વિનોદ વિહાર

ગુજરાતી ગદ્ય પદ્ય સર્જનની આનંદ યાત્રા

( 968 ) ઓબામાના માઠા દિવસો…… હૉલીવૂડ કી બાતેં …… જય ફર્નાન્ડિસ

ઓબામાના માઠા દિવસો

હૉલીવૂડ કી બાતેં – જય ફર્નાન્ડિસ

obama-articleએવું કહેવાય છે કે ઈશ્વર એક દરવાજો બંધ કરી દે ત્યારે બીજો ખોલી નાખતો હોય છે. બે ટર્મ સુધી મહાસત્તા અમેરિકાનું પ્રમુખપદ શોભાવનાર બરાક ઓબામા આવતે મહિને રાજકારણને અલવિદા કરી રહ્યા છે ત્યારે તેમની ચિત્રપટ કારકિર્દી શરૂ થવાના પડઘમ વાગી રહ્યા છે. અલબત્ત ૧૦મી સપ્ટેમ્બરે ટૉરોન્ટો ફિલ્મ ફેસ્ટિવલમાં એમની જીવનકથની પર આધારિત ફિલ્મ ‘બૅરી’નો પ્રીમિયર શો થઇ ગયો છે અને હવે ૧૬ ડિસેમ્બરે એ ફિલ્મ રિલીઝ થવાની છે. ઉપર જણાવેલી કહેવત તેમને એકદમ અનુરૂપ નથી, પણ એના અર્થનું તેમના માટે મહત્ત્વ છે ખરું.

રસપ્રદ વાત એ છે કે ટૉરોન્ટો ફિલ્મ ફેસ્ટિવલમાં હાજર રહેલો કરણ જોહર ઓબામાને ફિક્શન ફિલ્મ (માય નેમ ઇઝ ખાન)માં ચમકાવનાર કદાચ પહેલો નિર્માતા છે. કરણની ફિલ્મ ૨૦૧૦ના ફેબ્રુઆરીમાં આવી હતી. એ જ વર્ષે પહેલી જુલાઇએ ડેમિયન દીમિત્ર નામના ઇન્ડોનેશિયન ફિલ્મમેકરે બનાવેલી ઘઇઅખઅ અગઅઊં ખઊગઝઊગૠ ફિલ્મ રજૂ થઇ હતી. જોકે, આ ફિલ્મમાં ઓબામાના બાળપણની કથા માંડવામાં આવી હતી. હવે પખવાડિયામાં ઓબામા વ્હાઇટ હાઉસને બાય બાય કરી રહ્યા છે ત્યારે જાણે કે તેમની નવી કરિયરનો પ્રારંભ થવા જઇ રહ્યો છે. ઓબામા રૂપેરી પડદે જોવા મળશે. જોકે, આ વાત ઘણા લોકોને બહુ નવાઇ પમાડનારી નથી લાગી રહી. છેલ્લા કેટલાંક વર્ષોમાં સૌથી વધુ ગાજેલા અને સૌથી વધુ ચર્ચાસ્પદ પ્રમુખ તરીકે તેમની નામના છે. એનું મુખ્ય કારણ તેમને મળેલું જનતાનું પીઠબળ છે એમ ચોક્કસ કહી શકાય. પ્રમુખશ્રી રાત્રિના ટૉક શોમાં એટલા નજરે પડી રહ્યા છે કે તેમની તુલના ક્યારેક હૉલીવૂડના યંગ સ્ટાર્સ સાથે કરવામાં આવે છે. એક ખાસ વાત જણાવવી જોઇએ કે આ વર્ષે જ ઑગષ્ટ મહિનામાં ‘સાઉથસાઇડ વીથ યુ’ નામની ફિલ્મ રિલીઝ થઇ હતી જેમાં બરાક ઓબામા અને મિશેલ રૉબિન્સન (પરણ્યા પછી મિશેલ ઓબામા)ની ૧૯૮૯ની પહેલી પ્રણય સાંજ પર ફોકસ રાખવામાં આવ્યું છે. ડિસેમ્બરમાં રજૂ થનારી ‘બૅરી’માં ૧૯૮૧માં યુનિવર્સિટીમાં ભણતા ઓબામાને કેન્દ્રમાં રાખવામાં આવ્યા છે. ફિલ્મનો નાયક કશાકની શોધમાં નીકળ્યો છે. મજાની વાત એ છે કે એના ૩૫ વર્ષ પછી પણ આ બાબત અમેરિકાને એટલી જ લાગુ પડે છે.

obama-cartoon-faceફિલ્મના દિગ્દર્શક છે ઇન્ડિયન અમેરિકન ડિરેક્ટર વિક્રમ ગાંધી. રસપ્રદ વાત એ છે કે ઓબામા ભણ્યા હતા એ કોલંબિયા યુનિવર્સિટીમાં જ વિક્રમ ગાંધીએ વિદ્યાભ્યાસ કર્યો હતો. આમાં ઉમેરણ એ છે કે ઓબામા એક સમયે રહેતા હતા એ ૧૦૯ નંબરની સ્ટ્રીટના બિલ્ડિંગની પડખેના મકાનમાં જ વિક્રમ પણ થોડો સમય માટે રહ્યો હતો. ફિલ્મની વાર્તાનું પોત ગંભીર છે, પણ દિગ્દર્શકે એને હળવી બનાવવાનો પ્રયાસ કર્યો છે જેથી દર્શકોને ફિલ્મ ભારેખમ ન લાગે. ફિલ્મોના અભ્યાસુઓના મતે આ ફિલ્મને વિવેચકો વખાણશે અને સાથે સાથે બૉક્સ ઑફિસ પર પણ ઠીક ઠીક આવકાર મળશે. હા, એકાદ બે અવૉર્ડ કદાચ લઇ જશે, પણ એ ધમાકો નહીં કરે. એમ તો ઓબામાએ પણ ક્યાં કોઇ ધમાકો કર્યો?

સૌજન્ય- મુંબઈ સમાચાર.કોમ 

2 responses to “( 968 ) ઓબામાના માઠા દિવસો…… હૉલીવૂડ કી બાતેં …… જય ફર્નાન્ડિસ

  1. સુરેશ November 3, 2016 at 12:48 PM

    આ ફિલ્મ આવે ત્યારે જોવી પડશે.

  2. pragnaju November 3, 2016 at 4:34 AM

    ઘઇઅખઅ અગઅઊં ખઊગઝઊગૠ ?
    બૅરી … નવી વાત જાણી !
    અમારે અહીં કહેવત છે
    When the blueberry turns black,
    the old women become sad –
    because bad winter is coming!
    બાકી બ્લેક બેરીની વાત કરીએ તો બધાને હસવું આવે કે તે ફોન છે ખાવાની વસ્તુ નથી! તો આરોગ્ય અંગે રસ લેતા અમારા ગ્રાંડ ચાઇલ્ડ કહે- ‘there are actually a wide variety of health support phytonutrients found in blueberrie’
    ઝગડાનું મૂળ- રાજકારણની ચર્ચા કરતા નથી પણ આ નામમા તો નારી જગતના મહાન સંબંધનો ઉલ્લેખ છે
    ઓ ! બા (બોલતા અમારા સ્વ બાજી દેખાય !) અને મા બોલતા જગતજનનીના આશીસ અનુભવાય અને દર્શન થાય કાન કાનુડો જશોદાનો લાલ…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: