વિનોદ વિહાર

ગુજરાતી ગદ્ય-પદ્ય સર્જનની ઓન લાઈન આનંદ યાત્રા

( 896 ) કશું જ પરમેનન્ટ નથી,બધું જ સતત બદલતું રહેવાનું છે….ચિંતનની પળે – કૃષ્ણકાંત ઉનડકટ

 દિવ્ય ભાસ્કરની કળશપૂર્તિમાં પ્રકાશિત ‘ચિંતનની પળે’ કૉલમના એમના ચિંતન લેખોમાં શ્રી કૃષ્ણકાંતભાઈની કલમની કમાલ જોવા મળે છે.મને એમના પ્રેરક લેખો ગમે છે કેમ કે આ ચિંતન લેખોમાં એમના વિશાળ વાચન અને જિંદગીનો અનુભવ જોવા મળે છે. 

અગાઉ વિનોદ વિહારમાં મારી પસંદના એમના ઘણા ચિંતન લેખો પ્રકાશિત કરવામાં આવ્યા છે જે આ લીંક પર વાંચવા મળશે.

મને ગમતા એમના લેખો વિનોદ વિહારમાં મુકવા માટે ઈ-મેઈલથી સંમતિ આપવા માટે મેં શ્રી કૃષ્ણકાંતભાઈને વિનંતી કરી હતી .

એના જવાબમાં તેઓએ નીચે મુજબના ઈ મેલથી સંમતી આપવા માટે હું એમનો આભારી છું.  

પ્રિય વિનોદભાઇ,
તમે મારા આર્ટિકલ મૂકી શકો છો.
શુભકામનાઓ.
Krishnkant Unadkat,
Magazine Editor,
Divya Bhaskar,
Ahmedabad.
Cell :09825061787.
e-mail : kkantu@gmail.com
Blog : http://www.chintannipale.com/

જિંદગી સાવ સરળ નથી જ રહેવાની  

ચિંતનની પળેશ્રી કૃષ્ણકાંત ઉનડકટ

કશું જ પરમેનન્ટ નથી અને બધું જ સતત બદલતું રહેવાનું છે

Nothing Permenant -kanDKT

થાય છે આશ્ચર્ય એવું જોઇને કોઇની મહેનત ફળે છે કોઇને
કોઇના દિન જાય છે મીઠી નીંદમાં કોઇની રાતો વીતે છે રોઇને.
– શયદા

માર્ક ટ્વેઇન અને વિલિયમ ડીન હોવેલ્સ એક પ્રાર્થનાસભા પતાવીને બહાર નિકળ્યા. જોયું તો બહાર ધોધમાર વરસાદ વરસતો હતો. હોવેલ્સે અમસ્તા જ માર્ક ટ્વેઇનને પૂછયું, શું લાગે છે, વરસાદ બંધ થશે? આજ સુધી તો કાયમ એવું જ બન્યું છે! માર્ક ટ્વેઇને હસીને જવાબ આપ્યો.

માર્ક ટ્વેઇનની વાતમાં જીવનનો મર્મ મળે છે. કશું જ પરમેનન્ટ નથી અને બધું જ સતત બદલતું રહેવાનું છે. સુખ અને દુ:ખનું પણ એવું જ છે. કોઇ વરસાદ કાયમ વરસતો નથી. એક સમયે તો વરસાદને અટકવાનું જ છે. ખરા બપોરે ગમે તેટલો તાપ હોય તો પણ સાંજે ટાઢક થવાની જ છે. સવાલ એટલો જ હોય છે કે માણસ સમયને બદલવાની રાહ જુએ.

એક ગામમાં પૂર આવ્યું. આખા ગામમાં પાણી ભરાઇ ગયાં. એક ભાઇ પાણીથી બચવા પોતાના પરિવારને લઇ અગાશીએ ચાલ્યા ગયા. પાણીની સપાટી જોઇને ડરી ગયેલા બાળકે પિતાને પૂછ્યું, પપ્પા હવે શું થશે? પિતાએ દીકરાને બાજુમાં લીધો. દીકરાના વિખરાયેલા વાળ પર હાથ પસવારીને બહુ જ સલુકાઇથી કહ્યું, બેટા હવે પાણી ઓસરશે. આવું બધું થોડો સમય જ હોય છે. આવે છે અને ચાલ્યું જાય છે.

જિંદગીમાં બધું જ સેટ થયેલું લાગે અને ગાડી અચાનક સ્લિપ થઇને રસ્તાની બાજુમાં ઉતરી જાય છે. ગાડી સરળતાથી ચાલતી હોય ત્યારે માણસને બધું ઇઝી લાગે છે. ગાડી સાઇડમાં ઉતરી જાય પછી પાછી રસ્તા પર લાવવામાં મહેનત કરવી પડે છે. આપણને બધાને કોઇ ને કોઇ વાહન ચલાવવાનો અનુભવ છે. આપણને બધાને ખબર છે કે એક ને એક સ્પીડ કયારેય મેન્ટેન થતી નથી. કયારેક વાહન ધીમું તો કયારેક સ્પીડમાં ચલાવીએ છીએ. ખાડા આવે તો બ્રેક મારવાની અને સપાટ રસ્તો આવે તો સ્પીડ વધારવાની. જિંદગીમાં માણસ કેમ આ વાત સમજતો નથી? જિંદગીની રફતાર પણ હંમેશાં એકસરખી રહેવાની નથી.

અમેરિકાથી હમણાં એક મિત્ર આવ્યા. અમેરિકામાં મંદીનો માહોલ છે. ઘણા લોકોએ નોકરી ગુમાવી છે. ધંધા સાવ મંદા થઇ ગયા છે. મિત્રે કહ્યું કે, લોકો રડે છે. બધી જ ગણતરીઓ ઊધી પડી ગઇ. તેણે કહ્યું કે ગણતરીઓ એટલા માટે ઊધી પડી ગઇ કારણ કે તમારી ગણતરી જ ખોટી હતી. તકલીફ કયારેક આવવાની જ છે એવી ગણતરી કયારેય તમે કરી જ નહોતી. એ મિત્રે કહ્યું કે ઇન્ડિયન્સને કંઇ વાંધો નથી આવવાનો. બધા એક જ વાત કરે છે કે, આપણે બચત શા માટે કરી છે ? આવા સમયમાં કામ લાગે એટલા માટે જ સ્તો! થોડીક બચત વાપરીશું. સારો સમય આવશે એટલે પાછા કમાશું અને પાછી થોડીક બચત કરીશું.

મિત્રે કહ્યું કે, ધોળિયાવ અપસેટ થઇ ગયા છે. એ લોકો ડિસ્ર્ટબ છે, કારણ કે તેમણે કયારેય વિચાર જ નહોતો કર્યોકે ખરાબ દિવસો આવશે. ઇન્ડિયનો ડાહ્યા સાબિત થયા છે. ડહાપણ એટલે શું? ડહાપણ એટલે એવી સમજ કે એકસરખી સ્થિતિ કયારેય રહેવાની નથી. સુખ હોય તો પણ અને દુ:ખ હોય તો પણ, સફળતા હોય તો પણ અને નિષ્ફળતાં હોય તો પણ. માણસ દરેક સ્થિતિમાં કેટલો સ્વસ્થ રહે છે, કેટલો ટકી જાય છે તેના પર જ તેની સમજદારીનું માપ નીકળે છે.

એક પાર્ટી ચાલતી હતી. બધા જ લોકો ખાવા-પીવા અને નાચ-ગાનમાં મસ્ત હતા. જેના ઘરે પાર્ટી હતી એ યુવતી પણ બધા સાથે મોજ-મસ્તી કરતી હતી. પાર્ટીમાં આવેલી બીજી યુવતી તેની પાસે ગઇ. તેણે પૂછ્યું, હમણાં પાર્ટી પૂરી થઇ જશે. બધા લોકો ચાલ્યા જશે. તું એકલી થઇ જઇશ. તને એવું નથી થતું કે પાર્ટી પૂરી થશે પછી અવ્યવસ્થિત થઇ ગયેલું આખું ઘર તારે પાછું વ્યવસ્થિત કરવું પડશે, કામમાં તારો દમ નીકળી જશે.

યુવતીએ હસીને કહ્યું કે, માય ડીયર ફ્રેન્ડ મને બધી જ ખબર છે. અત્યારે એન્જોય કર. મને એ પણ ખબર છે કે આ સમય પણ ચાલ્યો જવાનો છે પણ અત્યારનો સમય એન્જોય કરવાનો છે. કામ કરવાનું આવશે ત્યારે કરી લઇશ. મારો અત્યારનો સમય એ ચિંતામાં શા માટે વેડફું? અને કામ કરવાનું આવશે ત્યારે પણ હું એવું જ વિચારીશ કે બધા લોકોએ કેટલી સરસ રીતે એન્જોય કર્યું!

દરેક સ્થિતિમાં ખુશ રહી શકાય. નિર્ણય કરો, હું દરેક સ્થિતિમાં ખુશ રહીશ, હું દરેક સંજોગોમાં સ્વસ્થ રહીશ. મારે રોદણાં રડવાં નથી. મારે બિચ્ચારા થવું નથી. સુખ કાયમી નથી તો દુ:ખ પણ કયાં પરમેનન્ટ છે? સૂરજ ઉગવાની સાથે જ અંધારું અલોપ થઇ જાય છે. અંધારાથી ડરવાનું કોઇ કારણ નથી, સવાર પડવાની જ છે. દરેક હાલતમાં હું મજામાં રહીશ એવું નક્કી કરો, કોઇ હાલત તમને હેરાન નહીં કરી શકે.‘

છેલ્લો સીન

આપણે કયારેય એટલા સુખી નથી હોતા અને કયારેય એટલા દુ:ખી નથી હોતા, જેટલા આપણે સમજતાં હોઇએ છીએ.- લા રોશ ફૂંકો.

 

કરુણાનું વર્ષ – નવા વર્ષનો સંદેશ …વિડીયો 

શ્રી કૃષ્ણકાંત ઉનડકટ

 

 

 

6 responses to “( 896 ) કશું જ પરમેનન્ટ નથી,બધું જ સતત બદલતું રહેવાનું છે….ચિંતનની પળે – કૃષ્ણકાંત ઉનડકટ

  1. hirals ડિસેમ્બર 20, 2016 પર 2:12 પી એમ(PM)

    મને ઘણીવાર નારણપુરા પોલિસસ્ટેશન પાસે આવેલો મિલમાલિકનો બંગલો યાદ આવે છે.

    કેવો ભવ્ય બંગલો હતો. રોજ સવારે દહેરાસર જતાં આવતા જોયેલો. હવે તે ટુકડે ટુકડે વેચાઇ ગયો.

    કશું જ કાયમી નથી.

    સાવ સાચી વાત.

  2. pravinshastri એપ્રિલ 19, 2016 પર 7:56 એ એમ (AM)

    Reblogged this on પ્રવીણ શાસ્ત્રીની વાર્તાઓ અને મિત્રોની પ્રકીર્ણ પ્રસાદી and commented:
    ખુબ જ સરળ વાસ્તવ દર્શન. સમય ગતિમાન માન છે. જીવન પણ ગતિમાન છે. વિતેલી ક્ષણ ફરીથી જીવી શકાતી નથી. ભૂતકાળના સારા-માઠા સ્મરણો વર્તમાનને સુખ આપે કે દુઃખ એ માત્ર માનવીની મનોગ્રંથી પર આધારિત છે. ઉત્તમ સંપાદકે પોસ્ટ કરેલો સરસ લેખ. મારા વાચકમિત્રો માટે આભાર સહિત શેર કરું છું.

  3. pravinshastri એપ્રિલ 19, 2016 પર 7:54 એ એમ (AM)

    ખુબ જ સરળ વાસ્તવ દર્શન. સમય ગતિમાન માન છે. જીવન પણ ગતિમાન છે. વિતેલી ક્ષણ ફરીથી જીવી શકાતી નથી. ભૂતકાળના સારા-માઠા સ્મરણો વર્તમાનને સુખ આપે કે દુઃખ એ માત્ર માનવીની મનોગ્રંથી પર આધારિત છે. ઉત્તમ સંપાદકે પોસ્ટ કરેલો સરસ લેખ. મારા વાચકમિત્રો માટે આભાર સહિત શેર કરું છું.

  4. સુરેશ એપ્રિલ 18, 2016 પર 4:31 એ એમ (AM)

    પરિવર્તન…. પરિવર્તન…..પરિવર્તન……
    1 – પ્રાસ્તાવિક

    2 – બીગ બેન્ગ

    3 – હીમકણિકા

    4 – ઉલ્કાપાત

    5 – સફેદ રેતી

    6 – પર્ણાન્કુર

    7 – અમેરીકાની ગાંધીગીરીને સ્વીકૃતિ

    8 – Who moved my cheese

    9 – આર્બોરેટમ

    10 – ખગ્રાસ સુર્યગ્રહણ

    11 – નૈરોબિયન ગુજરાતી

    12 – ગરાજ સેલ

    13 – બારીમાંથી અવલોકન

  5. pragnaju એપ્રિલ 18, 2016 પર 3:34 એ એમ (AM)

    ‘બધી જ ગણતરીઓ ઊધી પડી ગઇ. તેણે કહ્યું કે ગણતરીઓ એટલા માટે ઊધી પડી ગઇ કારણ કે તમારી ગણતરી જ ખોટી હતી. તકલીફ કયારેક આવવાની જ છે એવી ગણતરી કયારેય તમે કરી જ નહોતી. એ મિત્રે કહ્યું કે ઇન્ડિયન્સને કંઇ વાંધો નથી આવવાનો. બધા એક જ વાત કરે છે કે, આપણે બચત શા માટે કરી છે ? આવા સમયમાં કામ લાગે એટલા માટે જ સ્તો! થોડીક બચત વાપરીશું. સારો સમય આવશે એટલે પાછા કમાશું અને પાછી થોડીક બચત કરીશું.’આ વાત સમજાવવા પ્રયત્નો કર્યા પણ ત્રીજી પેઢીને આ વાત ગળે ઉતરતી નથી ક્રેડીટ કાર્ડ પર મીનીમમ પૅમૅન્ટ કરી દેવું વધારવામા ગૌરવ સમજે !

  6. Vimala Gohil એપ્રિલ 17, 2016 પર 6:39 પી એમ(PM)

    બહુ સરસ લેખ અને વિડિયો. ઘણા લોકોની જેમ શ્રી ક્રુષ્ણ્કાંત ઉનળકટ ગમતા લેખક છે.
    એમની “ચિંતનની પળે” કોલમ બહુ ગમેછે.અહી વીડિયો પર તેમને રૂબરૂ સાંભળ્યા જેવો લાભ આપવા બદલ આભાર.

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

%d bloggers like this: