વિનોદ વિહાર

ગુજરાતી ગદ્ય-પદ્ય સર્જનની આનંદ યાત્રા

( 693 ) સિદ્ધિ કોઈ પણ ઉંમરે મેળવી શકાય છે, નિવૃત્તિ નડતી નથી…

તમારી પાસે સાચું જ્ઞાન છે તો તમે ક્યારેય સિદ્ધિ મેળવવા માટે નિવૃત્ત થઈ શકતા નથી. તમે માત્ર કામમાંથી નિવૃત્તિ લઈ શકો છો. તદ્ઉપરાંત નિવૃત્તિનાં નિયમો નોકરી આપનાર માટે છે, કર્મચારી માટે નહીં!

–N Raghuraman

Retirementત્રણ  દાયકા સુધીની તેમની સમર્પિત સેવાઓ બાદ તેમનાં સન્માનનિય નોકરીદાતાએ સંસ્થાના નિયમ પ્રમાણે તેમની નિવૃત્તિની વય થઈ જતાં તેમને ફરજમુક્ત કર્યા. જોકે બેંગલુરુનાં પી.ટી. રાજશેખરન (68) અને તેમનાં પત્ની સોફી રાજશેખરને (64) કંઈક બીજું વિચારી રાખ્યું હતું. તેમણે બેંગલુરુમાં એ સમયે પોતાનું કામ શરું કર્યું જ્યારે તેને ‘ટેક સિટી’નું બિરુદ્દ મળ્યું ન હતું. જોકે, આટલી ઉંમર બાદ તેઓ પોતે જરૂર ટેકસેવી થવા લાગ્યા. વિજ્ઞાનના વિષયના શિક્ષક હોવાને ધોરણે તેમનું માનવું હતું કે મેડિકલના વિદ્યાર્થીઓ માટે માત્ર ફોટા અને લખાણ અભ્યાસ માટે પૂરતાં નથી.

આટલા અનુભવ પછી તેઓ વિદ્યાર્થીઓને વિષયને સમજવામાં નડતી મુશ્કેલીઓ સમજી ચૂક્યા હતા. તેમને લાગ્યું કે કોઈ પણ વિષયને ફિલ્મ અને તેની પૃષ્ઠભુમિમાં અવાજ દ્વારા સમજાવાય તો વિદ્યાર્થીઓના મગજમાં સારી રીતે ઉતરી શકે છે. આથી તેમણે પ્રારંભમાં મેડિકલ વિષયો ઉપર ડીવીડી બનાવવાની શરૂઆત કરી. શિક્ષકોને મદદરૂપ થવા માટે તેમણે નિવૃત્તિ બાદ એનિમેશન અને અવાજ દ્વારા એક નવું જ શિક્ષણ માટેનું સાધન બનાવવાનો પ્રાયસ શરૂ કર્યો. આ રીતે તેમની ફોકસ મેડિકા નામની કંપનીનો જન્મ થયો, જેનાં આજે 250 જેટલાં વિશેષ 2ડી અને 3ડી ડિઝાઈન સોફ્ટવેર છે. તેમનો ધ્યેય આ ન હતો. તેમનો ધ્યેય તો એવી શિક્ષણ માટેની એવી એપ્લિકેશન બનાવવાનો હતો, જેને વૈશ્વિક રીતે ઉપયોગ કરી શકાય. આખરે, 2015માં તેમનાં બે મેડિકલ એપને વિશ્વનાં ટોચનાં 10 મેડિકલ એપમાં સ્થાન મળ્યું.

તાજેતરમાં જ તેમનું સર્જન ‘જુનિયર એનિમેટેડ એટલાસ ઓફ હ્યુમન એનાટોમી’ અને ‘ફિઝિયોલોજી એપ’ને મેડકલ એપમાં છઠ્ઠું સ્થાન મળ્યું અને તેમનાં બીજા એપ ‘એનિમેટેડ ક્વીક રેફરન્સ ડાયેબિટીક ફૂટ’ને 10મું સ્થાન મળ્યું. અમેરિકાની હેલ્થટેપ નામની એક ઓનલાઈન હેલ્થ સર્વિસ દ્વારા દર વર્ષે યોજાતા એપઆરએક્સ એવોર્ડમાં તેમણે બનાવેલા આ એપને ઉપરોક્ત સ્થાન મળ્યું છે. અમેરિકાના 65,000થી વધુ ડોક્ટરોએ રાજશેખરનના આ સર્જનને વોટ આપ્યો હતો.

‘જુનિયર એનિમેટેડ એટલાસ ઓફ હ્યુમન એનાટોમી એન્ડ ફિઝિયોલોજી’ એપનો આજે વિશ્વના અનેક ડોક્ટરો પોતાનાં દર્દીઓનાં ઈલાજ માટે ઉપયોગ કરી રહ્યા છે. એ જ રીતે ‘ધ એનિમેટેડ ક્વીક રેફરન્સ ડાયાબિટીક ફૂટ’ ડાયાબિટીક ફીટ અંગેની સંપૂર્ણ માહિતી જેમ કે કારણ, અસરો, ઈલાજ અને તેને રોકવાનાં પગલાં અંગે માહિતી આપે છે. ડાયાબિટીસ આજે દુનિયાનો સર્વસામાન્ય રોગ થઈ ગયો છે. આ રીતે, આ યુગલ જે ઈચ્છતું હતું કે મેડિકલના ક્ષેત્રમાં વિદ્યાર્થીઓ અને શિક્ષકોને ફાયદો થઈ શકે એવું એક ટિચીંગ સાધન બનાવવામાં આવે તેમાં તેમને સફળતા મળી ચૂકી છે.

ફંડા એ છે કે, જો તમારી પાસે સાચું જ્ઞાન છે તો તમે ક્યારેય સિદ્ધિ મેળવવા માટે નિવૃત્ત થઈ શકતા નથી. તમે માત્ર કામમાંથી નિવૃત્તિ લઈ શકો છો. તદ્ઉપરાંત નિવૃત્તિનાં નિયમો નોકરી આપનાર માટે છે, કર્મચારી માટે નહીં!

–N Raghuraman

સાભાર..સૌજન્ય..દિવ્ય ભાસ્કર.કોમ 

2 responses to “( 693 ) સિદ્ધિ કોઈ પણ ઉંમરે મેળવી શકાય છે, નિવૃત્તિ નડતી નથી…

  1. pragnaju એપ્રિલ 10, 2015 પર 6:51 એ એમ (AM)

    તમારી પાસે સાચું જ્ઞાન છે તો તમે ક્યારેય સિદ્ધિ મેળવવા માટે નિવૃત્ત થઈ શકતા નથી.
    સાચી વાત
    આવા બીજા પ્રેરણાદાયી પ્રસંગો હોય તો જરુર મૂકશો

  2. સુરેશ એપ્રિલ 11, 2015 પર 8:20 એ એમ (AM)

    જો તમારી પાસે સાચું જ્ઞાન છે તો તમે ક્યારેય સિદ્ધિ મેળવવા માટે નિવૃત્ત થઈ શકતા નથી. તમે માત્ર કામમાંથી નિવૃત્તિ લઈ શકો છો. તદ્ઉપરાંત નિવૃત્તિનાં નિયમો નોકરી આપનાર માટે છે, કર્મચારી માટે નહીં!

    હેંડો લ્યા! કર્મચારી બનીએ!

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out /  બદલો )

Google+ photo

You are commenting using your Google+ account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

w

Connecting to %s

This site uses Akismet to reduce spam. Learn how your comment data is processed.

%d bloggers like this: