Daily Archives: સપ્ટેમ્બર 2, 2016
કૈંક નવું કરવાનાં સ્વપ્ન જેને બરાબર સુવા ના દે એનું નામ જ યુવાની. આવા એક સ્વપ્ન દ્રષ્ટા ગુજરાતી યુવાન શ્રી રીતેશ મોકાસણાનો અલ્પ ઝલપ પરિચય વિનોદ વિહારની કોઈ પોસ્ટમાં એમના પ્રતિભાવથી હતો પણ એમની દિગ્દર્શિત ગુજરાતી ફિલ્મ”ઓલ્વેઝ રહીશું સાથે ” વિષે એમના ઈ-મેલ મારફતે જાણી એમનો વધુ પરિચય મેળવીને ખુબ આનંદ થયો.
રીતેશ જણાવે છે એમ આ ફિલ્મના મૂળમાં એમના બ્લોગને લીધે બે ગુજરાતી બ્લોગરોનો અનાયાસે થયેલ પરિચય છે એમાં જરા પણ અતિશયોક્તિ નથી. આ ફિલ્મના ડીરેક્ટર યુવરાજ જાડેજા અને નિર્માતા રીતેશ બંને એમના બ્લોગને લીધે મિત્રો બન્યા અને પહેલી જ મુલાકાતમાં એમણે સાથે ફિલ્મ બનાવવાનું નક્કી કર્યું.આમ બે નવ લોહિયા સ્વપ્નશીલ બ્લોગર મિત્રોનો અનાયાસે થયેલ પરિચય એક નવતર અર્બન ગુજરાતી ફિલ્મ”ઓલ્વેઝ રહીશું સાથે “ના સર્જનમાં પરિણમ્યો.
આ ગુજરાતી ફિલ્મ શ્રી રીતેશ મોકાસણા લિખિત પુસ્તક “મારી ઉમ્મર તને મળી જાય “થી પ્રેરિત છે.આ ફિલ્મનું નિર્દેશન એમના બ્લોગર મિત્ર શ્રી યુવરાજ જાડેજા દ્વારા કરવામાં આવ્યું છે.
FILM : Always Rahishu Saathe
Producer-Writer : Ritesh Mokasana
Director : Yuvraj Jadeja
Star cast : Bharat Thakkar, Sonali Nanavati, Umang acharya, Tillana desai Harsh Vyas etc.
All stars belong to Theatre/Drama.
આ ફિલ્મનું મ્યુઝીકલ લોન્ચ થયું એ વખતનો અખબારી અહેવાલ નીચે પ્રસ્તુત છે જેમાં આ ફિલ્મની વિગતે માહિતી આપવામાં આવી છે .
આ ફિલ્મને અમેરિકા રહેતા ગુજરાતીઓ પણ જુએ એ માટે શ્રી રીતેશભાઈ ખુબ ઉત્સુક છે.આ વિષે એમના ઈ-મેલમાં તેઓએ લખ્યું છે કે …
મુરબ્બી શ્રી
કુશળ હશો !
રમેશભાઈએ, મારા વિષે તમને લખેલું તે સંદર્ભે આપને ઇ-મેઇલ કરું છું.
ફિલ્મ વિષે જણાવું તો ફિલ્મ ઓલવેયઝ રહીશુ સાથે એક મેડિકલ ડ્રોપ બ્રેક વાળી પ્રથમ ગુજરાતી ફિલ્મ છે.જેમાં સ્કૂલમાં સાથે ભણતા બે પ્રેમીનો અધૂરો પ્યાર હોસ્પિટલમાં ફરી જીવંત બને છે. દર્દી ને ડોક્ટર સાજી કરવા ચેલેન્જ ઉપાડે છે અને ફરી દર્દી-ડોક્ટરને સારો કરવા પ્રેમિકા ચેલેન્જ ઉપાડે છે.
ફિલ્મને સિનેમા હોલમાં રિલીઝ કરવા માટે ઘણી મહેનત માંગે છે. મેં અહીંયાં કતારમાં ટ્રાય કરેલો પણ પછી અમે એક ક્લબના સિનેમા હોલમાં મુવી બતાવેલું. ફિલ્મ ને મોટા હોલમાં પ્રોજેક્ટર પર પણ બતાવી શકાય,જે એકદમ સરળ રસ્તો છે. ગુજરાતીઓએ પહેલી વાર ગુજરાતી મુવી જોયેલું. મિત્રો બહુ ખુશ થઇ ગયેલા.
બીજું એ પણ હતું કે આ ફિલ્મ નીટ એન્ડ ક્લીન ઇમેજ વાળી એક પારિવારિક ફિલ્મ છે. ઘણા નોન ગુજરાતી મિત્રોએ પણ આ ફિલ્મ જોયેલી અને ગમેલી.
તમે જે રીતે પણ ફિલ્મને ત્યાં રજુ કરશો તેમાં હું ખુશ છું. મારો ધ્યેય એટલો જ કે ત્યાંના બધા મિત્રો ફિલ્મ જુએ, વળતર રૂપે મને જે મળશે એમાં હું સંતોષ માનીશ.
એમના એક બીજા ઈ-મેલમાં યુ ટ્યુબમાં ફિલ્મનું ટ્રેલર,ટીઝર અને સોન્ગ્સ છે તથા ફેસબુક પર મુકેલા ચિત્રોની લિંક એમણે આપી હતી એ પણ નીચે સૌની જાણ માટે આપેલ છે જેના ઉપરથી આ ગુજરાતી ફિલ્મની ગુણવતાનો પરિચય મળી રહેશે.
આ Face book movie page માંથી ઘણી માહિતી મળી જશે
ફિલ્મના ચાર યુ-ટ્યુબ વિડીયો ….
રીતેશભાઈનો ધ્યેય એટલો જ છે કે યુ.એસ.એ. રહેતા ગુજરાતીઓ આ ફિલ્મ જુએ.આ ગુજરાતી ફિલ્મ જોવા અને અન્ય મિત્રોને બતાવવા ઇચ્છતા અમેરિકા નિવાસી મિત્રો તરફથી રિતેશભાઈને એમની આ ગુજરાતી ફિલ્મ માટે જરૂરી સહકાર મળી રહેશે એવી એમની આશા છે.યુએસએમાં મનોરંજનના કાર્યક્રમ સ્પોન્સર્સ કરનારા આયોજકો પણ રીતેશભાઈનો સંપર્ક કરી આ ફિલ્મ બતાવવા માટેની યોગ્ય વ્યવસ્થા માટે વિચારી શકે.
આનાથી વધુ માહિતી જોઈએ તો પણ એમની પાસેથી મળી જશે.કોઈને પણ ફિલ્મ નિર્માણ કરવામાં રસ હોય તો આ બે મિત્રોએ એમને ચોક્કસ મદદ કરવાની પણ તૈયારી બતાવી છે.
Ritesh Mokasana,Qatar
રીતેશભાઈનો ઈ-મેલ સંપર્ક: hello_kalp@ymail.com
Mobile/ Whats app : +974 55382029
શ્રી રીતેશ મોકાસણા…. એક કરવા જેવો પરિચય
શ્રી રીતેશ હાલ દોહા, કતાર(મિડલ ઇસ્ટ) માં રહે છે .
એમના બ્લોગમાં આપેલ એમનો પરિચય એમના જ શબ્દોમાં આ રહ્યો …
થોડું મારા વિષે :
પિતાશ્રી : સવજીભાઈ
માતુ શ્રી : સમજુબેન
પત્ની : કલા
બાળકો : પુત્રી – પલક , પુત્ર – કલ્પ.
ગામ :જન્મભૂમિ-ભાડુકા….વતન-સાયલા…..કર્મભૂમિ-સુરત.( હાલ દોહા, કતાર-મિડલ ઇસ્ટ)
વ્યવસાય :નોકરી , શેલ જી.ટી.એલ. રીફાઇનરી Qatar Shell GTL LTD. (રોયલ-ડચ,બર્મા-શેલ )
કાર્યક્ષેત્ર : લેબોરેટરી
આગળ વધુ પરિચય આ લીંક પર ક્લિક કરીને વાંચી શકાશે.
એમના બ્લોગના હેડરના નીચેના ચિત્ર પર ક્લિક કરીને એમના બ્લોગ “સાહિત્યરસથાળ” ની મુલાકાત લઇ શકાશે .
એમના આ બ્લોગમાં પોસ્ટ કરવામાં આવેલ લેખો વાંચવાથી આ સ્વપ્નીલ યુવાનની ગુજરાતી સાહિત્ય પ્રત્યેની લગની અને એમના શબ્દોની શક્તિની અનુભૂતિ થઇ જશે.
આ બ્લોગ “સાહિત્યરસથાળ” ના મથાળે લખેલ આ પ્રાર્થના મને ગમી ગઈ .
પ્રાર્થના :હે ! પરમ કૃપાળુ, સમયની સાથો સાથ ઠોકર વાગે તો ઉભા થવાની શક્તિ આપજે.”
આજનો સુવિચાર
વિનોદ વિહાર 
વાચકોના પ્રતિભાવ