વિનોદ વિહાર

ગુજરાતી ગદ્ય-પદ્ય સર્જનની ઓન લાઈન આનંદ યાત્રા

મારા વિશે

વિનોદ વિહારમાં આપનું  હાર્દિક સ્વાગત છે  . ભલે પધાર્યા  .


મારો  પરિચય 

આખું નામ ...વિનોદભાઈ  રેવાભાઈ પટેલ

જન્મ – ૧૯૩૭

  મૂળ વતનડાંગરવા , તાલુકો -કડી ,જીલ્લો -મહેસાણા,ઉત્તર ગુજરાત

  • હાલ નિવાસ – સાન ડિયાગો ,કેલીફોર્નિયા ,યુ.એસ.એ.

  • ધર્મપત્ની  – કુસુમ સ્ટ્રોક/પેરાલીસીસની માંદગીમાં અપ્રિલ ૧૯૯૨માં ૫૪ વર્ષની ઉમરે અમદાવાદમાં સ્વર્ગવાસી થયાં; એનો રંજ કેમ કરીને ભૂલાય?

સ્વ. કુસુમબેન અને વિનોદભાઈ ( ૧૯૬૨ )

સ્વ. કુસુમબેન અને વિનોદભાઈ ( ૧૯૬૨ )-લગ્ન વખતે

  • સંતાનો –( સારી રીતે સેટ થઇ સપરિવાર સુખી છે એનો આનંદ છે.)

    • બે પુત્ર -સાન ડીયાગોમાં

    • એક પુત્રી,લોસ એન્જેલસમાં

    • દરેક સંતાનને ત્યાં બે બાળકો છે એટલે કુલ છ પૌત્ર-પૌત્રીઓના દાદા બનવાનો સવિશેષ આનંદ છે.

    • VRP-WITH 6 G.K.-REVISED 
    •      ( છ પૌત્ર-પૌત્રીઓ સાથે વિનોદભાઈ- ઓગસ્ટ-૨૦૧૪ )
    • અભ્યાસ

  • ૧૯૫૫ – કડીની જાણીતી સંસ્થા સર્વ વિદ્યાલય હાઈસ્કુલમાં માધ્યમિક શિક્ષણ પુરું કર્યું

  • ૧૯૫૯ – અમદાવાદની એચ.એલ. કોલેજ ઓફ કોમર્સમાંથી બી.કોમ. થયો

  • ૧૯૬૨ – એમ. કોમ.(જોબ સાથે )

  • ૧૯૬૩ -એલ.એલ.બી.ની અને કંપની સેક્રેટરી(ઈંટર)ની પરીક્ષાઓ પસાર કરી.(જોબ સાથે )

  • વ્યવસાય 

    • અમદાવાદ/વડોદરા કેમિકલ કંપનીઓમાં જોબ.

    • છેલ્લી જોબ-સીનીયર એક્ઝીક્યુટીવ, ડાયામાઈન્સ  એન્ડ કેમિકલ્સ લીમીટેડ,આશ્રમ રોડ ,અમદાવાદ.

    • ૧૯૯૪ – ૩૫ વર્ષની સળંગ જોબ પછી નિવૃત્તિ લઈને ૫૮ વર્ષની ઉમરે કેલીફોર્નિયા, અમેરિકામાં આવ્યો.

    • હાલ નિવૃતિનો સમય સાન ડીયાગોમાં મનગમતી પ્રવૃતિઓમાં પ્રવૃત રહીને સપરિવાર આનંદપૂર્વક વિતાવી રહ્યો છું.

ભારતમાં હાઈ સ્કુલમાં હતો ત્યારથી જ ગુજરાતી સાહિત્યમાં રસ કેળ્વાએલો .ગુજરાતી વાચન અને લેખનનો એ શોખ હવે જીવન સંધ્યાના નિવૃતિના આ સોનેરી દિવસોમાં સમય સારી રીતે પસાર કરવામાં બહુ કામ લાગ્યો છે.

મારો ગુજરાતી બ્લોગ વિનોદ વિહાર શરુ કર્યો એ પહેલાં , કેટલાક વર્ષોથી મારા ગુજરાતી લેખો,વાર્તાઓ,કાવ્યો વિગેરે ન્યુ જર્સીના ગુજરાત ટાઈમ્સ તથા અમદાવાદના ધરતી જેવાં સામયિકોમાં પ્રકાશિત થતા રહેતા હતા . 

નિવૃતિની એક પ્રવૃત્તિ તરીકે, સપ્ટેમ્બર ૧,૨૦૧૧થી મેં મારો બ્લોગ નામે વિનોદ વિહાર શરુ કર્યો છે.હાલ આ બ્લોગને વાચકોનો સારો પ્રતીસાત મળી રહ્યો છે એ મુલાકાતીઓની સંખ્યાનો આંકડો જુલાઈ ૨૦૧૫ સુધીમાં ૨.૨૫ લાખની સંખ્યા વટાવી ગયો છે એ બતાવે છે.  

મારા બ્લોગની લિંક 

http://www.vinodvihar75.wordpress.com

બ્લોગ ભ્રમણની વાટે …વિનોદ વિહારનો પરિચય….મૌલિકા દેરાસરી

 

વિનોદ વિહારમાં પોસ્ટ થયેલા આજસુધીના લેખોની અનુક્રમણિકાની

આ લીંક ઉપર ક્લિક કરીને નજર ફેરવીને

આપને ગમતો લેખ વાંચો  . 

આપને આ બ્લોગની મુલાકાત લઈને આપનો પ્રતિભાવ દર્શાવવા માટે મારું ભાવભીનું આમન્ત્રણ છે.

મારો ઈ-મેલ સંપર્ક

vinodpatel63@yahoo.com 

આપનો આભાર 

——————————————————

आ नो भद्राः क्रतवो यन्तु विश्वतः’ આખી દુનિયામાંથી જે સારા વિચારો છે તે મારામાં આવો.

“Don’t let what you cannot do interfere with what you can do.”

~John Wooden

શ્રી પી.કે.દાવડાની પરિચય શ્રેણી “ મળવા જેવા માણસ “ માં મારો પરિચય,” નીચેની લીંક ઉપર ક્લિક કરી વાંચો .  

મળવા જેવા માણસ-વિનોદભાઈ રેવાભાઈ પટેલ -પી.કે.દાવડા pdf

 

મારી ચિંતન પ્રસાદી 

એક સુરજ થવાનાં નથી મને કોઈ શમણાં,

માટીના મારા કોડીયામાં તેલ-વાટ પેટાવી,

અંધારાં ઉલેચતો ઘરદીવડો થવાનું મને ગમે .

ભલેને આવતી મોટી મુશીબતો મારી વાટે,

શુળોમાં ખીલતા પેલા ગુલાબ જેમ ખીલીને,

સર્વત્ર ગુલાબી પમરાટ પ્રસરાવવાનું મને ગમે.

મનનું માગ્યું બધું ક્યાં મળે છે આ જગમાં ?

જે મળ્યું છે એનું જતન કરી, બને તો ઉમેરી,

મળેલાને સુપેરે સંતોષથી માણવાનું મને ગમે.

સાહિત્ય સાગરે ઊંડેથી હંસ જેમ મોતીઓ ખોજીને,

સૌ રસિકોને એનો પ્રેમથી મોતી ચારો કરાવીને ,

આનંદથી ઝૂમતા પેલા હોળૈયા થવાનું મને ગમે .

આ અમોલ જીવન ફક્ત એક વાર જ મળે છે,

જીવન સંઘર્ષો વચ્ચે પણ મનથી ધૈર્ય રાખીને ,

સમય પટ પર સુંદર છાપ છોડી જવાનું મને ગમે.

સંસાર સાગરના તોફાનો વચ્ચે, મારી જીવન નૌકાને,

સ્થિર રાખી સુપેરે હંકારવાની પરમ કૃપા કરવા માટે,

દીન દયાળુ પ્રભુનો આભાર માનવાનું મને ગમે.

ભૂતકાળની ચિંતાઓ અને ભાવિની શંકાઓને ત્યજી,

એક વહેતા ઝરણા જેમ વર્તમાને મંદ મંદ ગાવાનું ગમે.

આ જીવન મહોત્સવની હર પળ ખુબ મોજથી માણીને,

જોશથી જીવન જીવી જવાનું મનથી મને બહું જ ગમે.

વિનોદ પટેલ

મારા ૭૯મા જન્મ દિવસે –ગત જીવન-ફલક પર એક નજર,થોડું આત્મ મંથન અને ચિંતન ….. વિનોદ પટેલ 

———————————-

પરમ કૃપાળુ પરમાત્મા પ્રત્યે મને અપાર શ્રધા છે.એની કૃપાની અનુભૂતિ કરી રહ્યો છું ..

ભગવાનની પ્રાર્થના મન મંદિરને સ્વચ્છ રાખે છે ,મનને મજબુત બનાવે છે .

પ્રભુ સાથેનો અંતરનો સંવાદ અર્જુનની જેમ પ્રભુ સાથે સખા ભાવની અનુભૂતિ કરાવે છે .

આ અંગે મારી આ રચના અત્રે પ્રસ્તુત કરું છું .

શ્રધ્ધા !

કોઈ કાર્ય, કોઈ પ્રશ્ન ,એવો કઠિન નથી જીવનમાં,

જેને હું ને મારો પ્રભુ ભેગા મળી, ઉકેલી ના શકીએ .

પ્રભુ કૃપા સાથે મનમાં જો હોય પુરુષાર્થની ભાવના,

મુશ્કેલ કામ પણ સરળ બની જાય ,એમાં નવાઈ ના.

—વિનોદ પટેલ

“Live as if you were to die tomorrow. Learn as if you were to live forever.”  

         ~ Mahatma Gandhi

The woods are lovely,dark and deep .

But I have promises to keep ,

And miles to go before I sleep,

And miles to go before I sleep.

— Robert Frost

ગુજરાતી અનુવાદ

તિમિર ઘેર્યું નિબીડ જંગલ ઘણું મોહક હશે કિન્તુ

વચનના રેશમી બંધનમાં બંધાઈ ગયો છું હું

કે જોજનો રે કાપવા નયન બિડાય તે પહેલાં

હા, જોજનો દુર જાવું છે આંખો મીંચાતા પહેલાં .

–રોબર્ટ ફ્રોસ્ટ

“ Learn from yesterday, live for today, hope for tomorrow.”

“Judge each day not by the harvest you reap but by the seeds you plant “

Butterfly on Flowers

70 responses to “મારા વિશે

  1. Jignesh m vasani સપ્ટેમ્બર 30, 2017 પર 6:57 પી એમ(PM)

    વિનોદભાઇ સારા જીવન પરથી આપણને નવી વિચારશક્તિ મળે છે દરેક ને પ્રેમ મળે વિનોદભાઇ જેવો તેવી આશા…..

  2. Vallabh Bhakta એપ્રિલ 15, 2017 પર 9:28 પી એમ(PM)

    Vinod bhai I always visit your site I like it very much I met your daughter while I was hiking with them i want to talk but I have no phone vallabh sumitra Bhakta

  3. Bhagyendra Patel ડિસેમ્બર 17, 2016 પર 5:19 એ એમ (AM)

    Aadarniya Shri Vinodbhai,
    Khub Sundar Blog badal Abhinandan ane Shubhechchhao.
    Bhagyendra Patel
    New Delhi, India

  4. કાલિદાસ વ. પટેલ {વાગોસણા} જૂન 14, 2016 પર 10:13 પી એમ(PM)

    વિનોદભાઈ,
    ખૂબ જ સુંદર કામ કરો છો, વિદેશમાં રહેવા છતાં માતૃભાષા ગુજરાતીનું જતન, વર્ધન તથા પ્રચારનું ઉત્તમ કામ કરો છો તે નમસ્કારને પાત્ર છે. આવા પ્રયત્નો જ ગુજરાતી ભાષાને જીવંત રાખશે.
    મારા પિતરાઈ ભાઈ, શ્રી. સાંકળચંદ જેશંગભાઈ પટેલ, ગામ-વાગોસણા { જાણીતા બાલસાહિત્યકાર – સાં જે પટેલ } આપના વતન ડાંગરવાની હાઈસ્કૂલમાં શિક્ષક હતા, જે આપની જાણ ખાતર.
    કાલિદાસ વ. પટેલ {વાગોસણા}

  5. smdave1940 એપ્રિલ 3, 2016 પર 9:26 એ એમ (AM)

    બહુ સુંદર કામ કરો છો વિનોદભાઈ. આનંદ થયો તમારી પ્રવૃત્તિથી.

  6. girishparikh ઓક્ટોબર 16, 2015 પર 9:04 એ એમ (AM)

    પ્રિય વિનોદભાઈઃ
    નમસ્તે.
    આપે http://www.GirishParikh.wordpress.com બ્લોગ પર કોમેન્ટ આપેલી તથા આપના બ્લોગની મુલાકાત લેવાનું આમંત્રણ આપેલું. આજે આપના બ્લોગની મુલાકાત લીધી. આપના બ્લોગ વિશે લખવા પ્રયત્ન કરીશ. આપનું ઇ-મેઇલ એડ્રેસ મોકલશો.
    મોહનલાલ પટેલ મારા પ્રિય લેખક છે. એમનો મારા પરનો એક પત્ર મારી પાસે છે જે મેં સાચવી રાખ્યો છે.
    ગિરીશ પરીખ
    મોડેસ્ટો કેલિફોર્નિયા
    girish116@yahoo.com
    P.S. I would be 81 on November 14, 2015

  7. Ajit Desai માર્ચ 20, 2015 પર 6:58 પી એમ(PM)

    માનનીયશ્રી વિનોદભાઈ, આપનો બ્લોગ માણવા જેવો છે, મનની વાતને અક્ષરદેહ દ્વારા પ્રસ્તુત કરવાની કળા આપે ખૂબીથી વિકસાવેલ છે ધન્યવાદ….

  8. Pingback: ( 634 ) મારા ૭૯મા જન્મ દિવસે –ગત જીવન-ફલક પર એક નજર,થોડું આત્મ મંથન અને ચિંતન ….. વિનોદ પટેલ | વિનોદ વિહ

  9. inkandipoetry નવેમ્બર 22, 2014 પર 1:16 એ એમ (AM)

    હકારાત્મક અભિગમ અને ઈશ્વર શ્રદ્ધા પ્રેરણાદાયી છે. ખુબ સુંદર બ્લોગ। આપ વડીલના વિચારોનું ભાથું અમારા મસ્તિષ્ક અને આત્માને ય ભોજ કરાવી જાય. —

  10. Mahendra Patel ફેબ્રુવારી 3, 2014 પર 2:22 પી એમ(PM)

    Vinod Bhai,
    I saw your birthday Much earlier than mine so great respect and pranam
    my SON AMAR PATEL was in san(sant) Diego last year he worked for Caway golf at that time now in LA, I my other son and daughter in law visited him few years ago in san diego, but as story goes unless our time to meet is there – we miss each other.

    Recently, in ST. JOHN’s I gave a talk which is informal in sense this is a small Indian community and they take turn of talk, because here there is only one temple with younger KRISHNA as presiding deity pranpratistha was done by Swami Ninmayanada. Love this temple, I gave a talk on Kathiavadi way of transmitting spiritual knowledge, I mention how Gangasati transmitted essense of religion just by 52 BHAJANS.

    LOVE TO CONNECT WITH YOU, HOPE WE TRANSLATE THESE 52 BHAJANS FOR OUR NEXT GENERATION.

    HERE IS my e-mail mahendrakumar1@yahoo.com and my phone 709-330-5887
    love to hear your thoughts, by the way I have a great friend Manhar Thakkar almost your age his wife last year passed away and has same feeling about his significant other.

    Love to hear from you Vinod Bhai, Hope you are still here on earth and active love you
    with love, grace and pranam

    Mahendra Patel

  11. hdhadhal જાન્યુઆરી 7, 2014 પર 7:46 પી એમ(PM)

    Dear Vinodbhai,

    I, too, came to your blog accidentally and liked it.
    I am a retired engineer and a lover of Gujarati language.
    From now on, I will certainly visit your blog from time to time.

    Wishing you all the best for 2014.

    Harish Dhadhal.

  12. Yashavant Shah જાન્યુઆરી 2, 2014 પર 2:30 પી એમ(PM)

    શ્રી વિનોદભાઈ,

    હું પણ આપની જેમ અહી રેડમોન્ડ/સીયાતલમાં 71 વર્ષની વયે ઇન્ટરનેટ ના માધ્યમ દ્વારા આનંદથી નિવૃત જીવન વિતાવું છું. પૈસા કરતા સમય બાબતમાં હું વધારે કંજુસ છું. માટેજ બિલાડીના ટોપ માફક ફૂટી નીકળેલા
    બ્લોગ્સ અને મદારીની જેમ ડુંગ-ડુગી વગાડી તમાશો કરતા બ્લોગીસ્ટસ મને પસંદ નથી.

    આજે આપના બ્લોગ ઉપર ‘વૈષ્ણવ જન તો’ અલગ અલગ સ્વરમાં સાંભળીને ખુબજ આનંદ થયો. વતન ઇન્ડિયાના હાલ જોઇને મને ઘણી વાર વિચાર આવે છે કે આજની યુવા પેઢીમાં નરસૈયાના આ ભજન ને
    ફરી પ્રચલિત કરવાની તાતી જરૂર છે. પણ ગુજરાતી ભાષાનું આ ભજન આજની અંગ્રેજી માધ્યમમાં ભણેલ
    યુવા-પેઢી અને ગુજરાતી જાણતા નો હોય તેને શા કામનું ? આ સુંદર ભજનનું કોઈ અંગ્રેજી ભાષાંતર કરે તો
    કેવું સારું ?

    હાર્વડ ખાતે સોનું નિગમ દ્વારા ગુજરાતી-અંગ્રેજીમાં ગવાયેલ ભજન અને આપની સાઈટ ઉપર અંગ્રેજી ભાષાંતર જોઈ આજે મારા મનનું સમાધાન થઇ ગયું. હવે તેને મારા ગુજરાતી નહિ જાણતા મિત્રો સુધી પહોંચાડવાનું
    તમોએ બહુજ સુગમ કરી આપ્યું.

    આપનો ખુભ ખુબ હાર્દિક આભાર

    yK

  13. Himatlal Patel સપ્ટેમ્બર 1, 2013 પર 5:58 એ એમ (AM)

    Dear Vinodbhai, I am from Khambhat, (Dist.Anand, Gujarat). Searching gujarati readings, in different sights, I became lucky to have your web, and is attracted to thank you for your service to our mother younger. I am of 81 years, and is coming every year to States, to enjoy with my grand children’s. Here, I pass my time in reading Gujarati Articles. Again thank you….

  14. Pingback: વ્યક્તિ પરિચય-મિત્રતા (૧૪)…વિનોદ પટેલ | ચંદ્ર પુકાર

  15. Balwant sing P rathod જુલાઇ 25, 2013 પર 8:53 પી એમ(PM)

    આપના બ્લોગ પર આવી આનંદ થયો..મળતા રહીશું….

  16. Ritesh Mokasana જુલાઇ 22, 2013 પર 10:10 પી એમ(PM)

    માણસ કદી નિવૃત્ત થતો નથી ને હવું પણ નહિ જોઈએ, જે નિવૃત્તિ સ્વીકારે તેને જીંદગી થી પણ હાર સ્વીકારવા બરાબર છે. નિવૃત્તિ માં પ્રવૃત્તિ એજ સાચી પ્રતિકૃત્તી..આ મારા વિચાર છે દરેકે સહમત થવું જરૂરી નથી. મુ.વિનોદભાઈ, મનના સારા વિચારો લોકો વચ્ચે રજુ થાય તે મહા શાણપણ છે. અનેક શુભ કામનાઓ આપની લાંબી આયુ ને તંદુરસ્ત જીન્દગી માટે.

  17. Arvind Adalja જુલાઇ 11, 2013 પર 4:28 એ એમ (AM)

    ઘરડા લોકોની સમસ્યા વિષે આપના બ્લોગ ઉપર વાંચ્યું અને તેથી આપના વિષે વાંચવાની ઉત્સુકતા વધતા આપના વિષે વાંચી ખૂબ જ આનંદ થયો. આપની જેમ જ હું પણ 74 વર્ષે બ્લોગ લખી રહ્યો છું. આપને મારાં બ્લોગ ઉપર પધારવા અને યોગ્ય સલાહ- સુચનો આપવા હાર્દિક વિનંતિ કરું છું. અનૂકુળતાએ જરૂર મુલાકત લેશો તેવી આશા છે. મારાં બ્લોગ ઉપર એક પોસ્ટ ” વૃધ્ધા વસ્થા ક્યાં વિતાવશો ? પરિવાર સાથે કે વૃધ્ધાશ્રમમાં ?” ના ટાઈટલ સાથે મૂકેલી છે જે વિષે આપનો પ્રતિભાવ જણાવવા વિનંતિ.

  18. divyesh121 એપ્રિલ 23, 2013 પર 5:16 પી એમ(PM)

    Respected Sir,
    Me aajej tamara blog ni mulakat lidhi khub maja padi
    aatla varse tamari sarjnatmakta ne jani ne ek gujarati hova no hu garv anubhavu chhu
    mari harday thi ghani ghani shubhkamnao…
    me pan hamna blog open karyu chhe,
    divyesh121.wordpress.com

    Thank You

  19. Bipin Dave માર્ચ 26, 2013 પર 12:17 એ એમ (AM)

    hello vinodbhai tamaro blog vanchyo khub saras blog che. hu pan tamara gam no vatani chu. maru gam pan dangarava che

  20. Kamlesh Parmar જાન્યુઆરી 22, 2013 પર 7:36 પી એમ(PM)

    વિનોદભાઈ તમારો બ્લોગ હું વારંવાર વાંચું છુ મને મજા આવે છે. તમારા ઘણા ખરા લેખો મેં મેલ થ્રુ મિત્રો ને ફોરવર્ડ કર્યા છે અને હજુ પણ તમારા નામ જોગ જ ફોરવર્ડ કરતો રહીશ મિત્રો ને પણ વાંચી આનંદ આવે છે. આપ હરહમેશ આવા જ લેખો લખતા રહો તેવી અભ્યર્થના સહ.

  21. Maulesh Patel જાન્યુઆરી 22, 2013 પર 1:55 એ એમ (AM)

    પ્રિય વિનોદ્કાકા,

    મોડા મોડા પણ તમને તમારા જન્મ દિવસની શુભેચ્છાઓ….બસ તમે આમ જ દરિયાપારથી અમને નિતનવા લેખો વંચાવ્યા કરો એવી આશા……

    ગણા સમય પછી તમારા બ્લોગની મુલાકાત લઉં છું.. પણ જ્યારે જયારે તમારા લેખો વાંચું છું ત્યારે ત્યારે ખુબજ અદભુત અનુભતિ થાય છે.

    વિનોદ્કાકા તમારો (166 ) મારા ૭૬મા જન્મ દિવસે થોડુંક ચિંતન …… લેખ પણ ખુબ જ ગમ્યો.

    કાકા, આજના સમય માં દરરોજ ન્યુસપેપરમાં નેગેટીવ સમાચારો હોય જયારે તમારો બ્લોગ હંમેશા જીવન જીદાદીલીથી જીવવાનું શીખવતો હોય છે ( અને એ પણ ૭૫ વર્ષ ના લેખક પાસે થી.).

    હમેશા આવું લખતા રહેજો ….. થેન્ક્યું કાકા……

    મૌલેશ પટેલ
    વડોદરા,
    ગુજરાત……..

  22. Vinod R. Patel ડિસેમ્બર 26, 2012 પર 5:45 એ એમ (AM)

    Thank you Rameshbhi for your hearty and encouraging comments and best wishes . I aapreciate .

  23. Ramesh Kshatriya ડિસેમ્બર 25, 2012 પર 5:34 પી એમ(PM)

    Shri Vinodbhai I read and study yr life bio-data, realy yu have extra ordinary-very special daring and patient that always make man perfect and that yu proved it. You have made higher education with Job-Yu lost yr dear one early even though yu no lost hope and with hard work and strugle get sucess-even with this age yu busy yr-self with activities which is not only for yu but it is encourging others that is realy deserve congretulation- My heartly congretulation and I salute you. I am also praying all mighty God that yu get more healthyness-long life and more busy with yr activities (very important and valuable) for more and more decade to come. Thanks.

  24. Prashant ડિસેમ્બર 21, 2012 પર 7:00 એ એમ (AM)

    આપ જેવા વડીલ તથા ખુબ અનુભવી વ્યક્તિ ના સંપર્ક માં રેહવું ગમશે …..આપનો પરિચય ..પણ એટલો જ પ્રેરણાદાયી છે …એમાં પણ મને શું શું ગમે ….એ રચના ખુબ જ સુંદર ને … આત્મવિશ્વાસ વધારે એવી છે …. બસ આપની સાથે નો સંબંધ નું બીજ વવાય ચુક્યું છે ….ચોક્કસ એ વૃક્ષ સમું વિકાસ થશે એવો ભાવ તથા પ્રયત્ન હશે ….ને હા ….હું તમને વિનોદ દાદા કહીશ જો આપની પરવાનગી હોય તો ….. કેમ કે “દાદા” ના શબ્દ તથા એ વ્યક્તિત્વ એક અલગ જ હુંફ ને વિશ્વાસ હોય છે ….એવું હું માનું છું ….આપની મુલાકાત થઇ ખુબ જ આનંદ થયો ….:-)

  25. P.K.Davda નવેમ્બર 28, 2012 પર 5:58 એ એમ (AM)

    શ્રી વિનોદભાઈ,
    માણસ જ્યારે પરિવારમાંથી પરવારે ત્યારે તેની સમાજ માટેની ભૂખ ઉગડે છે. આપે એકત્રિત કરેલા સમાજના ઘણા નામો મારા પરિચિત છે. મને પણ તમારા આ સમાજમા દાખલ કરશો તો ઉપકાર થશે. જીવનપ્રત્યેનો આપનો અભિગમ અનુકરણ કરવા લાયક છે.
    -પી.કે.દાવડા

    • Vinod R. Patel નવેમ્બર 28, 2012 પર 6:28 એ એમ (AM)

      સ્નેહી શ્રી દાવડાજી,

      આપના મારા વિશેના પ્રોત્સાહિત કરે એવા શબ્દો માટે આપનો ખુબ આભાર .

      આપનો પરિચય મેળવીને એક નવા મિત્ર તરીકે આપને આવકારતાં હર્ષ અનુભવું છું .

      ઈન્ટરનેટ માધ્યમથી આગળ ઉપર વધુ મળતા રહીશું અને એકબીજાના વિચારોની આપ-લે કરી

      થયેલ પરિચયને પાકો કરતા રહીશું .

      વિનોદ વિહાર માટે આપ જે કઈ સામગ્રી મોકલશો એને સ્વીકારતાં આનંદ થશે .

      સાદર ,

      વિનોદભાઈ પટેલ

  26. ડૉ. કિશોરભાઈ એમ.પટેલ નવેમ્બર 26, 2012 પર 5:47 પી એમ(PM)

    આદરણીયશ્રી. વિનોદભાઈ સાહેબ

    આપના બ્લોગની મુલાકાતથી હું ધન્ય થઈ ગયો સાહેબ,

    ખુબ જ સરસ રસદાર બ્લોગ છે,

    આપના હકારાત્મક – નિખાલસ વિચારો ખુબ જ પસંદ પડ્યા,

    બસ, આમ જ ગુજરાતી સમાજની સેવા કરતા રહો.

    • Vinod R. Patel નવેમ્બર 28, 2012 પર 6:32 એ એમ (AM)

      પ્રિય ડો . કિશોરભાઈ,

      આપના મારા બ્લોગ અને મારા માટેના ઉત્સાહજનક શબ્દો માટે આપનો આભાર,

      આ રીતે બ્લોગની મુલાકાત લેતા રહેશો અને વધુ પ્રોત્સાહિત કરતા રહેશો એવી આશા રાખું છું .

  27. Pingback: નબળા હાથે વિનોદ | હાસ્ય દરબાર

  28. pravinshastri ઓક્ટોબર 21, 2012 પર 11:43 પી એમ(PM)

    વિનોદભાઈ, સપ્રેમ વંદન. બ્લોગની પહેલી મુલાકાતમાં જ મૈત્રીનો લોભ લાગ્યો છે. હવે કાયમ મળતો રહીશ. હું સાહિત્યકાર નથી. મનમાં ઉગેલી ગાંડી ઘેલી વાતો લખું છું. વાંચીને પ્રતિભાવ અને માર્ગદર્શન આપતા રહેજો. આભારી થઈશ.
    પ્રવીણ શાસ્ત્રી
    http://pravinshastri.wordpress.com

  29. yuvrajjadeja સપ્ટેમ્બર 14, 2012 પર 2:53 પી એમ(PM)

    આદરણીય વિનોદ અંકલ,આપના બ્લોગ ની મુલાકાત લીધી, આગળ પણ લેતો રહીશ.ખૂબ આનંદ થયો આપ નો બ્લોગ વાંચી ને 🙂

    • Vinod R. Patel સપ્ટેમ્બર 15, 2012 પર 5:13 એ એમ (AM)

      આભાર ,યુવરાજભાઈ,

      હું પણ આપના બ્લોગમાં આંટો મારી આવ્યો.ફિલ્મોના શોખીનોને ગમે એવો આકર્ષક બ્લોગ

      બનાવ્યો છે.અભિનંદન

      • yuvrajjadeja સપ્ટેમ્બર 15, 2012 પર 4:25 પી એમ(PM)

        આભાર વિનોદઅંકલ, ફિલ્મ સિવાય પણ ઘણું બધું લખવું છે, (લખ્યું પણ છે), હજી ૧૦- ૧૫ દિવસ જ થયા છે આ બ્લોગ શરૂ કરે, અનુકુળતાએ આપ મુલાકાત લેતા રહેશો તો ગમશે, મને પ્રોત્સાહિત કર્યો એ બદલ ખૂબ ખૂબ આભાર

  30. નિરવ ની નજરે . . ! ઓગસ્ટ 10, 2012 પર 6:01 પી એમ(PM)

    ખુબ સુંદર વેબસાઈટ , ખુબ જ મહેનત માંગી લેતું સર્જન .

  31. Maulesh Patel જુલાઇ 29, 2012 પર 3:02 એ એમ (AM)

    પ્રિય, વિનોદ્કાકા

    (તમારા ખુબજ સરસ લેખો વાંચી વાંચી ને તમારા પ્રત્યે ની લાગણી ઘર ના અંગત સ્નેહીજન જેવી જ થઇ ગઈ છે.)

    સૌ પહેલા તો તમારો ખુબ ખુબ આભાર કે આ ઉમરે પણ આધુનિક ટેકનોલોજીનો ઉપયોગ કરીને તમે ગુજરાતી વાંચન પ્રેમીઓ ને નવા નવા વિષયો ના લેખો નો લાભ ( દરિયાપાર થી ) આપ્યા કરો છો.

    વિનોદ્કાકા તમારા લેખો ખરેખર ખુબ જ સુંદર અને દરેક ઉંમર ના લોકો ને ગમે તેવા હોય છે.
    કાકા તમારા પોતાના વિષે વાંચ્યા પછી તમારા માંથી ગણી બધી પ્રેરણા મળી છે.

    આભાર,
    જય શ્રી કૃષ્ણ.

    • Vinod R. Patel જુલાઇ 29, 2012 પર 7:30 એ એમ (AM)

      ભાઈશ્રી મૌલેશભાઈ,

      આપના પ્રેમ અને લાગણીભર્યા પ્રતિભાવ માટે આપનો ખુબ આભાર.

      મારા બ્લોગના લેખો તમને ગમે છે એ જાણીને આનંદ થયો.

      આવી રીતે મુલાકાત લઇ પ્રતિભાવ આપતા રહેશો.

  32. Dharmesh Vyas જુલાઇ 23, 2012 પર 5:18 પી એમ(PM)

    પ્રિય વિનોદભાઈ,

    “જ્ઞાન સાથે ગમ્મત” પર મળેલા આપના પ્રેમ અને સહકાર જોઈને મોજેમોજ.કોમ ના નામ થી વેબ બ્લોગ શરુ કરેલ છે.

    આશા રાખીશ આપનો સહકાર ત્યાં પણ મળતો જ રહેશે.

    આપની બ્લોગ ઉપર મુલાકાત અને અભિપ્રાય મને અનુરૂપ ફેરફારો કરવામાં મદદ કરશે.

    http://www.mojemoj.com

    ધર્મેશ

  33. DAVE MAYANK જુલાઇ 7, 2012 પર 12:42 પી એમ(PM)

    SIR. JAI SHREE KRISHNA,
    I M ALSO FROM NORTH GUJARAT BUT LAST 40 YEARS I M STAYING IN MUMBAI, I WANT ENROLL ME TO YOUR GROUP, BCZ U R WRITING MOST INSPIRABLE THINGS IN BLOGS. SO IF POSSIBLE PLEASE ENTERME IN YOUR ADDRESS BOOK, BUT PLEASE SEND HOW MUCH CHARGES APPLICABLE FOR FEES BCZ IF POSSIBLE I CAN NOT AFFIORDABLE YOUR FEES.
    PLEASE REPLY AT YOUR EARLIEST. NOW GOAL IS IN YOUR HAND
    .

  34. વિનય ખત્રી જૂન 14, 2012 પર 5:04 પી એમ(PM)

    પ્રિય વિનોદભાઈ, શું આપને મારી ઈમેઇલ્સ મળી છે? ઈમેઈલ વડે રીપ્લાય કરશો.

  35. captnarendra એપ્રિલ 17, 2012 પર 11:43 એ એમ (AM)

    I often visit your blog, Vinodbhai, but am posting my comment after a long time. I admire your philosophy of life. Share happiness as much as one can, is the key, as you said. Your memorial blog for Mrs. Pate is touching indeed. Such warmth, such love! Yes, such warm memories are like the flowers in the diary of our life. Open a page and the fragrance permeates, and that is what you have done. My compliments to you.

    • Vinod R. Patel એપ્રિલ 17, 2012 પર 1:24 પી એમ(PM)

      Dear Cpt.Narendrabhai,

      Thank you for your nice encouraging words . I am glad to know that you often

      visit my blog.I have also read your diary articles which provide inspiration for

      a new blogger like me. You have correctly observed “warm memories are like the

      flowers in the diary of our life. Open a page and the fragrance permeates.”

      The song might have ended,but the memories linger and life goes on with it.

  36. M.D.Gandhi, U.S.A. એપ્રિલ 12, 2012 પર 4:11 પી એમ(PM)

    ShrI Vinodbhai,

    Today I saw and read your Blog. It is very nice. I read your jokes in Haasya Darabar. I got your Blog’s details from સરદાર પટેલ કુવામાં પડી ગયા. (this is copied and pasted).

    I want to write in Gujarati, but in your blog, you have not provided this facility. Also I want to know, how to download Gujarati in my laptop? Will you please help me?

    Yours,
    Mansukhlal D.Gandhi
    Corona, CA 92880
    mdgandhi21@hotmail.com

  37. vkvora Atheist Rationalist માર્ચ 5, 2012 પર 10:43 પી એમ(PM)

    વીનોદભાઈ પટેલ, આજે આપના બ્લોગ વીનોદ વીહારની મુલાકાત લીધેલ છે.

    સમય મળે અનુક્રમણીકાની અન્ય પોસ્ટ વાંચી કોમેન્ટ લખીશ.

  38. Dipak Dholakia ફેબ્રુવારી 9, 2012 પર 6:10 એ એમ (AM)

    શ્રી વિનોદભાઈ,
    તમારા બ્લોગ પર પહેલી વાર આવ્યો હું આમતેમ ફર્યો અને બધું જોયુંજાણ્યું. મારી શુબેચ્છાઓ સ્વીકારશો.

    • Vinod R. Patel ફેબ્રુવારી 9, 2012 પર 7:08 એ એમ (AM)

      શ્રી દીપકભાઈ,
      મારા બ્લોગની આપની મુલાકાત અને શુભેચ્છાઓ માટે આપનો ખુબ આભાર.

      હું પણ આપના બ્લોગ- મારી બારી માં ડોકિયું કરી આવ્યો .પ્રભાવિત થયો.

      ગુજરાતી ભાષા પ્રત્યેની આપની નિષ્ઠા સરાહનીય છે.આપને પણ મારી

      શુભેચ્છાઓ છે.

  39. આપણુ ગુજરાત જાન્યુઆરી 26, 2012 પર 7:39 પી એમ(PM)

    આદરણીય વડીલ શ્રી.વિનોદભાઈ,
    મને સુંદર પ્રતિભાવ સ્વરૂપમાં પ્રેરણા આપી તે બદલ ખુબ ખુબ ધન્યવાદ
    તમારા બ્લોગની મુલાકાત લેવાથી મન પ્રફૂલ્લિત થશે
    “મને શું શું ગમે ?” એ રચના ખુબ જ સુંદર છે
    ગણતંત્ર દિવસની મબલખ શુભેચ્છા સહ
    માહી ના જય શ્રી કૃષ્ણ

  40. ચંદ્રકાંત માનાણી જાન્યુઆરી 25, 2012 પર 1:47 એ એમ (AM)

    તમારા બ્લોગમાં આવીને મને ખુબ જ આનંદ થયો. ભગવાન તમને હજુ વધારે અને સારું સારું લખવાની શક્તિ અને ઈચ્છા આપે. તમે તમારા પરિચયમાં તમારા કુટુંબીજનોનો પણ પરિચય કરાવ્યો તેના પરથી મને એવું લાગ્યું કે તમારા હૃદયમાં હજુયે આટઆટલા વર્ષો પછીયે તમારા ધર્મપત્નીની યાદો જીવંત છે.

  41. Sharad Shah ડિસેમ્બર 29, 2011 પર 7:29 પી એમ(PM)

    પ્રિય વિનોદભાઈ;
    પ્રેમ;
    સુરેશભાઈ જાનીએ તમારો પરિચય કરાવ્યો અને લાલચ થઈ તમારા બ્લોગની મુલાકાતની. સુદર વિચારો અને જીવન પરત્વેની દૃષ્ટિ હૃદયને સ્પર્શી ગઈ. શારિરીક ઊણપ ક્યારેક બ્લેઝિંગ સાબિત થતી હોય છે અને સ્થુળ શરીરથી ઉપર પણ કાંઇક છે તેની શોધ તરફ આગેકુચ શરુ થાય છે. તમારી આંતરિક ઉદ્વગતિનુ પ્રતિબિંબ તમારા વક્તવ્યોમાં અને કાવ્ય રચનામા ઝળકે છે.
    મારા ગુરુનો જીવનમંત્ર છે, “મોજમાં રહો” ગમે તેવા સંજોગોમા, બસ મોજમા રહેતાં આવડી જાય તો બેડો પાર સમજવો.બાકી બધું આપ મેળે ઘટે છે.આપની રચના છે,’આ જીવન મહોત્સવની હર પળ મોજથી માણીને,જોશથી જીવન જીવી જવાનું મને બહું ગમે.” આપના જીવનની હરપળ મહોત્સવ બને તેવી શુભેચ્છાઓ.
    પ્રભુશ્રિના આશિષ.
    શરદ

    • Vinod R. Patel ડિસેમ્બર 31, 2011 પર 2:43 પી એમ(PM)

      આદરણીય શ્રી શરદભાઈ,

      આપે મારા બ્લોગની મુલાકાત લઈને ખુબ જ પ્રોત્સાહિત કરે એવો સુંદર પ્રતિભાવ આપ્યો એ બદલ
      આપનો ખુબ આભાર માનું છું.

      આપનો આધ્યાત્મિક જીવન માર્ગ પ્રેરણાત્મક છે.શ્રી સુરેશભાઈ અને આપની મૈત્રી આપના ગુરુશ્રીની
      નિશ્રામાં વધુ દ્રઢ બનતી ગઈ છે.સુરેશભાઈ સાથેની મારી મિત્રતાનો મને ગર્વ છે.
      હાસ્ય દરબારમાં કાર્ટૂન ફોટાઓની રસિક ચર્ચામાં આપના સુરેશભાઈ ઉપરના ઈ-મેલનાં પ્રતિભાવમાં
      મેં આ પ્રમાણે જણાવ્યું છે.

      “સુરેશભાઈના વરસો જુના મિત્ર,આધ્યાત્મિક યોગ માર્ગના સહ પ્રવાસી અને ગુરુભાઈ એવા શ્રી શરદભાઈએ આધુનિક
      ઈન્ટરનેટ ટેકનોલોજીનો ઉપયોગ કરીને મિત્રની મજાક કરવા અંગત ઈ-મેલમાં કાર્ટૂન ફોટા મોકલ્યા અને સુરેશભાઈએ
      એને જગજાહેર કરીને એમની ખેલદિલી અને રમુજી પ્રકૃતિના કરાવેલ દર્શન માટે બન્નેને અભિનંદન ઘટે છે.
      એમાં એક બીજા પ્રત્યેના પ્રેમનાં પણ દર્શન થાય છે.હાસ્ય પણ એક પ્રકારનો યોગ જ છે. શરદભાઈએ એમનાં ઈ-મેલમાં
      સાચું કહ્યું છે કે “પોતાની મજાક કરવી અને એમાંથી પણ આનંદ લેતા આવડી જાય તે ઉચ્ચ પ્રકારની રમુજવૃત્તિ છે.
      અહંકાર ઓગળતા,સાધનાના માર્ગે સહાયક પણ બને છે. ”

      આ ચર્ચા પછી આપના વિષે વધુ જાણીને આપના પ્રત્યે મને ઘણું માંન ઉપજ્યું છે.

      શરદભાઈ,આવી રીતે મારા બ્લોગની મુલાકાત લઇ આ રીતે મારો ઉત્સાહ વધારતા રહેશો એવી આશા રાખું કે ?

      વિનોદ આર. પટેલ

  42. chandravadan ડિસેમ્બર 24, 2011 પર 5:36 એ એમ (AM)

    Vinodbhai, This is the 1st time I am on your Blog,Vinodbhai.
    Before coming to your Blog, I had the opportunity to know you as you visited my Blog Chandrapukar & oposted a Comment. Thanks ! ( Ithink you had visited..but I am not sure…if not I invite you to my Blog)
    I am so happy to be on your Blog.
    Very Nice !
    It is nice to know you better by reading your Profile.
    So..you are in California too ! I am in Lancaster, California.
    Season’s Greetings to you & your Family.
    HAPPY NEW YEAR !
    Welcome to Gujarati WebJagat !
    Congratulations for starting the Blog !
    DR. CHANDRAVADAN MISTRY (Chandrapukar)
    http://www.chandrapukar.wordpress.com
    Hope to see you on Chandrapukar.

  43. dhavalrajgeera ડિસેમ્બર 15, 2011 પર 2:01 એ એમ (AM)

    Dear Vinodbhai,

    Enjoyed talking last evening.Do contact Jitubhai.
    Happy to know your love for Gujarati and starting a Gujarati Blog i 2011.
    You know, Bhai suresh who is my friend since 1959.
    You are welcome to join Hasyadarbar and contribute for Gujarat and Gujarati.
    Keep Shining

    Rajendra Trivedi, M.D.
    http://www.bpaindia.org

  44. mddesai ડિસેમ્બર 12, 2011 પર 2:29 એ એમ (AM)

    તમારો આજે જ બ્લોગ જોયો.ખુશી થઇ.

  45. Vipul Desai નવેમ્બર 3, 2011 પર 2:08 પી એમ(PM)

    સ્નેહી વિનોદભાઈ,
    ૭૫ વર્ષની ઉંમરે બ્લોગ ચાલુ કરનાર વૃષભ રાશીનો માણસ જ હોઈ શકે. બળદની જેમ વૃષભ રાશીવાળાઓને નિરાંતે બેસવાનું ના ગમે. ખોટું ના લગાડતા વિનોદભાઈ, હું પોતે પણ બળદિયો જ છું. આ તો હસવાની વાતો થઈ. આપ બીજા ૨૬ વર્ષ લોકોને જ્ઞાન સાથે ગમ્મત પૂરી પાડો એવી મારી ઈચ્છા ખરી, સચીન તેન્દુલકરની જેમ આમાં રાહ ના જોવડાવાય. પરફેક્ટ ભવિષ્યવાણી! ૧૦૧ બરાબર પુરા કરવાના. મારી ગાડી ઉપર તો પુષ્કળ ગોબા પડ્યા છે ને વારંવાર ગેરેજમાં હોય છે….૨૬ વર્ષમાં તો ઉપર પણ ઈન્ટરનેટ આવી ગયું હશે તો સી.સી. અને ખાનગી રાખવું હોય તો બી.સી.સી. કરીને તમારી વેબસાઈટના લેખો મને મોકલાવજો ખરા.

    • Vinod R. Patel નવેમ્બર 4, 2011 પર 4:47 એ એમ (AM)

      તમારી મારા માટેની શુભ લાગણીઓ માટે ખુબ આભાર, વિપુલભાઈ.
      હું ચાર વર્ષનો હતો ત્યારથી મારી શરીરની ગાડીને પણ ગોબો પડેલ છે.
      બાળ લકવા-પોલીઓની અસરને લીધે મારો એક હાથ અને એક પગ અશક્ત બન્યા
      છે એમ છતાં હૈયામાં હામ ધરી અને શારીરિક મુશ્કેલીને એક પડકાર તરીકે ગણીને
      આ ગોબાને અવગણીને આનંદથી જિંદગીની ગાડીને હંકારતો હંકારતો આજે
      ૭૫ વર્ષના માઈલ સ્ટોન સુધી સફળતા પૂર્વક આવી પહોંચ્યો છું. મારા પરિચય
      નીચે મુકેલ “મને શું શું ગમે “એ નામના મારા કાવ્યમાં મેં જણાવ્યું છે એમ જિંદગીને
      હું એક મહોત્સવ માનું છું.૧૦૧ વર્ષ તો નહી પણ ભગવાન જેટલું પણ જીવાડે એટલું
      કોઈ પણ ફરિયાદ વગર ઉત્સાહ અને આનંદથી જીવવું છે અને મારા બ્લોગ મારફતે
      જ્યાં સુધી શક્ય હશે ત્યાં સુધી આનંદની લ્હાણી કરતા રહેવાની મનમાં નેમ છે.
      આપની સદભાવના માટે આપનો ફરી આભાર.

      —-વિનોદ આર. પટેલ .

  46. વિનય ખત્રી ઓક્ટોબર 14, 2011 પર 3:57 પી એમ(PM)

    ગુજરાતી બ્લૉગવિશ્વમાં હાર્દિક સ્વાગત…!

    આપના આ બ્લૉગને ગુજરાતી બ્લૉગવિશ્વ નામના બ્લૉગ એગ્રિગેટરમાં ઉમેરી લીધો છે.

  47. Govind Maru ઓક્ટોબર 10, 2011 પર 1:59 પી એમ(PM)

    ગુજરાતી બ્લોગ જગતમાં આપનું હાર્દીક સ્વાગત છે. નીવૃત્તીમાં પ્રવૃત્તીમય રહેવા અને નીજાનન્દ પ્રાપ્ત કરવા માટે બ્લોગીન્ગ સુંદર કાર્ય.છે.. ખુબ ખુબ અભીનંદન !!!

  48. Govind shah v.v.nagar -gujarat -india ઓક્ટોબર 8, 2011 પર 5:07 એ એમ (AM)

    Dear Vinodbhai,
    thanks for yr email&glad that u remember me thru my book.i have gone thru yr blog &like it. Keep on wring for Nijanand & sharing with Society, i am publishing my book – Tare jamin par- part – 4 on this Diwali & will send u. – thanks & with regards -Govind shah

  49. • » નટખટ સોહમ રાવલ « • ઓક્ટોબર 4, 2011 પર 6:55 પી એમ(PM)

    શ્રી વિનોદભાઇ….
    આપના બ્લોગ પર આવી આનંદ થયો..મળતા રહીશું….

    • Vinod Patel ઓક્ટોબર 5, 2011 પર 3:31 એ એમ (AM)

      મારા બ્લોગની મુલાકાત લેવા બદલ આપનો આભાર. ચોક્કસ મળતા રહીશું.
      આપની કોઈ રસભરી હાસ્ય વાનગી મોકલશો તો મારા બ્લોગમાં એને લેતા આનદ
      થશે.

      વિનોદ પટેલ

  50. રૂપેન પટેલ સપ્ટેમ્બર 29, 2011 પર 4:14 એ એમ (AM)

    વિનોદભાઈ આપના બ્લોગને ગુજરાતી બ્લોગ્પીડિયા બ્લોગ એગ્રીગેટરમાં સામેલ કર્યો છે મુલાકાત લેશો .

    વિનોદભાઈ આપને ગરવા ગુજરાતીઓનું નેટજગત ગ્રુપ માં જોડાવા આમંત્રણ છે. મુલાકાત લેશો .ગરવા ગુજરાતીઓનું નેટજગત ગ્રુપ ફોરમ

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

%d bloggers like this: