વિનોદ વિહાર

ગુજરાતી ગદ્ય-પદ્ય સર્જનની આનંદ યાત્રા

Monthly Archives: સપ્ટેમ્બર 2012

(92) ગણેશ ચતુર્થીનો તહેવાર – રિધ્ધિસિધ્‍ધીના દેવ ગણપતિનો જન્મ દિવસ

વક્રતુંડ મહાકાય,સુર્યકોટી સમપ્રભ ,

નિર્વિઘન્મ કુરુ મે દેવ,સર્વ કાર્યેષુ સર્વદા .

ગણેશ ચતુર્થીનો તહેવાર વિક્રમ સંવતની ભાદરવા સુદ ચોથના રોજ ગણેશજીના જન્મદિવસ તરીકે મનાવવામાં આવે છે. આ તહેવારને સંસ્કૃત,તમિલ ભાષા ,તેલુગુ ભાષા અને કન્નડ ભાષામાં વિનાયક ચતુર્થી કે વિનાયક ચવિથી અને ગુજરાતીમાં ગણેશ ચતુર્થી કે ગણેશ ચોથ કહેવામાં છે.

આ વર્ષે તારીખ ૧૯મી સપ્ટેમબર,૨૦૧૨ના દિવસે ગણેશ ચતુર્થીનું પર્વ શરુ થાય છે.

આ તહેવાર ૧૦ દિવસ ચાલે છે જે અનંત ચતુર્થીના દિવસે પુરો થાય છે. આ દિવસોમા ગણપતિની આરાધના કરી તેને પ્રસન્‍ન કરવામાં આવે છે.ગણેશોત્સવ પ્રસંગે ખાસ કરીને સમગ્ર મુંબાઈ ગણપતી બાપા મોરિયાના નાદથી ગાજી ઉઠે છે.

આ પર્વ ઉપર ભારત અને વિદેશોમાં ધાર્મિક હિંદુ લોકો પોતાના નિવાસ સ્થાનમાં ભગવાન ગણેશની પ્રતિમાને સ્થાપિત કરી   એના ઉપર સિંદુર ચઢાવી ગણેશ મન્ત્ર ऊँ गं गणपतयै नम: નું રટણ કરે છે. શ્રીગણેશની સોળશોપચારે પૂજન-આરતી કરે છે. ચતુર્થી તિથિ નિમિત્તે ભગવાન શ્રીગણેશ માટેજે વ્રત કરવામાં આવે છે, તેને ગણેશ ચતુર્થી વ્રત કહે છે.

ગણપતિને રિધ્ધિસિધ્‍ધીના દેવ તરીકે લોકો ભાવ પૂર્વક ભજે છે.મુંબઈમાં સિદ્ધિ  વિનાયકના મંદિરે ફિલ્મના સુપર સ્ટારથી માંડીને આમ આદમી સુધી ભાવિક જનોની અહીં શ્રી ગણેશના દર્શન કરી એમની કૃપા પ્રાપ્ત કરવા માટે મોટી ભીડ  જામે છે એ મેં નજરે નિહાળ્યું છે.કોઈ પણ હિંદુ મંદિરમાં તમે દાખલ થાઓ ત્યારે તમોને એક બાજુ રિધ્ધિસિધ્‍ધીના દેવ ગણપતિ અને બીજી બાજુ કષ્ટભંજન દેવ હનુમાનજીની પ્રતિમાઓ તમને અચૂક જોવા મળશે.

લગ્‍નનો પ્રસંગ હોય,નવા ઘરે કુંભ મૂકવાનો હોય,કોઈ સંસ્થાનો શિલારોપણવિધિ,લક્ષ્‍મીપૂજન,સત્યનારાયણ કથા જેવા કોઈપણ શુભ પ્રસંગે સૌ પ્રથમ શ્રી ગણપતિનું સ્થાપન કરી એમનું ભાવપૂર્વક પુજન કરવામાં આવે છે.

શ્રી ગણેશજીને અનેક નામે ભજવામાં આવે છે.એમને એમના શરીરની આકૃતિ ઉપરથી વક્રતુંડ,લંબોદર,મહાકાય,લંબકર્ણ અને એમને હાથીનું મસ્તક  હોઈ ગજાનન પણ કહેવાય છે.

વિઘ્નેશ્વરાય વરદાય સુર પ્રિયાય

લંબોદરાય સકલાય જગદ્વિતાય

નાગાનનાય શ્રુતિ યજ્ઞ વિભુતાય

ગૌરી સુતાય ગણનાથ નમો નમસ્તે

એમના શિરે હાથીનું મસ્તક કેમ છે એની પૌરાણિક કથા ખુબ પ્રચલિત છે.પોતાનું તપ પૂર્ણ કરીને પરત આવેલ મહાદેવને ગણેશજી માતાના હુકમને માન આપી ગૃહપ્રવેશ કરતા અટકાવે છે. ક્રોધે ભરાયેલા મહાદેવના હાથે અજાણતાં જ  ગણેશનું મસ્‍તક કપાઈ જાય છે.પોતાના પુત્રનું મસ્‍તક મહાદેવે કાપી નાખ્‍યાના સમાચાર મળતાં માતા પાર્વતી ભયંકર રૂદન કરે છે. શંકર ગણપતિને સજીવન કરવાનું વચન આપે છે અને પોતાના ગણને આદેશ આપે છે કે રસ્‍તામાં જે સૌ પ્રથમ મળે તેનું મસ્‍તક લઈ આવો.એ પ્રમાણે ગણના લોકો રસ્તામાં પ્રથમ દેખાયેલ હાથીનું મસ્‍તક લઈ આવે છે અને એ રીતે હાથીના માથાવાળા ગણપતિ સજીવન થાય છે.ત્‍યારથી તેઓ ગજાનન તરીકે ઓળખાય છે.

શ્રી ગણપતિના દરેક અંગો આપણને આપણા જીવનના  ઉત્કર્ષ માટે અનોખો સંદેશ આપે છે.શ્રી ગણેશજીના શરીરની તમામ લાક્ષણિકતાઓમાં છુપાયેલ કોઈને કોઈ શુભ મર્મને કોઈ અજ્ઞાત કલાકારે બનાવેલ એમની નીચેની કલાકૃતિમાં બાખુબી રીતે રજુ કર્યું છે.

Ganesha Symbolism-

WHAT  YOU SHOULD LEARN FROM GANESH

આવા સર્વ ગુણ સંપન્ન રિદ્ધિ સિદ્ધિના દેવ શ્રી ગણેશજીના જન્મ દિવસ ગણેશ ચતુર્થીના પુણ્ય પર્વને પ્રસંગે આ મંગલમૂર્તિ દેવ   ગજાનનને યાદ કરી એમની ભક્તિપૂર્વક  પૂજન-આરતી કરી ભક્તિરસમાં તરબોળ થઈએ.

શ્રી ગણેશ ભગવાનની આરતી

જય ગણેશ જય ગણેશ જય ગણેશ દેવા |

માતા જાકી પાર્વતી પિતા મહાદેવા ||

એકદન્ત દયાવન્ત ચાર ભુજાધારી |

મસ્તક પર સિન્દૂર સોહે મૂસે કી સવારી ||

પાન ચઢ઼ૈ ફૂલ ચઢ઼ૈ ઔર ચઢ઼ૈ મેવા |

લડુઅન કા ભોગ લાગે સન્ત કરેં સેવા ||

અન્ધન કો આંખ દેત કોઢ઼િન કો કાયા |

બાંઝન કો પુત્ર દેત નિર્ધન કો માયા ||

સૂરશામ શરણ આયે સફલ કીજે સેવા ।

માતા જાકી પાર્વતી પિતા મહાદેવા ||

ઉપરની આરતીને સુંદર સુર-સંગીતથી મઢેલ નીચેના યુ-ટ્યુબ વિડીયોમાં, શ્રી ગણેશજીની જુદી જુદી મુદ્રામાં મૂર્તિદર્શન કરતાં કરતાં ગાઓ અને ભક્તિ રસમાં તરબોળ થાઓ.

શ્રી ગણેશજીની આરતી–(વિડીયોમાં)

Jai Ganesh Jai Ganesh Jai Ganesh Deva”- Lord Ganesh Aarti

Best Artistic images of Lord Ganesh -Slide Show

This slideshow requires JavaScript.

(91 ) ગુજરાત રાજ્યના મુખ્ય પ્રધાન નરેન્દ્ર મોદીને એમના ૬૨મા જન્મ દિવસના અભિનંદન.

જનતાના મુખ્ય પ્રધાન-નરેન્દ્ર મોદી

જનતાના મુખ્ય પ્રધાન-નરેન્દ્ર મોદી

છેલ્લા ૧૧ વર્ષથી ગુજરાતનું સુકાન પૂરી લગન અને કાર્ય દક્ષતાથી સંભાળી  રહેલ ગુજરાત રાજ્યના લોકપ્રિય મુખ્ય પ્રધાન નરેન્દ્ર મોદીનો 17મી સપ્ટેમ્બર,2012ના રોજ જન્મ દિવસ છે.

શ્રી નરેન્દ્ર મોદીને એમના જન્મદિને ખુબ ખુબ

અભિનંદન અને શુભેચ્છાઓ

શ્રી નરેન્દ્ર મોદીનું જીવન વૃતાંત 

Narendr Modi

Narendr Modi

ઉત્તર ગુજરાતના મહેસાણા જિલ્લાના એક નાનકડા ગામ વડનગરમાં ૧૭ સપ્ટેમ્બર, ૧૯૫૦ ના રોજ જન્મેલા શ્રી નરેન્દ્ર મોદી એક એવી સંસ્કૃતિમાં ઊછરીને મોટા થયા જેણે તેમના પર ઉદારતા, પરોપકાર અને સામાજિક સેવાના મૂલ્યોનો પ્રભાવ પાડ્યો. સાંઇઠના દાયકાના મધ્યમાં ભારત-પાક યુદ્ધ દરમિયાન, નાની ઉંમર હોવા છતાં પણ, તેમણે રેલવે સ્ટેશનો પર સ્થળાંતર વખતે સૈનિકોની સ્વૈચ્છિક સેવા કરી હતી. ૧૯૬૭માં તેમણે ગુજરાતના પૂરપીડિતોની સેવા કરી હતી. ઉત્કૃષ્ટ સંગઠનાત્મક સામર્થ્ય અને મનોવિજ્ઞાનમાં ઊંડી આંતરસૂઝ હોવાના કારણે તેઓ અખિલ ભારતીય વિદ્યાર્થી પરિષદના વિદ્યાર્થી નેતા તરીકે પસંદ થયા હતા અને તેમણે ગુજરાતમાં જુદાં-જુદાં સામાજિક-રાજકીય આંદોલનોમાં એક મહત્વની ભૂમિકા નિભાવી હતી.

પોતાની કિશોરાવસ્થાના દિવસોથી જ તેમણે ઘણી મુશ્કેલીઓ અને તકલીફોનો સામનો કર્યો હતો, પરંતુ તેમણે પોતાના વ્યક્તિત્વની સંપૂર્ણ શક્તિ અને સાહસ દ્વારા દરેક પડકારોને તકમાં ફેરવી નાખ્યા. ખાસ કરીને તેમણે જ્યારે ઉચ્ચ શિક્ષણ માટે કૉલેજ અને યુનિવર્સિટીમાં પ્રવેશ લીધો, ત્યારે તેમનો રસ્તો કઠિન સંઘર્ષ અને કષ્ટદાયક પરિશ્રમથી ઘેરાયેલો હતો. પરંતુ જીવનની લડાઇમાં તેઓ હંમેશાં એક યોદ્ધા, એક સાચા સૈનિક રહ્યા છે. એકવાર પોતાનું પગલું ઉપાડ્યા બાદ તેમણે કદી પાછળ વળીને નથી જોયું. તેમણે હાર માનવાનું કે પરાજિત થવાનું ક્યારેય સ્વીકાર્યું નથી. પોતાની આ જ દ્રઢનિશ્ચયતાના કારણે તેઓ રાજનીતિ શાસ્ત્ર (પોલિટિકલ સાયન્સ)માં પોતાનું પોસ્ટ ગ્રેજ્યુએશન પૂરું કરવામાં સમર્થ રહ્યા. તેમણે ભારતના સામાજિક અને સાંસ્કૃતિક વિકાસ પર ધ્યાન કેન્દ્રિત કરનાર સંગઠન, રાષ્ટ્રીય સ્વયંસેવક સંઘ (આર.એસ.એસ.)થી શરૂઆત કરી અને નિઃસ્વાર્થતા, સામાજિક જવાબદારી, સમર્પણ અને રાષ્ટ્રવાદની ભાવનાને આત્મસાત્ કરી. .

આર.એસ.એસ.માં પોતાના કાર્યકાળ દરમિયાન શ્રી નરેન્દ્ર મોદીએ ૧૯૭૪ના ભ્રષ્ટાચાર વિરોધી આંદોલન અને ૧૯ મહિના (જૂન ૧૯૭૫ થી જાન્યુઆરી ૧૯૭૭) જેટલા લાંબા સમયની ભયંકર ‘કટોકટી’, જ્યારે ભારતીય નાગરિકોના મૂળભૂત અધિકારોનું ગળું ઘોંટી દેવામાં આવ્યું હતું, એવી જુદી જુદી ઘટનાઓ સમયે ઘણી મહત્વપૂર્ણ ભૂમિકાઓ નિભાવી હતી. મોદીજીએ આ સંપૂર્ણ સમયગાળા દરમિયાન ભૂગર્ભમાં રહીને ગુપ્ત રીતે કેન્દ્ર સરકારની ફાસીવાદી પદ્ધતિની વિરુદ્ધમાં જોશપૂર્ણ લડાઇ લડીને લોકશાહીની ભાવનાને જીવંત રાખી.

૧૯૮૭માં તેમણે ભાજપમાં જોડાઈને રાજકારણની મુખ્ય ધારામાં પ્રવેશ કર્યો. એક જ વર્ષની અંદર, ગુજરાત એકમના મહામંત્રીના પદ પર તેમની વરણી થઈ. ત્યાર સુધીમાં તેઓએ એક અત્યંત કુશળ સંગઠક હોવાની નામના પ્રાપ્ત કરી લીધી હતી. તેમણે સાચા અર્થમાં પાર્ટી કાર્યકરોને સક્રિય કરવાના પડકારરૂપ કામનું બીડું ઉઠાવ્યું, જેના કારણે પક્ષને રાજકીય લાભ મળવાનો શરૂ થઈ ગયો અને એપ્રિલ ૧૯૯૦માં કેન્દ્રમાં મિશ્ર સરકાર બની. આ રાજકીય જોડાણ કેટલાક મહિનાઓની અંદર જ તૂટી ગયું, પરંતુ ૧૯૯૫માં ભાજપ પોતાના બળ ઉપર ગુજરાતમાં બે-તૃતીયાંશ બહુમતી સાથે સત્તામાં આવ્યો. ત્યારથી ગુજરાતમાં ભાજપ સત્તાનો દોર સંભાળી રહેલ છે.

૧૯૮૮ થી ૧૯૯૫ દરમિયાન, શ્રી નરેન્દ્ર મોદીની એક કુશળ રણનીતિજ્ઞના રૂપમાં ઓળખ ઊભી થઈ હતી, જેમણે ગુજરાત ભાજપને રાજ્યમાં સત્તાધારી પક્ષ બનાવવા માટે સફળતાપૂર્વક જરૂરી પાયાનું કાર્ય કર્યું હતું. આ દરમિયાન, શ્રી મોદીજીને બે મહત્વપૂર્ણ રાષ્ટ્રીય ઘટનાઓના આયોજનની જવાબદારી સોંપવામાં આવેલ હતી, શ્રી લાલકૃષ્ણ અડવાણીજીની સોમનાથથી અયોધ્યા સુધીની રથયાત્રા અને એવી જ, ભારતના દક્ષિણી ભાગ કન્યાકુમારીથી ઉત્તરમાં કાશ્મીર સુધીની એક યાત્રા. ૧૯૯૮માં નવી દિલ્હીમાં સત્તામાં ભાજપના ઉદય માટેનો શ્રેય આ બે અત્યંત સફળ ઘટનાઓને જાય છે, જેને મુખ્યત્વે શ્રી મોદીજીએ સંભાળેલ.

૧૯૯૫માં તેઓને પાર્ટીના રાષ્ટ્રીય સચિવ નિયુક્ત કરવામાં આવ્યા અને તેઓને ભારતના પાંચ મહત્વનાં રાજ્યોનો હવાલો સોંપવામાં આવ્યો હતો, જે કોઇપણ યુવા નેતા માટે એક અપૂર્વ સિદ્ધિની વાત છે. ૧૯૯૮માં તેમને મહાસચિવ (સંગઠન)ના પદ ઉપર બઢતી આપવામાં આવી હતી અને ત્યારથી, ઑક્ટોબર ૨૦૦૧માં ભારતના સૌથી સમૃદ્ધ અને પ્રગતિશીલ રાજ્યોમાંના એક એવા ગુજરાતના મુખ્યમંત્રી તરીકે પસંદ કરવામાં આવ્યા, ત્યાં સુધી તેઓ તે પદ પર રહ્યા.
રાષ્ટ્રીય કક્ષાએ તેમના કાર્યકાળ દરમિયાન, શ્રી નરેન્દ્ર મોદીને જમ્મુ અને કાશ્મીર જેવા સંવેદનશીલ અને અગત્યના રાજ્ય અને તેટલા જ સંવેદનશીલ ઉત્તર-પૂર્વી રાજ્યો સહિત અન્ય ઘણાં રાજ્ય સ્તરનાં એકમોની બાબતોનું ધ્યાન રાખવાની જવાબદારી સોંપવામાં આવી હતી. ઘણાં રાજ્યોમાં પક્ષના સંગઠનમાં સુધારણા માટે તેમને જવાબદારી સોંપવામાં આવી હતી. રાષ્ટ્રીય સ્તરે કામ કરતી વખતે, શ્રી નરેન્દ્ર મોદી પક્ષ માટે એક મહત્વપૂર્ણ પ્રવક્તાના રૂપમાં ઊભર્યા તથા અનેક મહત્વપૂર્ણ ઘટનાઓ સમયે ચાવીરૂપ ભૂમિકા ભજવી હતી. આ દરમિયાન, તેમણે દુનિયાભરમાં વ્યાપક મુલાકાતો લીધી અને કેટલાય દેશોના પ્રતિષ્ઠિત નેતાઓ સાથે વાતચીત કરી. આ અનુભવોથી ફક્ત તેમનો વૈશ્વિક દ્રષ્ટિકોણ જ ન વિકસ્યો, પરંતુ ભારતની સેવા કરવાનો તથા દુનિયામાં તેનું સામાજિક-આર્થિક વર્ચસ્વ સ્થાપિત કરવાનો જુસ્સો તીવ્ર બન્યો.

જ્યારે તેમણે મુખ્યમંત્રી તરીકે હોદ્દો સંભાળ્યો, ત્યારે સૌથી મોટો પડકાર જેનો તેમણે સામનો કરવો પડ્યો, તે હતો જાન્યુઆરી ૨૦૦૧ના વિનાશક ભૂકંપના અસરગ્રસ્ત વિસ્તારોનું પુનર્નિર્માણ અને પુનર્વાસન. ભૂજ એક કાટમાળનું શહેર બની ગયું હતું અને હજારો લોકો કામચલાઉ આશ્રય સ્થાનોમાં કોઇપણ જાતની પાયાની સુવિધાઓ વગર રહેતા હતા. આજે શ્રી નરેન્દ્ર મોદીએ પ્રતિકૂળ પરિસ્થિતિઓને કેવી રીતે સંપૂર્ણ રીતે વિકાસની તકમાં ફેરવી દીધી, તે વાતનો પૂરાવો છે.

જ્યારે પુનર્નિર્માણ અને પુનર્વાસનનું કામ ચાલી રહ્યું હતું ત્યારે પણ, શ્રી નરેન્દ્ર મોદીએ પોતાની વિશાળ દ્રષ્ટિ ખોઈ ન હતી. ગુજરાતે હંમેશા ઔદ્યોગિક વિકાસ પર જ ધ્યાન કેન્દ્રિત કર્યું હતું. શ્રી નરેન્દ્ર મોદીએ એક સર્વાંગી સામાજિક-આર્થિક વિકાસને માટે, યોગ્ય રીતે સામાજિક ક્ષેત્ર પર ધ્યાન કેન્દ્રિત કરીને તે અસંતુલનને સુધારવાનો નિર્ણય કર્યો. તેમણે પંચામૃત યોજનાની કલ્પના કરી – રાજ્યના સર્વાંગી વિકાસ માટે પાંચ સૂત્રીય રણનીતિ.

તેમના નેતૃત્વ હેઠળ શિક્ષણ, કૃષિ અને આરોગ્ય સેવા સહિત અનેક ક્ષેત્રોમાં મોટું પરિવર્તન જોવા મળી રહ્યું છે. તેમણે રાજ્યના ભવિષ્ય માટે પોતાની એક સ્પષ્ટ દ્રષ્ટિ કેળવી, નીતિ આધારિત સુધારણા કાર્યક્રમ શરૂ કર્યા, સરકારના વહીવટી માળખાંની પુનર્વ્યવસ્થા કરી અને ગુજરાતને સફળતાપૂર્વક સમૃદ્ધિના માર્ગ પર લાવી દીધું. તેમના આશયો અને ક્ષમતા તેમના સત્તામાં આવ્યાના ૧૦૦ દિવસોની અંદર જ જણાઈ ગઈ. પોતાની વહીવટી સૂઝ, સ્પષ્ટ દૂરંદેશી અને ચારિત્ર્યની અખંડતા સહિતની તેમની આ બધી કુશળતાઓને કારણે ડિસેમ્બર ૨૦૦૨ની સામાન્ય ચૂંટણીઓમાં, દેખીતી રીતે જ ભવ્ય વિજય મળ્યો અને મોદી સરકાર ૧૮૨ બેઠકોના ગૃહમાં ૧૨૮ બેઠકોની જંગી બહુમતી સાથે ફરીથી ચૂંટાઈ હતી.

આ વિજય આંકડાકીય સંકેતોની તુલનામાં વધારે શાનદાર હતો, કારણકે વિપક્ષી કોંગ્રેસ પાર્ટીએ ગુજરાતની ચૂંટણીઓમાં પોતાના રાષ્ટ્રીય કક્ષાના સ્રોતોને ધ્યાનમાં રાખ્યા હતા. વિપક્ષ દ્વારા મોટા પાયે ચલાવવામાં આવેલ નિંદાત્મક પ્રચાર અભિયાનને કુશળતાપૂર્વક પાર કરીને શ્રી નરેન્દ્ર મોદીએ મુખ્ય વિપક્ષી પાર્ટીને એવી શરમજનક હાર આપી, જેની વિશાળતાથી દોસ્તો અને દુશ્મનો સમાન રીતે દંગ થઈ ગયા.

૨૨ ડિસેમ્બર ૨૦૦૨ના રોજ, જ્યારે તેઓએ ગુજરાતના મુખ્યમંત્રી તરીકે બીજી વખત સોગંદ લીધા, ત્યારે તે સમારોહનું એક ખુલ્લા સ્ટૅડિયમમાં આયોજન કરવું પડ્યું હતું કારણકે વિશાળ સંખ્યામાં લોકો પોતાના તે નેતાને જોવા અને સાંભળવા માગતા હતા, જેમને તેઓએ આટલા ઉત્સાહપૂર્વક વિજયી બનાવ્યા હતા.

લોકોની આશાઓ અને અપેક્ષાઓને તેમની ઉમ્મીદો કરતાં વધારે સંતોષવામાં આવી છે. આજે ગુજરાત વિવિધ ક્ષેત્રોમાં અગ્રેસર છે, ચાહે તે ઈ-ગવર્નન્સ હોય, રોકાણો હોય, ગરીબી નિવારણ હોય, વીજળી હોય, એસઈઝેડ હોય, સડક નિર્માણ હોય, નાણાકીય વ્યવસ્થા હોય કે કોઇ પણ અન્ય ક્ષેત્ર હોય અને આ તમામ બાબતોના કેન્દ્રમાં લોકોની સહભાગિતા રહેલી છે.

અનેક અવરોધો હોવા છતાં, તેઓએ સુનિશ્ચિત કર્યું કે નર્મદા બંધ ૧૨૧.૯ મી. ની ઊંચાઈ પર પહોંચે – તેમણે નિર્માણમાં અવરોધ ઊભો કરનારાઓની વિરુદ્ધમાં ઉપવાસ પણ કર્યા. ‘સુજલામ-સુફલામ’ – ગુજરાતમાં જળ સ્રોતોની એક ગ્રિડ બનાવવા માટેની એક એવી યોજના, જે જળ સંરક્ષણ અને તેના યોગ્ય ઉપયોગની દિશામાં બીજું એક અભિનવ પગલું છે.

સૉઇલ હેલ્થ કાર્ડ, રોમિંગ રેશન કાર્ડ, રોમિંગ સ્કૂલ કાર્ડ વગેરેની શરૂઆત જેવા કેટલાક નવીન વિચાર રાજ્યના સામાન્યમાં સામાન્ય માનવી માટેની તેમની ચિંતા બતાવે છે.

કૃષિ મહોત્સવ, ચિરંજીવી યોજના, માતૃ વંદના, બેટી બચાવો અભિયાન, જ્યોતિગ્રામ યોજના અને કર્મયોગી વગેરે જેવાં અભિયાનો જેવી તેમના દરેક પહેલનો ઉદ્દેશ્ય ગુજરાતનો સર્વાંગી વિકાસ છે. આવાં પગલાં માટેની દ્રષ્ટિ, વિચાર અને સમયબદ્ધ અમલીકરણ શ્રી નરેન્દ્ર મોદીને એક એવા સાચા રાજનેતાના રૂપમાં પ્રમાણિત કરે છે જે આવનાર પેઢી વિશે વિચારે છે, અન્ય ઘણા રાજકારણીઓની પૃષ્ઠભૂમિથી અલગ, જે ફક્ત આવનારી ચૂંટણી અંગે જ વિચારી શકે છે.

નવીન વિચારોયુક્ત એક યુવાન અને ઊર્જાવાન લોકનેતા તરીકે વ્યાપક રૂપે જાણીતા શ્રી નરેન્દ્ર મોદીએ પોતાના વિચારોને સફળતાપૂર્વક ગુજરાતના લોકો સુધી પહોંચાડ્યા અને તેઓ ગુજરાતના ૫ કરોડથી વધારે લોકોનો ભરોસો, વિશ્વાસ અને આશા ઊભી કરવામાં સક્ષમ રહ્યા છે. લાખો લોકોને, એટલે સુધી કે સામાન્ય માનવીને પણ, તેમના નામથી બોલાવવાની તેમની સ્મરણશક્તિને કારણે તેઓ પ્રજાના માનીતા બની ગયા છે. આધ્યાત્મિક નેતાઓ માટેના તેમના અપાર આદરના કારણે ધર્મો વચ્ચેનું અંતર ઘટાડવામાં મદદ મળી છે. અલગ અલગ આવક ધરાવતા જૂથો, વિવિધ ધર્મો અને એટલે સુધી કે અલગ રાજકીય જોડાણ ધરાવતા લોકોમાં વહેંચાયેલ ગુજરાતનો એક બહોળો વર્ગ પણ, એક સક્ષમ અને દૂરદર્શી નેતાના રૂપમાં શ્રી નરેન્દ્ર મોદીનો આદર કરે છે, જેઓ પારદર્શક રીતે અને ચોક્કસ રીતે તેમના જીવનધોરણમાં સુધારો કરી રહ્યા છે. એક કુશળ વક્તા અને એક નિપુણ મંત્રણાકાર એવા શ્રી મોદીએ ગામડાંઓ અને શહેરોના લોકોનો એકસરખો પ્રેમ મેળવ્યો છે. તેમના અનુયાયીઓમાં સમાજના દરેક સંપ્રદાય અને ધર્મના તથા પ્રત્યેક આર્થિક વર્ગના લોકો સામેલ છે. .

તેમના સક્ષમ નેતૃત્વ હેઠળ ગુજરાતને દુનિયાભરમાંથી અનેક બહુમાનો અને પુરસ્કારો મળ્યા છે – જેવા કે,
આપત્તિ વ્યવસ્થાપન માટે સંયુક્ત રાષ્ટ્ર તરફથી સાસાકાવા પુરસ્કાર, રચનાત્મક અને સક્રિય વહીવટ માટે કોમનવેલ્થ એસોશિયેશન ફોર પબ્લિક ઍડમિનિસ્ટ્રેશન એન્ડ મૅનેજમેન્ટ (સીએપીએએમ) અને યુનેસ્કોનો એવૉર્ડ, ઈ-ગવર્નન્સ માટે સી.એસ.આઇ. પુરસ્કાર વગેરે. વાસ્તવમાં તો શ્રી નરેન્દ્ર મોદીને સતત ત્રણ વર્ષ સુધી પ્રજા દ્વારા સર્વશ્રેષ્ઠ મુખ્યમંત્રીના રૂપમાં સ્થાન મળ્યું છે એ જ તેમની સિદ્ધિઓની વિશાળતા દર્શાવે છે.

વિશ્વ ફલક પર ગુજરાતને મૂકવા માટેની તેમની ખરી કમાલ તો ‘વાયબ્રન્ટ ગુજરાત’ નામથી ચાલતું અભિયાન છે, જે હકીકતમાં દુનિયાભરના રોકાણકારોનું ધ્યાન ગુજરાત તરફ આકર્ષિત કરે છે.

ગુજરાતમાં છેલ્લાં ઘણાં વર્ષોથી દ્વિઅંકી વૃદ્ધિ-દર જોવામાં આવેલ છે. જ્યારે ગુજરાત વૃદ્ધિ અને વિકાસના પથ ઉપર સતત તેજીથી આગળ વધી રહ્યું છે ત્યારે, આ યાત્રીએ અથાકપણે સમયની રેત પર પોતાનાં પગલાંના નિશાન પાછળ છોડીને, ‘માઇલસ્ટોન’ ને ‘સ્માઇલસ્ટોન’ માં પરિવર્તિત કરીને ૨૦૧૦માં રાજ્યની સુવર્ણ જંયતી ઊજવવાના લક્ષ્ય તરફ ઉત્તરોત્તર પ્રયાણ ચાલુ રાખ્યું, ત્યારે ગુજરાત દુનિયાનાં વિકસિત અર્થતંત્રો વચ્ચે ગર્વથી ઊભું છે.

પ્રાથમિક કક્ષાથી ઉચ્ચતમ સ્થાન પર પહોંચવા સુધીની તેમની રાજકીય યાત્રાનું નિરીક્ષણ પણ એક નેતા તરીકે તેમના કદમાં સતત વધતો વ્યાપ દર્શાવે છે.

નેતૃત્વના વિચારો અને આદર્શોને જો કોઈ જોવા માંગતું હોય, તો અહીં એક એવું અનુકરણીય આદર્શ વ્યક્તિત્વ છે જે દર્શાવે છે કે કેવી રીતે ચારિત્ર્ય, સાહસ, સમર્પણ અને દૂરંદેશીની શક્તિથી સંપન્ન યુવાન થોડા જ સમયમાં રચનાત્મક નેતૃત્વને કેળવી શકે છે. સાર્વજનિક જીવનમાં સામાન્ય રીતે તેવું જોવા નથી મળતું કે સેવાની આટલી ગહન ભાવના અને ઉદ્દેશ્યની દ્રઢતાથી યુક્ત એક વ્યક્તિ, લોકોનો એટલો પ્રેમ પામતી હોય કે જેને પોતે અત્યંત પ્રેમ કરે છે. તેઓ, ખૂબ જ ટૂંકા સમયમાં, એક ભાગ્યશાળી વ્યક્તિના રૂપમાં ઊભરી આવ્યા છે.

(સૌજન્ય-માહિતી અને તસ્વીરો – http://www.narendramodi.in)

__________________________________________________________

આ કાર્ટુન ઘણું કહી જાય છે …(આભાર- શ્રી મનસુખલાલ ગાંધીનો-ઈ-મેલમાં આ કાર્ટુન મોકલવા માટે )

શ્રી નરેન્દ્ર મોદીનો બ્લોગ-ShriNarendra Modi’s Blog

નીચેની ગુજરાતના મુખ્ય પ્રધાન નરેન્દ્ર મોદીના બ્લોગની લીંક ઉપર અનેક તસ્વીરો અને વિડીયો અને એમના પ્રસોન્ગોપાત લખેલ લેખોમાંથી ગુજરાત રાજ્ય અંગે અને એમના દૈનિક કાર્યશીલ જીવનની ઝાંખી મેળવી શકાશે.

http://www.narendramodi.in/gu/category/blog/page/2/

________________________________________________________________

શિકાગોમાં યોજાયેલી વિશ્વ ધર્મપરિષદમાં સ્વામી વિવેકાનંદનું પ્રવચન——અહી ક્લિક કરીને વાંચો .

ગુજરાતમાં સ્વામી વિવેકાનંદની ૧૫૦મી જન્મ જયંતીની

ઉજવણી અને યુવા જાગૃતિ

2012ના વર્ષને  શ્રી નરેન્દ્ર મોદીએ યુવા શક્તિ વર્ષ તરીકે જાહેર કર્યું છે. આ રીતે સ્વામી વિવેકાનંદજીની 150મી

જન્મજયંતિ ગુજરાત  એની અનોખી રીતે ઉજવી રહ્યું છે.

નરેન્દ્ર મોદીના બ્લોગની નીચેની લીંક ઉપર  વિવેક વાણી શિર્ષક હેઠળના દરેક ત્રણ મિનિટના વિડીયો Vivek Vani

Episode 1 to 15 જોવાથી (જેમાં પુ.મોરારીબાપુ,રમેશ ઓઝા ,સ્વામી સચ્ચિદાનંદ  વિ.સંતોના પ્રવચનો સામેલ

છે ) ગુજરાતની આ અનોખી ઉજવણીનો ખ્યાલ આવી જશે.

 http://www.narendramodi.in/gu/get-soaked-in-the-wisdom-of-swami-vivekananda-watch-3-minutes-of-vivek-vani-everyday/

આ વિવેક વાણી સીરીઝના આરંભનો નીચેનો વિડીયો જુઓ અને શ્રી મોદીની વક્તૃત્વકલાનો પરિચય પણ પામો.

Vivek Vani Opening Episode-Speech of Shri narendra Modi

_____________________________________________________

9/11ના ઐતિહાસિક દિવસે ‘સ્વામી વિવેકાનંદ યુવા વિકાસ યાત્રા’નો

પ્રારંભ

ગુજરાતના મુખ્ય મંત્રી શ્રી નરેન્દ્ર મોદીએ સપ્ટેમ્બર 11,2012 ના

રોજ (૧૧મી સપ્ટેમબર,૧૮૯૩ના રોજ સ્વામી વિવેકાનંદે શોકાગોમાં

ધાર્મિક પ્રવચન આપ્યું હતું )એ દિવસે યુવા વિકાસ યાત્રાનો

ગુજરાતના યાત્રા ધામ બેચરાજીથી પ્રારંભ કરીને સ્વામીજીના

ભવ્ય અને ઐતિહાસિક  પ્રસંગને અનોખી રીતે અંજલિ આપી હતી.

આ પ્રસંગે શ્રી મોદીએ એમના બ્લોગમાં નીચે પ્રમાણે નોધ કરી છે.

પ્રિય મિત્રો,

જ્યારે પણ 11મી સપ્ટેમ્બરની વાત આવે ત્યારે મોટાભાગના લોકોના મનમાં યુએસએના બે મોટા શહેરોમાં ઐતિહાસિક ઇમારતો પર વિમાન દ્વારા કરાયેલા ભયાનક આતંકવાદી હુમલાની યાદ તાજી થઇ જાય છે, કે જેણે ભયાનક વિનાશ નોતર્યો હતો.

જોકે, ઇતિહાસના પાનામાં 11મી સપ્ટેમ્બરની અન્ય એક ઘટના પણ અંકિત થયેલી છે, જે દિવસે સમગ્ર વિશ્વનું ધ્યાન ભારતના મહાનતમ સાંસ્કૃતિક મૂલ્યો અને સામર્થ્ય તરફ ખેંચાયું હતું. 1893માં આ જ દિવસે શિકાગો ખાતે વિશ્વ ધર્મપરિષદમાં સ્વામી વિવેકાનંદે પોતાનું પ્રખ્યાત પ્રવચન આપ્યું હતું. “મારા અમેરિકન ભાઇઓ અને બહેનો” – માત્ર આટલા જ શબ્દોથી જ આ મહાપુરુષે ભારત માતાનો વૈશ્વિક એકતાનો પ્રાચિનતમ સંદેશ સમગ્ર વિશ્વને પહોંચાડી દીધો હતો.

આ ઐતિહાસિક દિવસે, હું બેચરાજીના પવિત્ર શહેરથી બહુચર માતાના આશિર્વાદ સાથે સ્વામી વિવેકાનંદ યુવા વિકાસ યાત્રાશરૂ કરી રહ્યો છું. સ્વામી વિવેકાનંદે એક સમર્થ અને સમૃદ્ધ ભારતની કલ્પના કરી હતી અને મારી યાત્રા દરમિયાન, સ્વામીજીનો આ સંદેશ હું ગુજરાતના પ્રત્યેક ખૂણે અને ખાસ કરીને યુવાનો સુધી પહોંચાડવાનો છું. સ્વામીજીની 150મી જન્મજયંતિ નિમિત્તે, ગુજરાત 2012ના વર્ષને યુવા શક્તિ વર્ષ તરીકે ઉજવી રહ્યું છે અને મને ખાતરી છે કે આ અવસર પર આપણે આદરેલો પ્રયાસ અત્યંત ફળદાયી નીવડશે.

આજનો દિવસ અન્ય એક રીતે પણ સિમાચિહ્નરુપ લેખાશે કારણકે આજથી આપણે ગુજરાતભરમાં ગુટખા પર પ્રતિબંધ અમલમાં મૂક્યો છે. ગુટખાની આદતને કારણે સંખ્યાબંધ લોકોને તેમના જીવ ગુમાવતા જોઇને મને ખુબજ દુઃખ થતું. ગુટખાના દૂષણથી રાજ્યની કોઇપણ મહિલાને પોતાના પતિ કે યુવાન બાળક ગુમાવવાનો વારો ન આવે તેવા નિર્ધાર સાથે આપણે આ પ્રતિબંધ અમલમાં મૂક્યો છે. આપણું સ્વપ્ન સ્વસ્થ ગુજરાતનું નિર્માણ કરવાનું છે, જ્યાં લોકોના શબ્દકોશમાં ગુટખા નામનો શબ્દ જ ન હોય.

વિશ્વ ધર્મપરિષદમાં સ્વામી વિવેકાનંદે કરેલા પ્રવચનને હું અહીં મૂકી રહ્યો છું. ચાલો 9/11ના દિવસને આપણે વૈશ્વિક શાંતિ અને ભાઇચારાના દિવસ તરીકે યાદ રાખીએ તથા સમર્થ અને ભવ્ય ભારતના સ્વામી વિવેકાનંદના સ્વપ્નને સાકાર કરવાની દિશામાં આગળ વધીએ.

આપનો,

(90) 40 Life Tips From Those Who’ve Been There

40 Life Tips From Those Who’ve Been There

These 40 life tips were collected from men and women 85 or older. Some have been through wars, others through depressions, sickness, and even concentration camps. They are a generation that was unlike any other, and we can all profit from their advice. Even those of us over 85 ourselves, because these days, it is never too late to get good advice.

     Health

 
 
 
Character
 
 
   Find humor when you can. 
 
 
Community
 
 
          Life
 
 
 
 
(Courtesy : John Chlebowski- from his e-mail )

 


 

(89 ) ત્રણ રમુજી હાસ્ય કથાઓ (હાસ્ય યાત્રા ભાગ-૩)

ભાષાનો છબરડો !

 

અમેરિકામાં જ્યારે તમે આપત્તિમાં આવી પડો અને પ્રાર્થના

કરી ભગવાનને યાદ કરો ત્યારે મહેરબાની કરીને બીજી કોઈ

ભાષામાં નહિ પણ અંગ્રેજી ભાષામાં જ કરજો.

કોને ખબર ક્યારે ભાષા ફેરના છબરડામાં તમારે વધારે સહન

કરવાનું પણ થાય !

આવા ભાષાના છબરડામાં સપડાયેલ  આપણા એક દેશી

ભાઈનો અમેરિકામાં બનેલો આ રમુજી પ્રસંગ નીચે વાંચો.

એક સવારે અમેરિકામાં રહેતા બહું જ ધાર્મિક પ્રકૃતિના એક

ગુજરાતી ભાઈ એમની કારમાં જઈ રહ્યા હતા ત્યારે રસ્તામાં જ

એમને ભારે હાર્ટ એટેક આવ્યો.

કોઈએ ખબર આપી હશે એટલે એમને લઇ જવા માટે

એમ્બ્યુલન્સ આવી. એમ્બ્યુલન્સમાં અર્ધ બેભાન અને ગંભીર

અવસ્થા સપડાયેલ આ ભાઈને લાગ્યું કે મારો અંત હવે નજીક

છે. એટલે ભગવાનમાં અપાર શ્રધા ધરાવનાર આ ધાર્મિક દેશી ભાઈએ ભગવાનનો જાપ શરુ કરી દીધો:

”હરિ ઓમ ..હરિ ઓમ … હરિ ઓમ ……

એમના પતિને લઈને એમ્બ્યુલન્સ ઘર આગળ ઉભેલી જોઈને

એમનાં પત્ની ઘરમાંથી બહાર દોડી આવ્યાં.આવી સ્થિતિમાં

પતિને હોસ્પિટલને બદલે ઘેર લઇ આવવા માટે 

મ્બ્યુલન્સના મેડીકલ સ્ટાફ ને ઉદ્દેશીને ગુસ્સાથી બરાડી

ઉઠ્યાં:

“તમે લોકો કેવા છો.એમને અહીં લાવવાની શું જરૂર

હતી.સીધા હોસ્પિટલ કેમ ના લઇ ગયા ?.”

અમેરિકન મેડીકલ સ્ટાફના માણસોએ (અંગ્રેજીમાં) કહ્યું:

”અમે શું કરીએ, તમારા પતિ અમને વારંવાર કહી રહ્યા હતા

કે—

‘Hurry home ,Hurry home, Hurry home!’

(મારાં પુત્રવધુ ક્રિષ્ના આશિષ પટેલના ઈ–મેલમાં મૂળ અંગ્રેજીમાં મળેલ આ રમુજી ટુચકાનો ગુજરાતીમાં અનુવાદ કરી અ.સૌ.ક્રિષ્નાના આભાર સાથે અહીં મુકેલ છે- વિ.પ.)

_____________________________________________________________

એક ભૂલકણા સીનીયર સીટીઝન ની  કથા-વ્યથા !

સીનીયર સિટીઝનનું એક જાણીતું લક્ષણ

એ છે કે ધીમે ધીમે  એની યાદશક્તિ

એને દગો દેવા માંડે છે.

આવા એક સીનીયર સીટીઝન મિસ્ટર બ્રાઉનના 

ભૂલકણાપણાની  નીચેની રમુજી અનુભવ કથા

વાંચી તમને હસવું પણ આવશે અને સહાનુભૂતિ પણ થશે .

જોગાનુજોગ ,આવો અનુભવ જ્યારે તમને પણ કોઈ વાર

થાય ત્યારે માનવું કે તમે હવે ખરેખર સીનીયર સીટીઝન

થવા તરફ આગળ વધી રહ્યા છો !

એક રવિવારે સીનીયર સીટીઝન મિસ્ટર બ્રાઉન રવિવારની 

ચર્ચની સભામાંથી બહાર નીકળીને જેવી રીતે વિમાની મથકે

બધી તપાસ થતી હોય છે એ રીતે એમની કારની ચાવીઓ

શોધવા માટે પોતાનાં બધાં ખિસ્સાં ફંફોસી વળ્યા ,પરંતુ

ચાવીઓ ન મળી.કદાચ ચર્ચના સભાગૃહમાં ચાવીઓ પડી

ગઈ હશે એવું ધારીને ત્યાં નજર ફેરવી આવ્યા.ત્યાં પણ કશું ન

મળ્યું.પછી એકદમ એમને યાદ આવ્યું કે તેઓ કારમાં જ

કદાચ ચાવીઓ ભૂલી ગયા હોય .આવું વિચારી પાર્કિંગ લોટમાં

પોતાની કાર તરફ ઉતાવળે પગલે જવા લાગ્યા.

મિસ્ટર બ્રાઉનને કારની ચાવીઓને કારના ઇગ્નિશન હોલમાં

લટકતી રાખી મુકવા માટે એમની પત્ની ડાયેને ઘણીવાર

ઠપકો આપ્યો હતો.પરંતુ બ્રાઉન તો દ્રઢ પણે માનતા હતા કે

ચાવીઓ જલ્દી મળી આવે એ માટે એને કી હોલમાં રાખવી એ

જ ખરો  ઉપાય છે.એમની પત્ની ડાયેનનું માનવું એમ હતું કે

ચાવીઓને ત્યાં રાખવાથી કાર ચોરાઈ જવાની શક્યતા વધી

જાય છે.

ચર્ચના પ્રવેશદ્વારમાંથી ઉતાવળે બહાર આવી પાર્કિંગ લોટ

તરફ નજર કરતાં જ એમને ધ્રાસકો પડ્યો.એમણે   જોયું તો

પાર્કિંગ લોટ ખાલી થઇ ગયો હતો, ત્યાં કોઈ કાર નજરે દેખાતી

ન હતી .

મિસ્ટર બ્રાઉને તરત જ પોલીસમાં ફોન જોડ્યો.તેઓ ક્યાં છે એ

જગ્યાનું અને એમના ઘરનું સરનામું આપ્યું.એમણે  પોલીસ

સ્ટેટમેન્ટમાં કબુલ્યું કે કારની ચાવીઓ ભૂલથી કારની અંદર

રહી ગઈ હતી અને કારને કોઈ ચોર ઉઠાવી ગયો છે.

ત્યારબાદ એમણે એમની પત્ની ડાયેનને ફોન જોડ્યો.જો કે

વાત કરતાં થોડું થોથવાયા.જ્યારે જ્યારે આજના જેવી તેઓ 

ભૂલ કરતા ત્યારે હમેશાં પત્નીને હની કહીને સંબોધન કરતા.

એમણે ફોનમાં કહ્યું “હની,કારની ચાવીઓ મારાથી કારમાં રહી

ગઈ હતી ને કારને કોઈ ઠગ ચોરી ગયો લાગે છે.”

બ્રાઉનનાં પત્ની ડાયેન જવાબ આપવાને બદલે શાંત હતાં.

બ્રાઉનને થયું ફોન કપાઈ ગયો હશે પણ પછી સામેથી

ડાયેનનો  ઘાંટો સંભળાયો”બ્રાઉન,તને પાર્કીગ લોટમાં

ઉતારીને, કાર લઈને તો હું પાછી આવી છું.”

હવે શાંત થવાનો વારો મિસ્ટર બ્રાઉનનો હતો.આ સાંભળીને તે

ખરેખર ભોંઠા પડી ગયા .એમણે પત્નીને કહ્યું :

“ખેર, જે થવાનું હતું તે થયું, તું આવીને મને હવે અહીંથી ઘેર

લઇ જા.”

ડાયેને સામેથી જવાબ આપ્યો:

”તમે ફરિયાદ કરી એટલે આપણા ઘેર પોલીસ આવી છે.તેઓ

એમ કહે છે કે કારની ચોરી કરીને હું ભાગી આવી છું. પોલીસને

હું બરાબર ખાતરી કરાવું કે હું ચોર નથી,ત્યારબાદ  આવીને

લઇ જાઉં છું !”

(મૂળ અંગ્રેજી ઉપરથી ભાવાનુવાદ- વિનોદ આર. પટેલ)

______________________________________________

(૩ ) સ્ત્રીઓ પુરુષો કરતાં બમણું કેમ બોલે છે ?

આનંદ અને મંજરી સાંજનું ડીનર પતાવીને હંમેશના નિત્યક્રમ

પ્રમાણે નિરાંતે પોતાના હાઉસમાં સોફા ઉપર 

અલકમલકની વાતો કરતાં બેઠાં છે.આનંદ સોફ્ટવેર 

એન્જીનીયર છે અને મંજરી પણ એક લેબમાં મેનેજરની જોબ 

કરે છે. નવે નવાં પરણેલાં છે. દિવસે તો જોબને લીધેવાતો 

કરવાનો બહું સમય મળતો નથી એટલે સાંજે ડીનર 

પતાવીનેદિવસ દરમ્યાનની ગતિવિધિઓ અંગે વાતો કરી 

ટીવી જોઇને સુઈ જવાનો નિત્યક્રમ થઇ ગયો છે.

મંજરી આનંદને પૂછે છે : 

બોલ આજની શી નવાજુની.?”

આનંદ : 

અરે હા, મંજરી આજે જોબ પર રીસેસમાં મેં ન્યુજ

પેપરમાંવાંચ્યું  કે સામાન્ય રીતે પુરુષો દરરોજ જેટલા શબ્દો

બોલે છે એનાથી બમણા શબ્દો  સ્ત્રીઓ બોલતી હોય છે.હું જાણું

ને ,દરેકસ્ત્રી સ્વભાવે જ બોલકી હોય છે.”

મંજરી થોડી વારચુપ રહી ,

પછી કઇક વિચારીને આનંદ તરફ જોઇને બોલી : 

“સ્ત્રીઓ પુરુષો કરતાં બમણું  બોલે છે એનું એક કારણ છે .”

આનંદ:

બોલ, શું કારણ છે ?”

મંજરી :

કારણ એ કે સ્ત્રી જ્યારે એક વાર પોતાના પતિને કોઈ વાત

કરે છે ત્યારે પહેલી વખત તો જાણે એને કશુંસમજાતું ન હોય

એમ એજ વાત ફરી પૂછે છે. પછી પત્નીને એજ વાત ફરી

કહેવી પડે છે.”

આનંદ :

શું કહ્યું ?”

મંજરી :

જો, મારી વાત સાચી નીકળી ને ?”

હવે ચુપ રહેવાનો વારો આનંદનો હતો!

સંકલન –વિનોદ આર. પટેલ

__________________________________________________________

હાસ્યેન સમાપયેત !

પતિ-પત્નીની એક જોક

એકવાર પતિએ પત્નીને કહ્યું :

“મને એ નથી સમજાતું કે તું એક સાથે આટલી સુંદર અને બુધ્ધુ

બન્ને કઈ રીતે હોઈ શકે ?”

પત્નીએ જવાબ આપ્યો :

“હું તમને સમજાવું.ભગવાને મને સુંદર બનાવી જેથી તમે

મારા તરફ આકર્ષાવ  અને ભગવાને મને બુધ્ધુ એટલા માટે

બનાવી જેથી હું તમારા તરફ આકર્ષાઉં !”

_____________________________________________________________

colors-that-only-nature-can-make-peacock

(88) સ્વ.હીરાભાઈ ઠક્કરનું જાણીતું પુસ્તક ‘કર્મનો સિદ્ધાંત’ Theory of Karma – હવે ગુજરાતી ઈ-બુકમાં

આ વર્ષની પ્રથમ બે પોસ્ટમાં આપણે હાસ્ય યાત્રા કરી હળવા થયા.

આજની પોસ્ટમાં ખુબ જ ગંભીર  વિષય કર્મનો સિદ્ધાંત ઉપર જ્ઞાન મેળવીએ અને એની ફિલસુફી ઉપર વિચાર અને મનન કરીએ

Late Harilal Thakkar (1918-2001)

“કર્મનો સિદ્ધાંત “એ સ્વ.હીરાભાઈ ઠક્કરનું આધ્યાત્મિક જગતમાં ઘણા વર્ષોથી ખુબ જ જાણીતું બનેલું પુસ્તક છે. સ્વ.હીરાભાઈ ઠક્કર ગુજરાતમાં આડત્રીસ વર્ષ રેવન્યુ ખાતામાં નોકરી કરીને ૧૯૭૬મા ડેપ્યુટી કલેક્ટરની ગ્રેડમાં નિવૃત થયાં એ દરમ્યાન જ્યાં જ્યાં બદલીઓ થઇ ત્યાં ત્યાં અને રીટાયર મેન્ટ પછી પણ એમણે વેદાંત,ઉપનીષદો ,ગીતા ,ભાગવત ,રામાયણ એમ અનેક આધ્યાત્મિક વિષયોમાં પ્રવચનો આપેલાં છે.આમાંનાં ઘણાં આજે ગ્રંથસ્થ થયેલાં છે. કર્મનો સિદ્ધાંત એ વિષય ઉપર આપેલ એમનાં અનેક પ્રવચનોની નોધ એમના નજીકના પ્રસંસકોએ કરેલી એનો ટૂંકસાર એમણે ૧૯૭૩મા છપાવીને પ્રસિદ્ધ કરેલો અને ત્યાર બાદ ૧૯૭૭મા આ પુસ્તકનું વિધિસર પ્રકાશન થયેલું હતું.ઘણા લોકો એમનાં સ્વર્ગસ્થ સગાં–સંબંધીઓના સ્મરણાર્થે આ પુસ્તકને પોતાના ખર્ચે છપાવીને વિના મુલ્યે મુમુક્ષુઓને વહેંચતા .આમ લોકોને ગમતા આ પુસ્તકમાં એમણે કર્મના સિદ્ધાંત ઉપર એમની આગવી રીતે રમુજી શૈલીમાં ખુબ જ સરસ ચર્ચા કરી છે.

ભગવાન શ્રી કૃષ્ણે અર્જુનને જ્ઞાન આપતાં કહ્યું છે કે કર્મની ગતી ગહન છે, કારણ કે આપણું આ જીવન અટપટું છે.આપણને ઘણી વાર વિચાર આવતો હોય છે કે એક માણસ કેમ સુખી હોય છે અને એક માણસ કેમ દુખી હોય છે.કવિ કરસનદાસ માણેકના શબ્દોમાં –

મને એ સમજાતું નથી કે આવું શાને થાય છે ?

ફૂલડાં ડૂબી જતાં ને  પથ્થરો તરી જાય છે !

ગીતામાં વધુમાં કહેવાયું છે કે કર્મ કરવામાં તમે સંપૂર્ણ સ્વતંત્ર છો, તો તેનું ફળ-પરિણામ ભોગવવામાં પણ તેટલા જ પરતંત્ર છો.પ્રત્યેક કર્મ કરતાંની સાથે જ તે તમને બંધનમાં જકડી દે છે.. ગીતા તો કહે છે કે કર્મ ફળ આપ્યા સિવાય છોડશે નહિ. કર્મના ફળનો વિચાર નહિ કરવો, એનો અર્થ એવો છે કે કર્મના ફળમાં આસક્તિ-લોભ નહિ રાખવો.પરંતુ કર્મનું ઉત્તમ પ્રકારનું ફળ પ્રાપ્ત થાય તેવો સમજપૂર્વકનો પુરુષાર્થ તો કરવો જ જોઈએ.

કર્મે જ અધિકારી તું, ક્યારે ય ફળનો નહીં

મા હો કર્મ ફ્લે દ્રષ્ટિ ,મા હો રાગ અકર્મમાં .

સ્વ. હીરાભાઈ ઠક્કરે સરસ શબ્દોમાં કહ્યું છે કે –

“ગીતાનો યોગ સામાન્યમાં સામાન્ય માણસના રોજિંદા જીવનમાં ક્ષણે ક્ષણે ઉપયોગમાં ના આવે તો પછી ગીતના સાતસોએ સાતસો શ્લોકો માત્ર મોઢે કરવાનો કશો જ અર્થ નથી. જીવનવ્યવહારમાં ઉપયોગી એવી સાદી અને દરેક માણસને સુલભ એવી યોગની વ્યાખ્યા સમજીને જીવનનું પ્રત્યેક કર્મ કરતાં કરતાં માણસનું એકેએક કર્મ ભક્તિમય બની જાય તો પછી તેનો ભગવાન સાથે યોગ થતાં વાર ના લાગે.”

ઈલિનોઈસ ,યુ.એસ.એ. રહેતાં સ્વ. હિરાભાઈનાં સુપુત્રી શ્રીમતી મીનાબેન કાપડીયા એમના પિતાના પ્રવચનોના આધ્યાત્મિક વારસાને લોક ભોગ્ય કરવા માટે વર્ષોથી પ્રવૃત છે.મીનાબેન પાસેથી મેં હીરાભાઈ લિખિત શ્રીમદ ભગવદ ગીતા ભાવાર્થના ત્રણ ભાગ મેળવ્યા છે અને એમનાં બીજાં પુસ્તકો જેવાં કે મૃત્યુનું મહાત્મ્ય અને વેદાંત વિચાર પણ મારા પુસ્તક સંગ્રહમાં છે.મીનાબેને એમના પિતાના પ્રવચનો ઉપરથી બનાવેલી શ્રીમદ ભાગવત કથા ભાગ ૧થી ૭ની MP3 CD મને ભેટ તરીકે મોકલી આપી હતી એ માટે એમનો આભારી છું.

સ્વ.હીરાભાઈ ઠક્કરનું આ ખુબ પ્રખ્યાત થયેલું પુસ્તક હવે ઈ-બુકમાં ઉપલબ્ધ

એ ખુશીની બાબત છે કે સ્વ. હિરાભાઈ કે જેમણે એમની આખી જિંદગી વૈદિક ફિલોસોફીના અભ્યાસ અને પ્રવચનો પાછળ ખર્ચી છે એમના નજીકના સ્વજનોએ એમનું સાહિત્ય લોકો વાંચતા થાય એ આશયથી  એક વેબ સાઈટ http://www.janki.org/ નું નિર્માણ કર્યું છે.

આ વેબ સાઈટ ઉપર હિરાભાઈના ખુબ જાણીતા પુસ્તક કર્મનો સિદ્ધાંત –Theory of Karma  ની ઈ-બુક વેબ સાઈટના મથાળે Read e-book ઉપર ક્લિક કરવાથી આખું પુસ્તક ડાઉનલોડ કરીને આ પુસ્તકના ૧ થી ૪૧ પ્રકરણો વાંચી શકાશે.

આ ઈ-પુસ્તકમાં વ્યક્ત થયેલી કર્મના સિદ્ધાંતની ફિલસુફીને બરાબર સમજી લઇને એને જીવનમાં ઉતારવા માટે  પ્રયત્નશીલ થશો એવી આશા છે.

ઈ–પુસ્તક વાંચવા માટે નીચે ક્લિક કરો.

‘કર્મનો સિદ્ધાંત’ Theory of Karma”

__________________________________________________________

 વિનોદ વિહારના વાચકોને એક ખુશ ખબર

વિનોદ વિહારની પોસ્ટ  વર્ડપ્રેસ.કોમ ના

બ્લોગોમાં  પ્રથમ સ્થાને 

મારા સદા જાગૃત સ્નેહી મિત્ર સુરેશભાઈએ એમના ઈ-મેલમાં મને અભિનંદન આપ્યા  ત્યારે જ મને ખબર પડી કે વર્ડપ્રેસ.કોમના બ્લોગ જગતમાં વિનોદ વિહારની પોસ્ટને પ્રથમ સ્થાન પ્રાપ્ત થયું છે.

મને પ્રોત્સાહિત કરનાર બ્લોગર મિત્રો અને વાચકોનો હું આભારી છું.

મને વર્ડ પ્રેસના રીપોર્ટની નકલ  ઈ-મેલમાં મોકલીને આ ખબર આપવા માટે શ્રી સુરેશભાઈનો ખાસ આભાર.

વિનોદ આર. પટેલ

આ રહ્યો નીચે વર્ડપ્રેસ.કોમનો રીપોર્ટ 

(87) હસતા ચહેરા હવે દુર્લભ બની ગયા છે —લેખક કૃષ્ણકાંત ઉનડકટ (હાસ્ય યાત્રા-2 )

           

વિનોદ વિહારના બીજા નવા વર્ષે શરુ કરેલી હાસ્ય યાત્રા આગળ ચાલે છે.

આજની પોસ્ટમાં જાણીતા પત્રકાર અને ચિંતક શ્રી કૃષ્ણકાન્ત  ઉનડકટનો એક સુંદર લેખ ” હસતા ચહેરા હવે દુર્લભ બની ગયા છે ” એમના આભાર સાથે મુક્યો છે.  આશા છે એ આપને ગમશે.

કૃષ્ણકાંતભાઇ પત્રકારીત્વ ક્ષેત્રે બહોળો અનુભવ ધરાવે છે. હાલ તેઓ સંદેશ અમદાવાદ ખાતે એકઝીક્યુટિવ એડિટર તરીકે ફરજ બજાવે છે.એમની લોક પ્રિય કોલમ ચિંતનની પળે સંદેશની રવિવારની સંસ્કાર પૂર્તિમાં અને દૂરબીન કોલમ સંદેશની બુધવારની અર્ધ સાપ્તાહિક પૂર્તિમાં છપાય છે. એમનાં બે પુસ્તકો પ્રસિદ્ધ થઈ ચુક્યા છે ૧. ચિંતનની પળે અને ૨. ચિંતનને ચમકારે.


એમના પ્રેરક લેખો વાંચવા જેવા હોય છે.એમાં તેઓ એમની વાત સાચી અને સચોટ રીતે રજુ કરતા હોય છે.

—વિનોદ આર. પટેલ

_________________________________________________________

 

હસતા ચહેરા હવે દુર્લભ બની ગયા છે — (ચિંતનની પળે)  —લેખક શ્રી.કૃષ્ણકાંત ઉનડકટ 

હજી આંખમાં જાણે ફરકે છે કોઈ, હજી મીઠું શરમાઈ મરકે છે કોઈ,
 
વિખૂટાં પડયાં તોય લાગે છે ‘ઘાયલ’, હજી પણ રગેરગમાં સરકે છે કોઈ.
 
– અમૃત ઘાયલ

બેપ્રકારના લોકોનો ક્યારેય ભરોસો ન કરવો.એક જે ક્યારેય હસતા ન હોય અને બીજા જે દરેક વાતમાં હસતા હોય.આજે કોઈ વસ્તુની અછત હોય તો એ ‘સેન્સ ઓફ હ્યુમર’ની છે.હાસ્યનો જ્યારે દુકાળ પડે છે ત્યારે માણસના ચહેરા પર ન દેખાય એવી તિરાડો ઉપસી આવે છે.જિંદગીને લોકો એટલી બધી ગંભીરતાથી લેવા માંડયા છે કે જિંદગીમાંથી હાસ્ય ગુમ થતું જાય છે.
 
તમે વિચાર કરી જોજો કે આજે આખા દિવસ દરમિયાન તમે કેટલી વાર હસ્યા હતા?આપણે કેમ કોઈ વસ્તુ હળવાશથી લઈ શકતા નથી?આજના સમયની જો કોઈ કોમન કમ્પ્લેન હોય તો એ છે કે ક્યાંય મજા નથી આવતી.મજા જો અંદર નહીં હોય તો એ ક્યારેય બહારથી આવવાની નથી.તમારે તમારા લોકોને મજામાં રાખવા છે? તો પહેલાં તમે મજામાં રહો. તમે જેવું ઇચ્છતા હો એની શરૂઆત તમારે જ કરવી પડે.
 
માણસ જેમ જેમ આધુનિક બનતો જાય છે એમ એમ એનું હસવાનું ઘટતું જાય છે.માણસને હવે હસવા માટે પણ એસએમએસ અને કોમેડી શોની જરૂર પડવા લાગી છે.આપણું હસવું હવે આપણાં હાથની વાત નથી.હસવા માટે આપણને કશાકનો આધાર જોઈએ છે. વાહિયાત કોમેડી શો જોઈને આપણે હસવાનો ધરાર પ્રયત્ન કરીએ છીએ. હાસ્ય પણ હવે નેચરલ રહ્યું નથી.જો આવું જ ચાલ્યું તો એક દિવસ ગલગલિયાં કરવાં માટે પણ એક્સપર્ટ્સ હાજર હશે. ચાર્જ લઈને એ તમને ગલગલિયાં કરશે. હસવું ચાર્જેબલ થતું જાય છે.
 
લોકોને હવે કોમેડી ફિલ્મ વધુ ગમવા લાગી છે.લોકો એવી વાત કરે છે કે આપણી ઉપાધિઓ કયાં ઓછી છે કે ફિલ્મ જોઈને કાલ્પનિક ઉપાધિઓ વહોરી લેવી!એના કરતાં કોમેડી ફિલ્મ જોવી સારી.મગજ ઘરે મૂકીને જ જવું ! કેવું છે,આપણને હવે હસવા માટે પણ મગજને ક્યાંક બીજે મૂકવાની જરૂર લાગવા માંડી છે.મગજ જો બોલી શકતું હોત તો કદાચ એ પણ એવું કહેતું હોત કે સારું છે તમે મને થોડો સમય રેઢું મૂકો છો, હું પણ થાકી જાઉં છું.
 
મગજની વાત નીકળે ત્યારે આપણે એવી વાતો સાંભળીએ છીએ કે માણસ એના મગજનો બહુ ઓછો ઉપયોગ કરે છે. આઈન્સ્ટાઈન કેટલા ટકા મગજનો ઉપયોગ કરતા હતા તેનાં ઉદાહરણો આપીએ છીએ. સવાલ એ નથી કે આપણે મગજનો કેટલો ઉપયોગ કરીએ છીએ,સવાલ એ છે કે આપણે મગજનો કેવો ઉપયોગ કરીએ છીએ. આપણે મગજનો જેટલો ઉપયોગ કરીએ છીએ એટલો બરાબર કરીએ છીએ?મગજના ઉપયોગની ટકાવારીની વાત સાંભળીને એક મિત્રએ કહ્યું કે સારું છે આપણે મગજનો ઓછો ઉપયોગ કરીએ છીએ.આટલા ઉપયોગ પછી પણ આવી હાલત છે તો મગજના પૂરતાં ઉપયોગ પછી શું થાત? કદાચ મગજ જ ફાટી જાત.
 
માણસ બધી વસ્તુમાં ‘ગોલ’નક્કી કરે છે.મારે આટલું હાંસલ કરવું છે.મારે આટલું કમાવવું છે, મારે અહીં પહોંચવું છે.સાથોસાથ હવે માણસે એ પણ નક્કી કરવાની જરૂર છે કે મારે જિંદગીમાં આટલું હસવું છે.જિંદગીમાં મને આટલી હળવાશ જોઈએ છે.ધરાર ભારે રહેવાનો કોઈ મતલબ નથી.દુઃખી રહેવું ફરજિયાત નથી.આખી દુનિયામાં ઘણી જાતની સૂચનાઓનાં બોર્ડ લગાવેલાં હોય છે પણ ક્યાંય એવું બોર્ડ હોતું નથી કે અહીં હસવાની મનાઈ છે. આપણે તો હસવાનું હોય ત્યાં પણ સોગિયાં મોઢાં કરીને બેઠાં હોઈએ છીએ. હાસ્યના કાર્યક્રમમાં પણ કેટલા લોકો ખડખડાટ હસી શકે છે?બધાં એવું વિચારે છે કે આપણે કેવા લાગીએ? યાદ રાખો,હસવાથી કોઈ ક્યારેય ખરાબ લાગતું નથી. હાસ્ય તો યુનિવર્સલ છે. હાસ્યની ભાષા એક જ છે.
 
લાઈફ ઇઝ નોટ સીરિયસ બિઝનેસ. પણ આપણને બધું તલવારના જોરે મેળવવાની આદત પડી ગઈ છે. જાણે હસશું તો કંઈક લૂંટાઈ જશે. સ્ટ્રીક્ટનેસ એ જિંદગીની લાક્ષણિકતા બની ગઈ છે. ક્યાંક કશી મોકળાશ છે જ નહીં એટલે જ આપણને હવે દરેક વસ્તુનો થાક લાગે છે. માણસને ઊંઘથી પણ આરામ મળતો નથી. સવારે ઊઠીએ ત્યારે પણ આપણને થાક વર્તાય છે.આપણે ઊંઘને દોષ દઈએ છીએ, કારણ કે આપણને પોતાની જાતને દોષ દેતાં આવડતું જ નથી. રાતે હસીને ન સૂઈએ તો સવાર ઉદાસ જ ઊગવાની છે.
 
બાળકને જોજો,એ ઊંઘમાં પણ હસતું હશે.આપણે ઊંઘમાં પણ કણસતા હોઈએ છીએ.આપણાં સપના પણ બિહામણાં બની ગયાં છે.જે જાગતી અવસ્થામાં હળવો નથી રહી શકતો તેની ઊંઘ પણ ભારે હોય છે.માણસ પોતાની જાત સાથે જીવવાનું ભૂલતો જાય છે. આપણે આપણી સાથે જીવીએ છીએ? તેનો જવાબ ના છે. આપણે મોબાઈલ અને લેપટોપ સાથે જીવવા લાગ્યા છીએ.કુદરતથી દૂર થતાં જઈએ છીએ.આપણને હવે દરેક વાતની સીડી જોઈએ છે,પેનડ્રાઈવ જોઈએ છે.આપણને હવે બીજી વસ્તુઓ ડ્રાઈવ કરે છે.આપણું સ્ટિયરિંગ આપણાં હાથમાં જ નથી.સ્માઈલિંગ ફેઈસ પણ હવે ડિજિટલાઇઝ્ડ બની ગયા છે. ગોળ પીળો ચહેરો આપણે એટેચ કરીને હેવ ફનનો મેસેજ કરી દઈએ છીએ.હાસ્યનો ચહેરો પીળો હોય?કોઈ હસતી વ્યક્તિના ચહેરા પર તમે પીળાશ જોઈ છે? હાસ્યનો ચહેરો તો ગુલાબી હોય.
 
તમે રોડ પર પસાર થતાં કે તમારી સાથે કામ કરતાં લોકોના ચહેરા પર નજર કરજો, કેટલાં લોકોના ચહેરા પર હાસ્ય હોય છે?ઉદાસી અને ઉપાધિ એ આજના સમયની સૌથી મોટી સમસ્યા છે. માણસના ચહેરાની ચામડી જડ થતી જાય છે.એક માણસ બ્યુટિશિયન પાસે ગયો.તેણે કહ્યું કે મારો ચહેરો તંગ થતો જાય છે, મારી સ્કિન ખેંચાય છે. ફેઈસ ડેડ લાગે છે. બ્યુટિશિયને હસીને કહ્યું કે, તમારે એક જ કામ કરવાનું છે. હસવાનું થોડુંક વધારી દો.
 
ડિપ્રેશનનું સૌથી મોટું લક્ષણ કયું છે? જે માણસ ડિપ્રેશનમાં હોય એ હસી શકતો નથી. તેના ચહેરા પરથી હાસ્ય જાણે અલોપ થઈ ગયું હોય છે.બીજી રીતે એમ પણ કહી શકાય કે જે હસતો નથી એના ડિપ્રેશનમાં જવાના ચાન્સીસ સૌથી વધુ રહે છે. તમારે તમારી જિંદગીને નેચરલ રાખવી છે તો હસતાં રહો.
 
કેવું છે?માણસને રડવું તરત આવી જાય છે અને હસવા માટે મહેનત કરવી પડે છે.તમારે જો હસવા માટે મહેનત કરવી પડતી હોય તો યાદ રાખજો કે તમારી જિંદગીમાં કંઇક ખૂટે છે.હવે તો માણસ હસવાનું પણ કોઈને સારું લગાડવા માટે કરે છે.માણસ હવે ખોટું હસતા શીખવા લાગ્યો છે.સાચું હસવાનું ભૂલી ગયેલા માણસ કેટલી વાર ખોટું હસતો હોય છે. ઘણા માણસોના તો હાસ્યમાં પણ રમત હોય છે. એટલે જ આપણે કહીએ છીએ કે તેના હસવા ઉપર ન જતો,એના હાસ્ય પાછળ છૂપી ક્રૂરતા છે.હસવાનું નાટક કરવું એ સૌથી મોટું પાપ છે. આપણે જ્યારે હસતાં હોઈએ છીએ ત્યારે ખરેખર હળવા હોઈએ છીએ?પાર્ટીઓમાં અને મિટિંગમાં આપણે હસવાના કેટલા નાટક કરતાં હોઈએ છીએ?આવી રીતે હસતાં લોકો કરતાં તો ઉદાસ લોકો કદાચ વધુ નેચરલ હોય છે. કમસે કમ એ પોતાની ઉદાસી છુપાવતા તો નથી.
 
હાસ્યને કૃત્રિમ ન બનાવો.જે કંઈ કોસ્મેટિક છે એ નેચરલ નથી. જેણે મેકઅપ કર્યો હોય એ દેખાઈ આવે છે. એવી જ રીતે ખોટું હાસ્ય પણ પકડાઈ જતું હોય છે. જે પોતાની જાત સાથે જીવી શકે છે એ જ ચહેરા ઉપર સાચું હાસ્ય ઉત્પન્ન કરી શકે છે. તમને જિંદગીથી ભાર લાગે છે? તો એક કામ કરજો, હસવાનું થોડુંક વધારી દો. અને હા ખરાં દિલથી હસજો, હળવાશ લાગશે. યાદ કરો તમે છેલ્લે ખડખડાટ ક્યારે હસ્યા હતા? છેલ્લે ક્યારે હસી હસીને તમારી આંખમાં પાણી આવી ગયાં હતાં? હસવાથી આંખોમાં પાણી આવી જાય ત્યારે જ આપણે ખરા અર્થમાં છલોછલ અને તરબતર હોઈએ છીએ. હાસ્ય તો ચહેરાની ખરી ચમક છે. હસશો નહીં તો ચહેરા ઉપર પણ કાટ લાગી જશે.
 
છેલ્લો સીન :
 
પ્રસન્નતા વસંતની જેમ હૃદયની બધી કળીઓને ખીલવી જાય છે. -મેપોલ
 
_____________________________________________________
 
(આ અગાઉ વિનોદ વિહારમાં પોસ્ટ કરવામાં આવેલો એમનો બીજો સુંદર લેખ (66) જે પરિસ્થિતિને બદલી ન શકો
 
તેને સ્વીકારી લો  લેખક-શ્રી કૃષ્ણકાંત ઉનડકટ પણ લેખ ઉપર ક્લિક કરીને વાંચો.)
 
 
(ઈન્ટરનેટ પર શ્રી કૃષ્ણકાન્તભાઈના બ્લોગ ચિંતનની પળે    ઉપર વાચકો એમના ઘણા પ્રેરક લેખો વાંચી શકશે.)
_____________________________________________________________
 
           Some Quotes on Humor- Laughter
 
 
હરીન્દ્ર દવેની એક અદ્‍ભૂત ગઝલ
વરસવાનું
 તરસવાનું
અમસ્તાં જવાનું
 ખસી જવાનું
 વસવાનું
અને
હસતા રહેવાનું …
 
-હરીન્દ્ર દવે
___________________________
 
 મોતને પણ હસીને હસાવો.

મજા જિંદગી છે હસો ને હસાવો,

 પ્રણયગાનના સૂર ઉરથી વહાવો.
 
વહી જાય તો કાળ પાછો ન આવે,
 લઈ લો ને જીવન તણો સર્વ લ્હાવો.
 
અનીતિ ને નીતિ છે જૂઠું બધુંયે,
 બધાં બંધનો એહ દૂરે ફગાવો.
 
જુઓ આસપાસે ચમનમાંહીં ફૂલો,
 ખીલ્યાં એવી ખૂશબોને અંતર જગાવો.
 
ભરી છે મજા કેવી કુદરત મહીં જો,
 જિગર-બીન એવું તમેયે બજાવો.
 
ભૂલી જાઓ દુ:ખો ને દર્દો બધાંયે,
 અને પ્રેમ-મસ્તીને અંતર જગાવો.
 
ડરો ના, ઓ દોસ્તો! જરા મોતથીયે,
 અરે મોતને પણ હસીને હસાવો.
 
– કવિ ભાનુશંકર વ્યાસ ’બાદરાયણ’

“A good laugh is  sun shine in a house .”   …………      Dr.Wilde

“Laughter is the shortest distance between two people “.Victor Borge                 

___________________________________________________________

છેવટે, નીચેની વિડીયોની લિંક ઉપર ક્લિક કરી, જીસસ ક્રાઈસ્ટની  રમુજી હરકતો જોઇને ખુબ હસી લો.

 

(આભાર – શ્રી દિલીપ સોમૈયા – એમના ઈ-મેલમાં આ હાસ્ય સભર વિડીયોની લીંક મોકલવા માટે )