વિનોદ વિહાર

ગુજરાતી ગદ્ય પદ્ય સર્જનની આનંદ યાત્રા

( 575 ) પાદપૂર્તિ ….સાહિત્ય રસિક સીનીયર મિત્રોની એક શબ્દ રમત

નવરાશે નેટ વિહાર કરતાં એક ફેસ બુક પેજ ઉપર નીચેનું અવતરણ વાંચવામાં આવ્યું .

ચાહતા હોઈએ એ પાત્રની સાથે
જિંદગીના આનંદો વહેંચતા રહેવાની છે એક મજા
જ્યાં એક બીજાનો સાથ મજબુત છે
એવા સંબંધોમાં એકાંત કદી ટકી શકે ખરું ?
જીવન મુસાફરીના આ રાહમાં .

અજ્ઞાત સર્જકની આ પંક્તિઓ મને ગમી ગઈ એટલે ઈ-મેલ દ્વારા કેટલાક આત્મીય મિત્રોને એમના આસ્વાદ માટે મોકલી આપી .

આ પક્તિઓ મોકલતાં એમને મેં લખ્યું કે આમાં છેલ્લી લીટી “જીવન મુસાફરીના આ રાહમાં” પછી કંઇક અધૂરું હોય એમ મને જણાય છે ….તમે આગળ એને કેવી રીતે પૂરું કરશો ?

આમ લખી મિત્રોને આગળ પાદ પૂર્તિ કરવા માટે ઈજન આપ્યું. 

આના જવાબમાં સાનંદ જે ઈનપુટ મળ્યા એ ગમ્યા એટલે એને આજની પોસ્ટમાં પ્રસ્તુત કરવાનું મન થયું .મિત્ર સુરેશભાઈના અંગ્રેજીમાં લખેલ વાક્ય Compile all and make a post at V.V. એ મારા વિચારને મૂર્તિમંત કરવા માટે ધક્કો માર્યો.

તો આ રહી મિત્રોએ મોકલેલ પાદપૂર્તિની એ કડીઓ ….. 

સૂર સાધના (બની આઝાદ -ઈ- બુક)  મારફતે આઝાદ બનોનો સદા સંદેશ દોહરાવતા શ્રી સુરેશ જાનીનો સૌ પ્રથમ ટૂંકો ને ટચ સચિત્ર ઈનપુટ મળ્યો એ આ હતો …  

જીવન મુસાફરીના આ રાહમાં ….

આઝાદ બનો!! 

Paad purti-1

સુશ્રી પ્રજ્ઞા વ્યાસ (નિરવ રવે) નો સચિત્ર પ્રત્યુત્તર … 

જીવન મુસાફરીના આ રાહમાં ….

પ્રકાશ દે તુ, મુજ જીવનમાં,

પામવાને સાચો રાહ,

Padpurti-2

વિનોદ પટેલ ( વિનોદ વિહાર )

જીવન મુસાફરીના આ રાહમાં ….

ઓચિંતા જ અણદીઠ્યા કેવા અને કેટલા  

સહૃદયી મિત્રો આવી મળતા હોય છે !  

જીવન અધૂરું ના લાગે એ સહુની સંગતે . 

પ્રવીણ શાસ્ત્રી ( પ્રવીણ શાસ્ત્રીની વાર્તાઓ અને અન્ય સામગ્રી ) 

જીવન મુસાફરીના આ રાહમાં …. 

પ્રકાશ દે તુ, મુજ જીવનમાં,

પામવાને સાચો રાહ,

જીવન મુસાફરીના આ રાહમાં

આનંદ વહેંચતા સતત વહીયે

સુરેશ જાની –ફરી

જીવન મુસાફરીના આ રાહમાં

માશાલ્લા… 

વહેંચવાની મજા

માણવાની મજા કરતાં

વધારે ઉમદા હોય છે.  

રમેશ પટેલ(આકાશદીપ) 

જીવન મુસાફરીના આ રાહમાં …. 

રાહમાં જ રંગીલો મેળો રંગ ભરતો જશે. 

પી.કે.દાવડા ( મળવા જેવા માણસ ફેઈમ ) 

જીવન મુસાફરીના આ રાહમાં

ચાલો સૌને મળતા રહીએ.

 

આ સૌ પાદપૂર્તિ જવાબોને મૂળ કૃતિની પંક્તિઓની સાથે  નીચે ગોઠવીને થોડીક સંપાદિત કરીને જો મુકીએ તો એક આખી મજાની રચના આમ બને છે . 

 

ચાહતા હોઈએ એ પાત્રની સાથે

જિંદગીના આનંદો વહેંચતા રહેવાની છે એક મજા

જ્યાં એક બીજાનો સાથ મજબુત છે

એવા સંબંધોમાં એકાંત કદી ટકી શકે ખરું ?

જીવન મુસાફરીના આ રાહમાં

ઓચિંતા જ અણદીઠ્યા કેવા અને કેટલા 

સહૃદયી મિત્રો આવી મળતા હોય છે ! 

જીવન અધૂરું ના લાગે એ સહુની સંગતે,

આમ જીવનના રાહમાં

રંગીલો મેળો રંગ ભરતો જશે.

 

જીવન મુસાફરીના આ રાહમાં

પ્રકાશ દે તુ, મુજ જીવનમાં,

પામવાને સાચો રાહ,કે જેથી,

આનંદ વહેંચતા સતત વહીયે

માશાલ્લા… 

વહેંચવાની પણ મજા

માણવાની મજા કરતાં

કેટલી વધારે ઉમદા હોય છે!

અંતે તો, એક જ સંકલ્પ કરીએ,  

જીવન મુસાફરીના આ રાહમાં ….

ચાલો સૌને મળતા રહીએ.

આઝાદ બનીએ .

 

ગમ્યું ને સાહિત્ય રસિક મિત્રોનું આ સહિયારું કાવ્ય સર્જન ! 

મિત્રો,

આ રીતે અજાણતાં જ આ સૌ સાહિત્ય રસિક મિત્રો વચ્ચે રમાએલી પાદપૂર્તિની આ સર્જનાત્મક રમત રંગ લાવી ગઈ !

જીવનની સંધ્યાએ જીવનના અવનવા રંગો નિહાળતા,નિવૃતિના સમયનો સદુપયોગ કરીને પોત પોતાની રીતે સાહિત્ય સર્જનની રચનાત્મક પ્રવૃતિમાં આનંદ માણતા, આ સૌ સીનીયર સહૃદયી મિત્રોનો આ પાદ્પુર્તીની રમતમાં ભાગ લેવા બદલ ખુબ ખુબ આભાર .

આ પોસ્ટનું સમાપન કરતાં આ બ્લોગના માધ્યમથી હવે પછીની આવી પાદપૂર્તિની એક બીજી રમત તરતી મુકવાનો મનમાં વિચાર આવે છે .જ્યારે પણ એ શક્ય બને ત્યારે સૌ સાહિત્ય રસિક વાચકો પણ આવા સહિયારા કાવ્ય સર્જનમાં ભાગ લઇ શકશે . મળેલ જવાબોમાંથી પસંદગીની રચનાઓને આ રીતે પ્રસિદ્ધ કરવામાં આવશે. આશા છે આવા મજાના પ્રયોગમાં સૌનો સાથ અને સહકાર મળી રહેશે .

વિનોદ પટેલ

 

 

 

 

 

2 responses to “( 575 ) પાદપૂર્તિ ….સાહિત્ય રસિક સીનીયર મિત્રોની એક શબ્દ રમત

  1. pragnaju November 4, 2014 at 4:00 PM

    અમને કાવ્ય પંક્તીઓ લખવાની પ્રેરણા સુ જા,મોના,જુ’ભાઇ,વલીનાઇ અને હાલ આપના પ્રશ્નમા લખી…અને આપે આજે તે છાપી !બાકી અમારી દિકરીએ અમે લખેલી ગઝલ કચરા ટોપલીમા પધરાવી હતી !!

  2. સુરેશ November 4, 2014 at 2:19 PM

    હવે પછીની આવી પાદપૂર્તિની એક બીજી રમત તરતી મુકવાનો મનમાં વિચાર આવે છે .
    ——-
    વિપ … આપ આગે બઢો હમ સાથ હૈ ।

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: