વિનોદ વિહાર

ગુજરાતી ગદ્ય-પદ્ય સર્જનની આનંદ યાત્રા

Daily Archives: એપ્રિલ 26, 2013

( 230 ) એક ચિત્ર-કાવ્ય રચના……( એક વિકલાંગ ચિત્રકારની કેફિયત )

 બે હાથ ન હોવા છતાં માત્ર મોં વડે પીંછી પકડીને રાધા-કૃષ્ણનું સરસ રંગીન ચિત્ર બનાવી રહેલ એક વિકલાંગ કલાકાર (સૌજન્ય- ગુગલ )

બે હાથ ન હોવા છતાં માત્ર મોં વડે પીંછી પકડીને રાધા-કૃષ્ણનું સરસ રંગીન ચિત્ર બનાવી રહેલ એક વિકલાંગ કલાકાર (સૌજન્ય- ગુગલ )

 
 
ઉપરનું આ અજ્ઞાત વિકલાંગ કલાકારનું ચિત્ર દિલને સ્પર્શી ગયું .આ ચિત્ર જોઈને મારા મનમાં જાગેલાં વિચાર-સ્પંદનોમાંથી નીચેની એક કાવ્ય રચના અનાયાસે રચાઈ ગઈ
 
 
એક વિકલાંગ ચિત્રકારની કેફિયત
 
 
હાથ મારા બે , ભલે કુદરતે  છીનવી  લીધા હશે
 
ભીતર પડેલી મારી  કલા સુઝને કોણ છીનવી શકે.
 
 
ધાર્યું મનમાં હતું મારે રાધા-કૃષ્ણનું ચિત્ર બનાવવું
 
મોં ને હાથ બનાવી જુઓ બનાવ્યું કેવું કમાલનું !
 
 
હાથ,પગ અને અન્ય અંગો જરૂરી હશે જીવનમાં
 
કિન્તુ એથીએ વધુ જરૂરી છે ભીતરી હામ હૃદયમાં
 
 
દયા કદી ન ખાશો મિત્રો કે મારે બેઉ હાથ નથી
 
હાથ વિહોણો પણ શું હું અન્યો જેવો ચિત્રકાર નથી !
 
 
કુદરતે ભલે મારા જીવન માટેનું ચિત્ર બગાડી દીધું ,
 
મારા જીવન જુસ્સાએ જુઓ કેવું ચિત્ર સુધારી દીધું !
 
 
વિનોદ પટેલ
 
 

Jai Shri Krishna- in few lines