વિનોદ વિહાર

ગુજરાતી ગદ્ય પદ્ય સર્જનની આનંદ યાત્રા

Monthly Archives: જાન્યુઆરી 2014

(387 ) ભારત દેશ અને ભ્રષ્ટાચાર – એક સિક્કાની બે બાજુ

૨૬ મી જાન્યુઆરી ૨૦૧૪ ના દિવસે ભારતે એનો ૬૫મો ગણતન્ત્ર દિવસ  વર્ષોથી  ઉજવાય છે એ હમ્મેશની પ્રણાલી પ્રમાણે ઉજવાયો .

રાષ્ટ્ર ગીત ,જન ગણ મન અધિનાયક અને વંદે માતરમ તથા સારે જહાં  સે અચ્છા હિન્દુસ્તાં હમારા જેવાં રાષ્ટ્ર ગીતો ગવાયાં તથા રાષ્ટ્ર ધ્વજ ને  યોગ્ય રીતે સલામી અપાઈ .

64 વર્ષ અગાઉ ,૨૬ મી જાન્યુઆરીના દિવસે ભારત એના બંધારણને અમલી બનાવીને  નવી આશાઓ અને આકાંક્ષાઓ સાથે એક પ્રજાસત્તાક રાષ્ટ્ર બન્યું હતું  .

૬૬ વર્ષ પહેલાં મહાત્મા ગાંધી અને રવીન્દ્રનાથ ટાગોરે સ્વતંત્ર ભારત માટે જે કલ્પનાઓ કરી હતી એ પ્રાપ્ત કરવામાં દેશ બિલકુલ નિષ્ફળ ગયો છે .

આટલાં વરસો પછી પણ આ બે દેશ નેતાઓનું  સુફલામ ,સુજલામ દેશનું જે સ્વપ્ન હતું એ માટે કશું નક્કર પરિણામ મળ્યું નથી .

સુફલામ દેશનાં ફળો જો કોઈને ચાખવા મળ્યાં હોય તો એ લાંચિયા રાજકર્તાઓને જેઓએ દેશની સામાન્ય પ્રજાની -આમ આદમીની -ચિંતા કરવાને બદલે પોતાના ખિસ્સાં ભરવાની ચિંતા કરી છે .

સન્મિત્ર શ્રી સુરેશભાઈ જાનીએ શ્રી નરેન્દ્ર મોદી અંગેની એક પોસ્ટની એમની  કોમેન્ટમાં એમનો સચોટ પ્રતિભાવ આપતાં સરસ કહ્યું છે કે —

 ” વી ગેટ ધ રુલર્સ વી ડીઝર્વ. આઝાદી પછી સમાજના એકે એકે સ્તરના લોકોને તાબડતોબ સીડી પર ઉપર ચઢી જવું હતું. એ વખતની સાવ સામાન્ય સ્થિતીમાં જીવતા આપણા સૌનાં જીવન ધોરણ ઉંચાં આવી ગયાં. એ જ એકમાત્ર લક્ષ્ય હતું , એટલે આપણે મૂલ્યોને તિલાંજલી આપી.જવાબદાર આપણે સૌ છીએ. જ્યાં સુધી ૩૦% લોકો મૂલ્યો માટે જાગૃત નહીં થાય – કમ વોટ મે – ત્યાં સુધી કોઈ ન.મો. દેશને સુધારી નહીં શકે. ન.મો. ના ગુજરાતમાં, એમની આંખ નીચે જે ભ્રષ્ટાચાર વ્યાપક છે – એ એમના મોહક પ્રચારમાં દબાઈ ગયો છે.”

પૂજ્ય મહાત્મા ગાંધીજીએ એક વખત જે નીચેનાં સાત મહાપાતકો ગણાવેલાં એમાં કેટલું સત્ય છે !

૧. કાર્ય વગરની કમાણી  

૨. વિવેક વગરનું સુખ  

૩ ચારિત્ર્ય વગરનું જ્ઞાન  

૪. નીતિ વગરનો વહેવાર  

૫. માનવતા વગરનું વિજ્ઞાન  

૬. ત્યાગ વગરનો ધર્મ અને  

૭. મૂલ્યો વગરનું રાજકારણ.

વિનોદ વિહાર બ્લોગની શરૂઆત કરી એ સપ્ટેમબર ૨૦૧૧ માં જ મેં “ભારતમાં વકરી રહેલો ભ્રષ્ટાચાર, ભૂલાતાં જતાં ગાંધી મૂલ્યો” નામનો મારો એક લેખ અને એક કાવ્ય પોસ્ટ કરેલ એને અહીં વાંચો . 

 હમણાં મેં એક હિન્દી મુવી જોયું એમાં એનું એક પાત્ર કહે છે ” યે ભારત દેશમે પોપ્યુલેશન , પોલ્યુશન ઓર કરપ્શન કા પ્રશ્ન કભી ખતમ હોને વાલે નહી નહી હૈ “

સ્વતંત્રતા પ્રાપ્ત કર્યાં પછી ભારતમાં ભ્રષ્ટાચાર ખુબ જ ફૂલ્યો અને ફાલ્યો છે અને એનાં મૂળ ખુબ જ ઊંડાં ગયાં છે . ભારતમાંથી ભ્રષ્ટાચાર કદી નાબુદ થશે ખરો ? આ એક પાયાનો પ્રશ્ન છે .

આશા રાખીએ કે દેશને સરદાર પટેલ જેવો કોઈ લોખંડી કાર્ય શક્તિ ધરાવતો  નેક દિલ લોક સેવક નેતા મળી આવશે અને દેશની હાલની કંગાળ પરિસ્થિતિમાં કઈક સુધારો લાવી શકશે .

વિનોદ પટેલ

——————————————————–

ભારતમાં ભ્રષ્ટાચારના ઉકળતા ચરુ જેવા આ પ્રશ્ન અંગે મારા એક નેટ મિત્ર શ્રી યોગેશ કણકીયાએ એક ટૂંકો પણ સચોટ સચિત્ર  કટાક્ષ અને રમુજી લેખ અંગ્રેજીમાં ઈ-મેલથી મોકલ્યો છે એને એમના આભાર સાથે ભારતના ભ્રષ્ટાચારી નેતાઓને અર્પણ છે . 

અંગ્રેજીમાંથી ગુજરાતીમાં ભાષાંતર કરીને આ રમુજી ટુચકા જેવી નીચેની કટાક્ષિકા વાંચીને હસવું પણ આવશે અને એનો અંત વાંચીને કદાચ રડવાનું પણ મન કરશે !

 

હાસ્યેન સમાપયેત – એક રમુજી કટાક્ષિકા

 HA..HA,..HAA...

એક વખત ત્રણ વૃદ્ધ જનો ભગવાનને મળવા ગયા . Corru- 1-Amerikn

પહેલો વૃદ્ધ જન જે અમેરિકન હતો એણે ભગવાનને પૂછ્યું ”

“મારા દેશ અમેરિકામાં જે હાલ મંદી ચાલે છે એમાંથી

દેશ ક્યારે મુક્ત થશે ?” 

જવાબમાં ભગવાને કહ્યું ” ૧૦૦ વર્ષ લાગશે .”

આ સાંભળીને આ અમેરિકન ધ્રુસકે  ને ધ્રુસકે રડતાં

રડતાં કહેવા લાગ્યો :

” આ શુભ દિવસ જોવા માટે હું જીવતો નહી હોઉં ,

મૃત્યું પામ્યો હોઈશ .”      

Corr- Russian

બીજો વુધ્ધ જન જે એક રશિયન હતો એણે

ભગવાનને પૂછ્યું :

” મારો દેશ રશિયા ક્યારે સમૃદ્ધ થઇ શકશે ?”

ભગવાને જવાબ આપ્યો :

” વત્સ, પચાસ વર્ષ લાગશે .”

આ સાંભળીને આ રશિયન પણ ખુબ જ રડવા

લાગ્યો અને કહેવા લાગ્યો :

” હું પણ આ દિવસ જોવા માટે જીવતો નહીં હોઉં .”

Corru- Indian -Amte

ત્યારબાદ ,છેવટે વારો આવ્યો આપણા ભારતીય વૃદ્ધ

મહાશય ( અન્ના હજારે ) નો .

એમણે ભગવાનને આજીજીપૂર્વક પૂછ્યું :

” પ્રભુ, મારો ભારત દેશ ભ્રષ્ટાચારમાંથી

ક્યારે મુક્ત થશે  ?

 આ સાંભળીને ભગવાને રડવાનું શરુ કર્યું અને

રડતાં રડતાં કહે:

” કમનશીબે એ મંગલ દિવસ  જોવા માટે

હું જીવતો નહી હોઉં  ! ”

(386)સાચું જીવન નિવૃત્તિ પછી શરૂ થાય છે…… ગુરુવાણી – વિશ્વામિત્ર

માણસ નિવૃત્ત નહીં થાય ત્યાં સુધી ફરજિયાત કરવી પડે એવી પ્રવૃત્તિઓનો ગુલામ હોય છે. અગિયારથી પાંચની સિસ્ટમ માણસની યુવાનીનાં શ્રેષ્ઠ વર્ષો ખાઈ જાય છે. શ્રાવણ મહિનામાં પવન શોર મચાવતો હોય, વર્ષાબિંદુઓનું નર્તન મનને લોભાવતું હોય, થોડાક મહિનાઓ પર જ લગ્નથી જોડાઈને ઘરે આવેલી પત્ની સાથે ટપકતાં વૃક્ષો નીચે પલળવાની મજા માણવા નીકળી પડવાની ઇચ્છા જાગે છે પરંતુ અફસોસ… અગિયારના ટકોરે ઓફિસમાં પહોંચવું પડે છે. શ્રાવણને માણી શકતો નથી, પત્ની એકલી એકલી ઘરમાં બેસીને હૈયાવરાળ ઠાલવે છે. ‘તેરી દો ટકિયાં કી નૌકરી મેં, મેરા લાખોં કા સાવન જાયે!’

માણસની નિવૃત્તિ વય પંચાવન વર્ષે હોવી જોઈએ એવું હું હૃદયપૂર્વક સમજું છું, આમ કરવાના બે લાભો છે. ક્રૂર સિસ્ટમમાં કેદ થયેલો જીવ થોડો વધુ મુક્ત,નિર્બંધ જિંદગીનો આનંદ માણી શકે અને બેરોજગાર યુવાન-યુવતીઓને રોજી-રોટી કમાવાની તક મળે. 

સાચું જીવન નિવૃત્તિ પછી શરૂ થાય છે. નિવૃત્તિ પછી પણ નિવૃત્ત નહીં થઈ શકતા જીવો કમનસીબ છે અને કોઇ અભિશાપની સજા ભોગવી રહ્યા છે એમ સમજવું. જેમને જિંદગીને મહત્તમ કક્ષાએ માણવી હોય એમણે નિવૃત્તિની રાહ જોવી પડે છે.

હું યુનિર્વિસટીમાંથી નિવૃત્ત થયો પછી એક સ્વનિર્ભર શૈક્ષણિક સંસ્થામાં જોડાવા માટેની દરખાસ્ત પ્રાપ્ત થયેલી. મેનેજિંગ ટ્રસ્ટીએ કહ્યું, માગો તે પગાર અને ઇચ્છા થાય ત્યારે આવવાનું, ઇચ્છા થાય ત્યારે નીકળી જવાનું! માણસની સ્વતંત્રતાની કેટલી કિંમત મુકાય? જો બે ટંક શાંતિથી ભોજન લઇ શકાય એટલા પૈસા ભગવાને આપ્યા હોય તો માણસ સિત્તેર કે પંચોતેરમા વર્ષે કોઇ સંસ્થામાં અગિયારથી પાંચની સિસ્ટમમાં ફરીથી ગૂંગળાવાનું શા માટે પસંદ કરે? હું એક યુનિર્વિસટીના પ્રોફેસરને ઓળખું છું, એમણે નિવૃત્તિ પછી પણ પોતાની ઓફિસ ખાલી નથી કરી. ઝંખના(વાસના) એવી છે કે, યુનિર્વિસટી મને માનદ્ વેતન સાથે થોડાં વધુ વર્ષ સેવા કરવાની તક આપશે! ઘરે પૌત્ર, પૌત્રી છે, એમને ખોળામાં બેસાડીને રમાડવાની, બાગમાં ફરવા અને રમવા માટે લઇ જવાની સુવર્ણ તક સાંપડી છે, પરંતુ સાહેબથી સોનાનું પાંજરું છૂટતું નથી.

ગિજુભાઇ બધેકાએ લખ્યું હતું કે, ઘડીભર રાજદ્વારી પ્રપંચ છોડી દે ને તારા બાળક સાથે રમ. ઘડીભર વેપારની ગડમથલ છોડી દે ને તારા બાળક સાથે રમ. ઘડીભર કાવ્ય-સંગીતને છોડી દે અને તારા બાળક સાથે રમ. ઘડીભર ભાઇબંધ-મિત્રોને છોડી દે ને તારા બાળક સાથે રમ. ઘડીભર પ્રભુ-ભજનને પણ છોડી દે ને તારા બાળક સાથે રમ. 

સોલ ગાર્ડન અને હેરોલ્ડ બ્રેચરે એક પુસ્તક લખ્યું જેનું શીર્ષક છે ‘Life is uncertain… Eat dessert First.’ જિંદગી અનિશ્ચિત છે, પહેલાં મિષ્ટાન્ન આરોગવાનું રાખો, મિષ્ટાન્ન એટલે મનગમતી પ્રવૃત્તિઓ, સૌથી મહત્ત્વનું અને સૌથી વધારે ગમતું કામ. જિંદગી અનિશ્ચિત છે. એ કટુ સત્ય નિવૃત્ત થયેલા મિત્રો માટે વધારે સાચું છે. પૈસા ભેગા કરવા દોડતા રહેવું, પદ અને પ્રતિષ્ઠાનો મોહ રાખવો એ બધું યૌવનની પાંખો વીંઝાતી હોય ત્યાં સુધી યોગ્ય છે પરંતુ સાંઠ અને સિત્તેરની વય પછી તો આપણી નજર માત્ર પસંદગીની અગ્રિમતાઓ પર સ્થિર થવી જોઇએ.

ગયા અઠવાડિયે વરિષ્ઠ નાગરિકોની સભામાં સંબોધન કર્યા પછી મેં એક પ્રશ્ન ઉછાળ્યો, તમારામાંથી કેટલા મિત્રો પૂર્ણકાલીન નોકરી કે ધંધામાં વ્યસ્ત છે? લગભગ અઢીસો મિત્રો ત્યાં ઉપસ્થિત હતા. સત્તાવીસ આંગળીઓ ઊંચી થઇ. મેં બીજો પ્રશ્ન રજૂ કર્યો. આ સત્તાવીસમાંથી કેટલા મિત્રો એવા છે કે જેમણે આજીવિકા માટે કામ કરવું જ પડે એવું છે?આખી સભામાં માત્ર ચાર સભ્યો એવા હતા કે જેમણે આવક અને ખર્ચના બે છેડા ભેગા કરવા લાચારીથી કામ કરવું પડતું હતું. બાકી રહેલા ત્રેવીસનું શું?તેઓ જે પ્રવૃત્તિઓમાં જોડાયેલા હોય એ પ્રવૃત્તિ એમને મનગમતી હોય તો પણ એ ફરજ પૈસા અને પગાર સાથે જોડાયેલી હોવાથી પેલા ત્રેવીસ જણને એમાંથી નિર્ભેળ આનંદ પ્રાપ્ત થાય એવી સંભાવના ખૂબ ઓછી છે.

નિવૃત્તિ પછીનું શેષ જીવન તો બિલકુલ અનિશ્ચિત હોવાનું. ઓછી મદિરા હોય અને ગળતો જામ હોય ત્યારે શાણો માણસ પહેલું કામ જામને હોઠો સુધી પહોંચાડવાનું કરે કે બીજું કંઇ? નિવૃત્તિ પછી આપણી અગ્રિમતા કઈ હોઈ શકે? વહેલી સવારે ફરીથી દોડીને ટ્રેન પકડી બોસની સેવામાં હાજર થઇ જવાની? જે ત્રીસમા કે ચાળીસમા વર્ષે કર્યું એ જ જો સિત્તેરમા વર્ષે પણ કરવાનું હોય તો ધિક્કાર છે એવી જિંદગીને.

ડેવીડ પોસન your self a break’માં નોંધે છે, માણસે વૃદ્ધાવસ્થામાં સ્ટ્રેસ જન્માવે એવી પ્રવૃત્તિઓથી દૂર રહેવું જોઇએ. નિવૃત્તિ પછી નિવૃત્ત થવાને બદલે પૈસા, પ્રતિષ્ઠા અને સત્તા મેળવવાના મોહમાં ઘણીબધી જવાબદારીઓ આપણે માથે મારનારો હોદ્દો સ્વીકારીએ તો હાર્ટએટેકથી કે ઊંચાં બ્લડપ્રેશરથી અચાનક લાંબી યાત્રાએ નીકળી પડવાની તૈયારી રાખવી પડે.

નિવૃત્તિ પછી માણસે શું કરવું અને શું છોડવું તે નક્કી કરવા માટે પોતાની ઉંમરનો આદર જાળવીને નિર્ણયો લેવા પડે. ગયા અઠવાડિયે હાથ ધરાયેલા સર્વેક્ષણમાં નેવું ટકા વરિષ્ઠ નાગરિકોએ પોતાની અગ્રિમતાઓ નીચેના ક્રમમાં દર્શાવી. 

-સ્વાસ્થ્યની જાળવણી. 

-પ્રભુસ્મરણ, ધર્મપુસ્તકોનું વાંચન અને કથાશ્રવણ. 

-પરિવારજનો સાથે સમય પસાર કરવો. 

-સમવયસ્ક મિત્રો સાથે પ્રવાસ-પર્યટને જવું. 

-વયસ્ક નાગરિકોનાં મંડળોમાં હાજરી આપવી. 

પ્રસન્નતા પ્રેરે એવું તારણ એ છે કે, ખૂબ ઓછા-દસ ટકા-વરિષ્ઠ નાગરિકો રૂપિયા કમાવા નોકરી-ધંધે જવાનું કે સત્તા મેળવવા ઊંચું પદ મેળવવાનું પસંદ કરે છે. આખી જિંદગી, નિવૃત્ત થયા ત્યાં સુધી જે કામ કર્યું એ કામ નિવૃત્તિ પછી નહીં સ્વીકારવું એ શેષ જીવન શ્રેષ્ઠ રીતે પસાર કરવાનો એક માત્ર વિકલ્પ છે.

છોડવા જેવાં આ કામો કયાં છે? કાવાદાવા ખેલવા, વિરોધીઓને માત કરવા, પ્રપંચ રચવો, ઇર્ષા-અદેખાઇમાં રાચવું, પોતાની લીટી લંબાવી શકવાની આવડત ન હોવાથી બીજાની લીટીને ભૂંસતા રહેવું, સૌની સાથે લડાઈ-ઝઘડો કરતા રહેવું એ બધાં કામો માણસે નિવૃત્ત થતાંની સાથે જ છોડી દેવાં જોઇએ.

સાચું જીવન નિવૃત્તિ પછી શરુ થાય છે  …

જો જીવતાં આવડે અને માણતાં આવડે તો…!

——————————————–

સૌજન્ય- સંદેશ . કોમ 

 

 

(385 ) શ્રી નરેન્દ્ર મોદીના સ્વપ્નનું ભારત કેવું હશે !

હાલમાં ભારતમાં એપ્રિલ-મે ૨૦૧૪ની આવી રહેલી લોકસભાની ચૂંટણીનાં પડઘમ જોર શોરથી સંભળાઈ રહ્યા છે . આ ચૂંટણીમાં ભારતના ભાવી વડા પ્રધાન કોણ બનશે એ નક્કી થવાનું છે .

મુખ્ય પક્ષો ભારતીય જનતા પાર્ટી , કોંગ્રેસ ,આમ આદમી અને બીજા  પક્ષો આ ચૂંટણીમાં ઝંપલાવશે . આ  પક્ષો જનતાને વચનોની લ્હાણી કરશે અને એમનો  મત માગશે . અત્યારે હાલ તો બી.જે.પી. નો ઘોડો આગળ દોડી રહ્યો એમ જણાય છે .

તારીખ ૧૯ મી જાન્યુઆરી 2014 ના રોજ દિલ્હીમાં ભારતીય જનતા પાર્ટીની રાષ્ટ્રીય  પરિષદની બેઠકમાં નરેન્દ્ર મોદીએ કાર્યકરોને સંબોધિત કર્યા હતા. 

આ પ્રસંગે રામલીલા મેદાન ઉપરથી બી.જે.પી.ના વડાપ્રધાન પદના ઉમેદવાર શ્રી નરેન્દ્ર મોદીએ જુસ્સાભેર જબાનમાં કોંગ્રેસની – એઆઇસીસીની બેઠકમાં  મોદી પર જે રીતે પ્રહારો કરવામાં આવ્યા હતા એનો એમણે જડબાતોડ જવાબ આપ્યો હતો.

શ્રી મોદીએ એમના લાંબા પ્રેરણાદાયી અને જુસ્સાભાર્યા પ્રવચનના અંતે એમના સ્વપ્નનું  ભારત કેવું હશે એ સંસ્કૃતના શ્લોકો ટાંકીને આબાદ રીતે રજુ કર્યું હતું એને નીચેના વિડીયોમાં સાંભળો./જુઓ.

During his inspiring address at the BJP National Council Meet at Delhi’s Ramlila Maidan, the NDA’s Prime Ministerial Candidate Shri Narendra Modi highlighted his vision, his idea of India. Shri Modi talked about the India that needs to be created for ensuring the development of every section of society.

Modi presenting his idea of ‘Vision India’ of development

——————————————————————————–

શ્રી નરેન્દ્ર મોદીએ એમના સ્વપ્નના  ભારત અંગે કરેલ પ્રવચનના અંતે 

રજુ કરેલા સંસ્કૃત સુભાસીતો -શ્લોકો આ રહ્યા —

NA-MO-DRE-1   NA-MO-DRE 2

NAMO-DRE-3

NAMO-DRE-4

 

તારીખ ૧૯ મી જાન્યુઆરી 2014 ના રોજ દિલ્હીમાં ભારતીય જનતા પાર્ટીની રાષ્ટ્રીય  પરિષદની બેઠકમાં રામલીલા મેદાન ઉપરથી શ્રી  નરેન્દ્ર મોદીએ કાર્યકરોને સંબોધિત કર્યા હતા  એ પ્રસંગનું  શ્રી મોદીનું આખું લાંબું પ્રવચન નીચેની લીંક ઉપર સાંભળી શકાશે .

Shri Narendra Modi addressing BJP’s National Council Meeting in Delhi – Speech
http://www.youtube.com/watch?v=pKrSslrJbrU&feature=player_detailpage

______________________________________________ 

 

_____________________________

હાસ્યેન સમાપયેત- વિનોદી ટુચકા

HA ...HA....HA....

 

નેતાજીના પેટનો દુખાવો !

એક પ્રધાન ,ધનિક દેશ નેતાના પેટમાં,

 ઉપડ્યો અચાનક અસહ્ય દુખાવો .

પહેલાં થયું, વાયુ છે, મટી  જશે ,

પણ ન મટ્યો ગોઝારો દુખાવો.

તાબડતોબ હોસ્પીટલમાં કર્યા દાખલ,

ડોક્ટરે જલ્દી તપાસ્યા પ્રધાનજીને.

ડોક્ટર માળો નીકળ્યો હોંશિયાર,

કહે તાબડતોબ માઈક લઇ આવો.

પ્રધાનજીના પેટમાં ફસાયું છે ભાષણ,

માઈકમાં બોલશે તો જ જશે દુખાવો.

માઈક જોઈ ખુશ થયા પ્રધાનજી,

હોસ્પિટલ વોર્ડ ફેરવાઈ ગયો સભામાં.

પલંગ પર બિરાજમાન નેતાજીએ,

શરુ કરી દીધું જોર જોશથી ભાષણ.

માણસો જોયા,માઈક મળ્યું ,શું બાકી રહ્યું,

લલકાર કર્યો મારી ક્માઈની પાઈ પાઈ,

મહેનતની ,પરસેવાની છે કમાઈ.

સભામાંથી એક જણ બોલી ઉઠ્યો:

હા નેતાજી, પણ કોના પરસેવાની !

 રચના- વિનોદ  પટેલ

(384 ) શબ્દોની શક્તિ–POWER OF WORDS

શબ્દોમાં અપાર શક્તિ રહેલી છે .

આપણે જે શબ્દો બોલીએ છીએ કે લખીએ છીએ એ બીજાઓ ઉપર કેવી અસર ઉપજાવે છે એનો આધાર તમે કેવી રીતે એ શબ્દો બોલો છો કે લખો છો એના ઉપર છે .

શબ્દો વિષે મારા વિચાર મંથનોમાંથી નીપજેલ આ રહ્યા  કેટલાક વધુ શબ્દો !  

બેધ્યાન રીતે બોલેલા કે લખેલા શબ્દો

ઝગડા કરાવી શકે છે 

શબ્દો તમારી આંખમાં આંસું લાવી શકે છે 

ક્રૂર શબ્દો  જિંદગી બરબાદ કરી શકે છે

કડવા શબ્દો  ધિક્કાર ઉપજાવી શકે છે

શબ્દો ખુન અને યુધ્ધો પણ કરાવી શકે છે

દ્રૌપદીના “આંધળાના આંધળા” શબ્દોએ

કેવું મહાભારત રચ્યું હતું  !

ભલાઈના શબ્દો  જીવન પથને સરળ

બનાવે છે

હર્ષ , આનંદ અને પ્રશંસાના  શબ્દો

તમારો દિવસ સુધારે છે 

વખતસર બોલેલા શબ્દો તમારો તણાવ

ઘટાડે છે

સ્નેહ અને પ્રેમના શબ્દો જુના ઘા રુઝાવે છે

 શબ્દો તમારા માટે કાતર બની શકે છે

શબ્દો તમારે માટે સોય પણ બની શકે છે

શબ્દો શાપ પણ છે  તો આશીર્વાદ પણ છે .

નીચેના વિડીયોમાં રસ્તા ઉપર  એક ગરીબ અંધ

ભિક્ષુક ભાઈ એક પુંઠાના બોર્ડમાં I AM BLIND

PLEASE HELP  એમ લખીને લોકોની મદદ

માગતા બેઠા છે .

રસ્તે જતાં એક બેન આ બોર્ડ ઉલટાવીને એમાં આ

શબ્દોને બદલે એમના હાથે IT IS A

BEAUTIFUL DAY AND I CAN’T SEE IT 

એમ લખે છે  .

આ શબ્દોની આ ભિક્ષુક આગળથી   પસાર થતા 

લોકોમાં કેવી ચમત્કારિક  અસર નીપજાવે

છે એ આ વિડીયોમાં જોઈને તમને ખાત્રી થઇ

જશે કે શબ્દોમાં કેવી અપાર શક્તિ રહેલી છે .

CHANGE YOUR WORDS

CHANGE YOUR WORLD

શબ્દોની શક્તિ–POWER OF WORDS

—————————————————

હાસ્યેન સમાપયેત- વિનોદી ટુચકા- જોક્સ

HA..HA,..HAA...

શબ્દો !

શાળાના એક વર્ગમાં શબ્દકોષ અને એની મદદથી સારો શબ્દ ભંડોળ કેવી રીતે કરી શકાય એનું મહત્વ સમજાવતાં વર્ગ શિક્ષકે વિદ્યાર્થીઓને કહ્યું :

” તમે કોઈ પણ અઘરો શબ્દ મનમાં ધ્યાનથી દશ વખત બોલી જાઓ તો એ શબ્દ જીવનભર માટે તમારો થઇ જાય છે “

શિક્ષકની આ વાત સાંભળીને છેલ્લી પાટલી ઉપર બેઠેલી કપિલા આંખો બંધ કરીને ધીમા અવાજે આ શબ્દનું રટણ કરી રહી હતી :

“રમેશ,રમેશ ,રમેશ ,રમેશ ,રમેશ ,રમેશ,રમેશ ,રમેશ ,રમેશ ,રમેશ.”

 Shbdo-2

 

(383 ) એક જ વ્યક્તી વગર સારા જગ સુના લાગે… ● ચીંતનની પળે ● –કૃષ્ણકાન્ત ઉનડકટ

આ માણસો પણ ખરા છે ! લગ્ન પહેલાં તેઓ પ્રેમ કરવાના સોગંદ ખાશે અને લગ્ન બાદ સોગંદ ખાવા જેટલો પણ પ્રેમ કરશે નહીં ! –શીડની શેલ્ડન

Happy old couple

Happy old couple

માણસ અને જીન્દગીની વાત છેડાય ત્યારે લોકો કહે છે કે, ‘એકલા આવ્યા છીએ અને એકલા જવાનું છે.’ સાવ સાચી વાત છે. માણસ એકલો આવે છે અને એકલો જાય છે. કારણ કે આવવું અને જવું માણસના હાથની વાત નથી. બીજી એક સાચી વાત એ છે કે માણસ એકલો જન્મે છે, એકલો મરે છે; પણ એકલો જીવી શકતો નથી.

બે ઘડી વીચાર કરો કે તમે જે શહેરમાં રહો છો એ આખા શહેરને ખાલી કરીને, તમને એ શહેરમાં એકલા છોડી દેવાય તો તમારી શી હાલત થાય ? નગરમાં ભટકો અને કોઈ જ સામું ન મળે તો ? એકલતા બહુ જ ડરામણી ચીજ છે. કોઈ દુર જાય ત્યારે એવો અહેસાસ થાય છે કે જાણે આખું નગર ખાલી થઈ ગયું !

હમણાં એક વડીલને મળવાનું થયું. તેમની ઉંમર ૭૦થી વધુ તો હશે જ. યુગાન્ડાથી તેઓ આવ્યા હતા. રાતનો સમય હતો. ઘરમાં ઘણા લોકો હતા. બધા જ લોકો હસીને વાતો કરતા હતા. ડીનર વખતે પીત્ઝા મંગાવ્યો. પીત્ઝાનો ટુકડો લેતી વખતે આ વડીલના અસ્તીત્વ ઉપર જાણે ઉદાસી ઉતરી આવી. એક બાઈટ લીધું અને એમનાથી બોલાઈ જવાયું કે, ‘સરલાને પીત્ઝા બહુ ભાવતો.’ બચેલો ટુકડો પાછો મુકી દઈ તેમણે આંખો બંધ કરી દીધી. પાંપણો નીચે પાણી જેવું કંઈક દેખાયું. કોઈનો મુડ ન બગડે એટલે તેઓ બાથરુમમાં મોઢું ધોવા ચાલ્યા ગયા. તેમનાં વાઈફના અવસાનને બે વરસ થઈ ગયાં હતાં. ‘સોરી,’ કહીને તેમણે કહ્યું કે, ‘અમે પંચાવન વરસ સાથે રહ્યાં. આ પંચાવન વરસ તો જાણે પાંચ દીવસની જેમ વીતી ગયાં. તેના વગર આ બે વરસ બે ભવ જેવાં લાગ્યાં છે.’ આ વૃદ્ધના ચહેરાની કરચલીઓ વચ્ચે ધબકતી સંવેદના બધાંને સ્પર્શી ગઈ. સામે બેઠેલા લોકોમાં દોઢ વરસ પહેલાં પરણેલું એક કપલ હતું. એક પણ શબ્દ બોલ્યા વગર બન્નેએ એકબીજાનો હાથ પકડી લીધો. એક બીજા સાથે આંખો મેળવી. આંખોથી પણ અસરકારક સંવાદ સધાઈ જતા હોય છે !

તમારી પાસે આવી કોઈ વ્યક્તી છે ? ક્યારેય એવો વીચાર આવ્યો છે કે આ એક વ્યક્તી જો ન હોય તો જીન્દગીનો મતલબ શો રહે ? એ વ્યક્તીની તમને કેટલી દરકાર છે ? ઘણા લોકો એવા હોય છે જેમને જ્યારે છીનવાઈ ગયાનું ભાન થાય ત્યારે જ પોતાની પાસે કંઈક બહુ મુલ્યવાન હતું એનો અહેસાસ થાય છે.

એક દંપતી હતું. લગ્નને લગભગ દસેક વરસ થયાં હતાં. એક દીવસ પત્ની બીમાર પડી. ડૉક્ટર પાસે મૅડીકલ ચૅકઅપ્સ કરાવ્યાં. ખબર પડી કે પત્નીને ગંભીર બીમારી છે. પતીને સામે બેસાડીને ડૉક્ટરે કહ્યું કે, ‘તમારાં પત્ની પાસે હવે વધુમાં વધુ એક વર્ષ છે.’

બસ, એક જ વર્ષ ! પતીએ નક્કી કર્યું કે આ એક વરસ દરમીયાન હું મારી પત્નીને ખુબ જ પ્રેમ કરીશ. તેનો પડ્યો બોલ ઝીલીશ. તેનું પુરું ધ્યાન રાખીશ. પત્નીને પણ સમજાયું કે તેનો પતી તેની ખુબ જ કૅર કરવા લાગ્યો છે. એક મહીના પછી પત્નીએ કહ્યું કે, ‘આટલો પ્રેમ પહેલાંથી કર્યો હોત તો ! આટલી કૅર પહેલાંથી કરી હોત તો ! આપણાં દસ વર્ષ મને દસ જીન્દગી જેવાં લાગત. તું સારો છે. મને કોઈ ફરીયાદ નથી. છતાં એવું થાય છે કે માણસને કેમ ત્યારે જ કોઈની કીંમત સમજાય છે, જ્યારે તે ગુમાવી દેવાનું થાય છે !’

પ્રેમ કરવા માટે કોઈ સમય, કોઈ દીવસ, કોઈ તક કે કોઈ અવસરની રાહ ન જુઓ. ‘જો ભી હૈ, બસ યહી ઈક પલ હૈ.’ પ્રેમ, લાગણી, સ્નેહ અને હુંફ નસીબદાર લોકોને મળે છે. તમારી પાસે એવા લોકો હોય તો તેની કદર કરો. તમે પોતે, જો કોઈ માટે એવી વ્યક્તી હો તો તમારા પ્રીયજનના પ્રેમનું સન્માન કરો. તમારી તે વ્યક્તીને કહો કે, ‘તું છે તો બધું છે; કારણ કે તું છે તો હું છું. તું ન હોય તો હું સાવ એકલો. તારા વગર આખું જગ સુનું !’ તમારા આ પ્રીયજનને દુર ન જવા દો.

જે આજે ભરપુર પ્રેમ નથી કરી શકતો તે પાછળથી ભરપેટ પસ્તાતો રહે છે. ચાલી ગયેલી આજ ક્યારેય પાછી આવતી નથી અને ચાલી ગયેલી વ્યક્તી પણ…

આભાર- સૌજન્ય –સંડે-ઈ–મહેફીલ  બ્લોગ-:શ્રી ઉત્તમભાઈ ગજ્જર 

————————————————-

હાસ્યેન સમાપયેત- વિનોદી ટુચકા- જોક્સ

HA..HA,..HAA...

સન્તાસિંહ – અરે બનતા , ભાભીનું શું નામ છે ?

બનતાસિંહ – ગુગલ કૌર

સન્તાસિંહ  -ગુગલ ! કમાલ છે . આવું તો કઈ નામ હોય !

બનતાસિંહ –  એનું ગુગલ નામ બિલકુલ સાર્થક છે .

સન્તાસિંહ- કેમ ,કેવી રીતે ?

સન્તાસિંહ – કેમ કે એને જ્યારે એક પ્રશ્ન પૂછીએ તો એના 

વીસ જવાબ મળતા હોય છે !

 

( 382 ) આખરે ભારત બન્યું છે પોલિયો મુક્ત- દેશ માટે એક શુભ સમાચાર

polio-vaccine-1એક સમાચાર  વાંચીને ખુશી થઇ કે ભારતમાં છેલ્લા  બે વર્ષ દરમિયાન પોલીયોનો એક પણ કેસ નોંધાયો નથી.

પોલીયોની સતત દેખરેખ અને મોનીટરીંગ સંબંધીત રીપોર્ટ દ્વારા જણાવવામાં આવ્યું છે  કે ભારતમાં આ વર્ષે પણ પોલીયોનો એક પણ કેસ નોંધાશે નહીં અને ભારતને વર્ષ ૨૦૧૪માં પોલીયો મુક્‍ત પ્રમાણપત્ર મળશે .

દુનિયાભરનાં દેશોમાં વર્લ્‍ડ હેલ્‍થ ઓર્ગેનાઇઝેશન, રોટરી ઇન્‍ટરનેશનલ તેમજ સ્‍થાનીક સરકારો દ્વારા પોલીયો હટાવો ઝુંબેશ સતત થવાનાં કારણે હવે માત્ર  પાકિસ્‍તાન ઉપરાંત આફ્રિકી દેશો, અફધાનીસ્‍તાનના દેશોમાં જ પોલીયોનું નામ બચ્‍યુ છે.દુનિયાનાં તમામ દેશોમાંથી હવે પોલીયો નાબુદ થઇ રહ્યો છે  એ ખુબ જ સારી વાત છે .

ભારતમાં પોલીયો નાબુદ થયો છે. પરંતુ પાકિસ્‍તાનનાં રસ્‍તે આ બિમારી ધુસણખોરી કરે તેવી શક્‍યતાઓ અને જોખમ વધી રહ્યું છે. પોલીયો નાબુદીના  પ્રયાસોમાં લાગેલા વિશેષજ્ઞોનું કહેવું છે કે પાકિસ્‍તાનનાં કટ્ટરપંથીઓએ પોલીયો નાબુદીનાં પ્રયાસોને નિષ્‍ફળ બનાવ્‍યા છે. આ સંજોગોમાં પાકિસ્‍તાનના રસ્‍તે પોલીયોનાં વિષાણુઓનો ભારત ઉપર ફરીથી હુમલો થઇ શકે એવી શક્યતા રહેલી છે.

પોલિયોનું અંગ્રેજીમાં આખું નામ Poliomyelitis છે . આ એક એવી જાતનો વાયરસ છે જે ખાસ કરીને ૫ વર્ષથી નીચેના બાળકોને એનો શિકાર બનાવતો હોય છે . આ કારણથી એને બાળ લકવો ( Infantile Paralysis ) પણ કહેવામાં આવે છે .જે બાળકો એમાંથી બચી જાય છે એને પોલિયો જીવનભર માટે વિકલાંગ બનાવી દે તેવી બિમારીઓમાંની  એ એક  છે.

મારા માટે આ સમાચારથી ખુશ થવાનું ખાસ કારણ એ છે કે બાળપણથી જ પોલીયોની બીમારીનો ભોગ બનેલા ભારતના લાખ્ખો બાળકોમાંનો હું પણ એક છું .

(સમાચાર  સૌજન્ય-  અકિલા )

ભારતમાં પોલિયો નાબુદીની ઝુંબેશ કેવી રીતે ચલાવવામાં આવી એની વિગતવાર માહિતી નીચેના વિડીયોમાં બતાવવામાં આવી છે એને નિહાળો .

India marks three polio free years ,challenges still remain

પોલિયો નાબુદીની ઝુંબેશમાં બોલીવુડના સૌના માનીતા સુપર સ્ટાર અમિતાભ બચ્ચનએ ખુબ જ રસ લઈને એમાં વિના મુલ્ય ખુબ જ અગત્યનો ફાળો આપ્યો છે.

પોલિયો અભિયાનના એમ્બેસેડર બનીને ટી.વી. ઉપર ” દો બુંદ જિંદગી કી ” ના પ્રોગ્રામમાં ગુસ્સે થઈને પણ લોકોને એમના બાળકોને પોલીયોની રસી  મુકાવવા માટે સમજાવતા હતા .

નીચેના વિડીયોમાં એમને આ ઝુંબેશ અંગે એમના વિચારો જણાવતા જોઈ શકાશે .

અમિતાભની સેવા ભાવનાને સલામ .

Amitabh Bachchan promotes new Polio Campaign

ભારતમાંથી પોલિયો નાબુદી માટે જવાબદાર બધી આંતર રાષ્ટ્રીય ,સરકારી , અર્ધ સરકારી અને રોટરી ક્લબ જેવી સંસ્થાઓ અને આ અભિયાનમાં  જોડાયેલા લાખ્ખો સેવાભાવી વ્યક્તિઓને અભિનંદન  .

___________________________

મારો પોલિયોનો અનુભવ

મારો જન્મ થયો હતો ૧૯૩૭માં બ્રહ્મદેશ- બર્મા ના રંગુન શહેરમાં . ૧૯૪૧-૪૨ ના બીજા વિશ્વ યુદ્ધમાં જાપાને બર્મા ઉપર પુષ્કળ બોમમારો  કર્યો .

આ બોમમારામાંથી બચવા માટે ત્યાં રહેતા ઘણા ગુજરાતીઓ જેટલું સાથે લઇ શકાય એટલું લઈને અને બાકીનું ત્યાં મુકીને  પોતપોતાના વતનના ગામમાં કોઈ પણ રીતે ભાગી આવ્યા હતા . મારા નાના ભગવાનદાસ (બાબુ )રંગુનમાં વર્ષોથી રહેતા હતા અને બર્માના ત્રણ મુખ્ય શહેરો  રંગુન ,બસીન અને મોંડલેની એમની પેઢીઓમાં વેપાર ધમધોકાર ચાલતો હતો . મારી માતા શાન્તાબેનનો જન્મ પણ રંગુનમાં થયેલો . આમ ત્યાંની સુખ સાયબી છોડીને મારું કુટુંબ ૧૯૪૧માં મારા વતનના ગામ ડાંગરવા આવી ગયું હતું . એ વખતે હું ફક્ત ચાર વર્ષનો બાળક હતો .

મને પોતાને તો યાદ નથી પણ મારા માતા-પિતાના કહેવા પ્રમાણે ડાંગરવા આવ્યાને થોડા મહિનામાં જ મને પુષ્કળ તાવ આવ્યો હતો .એ તાવમાં મને જ્યારે ઉભો કર્યો ત્યારે હું પડી ગયો . ઉભો રહી ન શક્યો . મારા ગામમાં તો એ વખતે ડોક્ટર હતા નહિ એટલે મારા પિતા મને ગાડીમાં પાનસર ગામના ડોક્ટરને ત્યાં લઇ ગયા . એમણે ઇન્જેક્શન આપીને તાવ તો ઉતારી દીધો પરંતું ડોક્ટરના કહેવા પ્રમાણે પોલીયોના વાયરસની અસર મારા જમણા હાથ અને ડાબા પગ ઉપર થઇ છે .

સ્વાભાવિક છે કે મારા માતા-પિતાને આનાથી ખુબ જ આંચકો લાગ્યો કે અચાનક મારા હસતા રમતા દીકરાને આ શું થઇ ગયું . દેશમાં જ્યારે ૧૯૪૧-૪૨ની આઝાદીની લડત ચાલતી હતી ત્યારે હું એક નાના ગામમાં આવીને જીવન અને મરણ વચ્ચેની લડત પછી મારા શરીરની આઝાદી ગુમાવી રહ્યો હતો !

એ સમયે ખુબ હોંશિયાર ગણાતા અંગ્રેજ ડોક્ટર કુકની સારવાર માટે મારા પિતા મને  આણંદના એમના દવાખાને નિયમિત બતાવવા લઇ જતા હતા.

ડોક્ટરની સારવાર અને માતા પીતાના પ્રેમ પૂર્વકની દેખભાળથી હું લંગડાતો પણ ચાલતો તો થયો.સામાન્ય રીતે પોલિયો એટલે કે બાળ લકવામાં એક બાજુનું અંગ ખોટું પડી જાય છે પરંતું મારા કેસમાં આ પોલીયોની અસર મારા જમણા હાથ અને ડાબા પગ ઉપર થઇ છે . આ બન્ને અંગ નબળા હોઈ એનો વિકાસ બાકીના અંગો જેવો પુરેપુરો થયો નથી . પરંતું કુદરતી રીતે ડાબા હાથમાં બે હાથ અને જમણા પગમાં જાણે બે પગની શક્તિ આવી ન હોય એવો અહેસાસ મને થાય છે .

 મારા માટે રોલ મોડેલ જેવી બહેરી મુંગી અને બધિર હેલન કેલરે કહ્યું  છે કે  ” ભગવાન જ્યારે એક દ્વાર બંધ કરે છે ત્યારે બે દ્વાર ખોલી આપે છે “.કુદરતે મારી શારિરિક ઉણપને મને બૌધિક શક્તિની ભેટ આપીને પૂરી કરી છે  . હું અભ્યાસમાં હંમેશાં આગળ રહેતો આવ્યો છું .કડીની સંસ્થામાં ગુરુજનોએ મારામાં રસ લઈને મારા વ્યક્તિત્વને વિકસાવવામાં અગત્યનો ફાળો આપ્યો હતો એને કેમ ભૂલાય !

શરૂઆતમાં પોલિયોએ મારામાં થોડો હીનતા ભાવ- Inferiority Complex જરૂર ઉભો કર્યો હતો ,મને અંતર્મુખી બનાવ્યો હતો ,પરંતુ ધીમે ધીમે વાંચન  , મનન અને પ્રભુ-પ્રીતિથી એ ઓછો થતો ગયો . મને સમજાઈ ગયું હતું કે શારીરિક રીતે શશક્ત વ્યક્તિઓની હરીફાઈમાં મારે ઉભા રહેવું હશે તો મારે ખુબ જ મહેનત કરીને મારામાં ખાસ પ્રકારની લાયકાત ઉભી કરવી જ પડશે  .આ શારિરીક ઉણપ હોવા છતાં હું બી.એ..બી.કોમ.એમ.કોમ., એલ.એલ.બી,. કમ્પની સેક્રેટરી સુધીનો અભ્યાસ  કર્યો , ૩૫ વર્ષની જોબમાં પ્રગતી કરતો કરતો મોટી કમ્પનીમાં સીનીયર એક્ઝીક્યુટીવ સુધીની પોસ્ટ સુધી પહોંચીને સૌનું માન અને પ્રેમ સંપાદન કરી શક્યો હતો. મારા  ત્રણ સંતાનોને અમેરિકા મોકલ્યાં અને અમદાવાદમાં 1992માં જીવન સાથીને ગુમાવ્યા પછી નિવૃત થઈને 1994માં કાયમી રીતે અમેરિકા આવી ગયો . આમ પોલિયો  મને કે મારા મનોબળને હરાવી શક્યો નથી એનો મને બહું જ સંતોષ અને આનંદ છે .

આના માટે મારા માતા -પિતા , કુટુંબીજનો ,ગુરુજનો, સહૃદયી મિત્રોનો પ્રેમ અને મને હર કદમ હાથ પકડીને દોરનાર દીન દયાળુ પરમાત્માની કૃપા માટે એમનો હૃદયથી આભારી છું. 

દુર્ભાગ્યની વાત એ છે કે ૧૯૪૨માં હું જ્યારે પોલીયોનો શિકાર બન્યો ત્યારે પોલીઓની રસી શોધાઈ ન હતી . પોલીયો  નાબુદી માટેની રસી છેક  ૧૯૫૫માં  શોધાઈ હતી.

અમેરિકન વૈજ્ઞાનિક ડૉ . જોનાસ સોકે આ રસી શોધીને વિશ્વમાં ” મિરેકલ વર્કર ” તરીકેનું બિરુદ મેળવ્યું હતું.

તારીખ ૧૫ મી ઓક્ટોબર,૨૦૧૨ ની વિનોદ વિહારની પોસ્ટ નંબર ૧૧૦માં પોલીયોની રસી અને એના શોધક ડૉ. શોકનો પરિચય કરાવવામાં આવ્યો હતો એને નીચેની લીંક ઉપર ક્લિક કરીને વાંચો .

(110) પોલીઓ(બાળ લકવા)ની ચમત્કારિક રસીના શોધક

ડો.જોનાસ સોક -એક પરિચય

HELEN KELLER- QUOTE

______________________________

હાસ્યેન સમાપયેત- રમુજી ટુચકા- જોક્સ

HA..HA,..HAA...

 

શિક્ષક ક્લાસમાં એક બાળકને પૂછે છે, “તારા પપ્પા 5000

રૂપિયાની લોન લે છે,

જો 10%ના હિસાબે તેઓ એક વર્ષ પછી લોન પરત કરે છે,

તો બોલ કેટલા પૈસા પાછા મળશે?” 

બાળકઃ “એક પણ રૂપિયો નહીં”

શિક્ષકઃ “બેટા, તું હજું પણ ગણિત નથી જાણતો!”

બાળકઃ “મેડમ, હું તો ગણિત જાણું છું, પણ તમે મારા પપ્પાને નથી જાણતા.”

(સૌજન્ય- દિવ્ય ભાસ્કર )