Daily Archives: જૂન 19, 2014
ફેસ બુક મિત્રો દ્વારા એમના પેજ ઉપર પોસ્ટ થયેલ કે મિત્રો દ્વારા ઈ-મેલમાં પ્રાપ્ત થયેલ ક્યારેક કોઈ ચિત્રો જોઈએ છીએ ત્યારે એ ચિત્ર કઈક બોલતું હોય , એક મુંગો સંદેશ આપી જતું હોય એમ મનમાં થાય છે .
અંગ્રેજીમાં એક વાક્ય છે A picture speaks thosand of words એ બિલકુલ સાચું છે .
માણસના ચહેરાનું ચિત્ર એની લાગણીઓ અને મનોભાવનું દર્પણ હોય છે .
એક હિન્દી ફિલ્મના ગીતમાં આવે છે એમ ” મનકી બાત બતા દેતે હૈ અસલી, નકલી ચહેરા “
એક મિત્ર તરફથી ઈ-મેલમાં મળેલ નીચેનું ચિત્ર જોતાં જ મને ગમી ગયું અને મિત્રોને પણ
શેર કર્યું -વહેંચ્યું- હતું .ખાસ કરીને આ ચિત્રનો જે મુક સંદેશ છે એ લાજવાબ છે .
એનું શિર્ષક મેં આપ્યું .. હાથીના દાંત !
આ ચિત્ર એમ કહેવા માગે છે કે માણસો મૂળભૂત રીતે દંભી હોય છે .
એમનામાં ઘર કરી ગયેલ દંભનું આ ચિત્ર એક આબાદ ઉદાહરણ છે .
એક મણની શિખામણ પણ અધોળનું યે આચરણ નહિ .
ભારતના આજના રાજનેતાઓને એ આબાદ લાગુ પડે છે .
આ નેતાઓ બીજાઓને શિખામણના પાઠ ભણાવવાના બદલે પોતે જ એનો અમલ
કરવાનું શરુ કરે તો કેટલું સારું .
એક કહેવત છે એમ હાથીને ચાવવાના દાંત અને દેખાડવાના દાંત જુદા જુદા હોય છે .
મારા મિત્ર શ્રી સુરેશભાઈ જાની એ આ ચિત્ર જોઈને અંગ્રેજીમાં જે કોમેન્ટ લખી મોકલી એ કેટલી સાચી છે !
Very typical picture.
Maybe it reflects the psyche of the whole mankind.
We talk and preach – what we don’t practice !!
શ્રી જુગલકીશોરભાઈ વ્યાસે એમની ખાસિયત મુજબ ટૂંકમાં લખ્યું –
વાહ, શું સંદેશો છે !! – જુ.
———————————————————–
ફ્રિમોન્ટ , કેલીફોર્નીયા વાસી હમઉમ્ર અને સહૃદયી મિત્ર એમની નેટ યાત્રા દરમ્યાન જોયેલું અને ગમેલું કોઈ ચિત્ર
મને પણ જોવા ઈ-મેલમાં અવારનવાર મોકલે છે .
તેઓ આ ચિત્રને અનુરૂપ એ ચિત્રનું નામ પણ આપે છે જે મને ગમે છે .
દા.ત. એમની એક તાજી ઈ-મેલમાં એમણે ” ચાલો સાથે મળીને પ્રાર્થના કરીએ ”
એ નામ સાથે આ ચિત્ર મોકલ્યું છે .
આ ચિત્ર જોઈને મારા મનમાં જે વિચારો આવ્યા એ મેં એમને જણાવ્યા હતા એ કઈક આ મતલબના હતા .
એક બાળક અને કુતરા જેવું પ્રાણી એ પુખ્ત વયના મનુષ્યો કરતાં એમના આચાર
અને વિચારમાં ખુબ નિર્દોષ હોય છે .
તેઓ નિર્દોષ હોય છે એટલે પ્રભુનાં લાડકવાયાં હોય છે . કોઈવાર થાય છે ,
એક પુખ્ત વયના માનવી કરતાં બાળકો અને પશુઓમાં વધુ માનવીય ગુણો હોય છે .
ઉપર ચિત્રમાં બતાવ્યાં છે એવાં આ બે નિર્દોષ પ્રભુનાં બાળકો જગતની અટપટી ખટપટોથી
અજાણ છે એટલે જ એમની કરેલી પ્રાર્થના પ્રભુને વહેલી પહોંચે છે અને એને એ વહેલી સાંભળે પણ છે .
જુઓ આ કુદરતના બાળકો વચ્ચે સખાભાવ પણ કેવો અદભૂત છે .
એક સાથે હાથ જોડી એક ચિત્તે જોડા જોડ પ્રાર્થના કરવામાં કેવાં મગ્ન થઇ ગયાં છે !
કુદરત તારી લીલા કેવી અજ્બો ગજબ છે .
એક પ્રાણી અને એક માનવીને પ્રેમના તારથી કેવી જોડી દે છે !
————————–
મને સુઝ્યું આ ચિત્ર હાઈકુ
કરું અરજ
પ્રભુ અમને સદા
પાસે જ રાખ
વિનોદ પટેલ
=====================================================
અને છેલ્લે , હ્યુસ્ટનથી શ્રી ચીમનભાઈ પટેલ “ચમન “એ મોકલેલ ભારતની શિક્ષણ પ્રથા
અને રાજકારણીયોની લાયકાત ઉપર કટાક્ષ કરતા અને દેશની આંખ ખોલી નાખે એવી
સત્ય હકીકત રજુ કરતા આ ચિત્ર વિષે વધુ ટીકા ટીપ્પણી કરવાની કોઈ જરૂર છે ખરી ?
- NEEDS ANY COMMENT ?
વિનોદ વિહાર 
વાચકોના પ્રતિભાવ