વિનોદ વિહાર

ગુજરાતી ગદ્ય-પદ્ય સર્જનની આનંદ યાત્રા

Monthly Archives: નવેમ્બર 2013

(349 )ભારતીય ક્રિકેટના ભૂતકાળના ઇતિહાસની કેટલીક ઝળકતી પળો ઉપર એક નજર – 1932 to 1976

આ અગાઉની પોસ્ટ નંબર 348 માં  આપણે એની ૧૬ વર્ષની વયે નવેમ્બર ૧૯૮૯ થી પાકિસ્તાન સામે પ્રથમ ટેસ્ટથી શરુ કરીને ૨૪ વર્ષ સુધી સમગ્ર વિશ્વમાં ભારતીય ક્રિકેટર તરીકે છાઈ જનાર સચિન તેન્ડુલકરની નિવૃત્તિ પ્રસંગે એના કીર્તીમાનો અને એના જીવનની ઝાંખી કરી .

ભારતમાં ભૂતકાળમાં સચિન પહેલાં ઘણા ક્રિકેટરો થઇ ગયા છે એમના વિષે પણ જાણવું જરૂરી છે .આપણા દેશમાં અંગ્રેજોએ બસો વર્ષ શાશન કર્યું એ દરમ્યાન તેઓ એમના દેશ ઈંગ્લેન્ડમાં ખુબ રમાતી ક્રિકેટની રમત આપણને વારસામાં આપતા ગયા .

આપણને ૧૯૪૭ માં સ્વરાજ મળ્યું એ પહેલાં સન ૧૯૩૨ થી આપણા કેટલાક ક્રિકેટના ખેલાડીઓ આ રમતમાં પાવરધા થયા હતા અને આંતર રાષ્ટ્રીય ક્ષેત્રે ઝળકી ઉઠ્યા હતા.આ વિષે આજની યુવા પેઢી બહું ઓછું જાણતી હશે .

ભારતની  ક્રિકેટ  ટીમે ૧૯૩૨થી ટેસ્ટ મેચ રમવાની શરૂઆત કરી એ પછી એણે વર્ષો વર્ષ ઘણી પ્રગતી કરી અને વિશ્વમાં આગલી હરોળની પ્રથમ ચાર ટીમોમાં પોતાનું સ્થાન નક્કી કરી દીધું .

ભારતીય ક્રિકેટ ટીમે કપિલદેવની આગેવાની હેઠળ જુન ૧૮૮૩માં અને ધોની મહેન્દ્રસિંગની આગેવાની હેઠળ એપ્રિલ ૨૦૧૧માં એમ બેવાર વિશ્વ કપ જીતીને વિશ્વની શ્રેષ્ઠ ક્રિકેટ ટીમ પણ બની હતી .

સને ૧૯૩૨ થી ૧૯૭૬ દરમ્યાન રમાયેલ ભારતીય ક્રિકેટનો ઇતિહાસ, ક્રિકેટના ખેલાડીઓ અને એમની રમતની ઝળકતી પળોને આવરી લેતા એક દસ્તાવેજી વિડીયોની લીંક કલાગુરુ રવિશંકર રાવલના સુપુત્ર અને મારા ૮૪ વર્ષના બુઝુર્ગ મિત્ર ડૉ . કનકભાઈ રાવળએ મને એકવાર ઈ-મેલમાં મોકલી આપી હતી એ મને ગમી ગઈ  હતી  . 

સચિન તેન્ડુલકર અંગેની આ અગાઉની પોસ્ટના અનુસંધાનમાં આજની પોસ્ટમાં આ  વિડીયો રજુ કરતાં આનંદ થાય છે  .

આ વિડીયો ભૂતકાળની ટેસ્ટ મેચો અને આપણા ભુલાતા જતા જુના અને જાણીતા ક્રિકેટરો સાથેના કોઈએ અગાઉ ભાગ્યે જ જોયા કે સાંભળ્યા હોય એવા ઇન્ટરવ્યુંની ખુબ જ રસપ્રદ અને અપ્રાપ્ય માહિતી પૂરી પાડે છે .

ભારતીય ક્રિકેટમાં રસ ધરાવતા વાચકોને આ એક કલાક ચાલતી ભારતીય ક્રિકેટના ઈતિહાસની ઝાંખી કરાવતી ડોક્યુમેન્ટરી જરૂર ગમશે .

આવા  સરસ વિડીયોની લીંક મોકલી આપવા માટે હું ડૉ . કનક રાવળનો આભારી છું .

ડૉ. રાવલનો પરિચય અહીં વાંચો .

Seminal moments in Indian cricket’s history from 1932 to 1976

( Presented by Ashis Ray –Duration 01-01-06)

 

વિકિપીડિયાની નીચેની લીંક ઉપર ભારતીય ક્રીકેટ ટીમનો ઇતિહાસ અંગ્રેજીમાં વાંચો . 

History of the Indian cricket team

____________________________________________________________

મહાન ક્રિકેટર સચિન રમેશ તેંડુલકરનું એક અદભૂત ચિત્ર !

Sachin Tendulkar's  Amazing Picture..... ( click on this picture to see it enlarged)

Sachin Tendulkar’s Amazing Picture…..
( click on this picture to see it enlarged)

( ફોટો સૌજન્ય- planet JV- જય વસાવડા )

આ ચિત્રમાં તાંજેતરમાં જ ક્રિકેટની રમતમાંથી નિવૃત્તિ લેનાર મહાન ખેલાડી સચિન તેંડુલકરના એક અનોખા ખેલાડી તરીકેના ગુણો અને એની ૨૪ વર્ષની કારકિર્દી દરમ્યાન એણે સ્થાપિત કરેલ અનેક રેકોર્ડને આવરી લઈને કોઈ અજ્ઞાત ચિત્ર સર્જકે કમાલ કરી છે .

સચિન ખરેખર શું છે, એ જાણવા સમજવા માટે

આ અનોખા પોસ્ટર ઉપર ક્લિક કરી ચિત્રને એન્લાર્જ કરીને વાંચો  .

Tendulkar’s 3 unbelievable 6’s . Can you judge which 6 is the best

(348 ) વિશ્વ વિખ્યાત ક્રિકેટર સચિન રમેશ તેંડુલકરના ક્ષેત્ર સન્યાસ પ્રસંગે

This slideshow requires JavaScript.

(સચિન  તેંડુલકરની કેટલીક પસંદગીની તસવીરોનો સ્લાઈડ શો )

શનિવાર, ૧૬ નવેમ્બરે મુંબઈના વાનખેડે સ્ટેડિયમમાં ૨૦૦મી અને છેલ્લી ટેસ્ટ મેચ વેસ્ટ ઇન્ડીઝની ટીમ સામે રમી ૭૪ રન બનાવીને મહાન ક્રિકેટર સચિન રમેશ તેંડુલકરએ ઈન્ટરનેશનલ ક્રિકેટર તરીકેની એની ૨૪ વર્ષની કારકિર્દી પૂરી કરીને અશ્રુભીની આંખે વિદાય લીધી .એના અનેક પ્રસંશકોની આંખો પણ ભીની બની  . 

છેલ્લા કેટલાક દિવસોથી ભારતમાં અને વિદેશમાં વસતા સચિનના કરોડો ચાહકોએ દેશને ગૌરવ અપાવનાર ક્રિકેટ જગતના આ માંધાતાને નવાજવામાં કોઈ કચાસ રાખી નથી .

અનેક અખબારો અને અન્ય સમાચાર માધ્યમોએ સચિન અને એની ૨૪ વર્ષની ઝળકતી ક્રિકેટ કારકિર્દી અને એના અંગત જીવન વિષે પુષ્કળ પ્રમાણમાં પ્રકાશ ફેંક્યો છે .

ભારતીયોનો ક્રિકેટપ્રેમ અને ક્રિકેટની રમત પ્રત્યેનો એમનો ગાંડપણની હદે જે ક્રેઝ છે એ કદી ઓછો થતો નથી પણ વધતો જ જાય છે .

તારીખ ૨૪મી એપ્રીલ-૧૯૭૩ના રોજ એક મધ્યમ વર્ગીય પિતા રમેશ તેંડુલકર અને માતા રજનીબાઈને ત્યાં મુંબઈમાં જન્મેલ સચિન તેંડુલકરએ ૧૧ વર્ષની ઉંમરે હાથમાં બેટ પકડીને ગુરુ આચરેકરની નીગેહબાની હેઠળ તાલીમ શરુ કરી હતી . માત્ર ૧૬ વર્ષની વયે પાકિસ્તાન સામે તારીખ ૨૫ મી નવેમ્બર , ૧૮૮૯ નારોજ પ્રથમ ટેસ્ટ રમવા માટે એ મેદાનમાં ઉતર્યો હતો . સચિને એની આ પ્રથમ ટેસ્ટ મેચમાં જ એનું ખમીર બતાવી આપ્યું હતું .

વિશ્વના આ મહાન ક્રિકેટર સચિન રમેશ તેંડુલકર ના જીવન અને એની આશ્ચર્ય જનક ક્રિકેટ

કારકીર્દીની ઝલક નીચેના વિડીયોમાં નિહાળો .

Biography of ‘Sachin Tendulkar’
 

નીચેના વિડીયોમાં વિશ્વના ખ્યાતનામ ક્રિકેટરો સચિનની ૨૪ વર્ષની ક્રિકેટ કારકિર્દી વિષે જે શબ્દોમાં એમની પ્રતિક્રિયા વ્યક્ત કરે છે એનાં ઉપરથી એણે મેળવેલ મહાન સિધ્ધિઓનો ખ્યાલ આપણને આવે છે .

ક્રિકેટનું બહું જ્ઞાન ન ધરાવતા અમેરિકાના રાષ્ટ્રપતિ બરાક ઓબામા પણ પ્રતિક્રિયા આપવામાંથી બાકાત નથી એ મોટું આશ્ચર્ય છે !

Reaction of world famous criketors and Barak Obama On Sachin Tendulkar’s Retirement From ODI’s

આંતરરાષ્ટ્રીય ટાઇમ મેગેઝિને સચિન તેંડુલકરને “પર્સન ઑફ ધ મોમેન્ટ” તરીકે સંબોંધન

કરીને સન્માન આપ્યુ છે .

સચિન તેન્ડુલકરને અગાઉ ભારત સરકારે ‘પદ્મ ભૂષણ’ અને ‘રાજીવ ગાંધી ખેલ રત્ન’ ના પુરુસ્કારથી સન્માનિત કરાયા હતા .

સચીન એની વિદાયના દિવસે પણ એક સિવિલ રેકોર્ડ નોધાવાનું નથી ચુક્યો .

એની કારકિર્દીના છેલ્લા દિવસે ભારત સરકાર તરફથી દેશના સર્વોચ્ચ નાગરિક એવોર્ડ, ‘ભારત રત્ન’ થી એને સન્માનિત કરવામાં આવ્યો . આ રીતે દેશમાં ૪૦મા વર્ષની વયે આવુ માન મેળવનાર એ સૌ પ્રથમ ભારતીય બન્યો !

સચિનના સન્માનમાં તેના નામ તેમજ પોસ્ટરવાળી પોસ્ટની ટીકિટ પણ બહાર પાડવામાં આવી છે. જીવિત વ્યક્તિ ઉપર ટપાલ ટીકીટ બહાર પાડવામાં આવી હોય એવો મધર ટેરેસા પછી આ બીજો બનાવ છે .

કોંગ્રેસ પાર્ટીના સપોર્ટથી સચિને રાજ્યસભાની મેમ્બરશિપ સ્વીકારી છે . આવતી લોકસભાની ચૂંટણીમાં સચિન કોંગ્રેસ પાર્ટીના ઉમેદવારો માટે પ્રચાર કરવાનો છે એવા સમાચાર છે .

સચિનને સરકાર દ્વારા આપવામાં આવેલ ભારત રત્નના ખિતાબ અને અન્ય સન્માનમાં રાજકારણની રમત રમાઈ છે એવી રાજકીય વર્તુળોમાં ચર્ચા જાગી છે .

કેટલાક રાજકીય પક્ષો અટલ બિહારી બાજપાઈને પણ ભારત રત્નથી સન્માનવા જોઈએ એવી માગણી કરી રહયા છે .

આંતર રાષ્ટ્રીય ક્રિકેટની રમતમાંથી સચિન વિશ્વમાં નામ સાથે અઢળક દામ પણ કમાયો છે . તેંડુલકર આજે ભારતનો સૌથી ધનવાન ક્રિકેટર છે .

ચોવીસ વર્ષ પહેલાં એક નાના ફ્લેટમાં રહેનારો સચિન કુટુંબીજનો સાથે તાંજેતરમાં જ એના પેરી રોડ , બાંદ્રા, મુંબાઈ ખાતે ૮૦ કરોડ રૂપિયાની કિંમતના પાંચ માળના એના નવા આલીશાન નિવાસ સ્થાને રહેવા ગયો છે .

નિયતી માણસને ક્યાંથી ક્યાં પહોંચાડી દે છે એનું આ ઉત્તમ ઉદાહરણ છે !

ક્રિકેટ જગતમાં એક દંતકથા સમાન બની ગયેલા લીટલ માસ્ટર સચિન તેંડુલકરની ક્રિકેટની

કારકિર્દીના ૨૪ વર્ષ અને તેના અનેક વિશ્વ કિર્તીમાનો અને એની સાથે જોડાયેલાં

સંસ્મરણોનેફક્ત ભારત દેશના જ નહિ પરંતુ આખાય વિશ્વના ક્રિકેટ

પ્રેમીઓ ક્યારેયભૂલી શકશે નહી.

જ્યાં સુધી ક્રિકેટ રમાતું રહેશે ત્યાં સુધી સચિનની વૈશ્વિક ખ્યાતિ જીવિત રહેશે .

સચિન તેંડુલકરને એના અનેક અદ્વિતીય કીર્તીમાનો માટે

અભિનંદન …ધન્યવાદ…… સલામ ….

અલવિદા સચિન ……. આભાર સચિન …….યુ આર ધી બેસ્ટ !

વિનોદ પટેલ

____________________________________________________

સચિન વિષે વધુ માહિતી નીચેની લીંક ઉપર વાંચો .

http://en.wikipedia.org/wiki/Sachin_Tendulkar

સચિન તેંડુલકર વિષેના  લેખો ગુજરાત સમાચારની આ  લીંક ઉપર   .  

સચિન તેંડુલકર વિષે શ્રી જય વસાવડાનો એક સુંદર લેખ

એમના બ્લોગ planet JV ની  આ લીંક ઉપર  .

(347) દીકરી વહાલનો દરિયો – એક જોવા જેવું ગુજરાતી નાટક/ એક કાવ્ય

Dikri

આ અગાઉની DAUGHTER’S WEEK CELEBRATIONS નિમિત્તેની પોસ્ટ નંબર ૩૪૬ – દીકરો ગીત છે.. તો દીકરી સંગીત છે ના અનુસંધાનમાં આજની પોસ્ટમાં મારા મિત્ર રમેશભાઈ પટેલના બ્લોગ આકાશદીપમાં પ્રગટ એમની એક સુંદર કાવ્ય રચના -વહાલી દીકરી

તેમ જ

દીકરી એટલે વ્હાલનો દરિયો નામનું એક જોવા અને સમજવા જેવું મને ગમેલું એક ગુજરાતી

નાટક રજુ કર્યું છે એ તમોને જરૂર ગમશે .

વી.પ.

_______________________________

વહાલી દીકરી..રમેશ પટેલ(આકાશદીપ)

મમતાએ મઢી;

સંસ્કારે   ખીલી

વહાલી દીકરી.

 

ભર બપોરે દોડી,

બારણું      ખોલી

ધરે જળની પ્યાલી,

વહાલી   દીકરી

 

હસે  તો  ફૂલ  ખીલે,

ગાયે તો અમી  ઝરે

ગુણથી શોભે પૂતળી;

વહાલી દીકરી

 

રમે હસતી સંગ સખી,

માવતર  શીખવે  પાઠ  વઢી

સૌને હૃદયે તારી છબી જડી,

વહાલી દીકરી

 

વીતી   અનેક  દિવાળી

જાણે  વહી ગયાં પાણી

સોળે ખીલી રાણી

વહાલી    દીકરી

 

પૂજ્યાં   તે   માત પાર્વતી

પ્રભુતામાં માંડવા પગલી

દિન    વિજયા દશમી

વહાલે  વળાવું દીકરી

 

લેવાયાં લગ્ન આંગણિયે

મહેકે  સુગંધ    તોરણિયે

વાગે  શરણાઈ ને  ઢોલ

શોભે  વરકન્યાની જોડે

 

વિપ્ર        વદે      મંગલાષ્ટક

પીળા  શોભે કન્યાના   હસ્ત

આવી   ઢૂકડી  વિદાય વેળા

માવતર ઝીલે  છૂપા પડઘા

 

હૈયે ન સમજાય  વ્યથાની  રીતિ

વાત   કેમ   કહેવી  બોલે  દીકરી

 

ઝીલ્યા વડીલોના મોંઘા  બોલ

વગર વાંકે ખમ્યા સૌના  તોલ

દીકરીની વ્યથા ઉરે  ઉભરાણી

કેમ   સૌ   આજ  મને  દો છોડી

 

આવી રડતી  બાપની  પાસે,

બોલી કાનમાં  ખૂબ  જ ધીરે

કોને બોલશો-વઢશો પપ્પા હવે?

હું  તો આજ સાસરિયે  ચાલી

 

કેવું અંતર વલોવતા શબ્દ બોલી

જુદાઈની     કરુણ   કેવી   કથની

થયો  રાંક  લૂંટાઈ દુનિયા મારી

આજ સંબંધની સમજાણી કિંમત ભારી

 

આંખનાં   અશ્રૃ   બોલે   વાણી,

નથી જગે તારા  સમ જીગરી

તું સમાઈ  અમ શ્વાસે દીકરી,

તારા શબ્દો ટપકાવે આંખે પાણી,

ઓ વહાલી  દીકરી,

ઘર થયું આજ રે ખાલી (૨)

રમેશ પટેલ(આકાશદીપ)

_________________________________________

દીકરી વ્હાલનો દરિયો – ગુજરાતી નાટક

આ નાટકની કથા અને એમાં ભાગ લેનાર બધા જ કલાકારોના સુંદર અભિનયથી 

આ ગુજરાતી નાટક  દીકરીની મહત્તાનો સુંદર સંદેશ મૂકી જાય છે .

નાટક જોવાનો રસ જળવાઈ રહે એ હેતુથી નાટક વિષે વધુ વિવેચન કરતો નથી .

થોડો સમય લઈને અને ધીરજ રાખી ૧ ક્લાક્ અને ૪૮ મિનિટના આ નાટકને માણો .

આ નાટકમાં એના અંત સુધી રસ જળવાઈ રહે છે .

અનેક વળાંકોમાં પસાર થતી નાટકની કથા સુખાંતમાં પરિણમે છે .

દીકરી વહાલનો દરિયો -ગુજરાતી નાટક

 

આ પ્રસંગે વિનોદ વિહારમાં દીકરી વિષેની નીચેની આ અગાઉ  પ્રગટ થયેલી

નીચેની બે પોસ્ટ પણ ફરી ન વાંચી હોય તો વાંચશો .

નીચેની લીંક ઉપર ક્લિક કરીને આપ એને વાંચી શકશો .

૧.દીકરી એટલે વહાલનો દરિયો — દીકરી એટલે દાંપત્યનો દીવડો

૨ .( 225 ) દીકરી એટલે બાપનો શ્વાસ અને વિશ્વાસ ( સંકલિત )

( 346 ) દીકરો ગીત છે….. તો દીકરી સંગીત છે — DAUGHTER’S WEEK CELEBRATIONS

DAUGHTER’S WEEK CELEBRATIONS નિમિત્તે મારા મિત્ર અને સુરતી ઊંધિયું બ્લોગના બ્લોગર શ્રી વિપુલ દેસાઈએ તૈયાર કરેલ નીચેનું ચિત્ર એમના ઈ-મેલમાં મોકલ્યું હતું .આ ચિત્રમાં વ્હાલના દરિયા અને દામ્પત્યના દીવડા સમી દીકરીની દીકરા સાથે સરખામણી કરી છે અને દીકરીની મહત્તા દર્શાવવામાં આવી છે .દીકરીદિનની સૌને વધાઈ!

Daughter-Vipul

( સાભાર -શ્રી વિપુલ દેસાઈ )

દીકરી એ દરેક મા -બાપ માટે કુદરતની એક અમુલ્ય ભેટ સમાન છે .

પિયરમાં ઘણા વર્ષો ગાળીને , ઉંમરલાયક થતાં લગ્ન કરીને દીકરી પોતાનાં મા-બાપ,ભાઈ-બહેન ,સાહેલીયો અન્ય કુટુંબીજનોને મુકીને સાસરે આવીને પારકાંને પોતાનાં કરીને નવું ઘર વસાવે છે .

મા-બાપને મન દીકરી ઉંમરલાયક હોય તો પણ સદાય ભૂતકાળની નાની દીકરી હોય એવો અહેસાસ કરતાં હોય છે

દીકરી પુત્ર સમોવડી બની શકે છે .જવાહરલાલ નેહરુની એક માત્ર દીકરી ઇન્દિરા ગાંધી એક શક્તિશાળી મહિલા વડા પ્રધાન તરીકે ઇતિહાસમાં પંકાઈ છે .એમના વિષે એવું કહેવાતું હતું કે ભારત સરકારની કેબિનેટમાં વડા પ્રધાન ઇન્દિરા ગાંધી જ એક માત્ર પુરુષ છે ! દીકરી એટલે  સવાયો દી ક રો એનું આ છે ઉત્તમ ઉદાહરણ !

અધ્યાત્મક માર્ગના પ્રવાસી કવિ સ્વ. મકરંદ દવે ની દીકરી અંગેની અનુવાદિત એક સુંદર

કાવ્ય રચના નીચે પ્રસ્તુત છે .

‘જ્યારે વિધાતાએ દીકરી સરજી…

વિધાતાએ દીકરી ઘડી ને ત્યારે ખૂબ ખાંતે
કસબી હાથેથી એણે કરી શી કમાલ
રૂપનો અંબાર કરું, મીઠપ અપાર ભરું,
ખજાનો ખુટાડી કરું મલકને ન્યાલ.
દેવીયું કનેથી માગી લીધો મલકાટ
અને મધરાત કેરા માપી સીમાડા સુદૂર,
ચપટીક રજ લીધી નખેતર તણી,
અને દીકરીને આંખે ભર્યા દમકતાં નૂર.
સાકરનો લઈને સવાદ એણે દીકરીમાં,
તજ ને લવિંગ વળી ભેળવ્યા જરીક.
સૂરજનાં ધોળા ફૂલ હાસ ને હુલાસ દીધાં.
જોઈ કારવીને કીધું, હવે કાંક ઠીક.
વિધાતાએ દીકરી ઘડીને વળી જોઈ જોઈ
વારે વારે હસું હસું થાય એનું મુખ
હૈયે એને હાશ, હર માવતર કાજે ધર્યું,
હર્યુંભર્યું હેત નર્યું નીતર્યું આ સુખ!

અનુ.. મકરન્દ દવે

( આભાર- બ્લોગ- અક્ષરનાદ  )

______________________________________

વિધાતાએ ખાંતે કરીને ઘડેલી દીકરી મા -બાપની સુખાકારી માટે હંમેશાં જીવ બાળતી હોય છે . માતા અને પિતા જેમ દીકરીને યાદ કરે છે એમ દીકરી પણ એમને કદી ભૂલતી નથી . દીકરી અને એના પિતા-પપ્પા – ડેડી વચ્ચેનો પ્રેમ સંબંધ અવર્ણનીય છે .

આવા  પ્રેમને ઉજાગર કરતાં બે કાવ્યો નીચે પ્રસ્તુત છે .

અગાઉ વિનોદ વિહાર બ્લોગમાં જેમનો આ પોસ્ટમાં  પરિચય  કરાવવામાં આવ્યો છે એ આદરણીય પ્રજ્ઞાબેન વ્યાસએ એમનાં વિદુષી દીકરી યામિની વ્યાસની એમના પપ્પાને યાદ કરીને એમના પ્રત્યે સુંદર પ્રેમ ભાવ વ્યક્ત કરતી કાવ્ય રચના મને ઈ-મેલમાં વાંચવા મોકલેલ એને યામિનીબેન અને પ્રજ્ઞાબેનના આભાર સાથે નીચે આપું છું .

નામ તમારે ગીત લખું તો તમને ગમશે પપ્પા ?
એક સવાલ સીધો પૂછું તો જવાબ જડશે પપ્પા?

સાવ હજી હું નાની ત્યારે ખભે ઝુલાવી ગાતા’ તા,
સાથે જીદ જવાની કરતી પપ્પા બહાર જો જાતા’તા.
ગયો સમય મુઠ્ઠીથી સરકી શું તે પાછો ફરશે પપ્પા?

એક સવાલ …

બહારથી આવી બૂમ પાડો તો દોડી વળગી પડતી હતી,
હાથમા ઢીંગલી જોઇ તમારા હું કેવી નાચી ઉઠતી હતી !
ખોટું ખોટું ઘર ઘર રમતી એ ઘર ઘર ખોટ્ટું મળશે પપ્પા?

એક સવાલ …

ઉપવાસ તમારા ગોરમા મારા ઘરમાં મેવો છલકાતો’તો,
આંગળી પકડી સ્કૂલે જાતા રસ્તો આખો મલકાતો’તો!
વીત્યા એ દિવસોનો સાગર મુજ આંખોમાં તરસે પપ્પા…!

— યામિની વ્યાસ ( પરિચય – અહીં ક્લિક કરીને વાંચો )

_________________________________

પિતા -પુત્રીના પ્રેમને ઉજાગર કરતી કવિ હિમાંશુ ભટ્ટની બીજી એક સુંદર કાવ્ય

રચના નીચે પ્રસ્તુત છે .

આ કાવ્ય રચનાને હિમાંશુભાઈની દીકરી રીતુના સ્વરમાં નીચે મુકેલ વિડીયોમાં પણ માણો .

ડેડી તમે કોઈ નવી વાતો સુણાવો
ખોળામાં લો, બેસો મને સપના ગણાવો

બોલે તમારા હોઠ, ને બોલે છે આંખો
મસ્તી ફરીથી આંખમાં લાવી હસાવો

આ બે તમારા હાથ છે, દુનિયા અમારી
મારા તમે બે હાથમાં દુનિયા સમાવો

જોવા જરૂરી છે બધા રૂપ જિંદગીના
કાંટા અને આજે મને પુષ્પો બતાવો

માણી શકું હું જિંદગીને મારી રીતે
ધ્યેયલક્ષી ને મને મક્કમ બનાવો

લોકો કહે છે ગાય જેવી દિકરી હો
ચાલો ફરીથી એમને ખોટા ઠરાવો

ડેડી તમે લાગો મને દુનિયાથી વ્હાલા
વ્હાલપ તમારું મારા કણ્-કણ માં સમાવો

મારું તો પહેલું ઘર તમારું દિલ છે ડેડી
કાલે બીજા ઘરમાં મને ચાહે વળાવો …

– હિમાંશુ ભટ્ટ

Ritu Singing Daddy Tame Koi Navi Vato Sunavo -2012

તમે કોઈ નવી વાતો સુણાવો

આભાર -સૌજન્ય- ટહુકો .કોમ 

એ ખુબ જ દુખની વાત છે કે દીકરી રીતુના આ વ્હાલા ડેડી કવિ હિમાંશુભાઈ હવે

આપણી વચ્ચે નથી . કેન્સરના જીવલેણ રોગનો ભોગ બની તારીખ

October 28, 2013 ના રોજ તેઓએ આપણી વચ્ચેથી વિદાય લઇ લીધી છે.

આ દુખદ સમાચાર અંગે અને હિમાંશુભાઈનો પરિચય અહીં વાંચો  .)

( 345 ) એક મેક્શીકન માછીમાર શીખવે છે સુખી જીવન જીવવા માટેની ચાવી !….. ( એક બોધ કથા )

Fishing Boat

ઇન્ટરનેટ ઉપર પરિભ્રમણ કરતાં આ બ્લોગમાં  અંગ્રેજીમાં  એક મેક્શીકન માછીમાર અને

હાર્વર્ડમાંથી ઉત્તીર્ણ  એમ.બી.એ અમેરિકન મુસાફરની એક વાર્તા મારા વાંચવામાં આવી  .

આ વાર્તામાં રહેલો જીવન માટેનો સંદેશ મને ગમી જતાં એનો ગુજરાતીમાં અનુવાદ કરીને

આજની પોસ્ટમાં મુક્યો છે  .

આપને આ બોધ કથા જરૂર ગમશે .

વિનોદ પટેલ

_____________________________________________

મેક્શીકોના એક નાના ગામમાં દરિયા કાંઠે એક માછીમારની બોટ નાંગરેલી પડી હતી.

એટલામાં એક અમેરિકન  મુસાફર આ માછીમાર પાસે આવી એણે પકડેલ માછલીઓની સારી જાત માટે એને શાબાશી આપતાં પૂછવા લાગ્યો :

“ આ માછલીઓ પકડવામાં એને કેટલો સમય લાગ્યો હતો ?

માછીમાર કહે  “ બહું નહીં “

મુસાફરે કહ્યું :” તમે લોકો થોડો વધુ સમય બોટમાં રહીને વધારે માછલીઓ કેમ પકડતા નથી ?”

માછીમારે આ મુસાફરને સમજાવ્યું :

” અમે લોકો હાલ જે થોડી ઘણી માછલીઓ પકડીએ છીએ  એથી ખુશ છીએ કેમ કે એનાથી એમની અને એમના કુટુંબની બધી જીવન જરૂરીઆતો પૂરી થઇ જાય છે . “

મુસાફર કહે : “તો પછી તમે લોકો તમારા બાકીના સમયમાં શું કરો છો ?”

માછીમાર કહે :” અમે રાતે માંડા સુધી સુઈએ છીએ,થોડો સમય માછલીઓ પકડીએ છીએ , અમારાં સંતાનો સાથે રમીએ છીએ અને અમારી પત્નીઓ સાથે બપોરની ઉંઘ ખેંચી કાઢીએ છીએ ,સાંજે ગામમાં અમારા મિત્રોને મળીએ છીએ ,એમની સાથે શરાબના થોડા ઘુંટ ગટગટાવીએ છીએ અને ગીતાર વગાડીને થોડાં ગીતો ગાઈએ છીએ .આમ અમારા દિવસો સારી રીતે પસાર થઇ જાય છે ,અમે અમારી જિંદગીને પુરેપુરી રીતે માણીએ છીએ .”

આ પરદેશી મુસાફિરે એને આગળ બોલતાં અટકાવીને કહ્યું :

” જુઓ , મેં વિશ્વમાં જાણીતી હાર્વર્ડ યુનિવર્સીટીમાંથી એમ.બી.એ. ની ડીગ્રી પાસ કરેલી છે એટલે હું તમને મદદ કરી શકું એમ છું .મારી તમને સલાહ છે કે તમારે થોડો વધારે સમય બોટમાં રહીને માછલીઓ પકડવાનું શરુ કરવું જોઈએ .આના લીધે તમે વધારે  માછલીઓ પકડી શકશો અને એથી તમારી જે આવક વધશે એમાંથી આના કરતાં મોટી બોટ ખરીદી શકશો .”

માછીમારે પૂછ્યું : ” સાહેબ, એ પછી શું ?”

મુસાફર  કહે :” મોટી બોટથી વધારે માછલીઓ પકડવાથી તમારી આવક વધતાં તમે એક બીજી નવી બોટ ખરીદી શકશો . એ પછી બીજી ,ત્રીજી એમ તમારી પાસે બોટનો મોટો કાફલો થશે .તમે પછી દલાલોને માછલીઓ વેચો છો એના બદલે પ્રોસેસિંગ હાઉસો સાથે સીધા વાતચીત કરીને સારો ભાવ મેળવી શકશો અને આ રીતે ભવિષ્યમાં તમારી મોટી કમાણીમાંથી કદાચ તમારી આગવી પ્રોસેસિંગ ફેક્ટરી પણ ઉભી કરી શકશો . ત્યારબાદ, તમારે આ તમારા નાના ગામમાં રહેવું નહી પડે અને તમે મેક્શીકો શહેર , લોસેન્જેલ્સ કે ન્યુયોર્કમાં રહીને ત્યાંથી તમારા ધંધાનો વહીવટ કરી શકશો .”

માછીમાર કહે :” સાહેબ , આ બધું કરતાં કેટલો સમય લાગે ? “

મુસાફર :” વીસ વર્ષ કે કદાચ પચ્ચીસ વર્ષ “

માછીમાર કહે :” સાહેબ, ત્યાર પછી શું કરવાનું ?”

મુસાફર હસતાં હસતાં કહે :

” મારા મિત્ર , ત્યાર પછીની જે વાત છે  એ બહું જ મજાની છે . તમારા ધંધાનો  વિસ્તાર ખરેખર મોટો થયો હોય ત્યારે તમારે શેરો ખરીદવાના અને વેચવાના અને એ રીતે લાખ્ખો ડોલરની કમાણી કરી લેવાની .”

માછીમાર કહે :” લાખ્ખો ડોલર ? ખરેખર ? અને લાખ્ખો ડોલર બનાવ્યા પછી શું ? “

 મુસાફર કહે :” ત્યાર પછી તમારે તમારા ધંધામાંથી નિવૃત્તિ લઇ લેવાની ,

“દરિયા કિનારે એક નાના ગામમાં મકાન કરી રહેવાનું, માંડે સુધી સુઈ રહેવાનું ,તમારા બાળકો સાથે રમવાનું, નિરાંતે માછલીઓ પકડવાની, પત્નીની સાથે બપોરે ઊંઘવાનું અને રોજ સાંજે મિત્રો સાથે ડ્રીન્કસ લેવાનું અને આ રીતે આનંદથી દિવસ પસાર કરવાનો .”

આ સાંભળીને મેક્શીક્ન માછીમાર હસી પડ્યો અને આ મુસાફરને  કહેવા લાગયો :

“તમને બહું માન સાથે  મારે કહેવું જોઈએ કે આ બધું તમે જે કહ્યું એ બધું તો અમે બધા  માછીમારો હાલ કરી જ રહયા છીએ . તો એ મેળવવા પાછળ અમારે અમારી જિંદગીનાં  કીમતી ૨૫ વર્ષ બગાડવાનો કોઈ અર્થ ખરો ?”  .

આ વાર્તાનો બોધપાઠ 

 આ વાર્તામાંથી બોધ એ લેવાનો છે કે માણસના જીવનમાં સ્થાવર મિલકતોની માલિકી અને

પૈસા એ જ પૂરતું નથી  . માત્ર પૈસાથી સુખ ખરીદી શકાતું નથી . માણસની તૃષ્ણાઓનો કોઈ અંત નથી . જેમ જેમ વધુ પૈસા પ્રાપ્ત થાય છે એમ વધુ પૈસા મેળવવાની લાલસા વધતી જાય છે . ઇચ્છાઓનો શૂન્યાવકાશ કદી પુરાતો નથી .

જાણીતા અંગ્રેજી લેખક G.K.Chesterton એ એના નીચેના અવતરણમા સુંદર કહ્યું છે કે —

“There are two ways to get enough :

The one is to continue accumulate more and more .

The other is to desire less “

માણસને સુખી થવા માટે માત્ર વધુ ધન હોય એ જરૂરી નથી પણ જે છે એમાં સંતોષ

માની ધન ઉપરાંતની બીજી વ્યક્તિત્વ ખીલવવાની ક્લાઓ વિકસાવીને એમાંથી આનંદ શોધવો જરૂરી છે .

તમારી જિંદગીમાં સુખ મેળવવા માટે તમે મનમાં હવાઈ કિલ્લા રચો ત્યારે તપાસી જુઓ કે

તમારી પાસે હાલમાં જે છે એ સુખ નથી તો શું છે ?પૈસા બનાવવાની ઉંદર દોડમાં જિંદગીને

સારી રીતે જીવવાનું એક બાજુ તો રહી જતું નથી ને ?

સુખ કે દુખ એ એક માનસિક બાબત છે . તમે મનથી માનો તો સુખ નહીંતર

અગણિત ધન સાથે પણ દુખ !

તમારા જીવનની હરએક પળને આનંદથી માણો .

તમારુ જીવન જીવનવિહોણું  બની જાય એ પહેલાં તમારા જીવનને બરાબર જીવી લો .

“Live your life before life becomes lifeless”

_____________________________________

નીચે એક બીજા એમ.બી.એ. થયેલા ભાઈ અને એક અભણ ખેડૂતની

આ કટાક્ષ કથા પણ માણો .  

પુસ્તકિયું જ્ઞાન કેટલું અધકચરું હોય છે એનું આ એક ઉદાહરણ છે !

એક પ્રતિષ્ઠિ‌ત બિઝનેસ સ્કૂલમાંથી એમ.બી.એ ની ડીગ્રી પ્રાપ્ત કરીને એક યુવક ખેડૂતો

પાકનું મેનેજમેન્ટ કેવી રીતે કરે છે તેનો સર્વે કરવા માટે એક ગામમાં ગયો.

ત્યાં જૂની પદ્ધતિથી ખેતી થતી જોઇને એણે એક ખેડૂતને કહ્યું: ‘ તમારી આ

પદ્ધતિ બરાબર નથી . આ પદ્ધતિથી આ બધાં વૃક્ષો પર એક

ડઝન સફરજનનો ફાલ ઊતરે તોય મને નવાઇ લાગશે.’

આ સાંભળીને એક ખેડૂતે આ એમ.બી.એ. થયેલા યુવાનને કહ્યું :

” હા ભાઈ , નવાઇ તો મને પણ લાગશે, કારણ કે તમે જેની નીચે ઉભા છો

એ સફરજનનાં નહીં પણ  કેરીનાં ઝાડ છે.’

આ પ્રસંગ ઉપરથી એ શીખવાનું છે કે જીવનમાં ભણતરની સાથે ગણતર

પણ જરૂરી હોય છે .માત્ર પોપટિયું જ્ઞાન હોય એ ન ચાલે .

——————————————————————

 Happiness and Buddha

( 344 ) રોજ નવું વર્ષ …….. લેખિકા- સ્નેહા પટેલ

આ નવા સંવત વર્ષ ૨૦૭૦ ના આરંભના માહોલમાં આજની પોસ્ટમાં સૌ. સ્નેહાબેન પટેલનો

“રોજ નવું વર્ષ ” નામનો મને ગમેલો એક લેખ એમના આભાર સાથે ગમતાનો કરીએ ગુલાલ 

એ રીતે આજની પોસ્ટમાં પ્રસ્તુત છે  

સ્નેહાબેન પટેલનો પરિચય એમના જ શબ્દોમાં એમના બ્લોગ

“સ્નેહા પટેલ – અક્ષિતારક” ની આ લીંક ઉપર વાંચો  .

મને આશા છે આ નવા વર્ષની શરૂઆતમાં આપને આ પ્રેરક લેખ વાંચવો અને

વિચારવો જરૂર ગમશે .

વિનોદ પટેલ

________________________________________________

“રોજ નવું વર્ષ “–  સ્નેહા પટેલ

New year reso- catતમારું વર્તમાન નું વર્તન તમારી જન્મકુંડળીના ચોકઠા દોરીને એમાં એમાં ‘ભવિષ્ય’ નામના આંકડાં ભરે છે. નવું વર્ષ એ રોજ સવારે ઉઠીને આંખો બંધ કરીને આ રુધિરાભિસરણની પ્રક્રિયા હજુ પણ યથાવત છે, સૂરજના તાજા તાજા  કિરણો તમને હૂંફ આપે છે, તાજા ખીલેલા ફૂલો ગઈ કાલે મુરઝાઈને ખરી ગયેલા ફૂલોની સ્મશાનયાત્રા કાઢીને રોવાના બદલે ‘ આ અને અત્યારની પળ જ  હકીકત છે અને એ ખૂબ સુંદર છે ‘ની વાતમાં આપણી માન્યતા દ્રઢ કરવા સસ્મિત મંદ મંદ વહી રહેલા સમીરની સંગાથે ડોલી ડોલીને વાતાવરણમાં તાજગી અને સુવાસનો છંટકાવ કરે છે, અસિત્ત્વને તરબતર કરે છે, રોજ સવારે ભૂખ્યાં ઉઠાડે છે પણ ભૂખ્યો સુવાડતો નથી અને એથી જ આ સૃષ્ટિના સર્જનહાર પર જેનો ભરોસો અકબંધ છે એ પંખીઓ પણ સઘળી ચિંતાનો ભાર એના માથે નાંખીને પોતાના ભાઈ-ભાંડુઓ સાથે ખાવાનું શોધવા નીકળી પડતા  એમની જ મસ્તીમાં ઉડતા ઉડતા એમના મધુર અવાજથી, ગીતોથી ચોમેર જીવંતતા ભરી દે છે અને આ બધાની વચ્ચે તમે  ઉમંગસભર એક નવા દિવસની શરુઆત કરો છો એના માટે ઇશ્વરનો આભાર માનવાની એક પ્રક્રિયા (જેને આમ તો પ્રાર્થના જેવું પણ કહી શકાય ) એ છે.

પણ આપણે તો હિસાબોના પાક્કા. આપણા માટે તો ૩૬૫ દિવસે એક જ  વાર નવું વર્ષ આવે, બાકી બધાં તો વાસી દિવસો જ કહેવાય. આવી બધી કુદરતની રોજેરોજ બદ્લાતી કરામતો સાથે આપણે શું લેવા દેવા ? જે જેનું કામ કરે. આટલી જીવંતતા આપણને થોડી પોસાય ? આપણે તો એદી માનવીઓ…રોજે રોજ બહારથી તનને સાફ કર્યા કરીએ પણ મનમાં તો ઇર્ષ્યા, વેર, ગુસ્સાનો કચરો ભેગો જ કર્યા કરીએ. એ બધી મોંકાણો કાઢવા માટે સમય જ નથી મળતો.

એક ક્ષણ થોભી જાઓ મિત્રો અને વિચારો તો ખ્યાલ આવશે,

ઇશ્વરના આ સૃષ્ટિમંદિરમાં આપણે પૂજારી થઈને એક ચોકકસ હેતુ સાથે આ પ્રુથ્વી પર અવતર્યા છીએ. આપણા હેતુ -કાર્યની રોજેરોજ આરતી ના ઉતારીએ તો સહસ્ત્ર દીવડાં બંધ થઈ જશે, એમાં ભજન નહીં ગાઈએ તો દસે દિશામાં અકળાવી કાઢતો શૂનકાર છવાઈ જશે. પર્વતો, ખીણ, વરસાદ, તાપ,તોફાન, લહેર, વૃક્ષ, બીજ સર્વત્ર ઇશ્વરનો સાક્ષાત્કાર કરવો એ જ આપણા જીવનપૂજારીઓની પૂજા. એમાં આપણી શ્રધ્ધાનો શંખનાદ હંમેશા વાગતો રહેવો જોઇએ, આપણી નિર્મળ ઉર્મિઓનો અખંડદીપ સદા જલતો રહેવો જોઇએ, આપણી પ્રાર્થનાનો ઘંટનાદ પળે પળે રણઝણવો જોઇએ. આ બધી ક્રિયાઓ માટે નવું વર્ષ આવવાની રાહ ના જોવાય રે નાદાનો !

કોઇ પણ કાર્ય કરવાની પૂર્વશરત સંતોષ અને શાંતિ હોવી જોઇએ. કારણ એ જ શાશ્વત છે. આ બધાંયને મદદ કરવા માટે ઇશ્વરે મનુષ્યને અદભુત ગુણ આપ્યો છે અને એ છે પ્રેમ. કોઇને પણ ફકત આપવાની ભાવના સાથે તન્મયતાથી પ્રેમ કરશો તો એ વર્ણવવા ભલભલાં શબ્દો પણ ફીકા પડી જશે. એને સાબિત કરવા માટે કોઇ જ સાબિતીઓની જરુર નહી પડે.એ પ્રેમ તમારા રુધિરમાં ઓકસીજનની માત્રા વધારી દેશે, ભાવજગતને અલૌલિક વળાંક મળશે, સર્વત્ર આનંદની છોળો ઉડશે, થાક -દુઃખ-કલેશ જેવા કકળાટ કાયમ તમારાથી જોજનો દૂર રહેશે અને એને કાઢવા નવા વર્ષની પૂર્વે કાળીચૌદશની રાહ નહી જોવી પડે. તો મિત્રો આજથી ને અત્યારથી જ પ્રક્રુતિના સર્જનહાર પ્રત્વે પ્રેમ, આદર, શ્રધ્ધા રાખીને પૂર્ણ રીતે સમર્પિત થઈને પ્રભુ ના આશીર્વાદ લઈ તમારી મહેનત, વિશ્વાસ અને આવડતના પાયા પર તમારા માટે નિર્ધારીત કરાયેલા કાર્યની ઇમારત ચણવાનું શરુ કરી દો તો આજ જ નહીં પણ જીવતરનો એકે એક દિવસ આપણા માટે નવું વર્ષ છે, મંગળમય છે !

આપના દરેક કાર્ય સફળ થાય-આમીન !

આભાર -સૌજન્ય- “સ્નેહા પટેલ – અક્ષિતારક” બ્લોગ

______________________________________

બોલીવુડ સીને જગતના આજના સુપર સ્ટાર અમિતાભ બચ્ચનના પિતા અને

હિન્દી સાહિત્યના જાણીતા  કવિ હરિવંશરાય શ્રીવાત્સવ બચ્ચનની

આજની પોસ્ટને અનુરૂપ એક હિન્દી કૃતિ નીચે પ્રસ્તુત છે . 

  नव  वर्ष

वर्ष नव

हर्ष नव 

जीवन उत्कर्ष नव 

नव उमंग 

नव तरंग 

जीवन का नव प्रसंग 

नवल चाह 

नवल राह 

जीवन का नव प्रवाह 

गीत नवल 

प्रीति नवल 

जीवन की रीति नवल 

जीवन की नीति नवल 

जीवन की जीत नवल   
 
– हरिवंश राय बच्चन  
सप्रेम , 
 

न​​​व ​ ​वर्ष ​ की हार्दिक शुभकामनाए