ્ચર પણ આથમતું જાય છે.

કોઈ ધનપતિની પત્નીને પતિ સાથે જમવા મળતું નથી.અરે લંડનના ઓબ્ઝર્વરમાં લખ્યું છે કે અમારે ત્યાં ઊલટી સ્થિતિ છે. પત્નીને તો પ્રેમ કરવાનો સમય નથી પણ તેને બેડરૂમમાં સંવનનનો પણ સમય નથી. તેનો પતિ યંત્રવત તેની વાસના સંતોષે છે ત્યારે કોઈ મોટી કંપનીમાં ચીફ બનેલી તેની પત્ની સૂતી સૂતી કંપનીના વાર્ષિક અહેવાલ કે બીજાં પુસ્તકો વાંચે છે!

આપણે ચિંદમ્બરમ ચેટ્ટીયાર અને પ્રણવ મુખરજીની સત્તાની ભૂખ જોઈ. રાષ્ટ્રપતિ જેવું ઉચ્ચ પદ મેળવવામાં જો રૂ.૫ કરોડ ખર્ચીને મત મેળવી શકાતો હોય તો કોઈ પણનો મત મેળવવા તત્પર થાય તેટલી આ ભૂખ છે. દિલ્હીના પ્રધાનોની ધન-સત્તાથી ભૂખ તમે જોઈ છે, પણ આપણે સોનિયા ગાંધીને તો દૂધે ધોયેલાં માનીને તેને સ્પર્શ કરતાં નથી. તેની ભૂખ ધનની એટલા માટે હશે કે ભારતમાં ધનથી સત્તા ખરીદી શકાય છે. ૨૦૧૪ પછી પણ સોનિયાના હાથમાં જ સત્તા હશે કારણ કે એ કળા તે સાસુજી પાસેથી શીખી છે.વળી વિરોધપક્ષ વેરવિખેર છે અને ધન-સત્તાથી ભૂખ સંતોષવા સોનિયાની પગચંપી કરવા તૈયાર હશે.

ઓક્ટોબર-૧૯૯૧માં હું દિલ્હી ગયેલો ત્યારે ‘ચાવી’શિર્ષકવાળી એક કવિતા કોઈ મશ્કરાએ લખીને સાંસદોને મોકલેલી. કવિતાનો અનુમાનવાળો ભાવાર્થ હતો કે ‘‘સોનિયા આસપાસ ભૂખ્યા કોંગ્રેસીઓની કતાર એટલા માટે લાગે છે કે સ્વીસ બેન્કના ખાતાની ‘ચાવી’ સોનિયા પાસે છે.’’ સ્વિસ બેન્કની વાતના પુરાવા મળતા નથી. સોનિયા પાસે કેટલું ધન છે? આમ જુઓ તો ધનથી તો સોનિયાને કશી પડી નથી. તેને ધનનો મોહ નથી.

આઠ વર્ષ પહેલાનાં આંકડા મને સત્તાવાર મળ્યા છે.સોનિયા પાસે દિલ્હીમાં ‘‘પોતાને નામે ઘર નથી.પણ ઈટાલીમાં રૂ. ૧૩ લાખનું (!)ઘર છે. રૂ. ૨૧ લાખની જવેલરી છે. (જે આજના સોનાના રૂ. ૩૧૦૦૦ના ભાવે રૂ. ૫ કરોડની થાય) તે સમયે તેની પાસે નગદ સોનું રૂ. ૧૧ લાખનું હતું. (આજે કેટલાનું?) તેણે જમાઈ વડેરાને ત્યારે રૂ. ૫ લાખ ઉછીના આપેલા. સેવિંગ્ઝ બેન્કમાં રૂ. ૮૫૦૦૦ છે. આજે કઈ કઈ બેન્કના કેટલા? યુનાઈટેડ કોમર્શિયલ બેન્કમાં ૨૦ લાખની ફિકસ ડિપોઝિટ, રૂ. ૧૨ લાખના રિઝર્વે બેન્કના બોન્ડ, રૂ. ૫૨૮૦૦ના યુનિટ ટ્રસ્ટના બોન્ડ, નેશનલ સેવિંગ્ઝ રકમ, પબ્લિક પ્રોવિડન્ટ ફંડના રોકાણ તો ઠીક પણ સોનિયા સ્ટોક માર્કેટમાં પણ ઈન્વેસ્ટ કરતી હતી. વેસ્ટર્ન ઈન્ડિયા ટેનરીઝ અને મારુતિના શેરો હતા.

સુલતાનપુર નજીક દેરા મંડીમાં રૂ. ૨ લાખનાં ખેતરો છે જે આજે બે કરોડમાંય ન મળે. હવે કંઈ બાકી રહે છે? અરે! ખરું તો હવે બાકી છે. પણ સોનિયાજી! કેટલી સત્તા? કેટલું ધન – ઈઝ ઈનફ?

-કાન્તિ ભટ્ટ

_____________________________________________________________

(આભાર-શ્રી ભુપેન્દ્ર જેસરાની – ઈ-મેલ તા.જુલાઈ ૩,૨૦૧૩ )

(64) અમેરિકાનો સ્વાતંત્ર્ય દિવસ- ફોર્થ ઓફ જુલાઈ

તા.૪થી જુલાઈ, ૧૭૭૬ના રોજ સ્વાતંત્ર્યના ઘોષણા પત્ર (Declaration of Independance ) નો ઠરાવ અમેરિકાની ફેડરલ કોન્ગ્રેસમાં પસાર થયા  પછી જુદા જુદા રાજ્યો એકત્ર બનીને બ્રિટીશ હકુમતથી મુક્ત બનીને  અમેરિકાનો એક સ્વતંત્ર સંયુક્ત રાષ્ટ્ર (United States of America) તરીકે જન્મ થયો .

ત્યારથી આ તારીખે અમેરિકનો એને સ્વાતંત્ર્ય દિવસ તરીકે ઉત્સાહપૂર્વક મનાવે છે.આ દિવસે પરેડો,પ્રવાસો,મિજબાની તથા રોશની અને દારૂખાનું વિગેરે વિવિધ પ્રકારના કાર્યક્રમોનું આયોજન થાય છે અને એક રાષ્ટ્રીય તહેવાર સ્વરૂપે અમેરિકામાં એની ધમાકેદાર ઉજવણી કરવામાં આવે છે.

જિજ્ઞાસુ વાચકોને અમેરિકાના ૪થી જુલાઈના આ સ્વાતત્ર્ય દિવસના ઇતિહાસ વિષે,વિકિપીડીયાની નીચેની અંગ્રેજી લીંક ઉપર, વિગતવાર માહિતી મળી શકશે.

http://en.wikipedia.org/wiki/Independence_Day_(United_States)

એના સ્વાતંત્ર્યના ઘોષણા પત્ર બાદના માત્ર ૨૩૬ વર્ષના ટૂંકા ઇતિહાસમાં અમેરિકાએ દરેક ક્ષેત્રે અનન્ય પ્રગતિ સાધીને આજે વિશ્વમાં એક સમૃદ્ધ સુપર પાવર ધરાવતા દેશ તરીકે ઉભરી આવ્યું છે .આ રાષ્ટ્રે દરેક ક્ષેત્રમાં  બતાવેલ અનોખી સિદ્ધિ માટે હરએક અમેરિકન વ્યાજબી રીતે ગૌરવ લઇ શકે એમ છે.

દુનિયાના લગભગ બસો ઉપરાંત દેશોમાંથી દરેક ધર્મના લોકો અમેરિકામાં આવીને વસ્યા છે,એટલે તો અમેરિકાને વસાહતીઓનો દેશ કહેવામાં આવે છે.અમેરિકા એક મેલ્ટિંગ પોટ સમાન છે જેમાં વિવિધ દેશની સંસ્કૃતિ,નીતિનિયમો અને સામાજિક સંસ્કારો ઓગળી જઈને એક નવી જ વૈશ્વિક અમેરિકન સંસ્કૃતિનું નિર્માણ થયું છે .

આવા આ મોહક દેશ અમેરિકા આવવા માટે દુનિયાના અનેક દેશોના લોકો જે રીતે આકર્ષાય છે એનાં અનેક કારણો છે.એમાંનાં કેટલાંક મુખ્ય કારણો અંગે મારા બ્લોગની ૧૨મી ડિસેમ્બર,૨૦૧૧ની પોસ્ટમાં પ્રસિદ્ધ થયેલ મારો ખુબ ચર્ચિત લેખ “અમેરિકા તરફના લોકોના આકર્ષણનું શું છે રહસ્ય ?”,એની કોમેન્ટ્સ સાથે,નીચેની લીંક ઉપર વાંચવા વિનંતી છે.

https://vinodvihar75.wordpress.com/2011/12/12

૪થી જુલાઈ ૨૦૧૨ના આજના અમેરિકન સ્વાતંત્ર્ય દિવસ પ્રસંગે વિનોદ વિહારના સૌ સુજ્ઞ વાચકોને મારાં અભિનંદન .

HAPPY 4th  OF JULY.

 

4th   JULY, 2012                                                                                           વિનોદ આર. પટેલ

_____________________________________________________

આજે એ સુવિદિત હકીકત છે કે ઘણાં ભારતીયો કર્મ ભૂમિ અમેરિકામાં ઘણાં વરસો સુધી વસતા હોવાં છતાં અને અહીં કમાણી કરીને સુખી જીવન વ્યતીત કરી રહ્યાં હોવાં છતાં જન્મભૂમિ ભારત સાથેની એમની માનસિક નાળ કાપી શક્યા નથી .આવા વતન પરસ્ત લોકો ભારતનાં ગુણ ગાન ગાયાં કરે છે એ તો ઠીક છે પણ અમેરિકાની બુરી વાતો ફેલાવતા રહે છે.અમેરિકામાં કેટલાંક ભારતીયો એમના જ્ઞાતિ,રાજકીય અને ધાર્મિક વિચારસરણી તેમ જ પ્રદેશ આધારિત જુદાં જુદાં મંડળો અને ચોકાઓમાં વ્હેચાઈને અમેરિકામાં પણ એક જુદું ભારત ઉભુ કરવા પ્રયત્નશીલ હોય છે.આપણે ભારતીયો અમેરિકાના સાંસ્કૃતિક મુખ્ય પ્રવાહમાં હજુ બરાબર ભળી શક્યા નથી.  

આવા માહોલમાં જાણીતા ન્યુ જ્ર્શીમાં વરસોથી રહેતા એવોર્ડ વિજેતા હાસ્યલેખક શ્રી હરનીશ જાનીની ગઝલ સ્વરૂપની બે રચનાઓ  “ફોર્થ ઓફ જુલાઈ “અને “મગરના આંસુ “(અછાંદસ કાવ્ય )નીચે એમના અભાર સાથે મુકેલ છે .તેઓ જણાવે છે એમ રદીફ-કાફિયાની ચિંતા કર્યા સિવાય એમાં જે સંદેશ અભિપ્રેત છે એ માણવા અને વિચારવા જેવો છે.  

આ બન્ને રચનાઓ જેના સંચાલક મિત્રો સાથે મારે નજીકનો મૈત્રી સંબંધ થયો છે એ ખુબ વંચાતા બ્લોગ

 હાસ્ય દરબાર માં અગાઉ પ્રગટ થઇ છે જે એના તંત્રી મિત્રોના અભાર સાથે અહીં મૂકી છે.

૪થી જુલાઈના આ અવસરે વાચકોને આ પોસ્ટમાં રજુ કરેલ સામગ્રી વાંચવી અને વિચારવી ગમશે એવી આશા છે . આજની પોસ્ટ અંગે આપના પ્રતિભાવો અપેક્ષિત છે.

                                                                                                                     સંકલન- વિનોદ પટેલ

_________________________________________________________

ફોર્થ ઓફ જુલાઈ

વતનની ધૂળ ખંખેરો હવે તો અમેરિકામાં.

વતનના વન ઉગ્યા હવે તો અમેરિકામાં.

તમારા બાળકોનું વતન છે આ તો 

ક્યાં સુધી પરદેશી રહેશો,અમેરિકામાં.

લોકશાહીના આ મંદિરનો ઉપકાર માનો.

બાંધો છો રોજ નવા મંદિરો અમેરિકામાં.

અન્ન આ ધરતીનું શ્વાસ આ આકાશનો .

સુજલામ્ સુફલામ્ બનાવો,અમેરિકામાં.

જન્મદાત્રી ભાગ્યમાં મળી તમને આનંદો.

જીવનદાત્રી તમારી પસંદની, અમેરિકામાં.

વરસાદના છાંટા પડે જો અમદાવાદમાં.

કયાં સુધી છતરીઓ ખોલશો ,અમેરિકામાં

આજે જાશું, કાલે જાશું , રટ હવે તો છોડો

કબર ખોદાઇ ગઇ છેતમારી, અમેરિકામાં.

હરનિશ જાની-યુ.એસ.એ.

(રદિફકાફિયાની ચિંતા કર્યા સિવાય સદેશ વાંચોતે સ્પષ્ટ છે.)

********* 

મગરનાં આંસુ 

જે દેશનો રોટલો ખાવો છે-તેને ગાળો ભાંડવી ઠીક નથી.

વતનને તરછોડી આવ્યા છો જાતે, હવે રોદણાં રડવાં ઠીક નથી.

લો કટના બ્લાઉઝ અને ખુલ્લા પેટ ગુજરાતમાં જોયા પ છી,

અમેરિકાની સંસ્કૃતિની વાતો કરવી ઠીક નથી.

સરસ્વતી મંદીરોમા, જયાં વિદ્યાર્થીનીઓ સેઇફ નથી,

ત્યાં રોજે સંસ્કૃતિના બણગાં ફૂંકવાં ઠીક નથી..

બોલિવુડના બિભત્સ નૃત્યોને રોજ ટીવી પર જોયા પછી,

મનમાં ગમતી-અમેરિકાની ફેશન વખોડવી ઠીક નથી.

જયાં ઘરડાંઘર નીત નવાં બંધાતાં હોય ત્યાં,

ભારતીય માબાપોની સેવા કરતાં ‘શ્રવણો’ની વાતો ઠીક નથી.

મહારાજો, બાબાઓ, લાલુઓ, ‘ઠાકરે’ઓ-અને “ભાઇ”ઓ નો.

દેશ છોડી આવ્યા પછી, હવે ઓબામાને ગાળો દેવી ઠીક નથી.

જે માને તમે તરછોડીને આવ્યા છો તે હજુ ત્યાં જ છે.

પાછા પહોંચી જાવ ત્યાં ! કોઇ રોકે નહી,

પણ

મગરના આ આંસુ, ઠીક નથી.

હરનિશ જાની-યુ.એસ.એ.

 ________________________________________________________

                                શ્રી  હરનિશભાઈ જાનીનો પરિચય અહી ક્લિક કરીને વાંચો.

_____________________________________________________________

 

(63) ગુરુ પૂર્ણિમા અને ગુરુ મહિમા

ગુરુ મહિમા

મનુષ્યને જન્મ અને સંસ્કાર આપનાર માતા પછી એને શીક્ષિત કરનાર શિક્ષક-ગુરુનું સ્થાન વિશિષ્ઠ છે.આપણી સંસ્કૃતિ અને ધર્મની ઈમારતનો પાયો જ્ઞાન છે.જ્ઞાન મેળવવા માટે ગુરુનું હોવું અતિ આવશ્યક છે.ગુરુ બિન નહીં જ્ઞાન. ગુરુ જ પોતાના શિષ્યોને નવજીવન માટે તૈયાર કરે છે.

ગુરુ શબ્દમાં જ ગુરુનો મહિમા સમાયેલ છે. ગુએટલે અંધકાર અને રૂએટલે પ્રકાશ.શિષ્યમાં અજ્ઞાન રૂપી અંધકારને દુર કરી જ્ઞાન રૂપી દિપક પ્રગટાવનાર ગુરુ એક જીવન શિલ્પી મહાપુરુષ છે.જેમની અંદર પ્રકાશની શોધ પેદા થઇ છે , જેમને જીવન મૃત્યુથી ઘેરાયેલું લાગે છે, જે અમૃતની શોધમાં નીકળ્યો છે અને જેમનામાં જિંદગીનું સત્ય જાણવાની અભિલાષા પ્રગટી છે એવા  લોકો જ સાચા ગુરુને શોધી શકે છે.પરમાત્માને શોધવા માટે કોઈ કૈલાસ ,કાશી કે કાબામાં જવાની જરૂર નથી.પરમાત્મા ત્યાં છે જ્યાં સદગુરૂનો વાસ છે.ગુરુ મોક્ષનો સાચો રાહ બતાવનાર ભોમિયો છે.

ગુરુ પોતાના આચરણ દ્વારા શિષ્યની જિંદગીનું ઘડતર કરે છે.ગુરુને આચાર્ય પણ કહેવામાં આવે છે.આચાર્ય દેવો ભવ . 

ગુરુનું મહાત્મ્ય આપણા પુરાણોએ પણ ખુબ વર્ણવ્યું છે.હિન્દુ ધર્મમાં ગુરુને ભગવાનનો દરજ્જો આપવામાં આવ્યો છે.જેમ કે,

શ્રી ગુરુ: બ્રહ્મા ગુરુ:વિષ્ણુ,ગુરુદેવો મહેશ્વર: |

ગુરુ: શાક્ષાત્પરમ બ્રહ્મ, તસ્મૈ ગુરુવે નમઃ ||

વળી,

ગુરુ ગોવિંદ દોનું ખડે કિસકો લાગુ પાય,

બલિહારી ગુરુ આપકી, ગોવિંદ દિયો બતાય

અર્થાત,ગુરુની મહત્તા ગોવિંદ કરતાં વધારે છે કેમ કે ગુરુએ આપેલ જ્ઞાન મારફતે યોગ્યતા પ્રાપ્ત કરીને જ શિષ્ય પ્રકાશમાન દીપક સમાન પરમાત્મા સુધી પહોંચીને એની ઝાંખી કરી શકે છે.  

શાસ્ત્રો, ગ્રંથો અને દેવોએ ગુરુની અજોડ મહિમાનાં ગુણ ગાયાં છે.

ગુરુ દત્તાત્રેયે ૨૪ ગુરુ બનાવ્યા હતા.શ્વાન પાસેથી એમને વફાદારીનો ગુણ શીખવા મળ્યો એટલે એમણે શ્વાનને પણ ગુરુ માન્યો હતો.મતલબ કે, ગુરુ એ છે જે આપણને જીવન વિકાસનું માર્ગદર્શન આપે છે 

એકલવ્યે ગુરુ દ્રોણાચાર્યને ગુરુ માન્યા હતા અને તેમની મૂર્તિ સામે મુકીને ધનુર્વિદ્યાના પાઠ શીખ્યો હતો.. અને જ્યારે ગુરુએ દક્ષિણામાં તેનો અંગુઠો માગી લીધો ત્યારે વિના સંકોચે આપી દીધો હતો,નહીતર અર્જુન કરતાં એકલવ્ય ઇતિહાસમાં એક મોટો બાણાવળી ગણાતો હોત.ગુરુ માટે કેટલો મહાન ત્યાગ કહેવાય  ! 

ગુરુ-શિષ્ય પરંપરા ભારતમાં કેટલાએ વર્ષોથી ચાલી આવી છે. સાંદીપની ઋષિના આશ્રમમાં કૃષ્ણ અને સુદામા કોઇપણ જાતના ભેદભાવ વગર સાથે રહી જંગલમાંથી લાકડાં કાપી લાવી ગુરુની સેવા કરી એમની અનન્ય ગુરુભક્તિનાં આપણને દર્શન કરાવ્યાં છે.આ દ્રષ્ટાંત એ સૂચવે છે વિદ્યાનું દાન કરનાર ગુરુ માટે રંક કે રાયનો કોઈ ભેદ હોતો નથી.એની આગળ સૌ શિષ્યો એક સમાન હોય છે.

ધ્યાન મૂલમ ગુરુ મૂર્તિ,

પૂજા મૂલમ ગુરુ પદમ,

મંત્ર મૂલમ ગુરુ વાક્યમ,

મોક્ષ મૂલમ ગુરુ કૃપા…..

અર્થ:“ધ્યાન ધરવા માટેનું મૂળ ગુરુજીનું સ્વરૂપ છે,પૂજા કરવા માટે ગુરુજીના ચરણ કમલ છે,ગુરુજીનાં વચનો અને ઉપદેશ એ એક મંત્ર  જેટલાં જ પવિત્ર અને પ્રેરક છે અને છેવટે મોક્ષ પ્રાપ્તિ માટે ગુરુજી ની કૃપા જ એકમાત્ર ઉપાય બની રહે છે. 

“If all the land were turned to paper and all the seas turned into the ink and all the forests into pens to write with, they would still not suffice to  describe the greatness of Guru.”                                    

                                                                                                                              —- Saint Kabir  

ગુરુ પૂર્ણિમા અર્થાત વ્યાસ પૂર્ણિમા

 ગુરુનું મહાત્મ્ય સમજવા માટે  અને એમના પ્રત્યે પૂજ્યભાવ પ્રગટ કરવા માટે દરવર્ષે અષાઢી પૂનમના દિવસે ગુરુ પૂર્ણિમાનું  પર્વ મનાવવામાં આવે છે.  

ગુરુ પૂર્ણિમાના દિવસને વ્યાસ પૂર્ણિમા પણ કહેવાય છે. 

મહર્ષિ વેદવ્યાસ ભવિષ્યોત્તર પુરાણમાં ગુરુ પૂર્ણિમા વિશે એમના આ સંસ્કૃત શ્લોકોમાં  આ પ્રમાણે લખ્યું છે:

मम जन्मदिने सम्यक् पूजनीय: प्रयत्नत:।आषाढ़ शुक्ल पक्षेतु पूर्णिमायां गुरौ तथा।।

पूजनीयो विशेषण वस्त्राभरणधेनुभि:। फलपुष्पादिना सम्यगरत्नकांचन भोजनै:।।

दक्षिणाभि: सुपुष्टाभिर्मत्स्वरूप प्रपूजयेत। एवं कृते त्वया विप्र मत्स्वरूपस्य दर्शनम्।।

અર્થ :- અષાઢ શુક્લ પૂર્ણિમાએ મારો જન્મ દિવસ છે અને એ  ગુરુ પૂર્ણિમાનો પણ દિવસ છે. આ દિવસે સુંદર વસ્ત્ર, આભૂષણ, ગાય, ફળ, પુષ્પ, રત્ન, સ્વર્ણ,ભોજન ,દક્ષિણા વગેરે સમર્પિત કરી વિવિધ રીતે ગુરુ તેમની કરવાથી હે વિપ્ર, તારા ગુરુમાં તું મારા  સ્વરૂપના દર્શન કરીશ. 

ગુરુનું ઋણ શિષ્ય ઉપર ચડેલું હોય છે.આમ ગુરુ પૂર્ણિમા આવા પૂજનીય ગુરુને યાદ કરી એમને આદરપૂર્વક વંદન કરવાનો દિવસ છે. 

આ ગુરુ પૂર્ણિમાના દિને મારા જીવનના ઉત્કર્ષમાં શરૂઆતથી આજદિન સુધી પ્રત્યક્ષ યા  પરોક્ષ રીતે અગત્યનો ભાગ ભજવનાર સૌ ગુરુજનો અને મહાનુંભાવોને યાદ કરું છું અને કોટી કોટી હાર્દિક વંદન કરું છું. 

શ્રી ગુરુ: બ્રહ્મા ગુરુ:વિષ્ણુ,ગુરુદેવો મહેશ્વર: |

ગુરુ: શાક્ષાત્પરમ બ્રહ્મ, તસ્મૈ ગુરુવે નમઃ || 

ગુરુ એ જ બ્રહ્મા છે , ગુરુ એ જ વિષ્ણુ છે , ગુરુ એ જ મહાદેવ છે . ગુરુ  શાક્ષાત સ્વરૂપ છે તેવા ગુરુદેવને હું પ્રણામ કરું છું . 

ગુરુ પૂર્ણિમા

જુલાઈ,૩ ૨૦૧૨.                                                                                                            વિનોદ આર. પટેલ 

_______________________________________________

ગુરુ પૂર્ણિમાના પાવન અવસરને અનુરૂપ ગુરુની મહત્તાનું ગુણ ગાન કરતો “ગુરુ મેરી પૂજા” નામનો સુર અને સંગીત મઢ્યો યુ-ટ્યુબની નીચેની લિંક ઉપર  એક સુંદર વિડીયો માણો.

  Guru Meri Puja -Video 

http://www.youtube.com/v/CXpBV8PImu8?version=3&feature=player_detailpage 

_______________________________________________ 

 (આભાર -મોકલનાર શ્રીમતી મીનાબેન ભટ્ટ ,ગાયત્રી ચેતના સેન્ટર ,લોસ એન્જેલસ ,ઈ-મેલ દ્વારા  )

_______________________________________________________________________