વિનોદ વિહાર

ગુજરાતી ગદ્ય-પદ્ય સર્જનની ઓન લાઈન આનંદ યાત્રા

Monthly Archives: ઓગસ્ટ 2013

( 301 ) વિનોદ વિહાર – બે વર્ષની સફરને અંતે

તારીખ સપ્ટેમ્બર ૧ ,૨૦૧૧ના રોજ મારી ૭૫ વર્ષની ઉંમરે આ ગુજરાતી બ્લોગ વિનોદ વિહારની એની   પ્રથમ પોસ્ટમાં જણાવેલ ઉદ્દેશ્યથી શુભ શરૂઆત કરી હતી  .

ત્યારબાદ જોત જોતામાં બે વર્ષની આનંદમય યાત્રા પૂરી કરીને વિનોદ વિહાર આ સપ્ટેમ્બરની ૧ લી તારીખે  ત્રીજા વર્ષમાં મંગલ પ્રવેશ કરે છે .

આ બે વર્ષો દરમ્યાન બ્લોગર તરીકેનો મારો  અનુભવ આનંદદાયક રહ્યો છે .

નેટ જગતના આટલા બધા  બ્લોગોની વણઝારમાં જે સત્વશીલ સાહિત્ય હોય છે એ ટકે છે ,બાકીનું બધું સમયના પ્રવાહમાં વિલીન થઇ જાય છે.

આ બે વર્ષો દરમ્યાન મારી અલ્પબુદ્ધિ પ્રમાણે આ બ્લોગમાં મુકેલ મારા સ્વ-રચિત કે પછી વાચનમાંથી મને ગમ્યું હોય એવું મારી પસંદગીનું પ્રેરણાદાયી સત્વશીલ સાહિત્ય પીરસીને વાચકોને રસમય આનંદ યાત્રા કરાવી સંતોષવાનો શક્ય એટલો બધો મેં પ્રયત્ન કર્યો છે  .

મારા આ પ્રયત્નને વાચક મિત્રો તરફથી જે પ્રોત્સાહન જનક પ્રતિસાત સાંપડ્યો છે એનો મને સંતોષ અને ખુશી છે  .

મેં તો અકેલા ચલા થા ,

જાનીબે મંઝિલ મગર …

લોગ સાથ આતે ગયે .

ઔર કારવાં બનતા ગયા !

 

વિનોદ વિહાર – બે  વર્ષને અંતે- કેટલાંક પ્રગતિસુચક આંકડાઓ

.

1.વિનોદ વિહાર બ્લોગની શરૂઆતથી આજ સુધીના મુલાકાતીઓની સંખ્યા  97200+   સુધી

પહોંચી ગઈ છે .( એક વર્ષને અંતે ૨૩૦૦૦ હતી.)

 

2.બે વર્ષમાં આજદિન સુધી ૩૦૧ પોસ્ટ મુકવામાં આવી છે( એક વર્ષને અંતે ૮૫ પોસ્ટ મૂકી હતી )

 

3. બે વર્ષમાં બ્લોગને ફોલો કરતા મિત્રોની સંખ્યા ૧૯૮ થઈ છે. જે એક વર્ષને અંતે ૫૭ ની જ હતી .

 

સપ્ટેમબર ૨૦૧૧માં વિનોદ વિહારની  શરૂઆત થઇ તે પછી બે વર્ષમાં મહીનાવાર વાચકોની સંખ્યામાં જે

વધારો થયો એ નીચેના ગ્રાફમાં દર્શાવ્યું છે .

શરૂઆતથી આજ સુધીની વિનોદ વિહારની આગેકૂચનો ગ્રાફ …

vv_stat_)

મિત્રોનો અને સ્નેહી જનોનો સાથ,સહકાર, પ્રેમ અને ઉષ્માભર્યો પ્રતિભાવ મારા માટે  લખવા માટેની પ્રેરણા બને છે .

અનેક ખાટા મીઠાં સ્મરણોની વણઝાર પાછળ છોડીને હવે મોટા ભાગની જિંદગી તો વહી ગઈ છે . બહોત ગઈ છે થોડી રહી છે .

હવે જે કઈ જિંદગીના દિવસો બચ્યા છે એમાં બને એટલો મહત્તમ આનંદ કેવી રીતે પ્રાપ્ત કરી લેવો એના રસ્તા શોધીને જિંદગીના દિવસોને સમજીને માણવાના આ દિવસો છે .

બ્લોગની પ્રવૃત્તિ આંતરિક આનંદ સાથે સદ સાહિત્ય વહેંચવા માટેનું ઉત્તમ સાધન છે . એની મારફતે ઘરની ચાર દીવાલો વચ્ચે રહીને પણ અનેક મિત્રો અને સ્નેહીઓના સંપર્કમાં રહી શકાય છે એનો આનંદ અનેરો હોય છે .

બ્લોગીંગમાં જ્યારે ધ્યાન પરોવાય છે ત્યારે એ એક મેડીટેશન બની જાય છે . માંહલો મલકી ઉઠે છે  .

માણસ રોજ નવું નવું શીખતો જ રહે છે.સર્વ દિશાઓથી પ્રાપ્ત થતી એની જ્ઞાનયાત્રા સતત ચાલતી જ રહેતી હોય છે.

અનેક સહૃદયી મિત્રો સાથેનો ઈ-મેલ સંપર્ક તેમ જ એમના બ્લોગોની મુલાકાતો અને વિચાર વિનિમય તેમ જ નેટમાં પરિભ્રમણ કરવાથી જ્ઞાનની વધુ દિશાઓ ખુલી જાય છે .આજ સુધીના વહી ગયેલા જીવન દરમ્યાનના વાંચનથી મનમાં સંગ્રહિત અનુભવના ભાથામાં  સંગ્રહાએલ  વિચારોને બ્લોગના માધ્યમથી સૌમાં વહેંચવાનો આનંદ અનેરો  હોય છે .

આ બ્લોગની બે વર્ષની સફરમાં કોઇ પણ સ્વરૂપે સાથી બનનારા સૌ મિત્રો અને સ્નેહીજનોનો હું હૃદયથી

આભાર માનું છું.મને આશા છે કે આવતા દિવસોમાં પણ એમનો સુંદર સહકાર મળતો રહેશે જ। 

માઈલોના માઈલોનું અંતર ખરી પડે

જ્યાં અંતરના  પ્રેમનો સેતુ નિરંતર.

 

શ્રી સુરેશ જાની ( સહ તંત્રી)

સુરેશ જાની

સુરેશ જાની

 
આ પ્રસંગે , જેમના બ્લોગો વાંચીને મને આ બ્લોગ શરુ કરવાની પ્રેરણા મળી હતી એ વર્ષોના અનુભવી બ્લોગર મિત્ર શ્રી સુરેશભાઈ જાની તરફથી મળેલ પ્રેમભર્યા સહકારને કેમ ભૂલી શકાય .

શ્રી સુરેશભાઈના માર્ગદર્શન અને ટેકનીકલ સહાય હેઠળ પોસ્ટમાં વિડિયો અને ફોટા અપલોડ કરી શકવા જેવી  બ્લોગીંગ માટેની કેટલીક અટપટી ટેકનીકો હું એમની પાસેથી શીખ્યો છું.આ વિદ્વાન મિત્ર સાથે અને અન્ય મિત્રો સાથે મારો ઈ-મેલ વિચાર વિનિમય લગભગ રોજ ચાલતો રહે છે એનો આનંદ અવર્ણનીય છે.

વિનોદ વિહારની બીજી વર્ષ ગાંઠ પ્રસંગે શ્રી સુરેશભાઈ જાનીએ  નીચેનો પ્રેરક સંદેશ મોકલી આપ્યો છે .

વિનોદભાઈ સાથે મારો સંબંધ બહુ આશ્રર્યજનક રીતે શરૂ થયો. તેમણે મને પહેલી વાર ફોન કર્યો; ત્યારે હું એમ જ માનતો હતો કે,અમારા આ જ નામના એક કૌટુમ્બિક મિત્રનો ફોન છે. પણ વાત આગળ ચાલતાં રહસ્યોદ્ઘાટન થયું કે, આ તો બીજા જ કોઈ વિનોદભાઈ છે !

પણ પછી તો એ સંબંધ ગાઢ થતો ચાલ્યો – અલબત્ત રૂબરૂ મુલાકાત વિના જ – મોટા ભાગના નેટ સંબંધોની જેમ વર્ચ્યુઅલ મિત્રતા જ.આશા રાખું કે, કદીક મળવાનું પણ થશે જ.

વિનોદભાઈ સામાન્ય માણસ છે ; અને નથી ! એમને પોતાની સામાન્યતા સહજ પણે સ્વીકાર્ય છે. અને આ જ મારી એમની સાથેની મિત્રતા ટકી રહ્યાનું રહસ્ય છે. સાહિત્યરસિક જીવ; પણ હળવી મજાકનો કોઈ છોછ નહીં. એમની મજાક ઉડાવો , તો પણ એમને માઠું ન  લાગે – એટલા એ સરળ જીવ. ને આમ છતાં એમનો વાંચનરસ ઉચ્ચ કોટિનો રહ્યો છે. ૭૬  વર્ષની ઉમ્મરે પણ એમનો લર્નિંગ કર્વ ઠીક ઠીક ઉપર જતો જાય છે.

બ્લોગિંગનો કક્કો પણ આવડતો ન હોય; એવો આ નિવૃત્ત એકાઉન્ટન્ટ વિડિયો અને ફોટા અપલોડ કરી શકવા જેવી ક્ષમતા હાંસલ કરી શક્યો છે – અને એ પણ એક જ હાથના જોરે – એ એમની અસામાન્યતાનો બીજો પુરાવો છે.

ખેર, આ નવા વર્ષમાં આપણી એમની સાથેની મિત્રતા નવા પરિમાણો હાંસલ કરે; વધારે ગાઢ બને- એવી પરમ તત્વ પાસે અભ્યર્થના. 

સુરેશભાઈની  આવી પ્રેમસભર શુભેચ્છા માટે અને ટેકનીકલ સહાય માટે ખુબ ખુબ આભાર .

———————————————

વિનોદ વિહારના વાચકો ક્યા ક્યા દેશમાં અને કેટલી સંખ્યામાં પથરાયેલા છે એની માહિતી નીચેના દુનિયાના

નકશામાંથી જોઈ શકાય છે .

 

૨૫, ફેબ્રુઆરી-૨૦૧૨ પછી

 

વિનોદ વિહાર – દુનિયામાં

vv_stat_2

————-

૫૦ થી વધારે મુલાકાતીઓ આ દેશોમાં.

Country Views
India FlagIndia 65,209
United States FlagUnited States 19,917
United Kingdom FlagUnited Kingdom 2,075
Canada FlagCanada 1,222
United Arab Emirates FlagUnited Arab Emirates 417
Australia FlagAustralia 328
Oman FlagOman 119
Singapore FlagSingapore 90
Saudi Arabia FlagSaudi Arabia 89
Kenya FlagKenya 75
Tanzania, United Republic of FlagUnited Republic of Tanzania 55
Hong Kong FlagHong Kong 54

વિશ્વભરમાં ફેલાયેલા ગુજરાતી મિત્રો સાથે  બ્લોગના માધ્યમથી માતૃભાષામાં વિચાર વિનિમય થઇ શકે છે એ

કેટલો મોટો આશીર્વાદ કહેવાય.!

 

આમ તો છું એક પરપોટો સમયના હાથમાં

તોય ઊભો વિશ્વને લેવા હું મારી બાથમાં-

– રમેશ પારેખ

 

 

 

 

 

 

 

 

 

 

 

Thanks- Natu Patel , Fremont ,Calif.

Thanks- Natu Patel , Fremont ,Calif.


વાચક મિત્રો તરફથી મળેલ કેટલાંક પ્રેરક પ્રતિભાવો

વાચક મિત્રો તરફથી ઘણા ઉત્સાહ પ્રેરક પ્રતિભાવો મળતા રહે છે એમાંથી તાંજેતરમાં જ મળેલ કેટલાક નીચે મુકું છું .

Himatlal Patel, Sep 1, 2013

Dear Vinodbhai, I am from Khambhat, (Dist.Anand, Gujarat). Searching gujarati readings, in different sights,

I became lucky to have your web, and is attracted to it. I thank you for your service to our mother tongue .

I am of 81 years, and is coming every year to States, to enjoy with my grand children’s.

Here, I pass my time in reading Gujarati Articles. Again thank you….

————————————

Bhogibhai Patel , 2013/08/29

Vinodbhai. Your posts are thought provoking and sometimes thought transcending too. That is why, I always waiting for your email.

I appreciate your thoghts very rich in value. Vinodbhai, just keep it up !

————————————————-

Navin Banker, Houston

માનનીય વિનોદભાઇ,
આજની સવાર સુધરી ગઇ. સૌરભ શાહ લિખિત, કવિ શ્રી. હેમેન શાહની કવિતાઓ વિશેનો લેખ વાંચીને મન તરબતર થઈ ગયું. મોટાભાગની બકવાસ

ઇ-મેઇલો ડીલીટ કરતાં કરતાં, તમારી ઈ-મેઇલ આવતાં, એ ખોલવી જ પડે એ શ્રધ્ધા સાથે કે કંઇક સુંદર, સાહિત્યિક લખાણ હશે. આપ સારી સારી

વસ્તુઓ શોધી શોધીને વહેંચવાનું સ્તુત્ય કાર્ય કરી રહ્યા છો એ બદલ અભિનંદન.

————————————————————–
Pravin Shastri October 25, 2012

વિનોદભાઈ,

આજે આપના બ્લોગ પર કબીરવાણી જગજિત કંઠે માણી. આપના બ્લોગમાં જે વિવિધતા છે તે પ્રસંશાપાત્ર છે. ઉચ્ચ કક્ષાના સામયિકના સંપાદક જેવું આ કામ છે.

સંસ્કાર અને સાહિત્યને વીણી વીણીને તમારા બ્લોગમાં પીરસ્યું છે. વાંચતો રહીશ.

પ્રવીણ શાસ્ત્રી

——————————————

ડો. કિશોરભાઈ

આદરણીય શ્રી. વિનોદભાઈ,

આપના બ્લોગની મુલાકાતથી હું ધન્ય થઈ ગયો સાહેબ,
ખુબ જ સરસ રસદાર બ્લોગ છે,
આપના હકારાત્મક – નિખાલસ વિચારો ખુબ જ પસંદ પડ્યા,

બસ, આમ જ ગુજરાતી સમાજની સેવા કરતા રહો.

——————————-

Happy Anniversary!

You registered on WordPress.com 2 years ago!

Thanks for flying with us. Keep up the good blogging!

( 300 ) અમેરિકામાં સિવિલ રાઈટ્સ મુવમેન્ટ – માર્ટીન લ્યુથર કિંગ,જુનીયર થી પ્રેસીડન્ટ બરાક ઓબામા

Martin Luther King- Speech

૨૮મી  ઓગસ્ટ , ૧૯૬૩ના દિવસે અમેરિકાના પાટનગર વોશિંગ્ટન (ડીસી) માં અશ્વેતોની સિવિલ રાઈટ્સ મુવમેંટના નેતા માર્ટીન લ્યુથર કિંગ જુનીયર  એ આખા  અમેરિકામાંથી જે વાહન હાથ લાગ્યું એમાં બેસીને એકત્રિત થયેલી ૨૫૦૦૦૦ની જંગી રેલી સમક્ષ એક યાદગાર પ્રવચન કર્યું હતું .

ગાંધીજીની ૧૯૩૧ની દાંડીકુચ  માફક માર્ટીન લ્યુથર કિંગની આગેવાની હેઠળની આ લડત March On Wahington  તરીકે ઇતિહાસમાં વખણાઈ ગઈ .  

આ એકત્રિત જંગી મેદની સમક્ષ આપેલું કિંગનું પ્રવચન ‘આઈ હેવ અ ડ્રીમ (I have a dream)     ના નામે ઇતિહાસમાં અમર થઈ ગયું.

આ પ્રવચનમાં માર્ટીન લ્યુથર કિંગે લિંકન મેમોરીયલના પગથિયેથી લલકાર્યું કે –

“When we let freedom ring, when we let it ring from every village and every hamlet, from every state and every city, we will be able to speed up that day when all of God’s children, black men and white men, Jews and Gentiles, Protestants and Catholics, will be able to join hands and sing in the words of the old Negro spiritual, “Free at last! free at last! thank God Almighty, we are free at last!”

અમેરિકાએ ૪થી જુલાઈ ૧૭૭૬ના દિવસે ડેકલેરેશન ઓફ ઇન્ડીપેન્ડન્સના દસ્તાવેજ અનુસાર પોતાને ‘યુ.એસ. એ’ તરીકે સ્વતંત્ર દેશ ઘોષિત કર્યો.

દેશ સ્વતંત્ર તો બન્યો પરંતુ તે પછી લગભગ બસો વર્ષ સુધી અમેરિકાની અશ્વેત પ્રજા અને ખાસ કરીને દક્ષિણ અમેરિકાનાના રાજ્યોમાં શ્વેત પ્રજા દ્વારા સામાજિક અન્યાય અને રંગભેદની શરમજનક નીતિઓનો અને ઉપેક્ષાઓનો ભોગ બનતી રહી.

ચાર પાંચ દાયકા પહેલાં જ અમેરિકામાં અશ્વેતોની સ્થિતિ સાચા અર્થમાં સુધરતી દેખાઈ.

અમેરિકામાં સિવિલ રાઈટ્સ મુવમેન્ટ માટેની અગત્યની તવારીખો ઉપર નજર નાખીએ તો –

૧૯૫૪-  અમેરિકાની સુપ્રિમ કોર્ટ દ્વારા પબ્લિક સ્કુલોમાં જાંતિભેદ/વર્ણભેદ આધારિત વ્યવસ્થા રેશિયલ   સેગ્રીગેશન (Racial segregation) ને ગેરબંધારણીય જાહેર કરવામાં આવી.

૧૯૫૫ – દક્ષિણ અમેરિકાના અલબામા રાજ્યમાં અશ્વેત મહિલા રોઝા પાર્કસ (Rosa Parks) સાથેનો વિશ્વવિખ્યાત મોન્ટગોમેરી બસ બનાવ બન્યો. પરિણામે અમેરિકામાં અશ્વેતોની સિવિલ રાઈટ્સ મુવમેંટને વેગ મળ્યો.

૧૯૫૭-અમેરિકન કોંગ્રેસમાં અશ્વેતો માટેનું સિવિલ રાઈટ્સ બિલ પસાર થયું.

૧૯૬૧ – આંતરરાજ્ય વાહનવ્યવહારમાં અશ્વેતો માટેના ‘સેગ્રીગેશન’ સામે લડત શરૂ થઈ.

૧૯૬૮ માં માર્ટીન લ્યુથર કિંગની એક શ્વેત અમેરિકનના હાથે હત્યા થઈ ત્યાં સુધીમાં અશ્વેતો માટેની રંગભેદ નીતિમાં ઉપર જણાવેલ ઘણા સુધારા થઈ ચૂક્યા હતા.

અમેરિકાના કહેવાતા સભ્ય સમાજ માટે અશ્વેત પ્રજાને આટલાં બધાં વર્ષો રંગભેદની શરમજનક ચુંગાલમાં સબડવુ પડે એ કેટલું શરમજનક કહેવાય !

Martin Luther King’s Address at March on Washington

August 28, 1963. Washington, D.C.

I Have a Dream Speech  was ranked the top American speech of the 20th century by a 1999 poll of scholars of public address.

 

તારીખ ૨૮ મી ઓગસ્ટ ૨૦૧૩ ના દિવસે માર્ટીન લ્યુથર કિંગના આ ઐતિહાસિક પ્રવચનને ૫૦ વર્ષ

પુરાં થયાં એની ઉજવણી કરવા માટે ફરી  પાટનગર વોશિંગ્ટન (ડીસી) ખાતે એ જ લિંકન મેમોરીયલની

છાયામાં જ્યાં માર્ટીન લ્યુથર કિંગે યાદગાર પ્રવચન આપેલું ત્યાં જંગી મેદની એકત્રિત થઇ હતી.

આ મેદનીને અમેરિકાના અશ્વેત પ્રેસીડન્ટ બરાક ઓબામાએ સંબોધી હતી .

આ પ્રસંગ  પસાર થયેલાં ૫૦ વરસો દરમ્યાન અમેરિકાની પ્રજાના અશ્વેત લોકો પરત્વેની

માનસિકતામાં આવેલ પરિવતનનું આ સુચક છે  . 

દુનિયાના સુપર પાવર કહેવાતા દેશ અમેરિકાનો  એક અશ્વેત નાગરિક અમેરિકન પ્રેસીડન્ટ બની શકે છે

એ કેટલું આશ્ચર્યજનક કહેવાય ! અમેરિકાની લોકશાહીનો એક ચમત્કાર જ કહેવાય !

President Obama,s  Speech at 50th Anniversary of March on Washington

on 28th August ,2013  (Full )


 

 

 

 

 

The future belongs to those who believe in the beauty of their dreams

~Eleanor Roosevelt

( 299 ) મુજ સે બુરા ના કોઈ ! ( એક હાસ્ય-બોધ-કથા )

 

( નેટ જગતમાં પરિભ્રમણ કરતાં એક અંગ્રેજીમાં લખેલી ટૂંકી હાસ્ય કથા મારા વાંચવામાં આવી . વાર્તા ગમી જતાં એને મારા શબ્દોમાં  ગુજરાતીમાં   ભાવાનુવાદિત કરી આજની પોસ્ટમાં પ્રસ્તુત કરું છું . આશા છે આપને એ વાંચવી ગમશે – વિનોદ પટેલ )

 

 મુજ સે બુરા ના કોય ! ( એક હાસ્ય-બોધ-કથા )

 

મોહનને એકવાર એના મનમાં વહેમ ગયો કે એની પત્ની લીલા પહેલાંની માફક સાંભળતી હોય

એમ નથી લાગતી . એને એમ લાગ્યું કે લીલા બરાબર સાંભળે એટલા માટે એને કાને લગાડવાનું

નાનું મશીન કદાચ લાવવું પડશે .

આ માટે એ સીધા એની પત્નીને કઈક વાત કરે એ પહેલાં એની પત્નીની બહેરાશના પ્રશ્ન અંગે

શું કરવું જોઈએ એની ચર્ચા કરવા અપોઈન્ટમેન્ટ લઈને મોહન એના ફેમીલી ડોક્ટરને મળ્યો .

 

ડોક્ટરે મોહનને કહ્યું “તમારા પત્નીની બહેરાશનો ખ્યાલ આવે એટલા માટે એક સીધો સાદો

ટેસ્ટ તમારે મારા વતી કરવો પડશે .”

 

ડોક્ટરે મોહનને આ ટેસ્ટ કેવી રીતે કરવો એ સમજાવતા કહ્યું :

 

“તમારા પત્ની જ્યાં હોય ત્યાંથી ૪૦ ફીટ દુરથી તમે રોજ વાતો કરો છો એવા જ અવાજથી

એની સાથે વાત કરો અને જુઓ કે એ સાંભળે છે કે કેમ . જો આ પ્રમાણે કરતાં એ ન સાંભળે તો

૩૦ ફીટ દુરથી અને ફરી ન સાંભળે તો ૨૦ ફીટ એ પ્રમાણે તમારા પત્ની તમારી વાતનો જવાબ

આપે ત્યાં સુધી કરતા જજો “

 

ડોક્ટરની આ સલાહ પછી એક સાંજે મોહન જોબ ઉપરથી ઘેર આવ્યો ત્યારે એની પત્ની લીલા

રસોડામાં રસોઈ કરતી હતી .મોહન લીલાથી લગભગ ૪૦ ફીટ દુર એના દીવાનખંડમાંથી

રોજ વાતચીત કરતો હોય એવા અવાજથી એને પૂછ્યું ” લીલા આજે ડીનરમાં શું બનાવ્યું છે ?”

 

એના આ પ્રશ્નનો લીલાએ કોઈ જવાબ ન આપ્યો  એટલે એ રસોડા તરફ થોડા વધુ નજીક

જઈને લગભગ ૩૦ ફીટના અંતરથી એજ પ્રશ્નને દોહરાવતા પૂછ્યું “લીલા આજે ડીનરમાં શું બનાવ્યું છે ?”

 

ફરી લીલાએ કોઈ જવાબ આપ્યો નહી એમ મોહનને લાગતાં એણે ૨૦  અને ૧૦ ફીટથી

આ પ્રમાણે લીલાને કુલ પાંચ વાર પૂછ્યું પણ એનો કોઈ જવાબ ન મળ્યો .

 

મોહનને હવે મનમાં ઠસી ગયું કે નક્કી લીલાને  સાંભળવાનો પ્રોબ્લેમ લાગે જ છે .

 

છેવટે મોહન રસોડામાં જઈને લીલાની બિલકુલ નજીક લીલાની પીઠ  પાછળ જઈને 

એ જ પ્રશ્ન ફરી કર્યો ” “લીલા આજે ડીનરમાં શું બનાવ્યું છે ?”

 

લીલા પૂંઠ ફેરવીને મોહનને તતડાવતી હોય એમ ગુસ્સાથી મોટા અવાજે બોલી :

 ” મોહન, મેં તને પાંચ વાર કહ્યું કે ડીનરમાં રોટલી , શાક અને કઢી ભાત છે . સંભળાતું નથી ?

બહેરો થઇ ગયો છે કે શું ?”

 

બોધપાઠ

 

આ હાસ્ય કથામાંથી બોધ એ લેવાનો છે કે કોઇપણ પ્રશ્ન કે ભૂલ માટે આપણે હંમેશા સમરથ કો ન કોઈ દોષ

ગુસાઈ એમ માનીને બીજાનો જ દોષ કાઢીએ છીએ .

આપણે જ્યારે બીજાની તરફ એક આંગળી કરીએ છીએ ત્યારે બીજી ત્રણ આંગળીઓ આપણી તરફ રહેતી હોય

છે  .આપણી પણ ભૂલ કે દોષ હોઈ શકે છે એ ભૂલી જઈએ છીએ .

સંત કબીરે એમના એક દોહામાં સરસ કહ્યું છે કે –

 

બુરા જો દેખન મૈં ચલા, બુરા ના મિલિયો કોય

જો મન ખોજા અપના, મુજ સે બુરા ના કોય

 

ભાવાનુવાદ- વિનોદ પટેલ

——————————————————————————-

ઉપરની કથા હું પોસ્ટ કરી રહ્યો હતો એ સમયે જ ઈ-મેલ ખોલતાં મારા એક સ્નેહી મિત્ર શ્રી અશ્વિનભાઈ

પટેલએ મોકલેલ કોઈ અજ્ઞાત કવિની એક સરસ રચના એમણે મને મોકલી એને એમના 

આભાર સાથે વાચકોમાં વહેંચુ છું .

 

આ કાવ્ય રચનાના કર્તાનું નામ કોઈ મિત્ર જણાવશે તો આભાર સાથે એ નામ પોસ્ટમાં મુકવામાં આવશે .

 

નથી જોઈતો,

 

પ્રેમ આપવો હોય તો આપો ,

બાકી ઉપકાર નથી જોઈતો,

દિલથી આપો એટલે બહુ થઇ ગયું

લેખિત કરાર નથી જોઈતો. 

 

જીવન બહુ સરળ જોઈએ

મોટો કારભાર નથી જોઈતો

કોઈ અમને સમજે એટલે બસ 

કોઈ ખોટો પ્રચાર નથી જોઈતો.

 

માણસમાં માનીએ છીએ

કોઈ ભગવાન નથી જોઈતો,

એકાદ પ્રેમાળ માણસ પણ ચાલે

આખો પરિવાર નથી જોઈતો.

 

નાનું અમથું ઘર ચાલે 

બહુ મોટો વિસ્તાર નથી જોઈતો,

ચોખ્ખા દિલનો કોઈ ગરીબ ચાલે 

લુચ્ચો માલદાર નથી જોઈતો.

 

મ્હો પર બોલતો મિત્ર ચાલે

પાછળથી ચુગલી કરનાર નથી જોઈતો,

ચાર પાચ આત્મીય દોસ્ત ચાલે

આખો દરબાર  નથી જોઈતો.

 

રોગ ભરેલું શરીર ચાલે

મનનો કોઈ વિકાર નથી જોઈતો

જે કહેવું હોય એ સ્પષ્ટ કહો

એકેય શબ્દ અધ્યાહાર નથી જોઈતો

 

કવિતા ફોર્વડ ન કરો તો કઈ નહિ 

પણ ગમ્યા નો ઢોંગ નથી જોઈતો

— અજ્ઞાત  

( 298 ) નંદ ઘેર આનંદ ભયો … શ્રી કૃષ્ણ જન્માષ્ટમી પર્વ

Happy Janmashtmi -5

 

દર વર્ષની જેમ શ્રાવણ મહિનાના કૃષ્ણ પક્ષ-વદ ના આઠમા દિવસને વિષ્ણુ ભગવાનના અવતાર મનાતા શ્રી

કૃષ્ણના જન્મ દિવસને જન્માષ્ટમી અથવા ગોકુલાસ્ટમી તરીકે ઉજવવામાં આવે છે .

આ જન્માષ્ટમી પર્વને દેશ વિદેશમાં શ્રી કૃષ્ણ ભક્તો ધામ ધુમથી ઉજવી આ પર્વને વધાવે છે .

મંદિરોમાં નંદ ઘેર આનંદ ભયો ,જય કનૈયા લાલ કી….હાથી ઘોડા પાલખી ,જય કનૈયા  લાલ કી નો નાદ ગુંજી

રહે છે .

શ્રી કૃષ્ણ જન્માષ્ટમી પર્વ અને શ્રી કૃષ્ણ મહિમા

શ્રી કૃષ્ણ જન્માષ્ટમી પર્વ અને શ્રી કૃષ્ણ મહિમા વિષે અગાઉની  વિનોદ વિહારની આ પોસ્ટ નંબર ૭૬ ની

મુલાકાત લઈને આ પર્વની અંગેની વિવિધ માહિતી, ભજનના વિડીયો વિગેરે સાથે માણો .    

HAPPY JANMASTMI TO ALL

 

વિનોદ પટેલ

——————————————————————Gita- krishna Arjun

 

આ જન્માષ્ટમી પર્વ નિમિત્તે સંપૂર્ણ શ્રીમદ ભગવદ ગીતા (અધ્યાય ૧થી ૧૮ ) -વિડીયોમાં 

 

ભગવાન શ્રી કૃષ્ણના વિવિધ રંગીન ચિત્રોનું દર્શન કરતાં કરતાં સંપૂર્ણ ગીતા સરળ માતૃભાષા ગુજરાતીમાં

નીચેના વિડીયોમાં સાંભળવાનો ધર્મ લાભ લો .

.

Thanks to Mr. Hasmukh Kothari ,U.K. /Mr. B.J.Mistri Houston

for sending this useful link in e-mail with this message –

Friends,

Shreemad Bhagavad Gita in  Gujarati in mp3 format (Full) for

your listening pleasure.

Listen to what Krishna said in the attached simple commentary of the

Bhagavad Gita in  mp3 format .

Gujarati ones are about 3:00 hours

with beautiful pictures without interruptions.

You can download it and save it to your pc to listen it again.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~

SHRIMAD BHAGVAD GITA IN GUJARATI (FULL ):

<

 

  અગાઉની મારી એક પોસ્ટમાં શ્રીમદ ભગવદ ગીતાનો સંદેશ સંક્ષેપમાં મૂળ અંગ્રેજીમાંથી ગુજરાતીમાં ભાવાનુવાદ કરીને મુક્યો હતો .આ જન્માષ્ટમી પર્વ પ્રસંગે એને અહીં ફરી અહીં રજુ કરવાનું ઉચિત રહેશે..

 

શ્રીમદ ભગવદ ગીતાનો સંદેશ સંક્ષેપમાં

 

ચિંતા માથે લઇ કેમ વ્યર્થ ફરી રહ્યો છે તું.

કોની લાગી રહી છે બીક બિન કારણ તને.

કોઈ તને મારી નાખશે એવી બીક છે તને?

આત્મા નથી મરતો કે નથી જન્મ લેતો કદી.

ભૂતકાળે જે થયું એ બધું થયું સારા માટે

જે બની રહ્યું વર્તમાને એ છે સારા માટે

જે થશે ભાવિમાં પણ હશે એ સારા જ માટે

બન્યું જે ભૂતકાળે એનો અફસોસ કરવો નહીં

ભાવિની ચિંતા કરવાની પણ તારે શી જરૂર?

વર્તમાને થઇ રહ્યું જે એનું જ તું રાખ ધ્યાન.

શું ગુમાવ્યું છે તેં કે રડી રહ્યો છું તું.

શું લાવ્યો હતો સાથે જે છે તેં ગુમાવ્યું હવે,

શું પેદા કર્યું જે નાશ પામ્યું એમ માની રહ્યો

ખાલી હાથે જ આવ્યો તું જગમાં હતો

જે કંઇ છે બધું તારી પાસે, પ્રાપ્ત કર્યું છે અહીં.

દાન જે કર્યું એ બધું, અહીંથી જ તો છે આપ્યું

તારું પ્રાપ્ત કર્યું એ બધું પરમેશ્વરની દેન છે

જે તેં આપ્યું હશે એ, એને જ અર્પણ છે બધું.

ખાલી જ હાથે આવ્યો હતો જગમાં તું

ખાલી હાથે જ વિદાય થવાનો છે તું.

જે કંઇ આજ છે તારું,કાલે કોઈ અન્યનું હતું

થાશે એ બીજાનું આવતી કાલે અને પછી.

બધું તારું જ છે એમ વ્યર્થ મનમાં રાચી રહ્યો

સુખના જુઠ્ઠા ખ્યાલો તારી ચિંતાઓનું મૂળ છે.

જે પ્રાપ્ત થયું વિશ્વે,પ્રભુ એ જ આપ્યું છે તને

જે તેં આપ્યું એ બધું,પ્રભુ ને જ અર્પણ છે કર્યું.

ખાલી હાથે આવ્યો હતો,જવાનો છે ખાલી હાથે.

પરિવર્તન એ જ જગતનો અચલ નિયમ છે

માને છે તું મોત જેને,વાસ્તવમાં એક જીવન છે.

એક ક્ષણે ભલે બને તું લાખોપતિ કે કરોડપતિ

બીજી ક્ષણે પડવાનો છે તું ગરીબાઈની ખીણમાં.

મારું, તારું,મોટું,નાનું, વ્યર્થ છે એ ખ્યાલો બધા

ભૂસી જ નાખ એ ખ્યાલો તારા મનમાંથી સદા

એમ માને તો,બધું છે તારું,ને તું બધાનો પછી.

આ દેહ તારો જે કહે છે એ તારો કદી છે જ નહીં

અને “તું” છે એમ કહે છે,એ તારો દેહ કદી નથી.

દેહ બન્યો અગ્નિ,પાણી,હવા,જમીન અને આકાશથી

દેહ જ્યારે પડશે ત્યારે આ પંચ તત્વમાં જશે ભળી.

કિન્તુ આત્મા અવિનાશી છે , તો પછી “તું” કોણ છું ?

સમજી આ સત્યને,ન્યોછાવર કર પ્રભુને તારી જાતને

અંતેતો એ જ છે એક વિભૂતિ જે વિશ્વાસને પાત્ર છે.

પ્રભુની અપાર કૃપા અને સહાયની જે લોકોને જાણ છે

શોક, ભય અને ચિંતાઓથી તેઓ,સદાને માટે મુક્ત છે.

જે કરે તું એ બધું,કર પ્રભુચરણે અર્પણ ધરવાને કાજ

જો પછી કેવી સદાને માટે—-

આનંદ અને જીવન-મુક્તિની અજબ અનુભૂતિ થાય છે .

 

(મૂળ અંગ્રેજીમાંથી ભાવાનુવાદ)

– વિનોદ આર. પટેલ

 

 

Happy Janmashtmi -6

( 297 ) ભારતીય દેશ નેતાઓની રમુજી વાતો- પેરડી ( હાસ્ય યાત્રા)

ભારતના હાલના વડા પ્રધાન મનમોહનસિંહ  લોકસભાની એક પણ ચૂંટણી લડ્યા  સિવાય મે ૨૦૦૪ થી

દેશના વડા પ્રધાન તરીકેનો હોદ્દો સંભાળી રહ્યા છે . તેઓ એક પ્રતિષ્ઠિત અર્થશાસ્ત્રી છે અને એમનો બાયોડેટા 

ખુબ આકર્ષક છે .

આમ હોવા છતાં એક મોટા લોકશાહી દેશ  ભારતના વડા પ્રધાન તરીકેની એમની કામગીરીનો ગ્રાફ દેશમાં કે

વિદેશમાં એટલો  બધો આકર્ષક જણાતો નથી .

દેશના રીઢા રાજકારણી વ્યક્તિઓના ઢાંચામાં એ બહું ફીટ થતા હોય એમ નથી લાગતું .કઈક અતડા પડે છે .

ભારતના વડા પ્રધાન શ્રી મનમોહનસિંહની  આજ સુધી જે વડા પ્રધાનો થયા એમાં બહું ઓછું બોલવાનો વિક્રમ

ધરાવતા હોય એમ જણાય છે . લોકોમાં એમની એક મુગા વડા પ્રધાન તરીકેની છાપ છે .

ભારત અને અમેરિકા એ દુનિયાના બે મોટા લોકશાહી દેશો છે .આ બે દેશના બંધારણમાં જે કેટલાક નાગરિક

હક્કો આપેલા છે એમાં વાણી સ્વાતંત્ર્યનો હક્ક મુખ્ય છે .  આ હક્કની રૂએ આ બન્ને દેશોમાં લોકો એમના દેશના

નેતાઓ અને રાજકારણીયો ઉપર એમના લેખોમાં , ટી. વી .કાર્યક્રમોમાં અને કાર્ટુનોમાં રમુજ કરતા રહે છે .

નેટ મિત્રો એમના ઈ-મેલમાં વિવિધ પ્રકારની સાહિત્યની વાચન સામગ્રી તો મોકલતા હોય છે એની સાથે સાથે

કોઈવાર ભારતના રાજકારણ સાથે જોડાયેલી રમુજી લેખો -કાર્ટુન, વિડીયો લીંક વિગેરે પણ મોકલે છે .

ભારતથી હજારો માઈલ દુર અહીં અમેરિકામાં રહીને દેશ નેતાઓ ઉપરની આવી રમુજો માણવી ગમે છે .

આજની પોસ્ટમાં ભારતના વડા પ્રધાન શ્રી મનમોહનસિંહ સાથે જોડાયેલી કેટલીક મિત્રોના ઈ-મેલમાંથી  અને

નેટ જગતમાંથી પ્રાપ્ત કેટલીક રમુજો પ્રસ્તુત કરી છે .

આશા છે અગાઉના ચિંતનાત્મક ભારે લેખો વાંચ્યા પછી તમને થોડા હળવા થવામાં આ પોસ્ટ થોડી મદદરૂપ

થશે .

મનમોહનસિંહ અને ગાંધીજીના ત્રણ વાંદરા ઉપર આધારિત આ છે એક રમુજ રાષ્ટ્રભાષા  હિન્દીમાં — 

स्वर्ग मे गांधीजी चित्रगुप्त से मिले तब ….गांधीजी ने अपने धरती के तीन बंदरोन्का हाल पुछा .

चित्रगुप्त जी बोले  “वो तीनो बडे मजेमें है ….जो अंधा था, वो कानून बन गया है ,

जो बहिरा था , वो सरकार बन गया है

और … जो गुंगा था वो सबसे मस्त है ,वो P.M. बन गया है !

બુધવારની બપોરે ફેઈમ જાણીતા હાસ્ય લેખક શ્રી અશોક દવેએ એમના   ચેહરા… ચેહરા …. નામના લેખ

માં વિવિધ પ્રકારના ચેહરાઓ માં એક પ્રકાર મનમોહન ચેહરા કેવા હોય એ વિષે આ પ્રમાણે લખ્યું છે .

“મનમોહન ચેહરા :

આ પ્રકારના ચેહરાઓમાં અન્ય કોઇ ખુલાસાની જરૂર જ નથી. મરી જાઓ તો ય કોઇ હાવભાવ ન આવે.જન્મ વખતે ચેહરા પર જે માલ મૂકાયો હોય, એ આજ સુધી બદલાયો નથી. ઉપરથી જ ડીઝાઇન આવી હોય છે.નામ ‘મનમોહન’ પણ આપણા મનને કે તનને મોહી લે, એવો એકે ય વળાંક ચેહરામાં ઉમેરાતો નથી. આવા ચેહરાને અવાજ સાથે સીધો સંબંધ હોવાથી એ ય નીકળતો નથી. અલબત્ત, કહેવાય છે કે, આવા ચેહરાઓ બેસણાંમાં વાપરવાના બહુ કામમાં આવે છે,તમે રડો કે મરો, મનમોહન ચેહરાઓમાં લાઈફટાઈમની વૉરન્ટી હોય. હોઠ પણ જમવા ટાણે ખુલે. “

ગાંધીજીના ત્રણ વાંદરા અને મનમોહનસિંહ — સોનિયાજી 

બુરા મત દેખો …..બુરા મત સુનો  …. બુરા મત બોલો

manmohan -3 monkeys

સુપર સ્ટાર અમિતાભ બચ્ચનનો ” કોન બનેગા કરોડપતિ ” ટી.વી.પ્રોગ્રામ બહું લોકપ્રિય છે . આ પ્રોગ્રામ ઉપરથી એક પેરડી ” કોન બનેગા રોડ પતિ ” નીચેના વિડીયોમાં મુગા વડા પ્રધાન મનમોહનસિંહને  હોટ સીટમાં બેસાડીને કરવામાં આવી છે એ ખુબ મજાની છે .

Kaun Banega Roadpati – Mr. PM Singh 

આપણે જાણીએ છીએ કે ૨૦૦૪માં કોંગ્રેસના નેતાઓએ ઈટાલીમાં જન્મેલ સોનિયા ગાંધીની આ દેશના વડા પ્રધાન તરીકે પસંદગી કરી હતી . પરંતુ સોનિયાજીએ મનમોહનસિંહને આ પદ સોંપ્યું હતું .કોંગ્રેસના આ નેતા સોનિયાજીને હજુ હિન્દીમાં બોલવું બહું ફાવતું નથી અને કોઈવાર એમનું પ્રવચન હાસ્ય ઉપજાવતું હોય છે .

ભારતમાં એક જાણીતા હાસ્યના ટી.વી. પ્રોગ્રામમાં મનમોહનસિંહ અને સોન્યાજી વચ્ચે થયેલ જે રમુજી સંવાદ રજુ કર્યો છે એનો હાસ્યથી ભરપુર નીચેનો વિડીયો માણો .

PM Tujhe Banaya –PM and Soniya Gandhi  

( 295 ) કાવડમાં શ્રવણ

સત્યયુગમાં શ્રવણ કાવડમાં
પોતાના માતા પિતાને
યાત્રા કરવા લઈ ગયો હતો.
આ વાત તો બધા જાણે છે.

પણ આ હડહડતા કળિયુગમાં ૫૨ વર્ષના શ્રવણને એના માબાપ સાચવે; બહાર લઈ જાય – એ વાત માનવા જેવી લાગે છે?
મિત્ર શ્રી સુરેશભાઈ જાનીના બ્લોગ સૂર સાધનામાં આ પ્રેરક વાત વાંચી જે દિલને સ્પર્શી ગઈ .
સુરેશભાઈના આભાર સાથે વિ.વિ .ના વાચકો માટે એને રી-બ્લોગ કરતાં આનંદ થાય છે .

વિનોદ પટેલ

સૂરસાધના

સત્યયુગમાં શ્રવણ કાવડમાં
પોતાના માતા પિતાને
યાત્રા કરવા લઈ ગયો હતો.

આ વાત તો બધા જાણે છે.

પણ આ હડહડતા કળિયુગમાં ૫૨ વર્ષના શ્રવણને એના માબાપ સાચવે; બહાર લઈ જાય – એ વાત માનવા જેવી લાગે છે?

jm_dalal

શ્રી. અને શ્રીમતિ દલાલનો ૫૨ વર્ષનો પુત્ર જન્મથી ‘સેરેબ્રલ પાલ્સી’ નામના અસાધ્ય રોગનો ભોગ અનેલો છે. આવા બાળકને મા બાપ મોટી ઉમર સુધી પાળે; એ આ યુગમાં માની ન શકાય એવી વાત તો છે જ.

પણ એનાથી વધારે પ્રશંસનીય હકીકત એ છે કે, જયંતિભાઈ મુંબાઈના એક સફળ ઉદ્યોગપતિ અને જાણીતા સાહિત્યકાર છે. આ દીકરાની ચાકરી માટે ખાસ નર્સ/ નોકર રાખી શકે તેમ છે. પણ એ દીકરાને તેઓ સહેજ પણ અવગણતા નથી – એને બાજુએ હડસેલી દીધો નથી.

માનવતાના આ અમૂલ્ય ઉદાહરણ માટે વસુમતીબેન અને જયંતિ ભાઈને સો સલામ.

View original post