Hillary Clinton taking Selfie
સેલ્ફીનું ભૂત !…. એક અછાંદસ રચના
અરે ભાઈ,જરા કોઈ મને કહેશો,
આ સેલ્ફી એ વળી શું બલા છે !
ક્યાંથી આવી હશે આ સેલ્ફી !
આજે દેખું એની જ બધે બોલબાલા !
બાળક હોય કે પછી કોઈ બુઢ્ઢો હોય,
સૌ કોઈ મંડી પડ્યા છે લેવા સેલ્ફી !
આધુનિક યુગનું આ ખરું છે એક તુત ,
જાણે વળગ્યું છે બધાંને સેલ્ફીનું ભૂત!
એમનો સ્માર્ટ ફોન હાથમાં પકડ્યો,
હાથ છેટેથી ઉંચો કર્યો,
ફોનમાં ચહેરાને બરાબર ગોઠવ્યો,
ચાંપ દબાવીને જે તસ્વીર લીધી,
એને કહેવા લાગ્યા સૌ કોઈ સેલ્ફી !
નેતાઓને પણ વળગ્યું સેલ્ફીનું ભૂત !
ચુંટણી સભાઓમાં,આ નેતાઓ સાથે,
સેલ્ફી પડાવવા કેવી થાય પડાપડી !
મો પર બનાવટી હાસ્ય રાખી,
વોટ માટે કઈ પણ કરવા તૈયાર,
આ નેતાઓ લોકો સાથે સેલ્ફી પડાવી,
ખુશ થતી પ્રજાને કેવી બનાવે મુર્ખ !
સેલ્ફીમાં વધુ ચિત્રો લેવા હવે તો,
ઊંચા ડાંડિયા પર ફોન ગોઠવી ,
ડાંડિયો ઉંચો કરી પાડે છે હવે સેલ્ફી,
લ્યો,સેલ્ફી પણ બની ગઈ હાઈટેક !
સેલ્ફી એટલે પોતે લીધેલું પોતાનું ચિત્ર ,
અરે ભાઈ,ચહેરાનું સેલ્ફી તો લઇ લીધું,
પણ તમારા અંતરનું સેલ્ફી લઇ લો ,
ત્યારે જ કહું, તમને ખરા સેલ્ફીકાર !
ચારેકોર બધાને સેલ્ફી લેતા જોઈને
એંસીના આ ડોસાને પણ ચડ્યું ઝનુન,
હાથમાં સેલ ફોન કેમેરા ઓન કરી,
હાથ બરાબર ઉંચો કરી,
ચહેરાને કેમેરામાં ગોઠવી,ચાંપ દબાવી,
જુઓ લઇ લીધી મેં મારી આ બે સેલ્ફી !
મારી આ “સેલ્ફી” લઈને હું પણ બન્યો,
બધાંની જેમ જ સ્તો, એક “સેલ્ફીશ”!
વિનોદ પટેલ, સાન ડીએગો, ૫-૧૫-૨૦૧૬
Like this:
Like Loading...
Related
આજનો સુવિચાર
મારો ફોન તો સીધો સાદો,
પારકાનો ફોટો જરૂર લે
પણ મારી જાતનો લેતાં
ખૂબ જ શરમાય.
ફોન જાતે એમ ના કહે કહે કે
એનામાં એવા લખ્ખણ જ નથી
પણ સામેથી કહે
સાસટરી ટારા મોરામાં એવું ટો હું બર્યુ છે
કે ટારા ડાચાનો સેલ્ફી લઉં?????????
વાહ , પ્રવીણભાઈ , તમે તો એક હુરટી છાપ અછાંદસ રચી નાખ્યું !
મારા મતે તમારું ડાચું ઉંમરના પ્રમાણે સરસ છે . એનો વાંક નથી.
મારી આ “સેલ્ફી” લઈને હું પણ બન્યો,
બધાંની જેમ જ સ્તો, એક “સેલ્ફીશ”!
સાચુ
આયનામાં દેખાતો હોય કે સેલ્ફીમાં. એ જણ વિનોદ છે –
“અરે ભાઈ,ચહેરાનું સેલ્ફી તો લઇ લીધું,
પણ તમારા અંતરનું સેલ્ફી લઇ લો ,
ત્યારે જ કહું, તમને ખરા સેલ્ફીકાર !”
આપ જે કહો તે, પણ અમે કહીએઃ
વિનોદભાઈ તો સેલ્ફી નિષ્ણાંત..
ઉપવાસી- ભોગીલાલ ગાંધી
https://sureshbjani.wordpress.com/history/