વિનોદ વિહાર

ગુજરાતી ગદ્ય-પદ્ય સર્જનની આનંદ યાત્રા

1130 – બે મનનીય લેખો …(૧)સતત ઇન્ટરનેટ સર્ફિંગથી મગજ નબળું પડે છે …(૨ )ઈન્ટરનેટ એડિક્શન છોડવું હોય તો યોગ કરો.   

છેલ્લા દાયકામાં ઈન્ટરનેટ અને સ્માર્ટફોનના વપરાશનું પ્રમાણ જે હદે આજે વધી ગયું છે એ જોતાં કહેવાય છે કે 2020 સુધીમાં ભારત દુનિયાનો સૌથી વધુ સ્માર્ટફોન ધરાવનાર દેશ હશે !

આધુનિક યુગમાં લોકો ખાસ કરીને બાળકો અને યુવાનો સતત ઓનલાઈન મ્યુઝીક, મુવી અને ફેસ બુક,ઈન્ટરનેટ  જેવાં આધુનિક સોશિયલ નેટવર્કિંગ સાધનોમાં મોટા ભાગનો સમય વ્યતીત કરી પોતાની જાતને અસ્ત-વ્યસ્ત કરતાં હોય છે.

કુટુંબના સભ્યોમાં અરસ પરસ થતી વાતચીતની જગા આ બધાં આધુનિક ટેકનોલોજીનાં પ્રસાધનોએ પડાવી લીધી છે.આવાં સાધનોનોનું એક અફીણીની જેમ એડિક્શન થઈ ગયું છે.

આ રહ્યું આધુનિક કુટુંબનું  એક ચિત્રમય ઉદાહરણ …

હાલની ભારત સરકારની ‘’ડીજીટલ ઇન્ડિયા’’ સ્કીમ હેઠળ આજે  ઈન્ટરનેટ ગ્રામ્ય વિસ્તારોમાં પણ પહોંચી રહ્યું છે.

આવી ઝડપી વિકાસ પામી રહેલી ટેકનોલોજીના સમયે  આજની પોસ્ટમાં પ્રસ્તુત બે લેખો

૧. ”સતત ઇન્ટરનેટ સર્ફિંગથી મગજ નબળું પડે છે  ” અને ૨.”ઈન્ટરનેટ એડિક્શન છોડવું હોય તો યોગ કરો

વાચકો માટે ઉપયોગી વાચન બની રહેશે એવી આશા છે. 

વિનોદ પટેલ

=============

૧. સતત ઇન્ટરનેટ સર્ફિંગથી મગજ નબળું પડે છે

કમ્પ્યુટરની ક્ષમતા ૩૪ ગિગાબાઇટની છે અને તેમાં અનેક ભાષાઓમાં માહિતી આપવામાં આવે છે જેના કારણે મગજને અસર થાય છે . 

જો તમે આખો દિવસ ફોન પર ગપ્પા મારતા હો અથવા ઇન્ટનેટ પર સર્ફિંગ કરતા હો તો સાવધ થઇ જાઓ. ફોન અને ઇન્ટરનેટના વધુ પડતા વપરાશથી તમારા મગજની ક્ષમતા ઘટી જઇ શકે છે એવો દાવો સંશોધનકારોએ કર્યો છે. 

એક અભ્યાસ અનુસાર જેમ તમે રોજ રોજ અને આખો દિવસ ભણ ભણ કર્યા કરો તો તમને કંઇ જ યાદ ન રહે એવી જ રીતે આખો દિવસ ઇન્ટરનેટ પર સર્ફિંગ કરવાથી એકાગ્રતા રહેતી નથી. સામાન્ય રીતે એક વ્યક્તિ સરેરાશ રોજના એક લાખ પાંચસો શબ્દ યાદ રાખી શકે છે, પરંતુ ફોન અને ઇન્ટરનેટનો વધુ પડતો ઉપયોગ કરનારી વ્યક્તિને રોજના એક લાખ શબ્દ યાદ રહે છે એવું સંશોધનમાં જાણવા મળ્યું હતું.

કેલિફોર્નિયાના એક પ્રોફેસરના મતે સિનેમા, રેડિયો, ફોન પર વાતચીત, વીડિયો ગેમ, ઇન્ટરનેટ સર્ફિંગ વગેરેમાં સતત વ્યસ્ત રહેનારી વ્યકિતની યાદશક્તિમાં ઘટાડો થાય છે. આનું કારણ જણાવતા તેઓ કહે છે કે આ તમામ સ્થળેથી સહેલાઇથી માહિતી મળી રહેતી હોવાથી વ્યક્તિનું મગજ એક દિવસમાં એક લાખથી વધુ શબ્દો તેમ જ અનેક ભાષાનો સામનો કરે છે. કમ્પ્યુટરની ક્ષમતા ૩૪ ગિગાબાઇટની છે અને તેમાં અનેક ભાષાઓમાં માહિતી આપવામાં આવે છે જેના કારણે મગજને અસર થાય છે. ક્ષમતા કરતા વધુ શબ્દો અને ભાષાઓનો સામનો કરવાથી મગજ પર દબાણ પડે છે અને જ્ઞાનતંતુઓનું સંતુલન ખોરવાઇ જાય છે. 

બ્રિટનના નિષ્ણાતોનું પણ માનવું છે કે કમ્પ્યુટર અને ફોનના વધુ પડતા ઉપયોગથી બાળકોના મગજ પર અસર થાય છે. બાળકો અને યુવાનો ઇન્ટરનેટ પરથી મળતી માહિતીને લક્ષ્યમાં લઇ દબાણ અનુભવે છે અને તેની અસર મગજના જ્ઞાનતંતુઓ પર પડે છે. તેમનું કહેવું છે કે કમ્પ્યુટરનો વધુ પડતો વપરાશ એટલે મગજને નુકસાન. ઇન્ટરનેટ સર્ફિંગ અને ફોન પર લાંબો સમય સુધી ગપ્પા મારતા લોકોએ ચેતવા જેવું છે.

સૌજન્ય .. મુંબઈ સમાચાર .કોમ 

===============                       

૨. ઇન્ટરનેટ એડિક્શન છોડવું હોય તો યોગ કરો

યોગ ભગાવે રોગ

‘ગીતામાં ખુબ સારી રીતે સમજાવાયું છે કે યોગ કરવાથી વ્યક્તિ પોતાની જાત સાથે મળે છે. યોગ એટલે મન, શરીર અને આત્મનું મિલન.! આજનો યુવાન ટેકનોલોજીમય થઇ ગયો છે, પણ યોગ કરવાથી તે પોતાનું માનસિક સંતુલન દરેક પરિસ્થિતિમાં જાળવી શકે છે. યોગમાં એટલી શક્તિઓ રહેલી છે જેથી ઇન્ટરનેટ એડિક્શન દૂર થઇ શકે છે’ સુરતના અડાજણની એક એજ્યુકેશન ઇન્સ્ટિટ્યૂટ ખાતે વર્લ્ડ યોગા ડે અંતર્ગત પર સેમિનારનું આયોજન કરવામાં આવ્યું હતું, જેમાં વાત સાઇબર સિક્યોરિટી એક્સપર્ટ ચિંતન પાઠક દ્વારા જણાવવામાં આવી હતી. ‘યોગા ઈઝ અલ્ટીમેટ સોર્સ ટુ રીકવર ફોર્મ ઈન્ટરનેટ એડિક્શન‘ વિષય પર યોજવામાં આવેલા કાર્યક્રમમાં યોગાસનની મદદથી ઇન્ટરનેટ એડિક્શનથી કંઇ રીતે બહાર આવી શકાય તે વિશે વિદ્યાર્થીઓને માહિતગાર કર્યાં હતાં.

યોગાસનમાં કરવામાં આવતી શ્વાસની પ્રક્રિયાથી બ્રેઈન એક્ટિવિટી વધે છે, જેથી ડાબા અને જમણા મગજ વચ્ચેનું કોમ્યુનિકેશન વધવાથી વ્યક્તિ માનસિક રીતે સ્વસ્થ બને છે. જેમાં બોડી અને માઈન્ડ વચ્ચેનું કનેક્શન વધવાથી વ્યક્તિનો એડિક્શન પર કન્ટ્રોલ થઈ શકે છે. આથી દરરોજ બે કલાક યોગા કરવાથી ઈન્ટરનેટ એડિક્શન ઘટાડી શકાય છે.

છેલ્લા દાયકાને જોતા ઈન્ટરનેટ અને સ્માર્ટફોનના વપરાશનું પ્રમાણ એટલી હદે વધી ગયું છે કે 2020 સુધીમાં ભારત દુનિયાનો સૌથી વધુ સ્માર્ટફોન ધરાવનાર દેશ હશે. કારણ કે આધુનિક ટેકનોલોજી જેવી કે ઈન્ટરનેટ ફોર વીંગ્સ અને આર્ટીફિશ્યલ ઈન્ટેલીજન્સ પર કામ કરતા ડિવાઈઝથી મોટા ભાગનું સંચાલન અને સંદેશાવ્યવહાર થશે. સોશિયલ મિડીયામાં થયેલા એક સર્વે પ્રમાણે ભારતના લોકો ઓનલાઈન મ્યુઝીક, મુવી અને સોશિયલ નેટવર્કિંગ માટે સોશિયલ મિડીયાનો ઉપયોગ કરે છે અને તેના સતત વપરાશથી વ્યક્તિને એડિક્શન થઈ જાય છે. જેથી ઉંધ આવવી અને વર્તણૂક બદલાઈ જવી જેવી સમસ્યાઓ સર્જાય છે.

સૌજન્ય ..દિવ્ય ભાસ્કર.કોમ … સિટી સેમીનાર 

 

                             સૌજન્ય- ગુગલ ઈમેજીઝ 

2 responses to “1130 – બે મનનીય લેખો …(૧)સતત ઇન્ટરનેટ સર્ફિંગથી મગજ નબળું પડે છે …(૨ )ઈન્ટરનેટ એડિક્શન છોડવું હોય તો યોગ કરો.   

  1. સુરેશ જાની નવેમ્બર 20, 2017 પર 8:23 એ એમ (AM)

    તમે ‘દુકાન’ બંધ કરવાની તૈયારીમાં લાગો છો !

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out /  બદલો )

Google+ photo

You are commenting using your Google+ account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

w

Connecting to %s

%d bloggers like this: