વિનોદ વિહાર

ગુજરાતી ગદ્ય પદ્ય સર્જનની આનંદ યાત્રા

( 1036 ) શ્રી હરીશ દવે અને એમના સાહિત્ય સર્જનનો પરિચય

જીવનના સાતમા દશકને માણતા સિનિયર સીટીઝન લેખક અમદાવાદ નિવાસી શ્રી હરીશ દવે (Harish Dave) વર્ષ 2005થી વિવિધ વિષયો પર વેબસાઇટ્સ/બ્લૉગ્સ પબ્લિશ કરી ઈન્ટરનેટ પર પ્રવૃત્ત રહી ગુજરાતી ભાષાની સારી સેવા કરી રહ્યા છે.નેટમાં રસ લેતા ગુજરાતીઓ માટે એમનું નામ હવે અજાણ્યું નથી.

શ્રી હરીશભાઈ દવે ગુજરાતી ભાષામાં અલગ અલગ વિષયના નીચે જણાવ્યા પ્રમાણે ઘણા બ્લૉગ નિયમિતપણે એકલા હાથે ચલાવે છે એ એક ગૌરવ લેવા જેવી બાબત છે.

શ્રી હરીશ દવે અને એમના વિવિધ બ્લોગોનો પરિચય

શ્રી હરીશભાઈ દવે એ એમના બ્લોગ મધુસંચયની આ લીંક પર  એમના સંક્ષિપ્ત પરિચય સાથે એમના વિવિધ ગુજરાતી વર્ડ પ્રેસ બ્લોગ (1) મધુસંચય (2) અનામિકા (3) અનુપમા (4) અનુભવિકા (5) અનન્યા (6) મુક્તપંચિકા અને લઘુલિકા અને (6) મુક્તપંચિકા અને લઘુલિકા તથા બ્લૉગસ્પૉટ પર(7) મુક્તપંચિકા તથા કવિતા (8) આત્મકથન / સંસ્મરણો તથા બે અંગ્રેજી બ્લોગ Indian Philosophy Simplified અને Ancient Indian Scriptures ની લીંક આપી છે.એ બધી લીંક પર ક્લિક કરીને એમના વિવિધ સાહિત્ય સર્જનનો આસ્વાદ લઇ શકાશે.

‘મુક્તપંચિકા’ નામે તાન્કા જેવો ભાસતો કાવ્યપ્રકાર એમણે પ્રચલિત કરવાની કોશિશ કરી છે.એમના એક ‘મુક્તપંચિકા’( ૫-૫-૭-૫-૫) નું ઉદાહરણ આ રહ્યું :

સમંદરને
મુઠ્ઠીમાં બાંધું
હું એવો – પલભર
બનાવું ઝીણું
અમથું બિંદુ!

ગુજરાતી નેટ જગતમાં મલ્ટિબ્લૉગર તરીકેનું  બહુમાન ધરાવનાર શ્રી હરીશભાઈનો એક લેખ“ગુજરાતી બ્લૉગિંગ પર એક ઊડતી નજર “આજની પોસ્ટમાં પ્રસ્તુત કરી સૌ પ્રથમવાર એમનો અને એમના બ્લોગ સાહિત્યનો  વિનોદ વિહારના વાચકોને પરિચય કરાવતાં આનંદ થાય છે.

શ્રી હરીશભાઈ દવેનું વિનોદ વિહારને આંગણે હાર્દિક સ્વાગત છે.

વિનોદ પટેલ

ગુજરાતી બ્લૉગિંગ પર એક ઊડતી નજર. …. શ્રી હરીશ દવે
ગુજરાતી નેટ જગતની એક ઝલક

ગુજરાતી નેટ જગત આજે વાચકોમાં લોકપ્રિય થઈ રહ્યું છે. ગુજરાતી બ્લૉગર્સ આજે આત્મવિશ્વાસથી ગુજરાતી બ્લૉગિંગને દિશાસૂચન કરી રહ્યાં છે. અભિનંદન, ગુજરાતી બ્લૉગર મિત્રો! આપના પ્રયત્નોથી આજે ગુજરાતી બ્લૉગ જગત (ગુજરાતી બ્લોગ જગત) નવી ઊંચાઈ પર પહોંચ્યું છે.

ગુજરાતી બ્લૉગિંગની આ રોમાંચક સફરનાં આરંભનાં વર્ષો પર નજર નાખવાની કેવી મઝા આવે! મેં આપ સૌ વાચકોને વાંચવામાં રસ પડે તેવો લેખ તૈયાર કર્યો છે.

આ રસપ્રદ પોસ્ટ મેં મારા બ્લૉગ “અનુપમા” પર મૂકી છે. તેમાં ગુજરાતી બ્લૉગ જગતનો ઇતિહાસ નથી, પણ વિહંગાવલોકન છે. આ પોસ્ટ ગુજરાતી નેટ જગતને યોગ્ય દિશા અને ગતિ આપવામાં આપના સહયોગને પ્રોત્સાહિત કરશે.

નીચેની લિંક પર ક્લિક કરી તે જરૂર વાંચશો. મારા બ્લૉગ “અનુપમા” પરની આ રસપ્રદ પોસ્ટ છે:

ગુજરાતી બ્લૉગિંગ પર એક ઊડતી નજર… 

– હરીશ દવે
સંપર્ક: thinklife11 (at) gmail (dot) com

શ્રી હરીશભાઈ જેવા જ મલ્ટી બ્લોગર મારા મિત્ર શ્રી સુરેશભાઈ  જાનીએ એમના ખુબ જાણીતા ગુજરાતી બ્લોગ ગુજરાતી પ્રતિભા પરિચયમાં શ્રી હરીશભાઈ અને એમના કાર્યનો કરાવેલ પરિચય નીચેની લીંક પર ક્લિક કરીને વાંચો.

મળવા જેવા માણસ શ્રી હરીશ દવે  

 

4 responses to “( 1036 ) શ્રી હરીશ દવે અને એમના સાહિત્ય સર્જનનો પરિચય

  1. pragnaju એપ્રિલ 3, 2017 પર 12:53 પી એમ(PM)

    સમંદરને
    મુઠ્ઠીમાં બાંધું
    હું એવો – પલભર
    બનાવું ઝીણું
    અમથું બિંદુ!
    વાહ
    તેમના વિષે આજે વધુ જાણ્યું/માણ્યું

  2. હરીશ દવે (Harish Dave) એપ્રિલ 2, 2017 પર 7:25 પી એમ(PM)

    આપ એક વડીલ તરીકે ગુજરાતી નેટ જગતના ખૂણે ખૂણે ફરી વળી સૌને પ્રોત્સાહિત કરતા રહો છો, વિનોદભાઈ! આપની સદ ભાવનાને વંદન. આપના આ પ્રેમભર્યા લેખ બદલ આભાર.

    મને વર્ડ્ઝવર્થનું “She Dwelt Among the Untrodden Ways” યાદ આવે છે. ભાગ્યે જ ખેડાતી પગદંડી પર કોઈ મોસિ સ્ટોનની બાજુમાં વાયોલેટ થઈને ફરફરવું તેની મઝા પણ કાંઈક ઑર જ હોય છે.

    ગુજરાતી નેટ જગતને સમૃદ્ધ બનાવવા પાયાનું કામ કરનાર સૌ મિત્રોને સલામ! આજે તો જુઓ! આપણા ઘણા મિત્રો બ્લૉગિંગ જગતમાં સારી સેવા આપી રહ્યા છે. આપણા કેટલા બધા સહયોગીઓએ ગુજરાતી બ્લૉગિંગને નવા સ્તર પર પહોંચાડ્યું છે. આપણા સૌ માટે માતૃભાષાની સેવા મહત્ત્વની છે.

    આપ સૌનો પ્રેમભાવ નત મસ્તકે સ્વીકાર. ધન્યવાદ.

  3. સુરેશ માર્ચ 31, 2017 પર 4:19 પી એમ(PM)

    ખુબ ખુબ આભાર. અહીં આ પોસ્ટ ન મુકી હોત તો આની ખબર જ ન પડત. વિગતે કોમેન્ટ હરીશ ભાઈના બ્લોગ પર આપી છે.
    પણ અહીં એક વાત દોહરાવું કે, સમયના વાયરા સાથે વિગતો વિખેરાઈ જાય , એ પહેલાં ગુજરાતી ઈ -જગતનો ઈતિહાસ લખવાની શરૂઆત થવી જોઈએ.

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

%d bloggers like this: