વિનોદ વિહાર

ગુજરાતી ગદ્ય-પદ્ય સર્જનની આનંદ યાત્રા

Category Archives: ગમતી સ્વ રચીત રચનાઓ

( 819 ) સંજોગો એ જીવનની પ્રયોગ શાળા છે ….વિચાર મંથન … વિનોદ પટેલ

let-it-go

આજ સવારની ખુશનુમા શીયાળાની સવારે મારા કક્ષમાં મારા સદાના આકાશી મિત્ર કમ્પ્યુટરને ખોલી નેટ યાત્રા શરુ કરી ત્યારે ઉપરનું ચિત્ર જોયું.એમાં લખેલું આ અંગ્રેજી વાક્ય મને ગમી ગયું. 

One of the happiest moments in life is when you find the courage to let go of what you can’t change.

આ વાંચીને મારા મનમાં જાગેલા વિચારોના મંથનમાંથી નીપજેલા નવનીત(માખણ)નો આસ્વાદ એટલે જ વિનોદ વિહારની આજની આ પોસ્ટ. 
સંજોગો એ જીવનની પ્રયોગ શાળા છે.

માણસને એના જીવન દરયાન ઘણા સારા અને ઘણા બુરા સંજોગોમાંથી પસાર થવાનું હોય છે.ઘણીવાર સંજોગો એને એકલતામાં મૂકી દે છે.એને મનથી ભાંગી નાખે છે.નિરાશાના વાદળો વચ્ચે એની આશાનો સુરજ દબાઈ જતો લાગે છે.

જીવન યાત્રામાં ઘણી વાર સુખના સંજોગોમાં હૃદયમાં આનંદનો ઓઘ ઉછળતો હોય છે તો ઘણીવાર એ જ હૃદયમાં કોઈ અણધાર્યા આવી પડેલ દુઃખના સંજોગોમાં એ ભારે થઇ જાય છે.

વિશ્વમાં ચારે બાજુ બનતા હિંસાના અને માનવ હત્યાના બનાવો પણ મનની શાંતિને ડહોળી નાખે છે.માનવી એક માનવ થઈને આવું ગાંડપણ કેમ કરતો હશે , પશુઓ પણ એવું નથી કરતાં, એવા ઘણા બધા સવાલો મનમાં ઉઠે છે.

આમ માણસ એની આજુબાજુ બનતા ગમતા કે ના ગમતા સંજોગોનો ગુલામ છે ,માલિક નથી.

ઘણીવાર તો કોઈએ કરેલ કાર્ય કે કહેલ શબ્દો માનવ મનને બેચેન બનાવે છે. ખાસ કરીને જેને પોતાનાં માનતા હોઈએ છીએ એમના તરફથી જ્યારે એમના વાણી અને વર્તનમાં અપમાન કે અવમાનની અનુભૂતિ કરીએ છીએ ત્યારે હૃદય ખુબ દુખી થઇ ભારે થાય છે .જો કે હૃદયમાં પડેલા એ ઘા સમય જતાં રૂઝાય પણ છે.

એક કુશળ કારીગર કુંભાર જેમ માટીમાં ટપલા મારી મારીને એક સરસ માટલીનું સર્જન કરે છે એમ જ જીવનના આવા રંગ બેરંગી અનુભવો જ માનવીના ચારિત્ર્યનું સાચું ઘડતર કરે છે. નીભાડાના અગ્નિમાં તવાઈને જ કાળી માટીમાંથી બનેલી માટલી રતુમડી બની એક રણકાર કરતી પાકેલી માટલી બને છે. આ માટલીમાં રાખેલું ઠંડુ પાણી ઉનાળામાં આપણી તરસ છીપાવીને મનને શાતા બક્ષે છે.

જ્યારે જ્યારે અણ ગમતા સંજોગો તમારા જીવનમાં સર્જાય ,તમારા મનનો કબજો લઇ લે ત્યારે મારો એક જ સંદેશ છે ..કે ….

સંજોગોનું વાવાઝોડું જે કામ ચલાઉ આવ્યું છે એ થોડા સમયમાં જ ઉપરથી ચાલ્યું જશે, ફરી એક નવી સવાર થશે ,ફરી એક નવો સૂર્ય જેમ રોજ નિયમિત ઉગે છે એમ ઉગશે અને સાંજે આથમી જશે .વૃક્ષો, રંગીન પુષ્પો,પક્ષીઓ, પ્રાણીઓ એમ કુદરતમાં જુઓ કેટલું નીરખવાનું અને આનદ લેવાનું પડ્યું છે એનો વિચાર કરો.

Butterfly on Flowers

Butterfly-2

એક કોશેટામાંથી બનેલું પતંગિયું પણ તમને આનંદમાં રહેવાનું શીખવે છે.જીવન પુષ્પોમાંથી રસ કસ ચૂસીને તમારા જીવનને સમૃદ્ધ કરવાનું શીખવે છે.આવાં ઉડતાં પતંગિયાં અને એના અજબ કલાકાર ની લીલાઓ ને જુઓ અને સાંભળો અને એમાંથી જીવનના પાઠ શીખો .

મનને મક્કમ કરો, જાતને થોડી કઠણ-સ્ટ્રોંગ – બનાવો ,તમને ગમતા કામમાં ખુપી જાઓ, પ્રભુ સાથે તાર જોડી દો, ….

જવા દો …અને ભૂલી જાઓ …

LET IT GO …FORGET IT ..

THIS WILL ALSO PASS AWAY… નો સકારાત્મક અભિગમ રાખો ,

મનમાંથી નકારાત્મકતાને દેશવટો આપો.

મનના દર્પણ પર પડેલી ધૂળને સાફ કરી દો તો જ એમાં તમારૂ સ્પષ્ટ પ્રતિબિંબ દેખાશે.

જવા દો …LET GO…એ અભિગમ રાખવો એ કઈ તમારા મનની નબળાઈ નથી પણ સુખી થવા માટેની એક ચાવી છે.

ખરા દિલથી મનમાં પ્રાર્થના કરો કે પ્રભુ સૌને સદબુદ્ધિ આપે.

ઈશ્વર ,અલ્લા તેરા નામ …

સબકો સન્મતિ દે ભગવાન …

વિનોદ પટેલ , ૩-૧૨-૨૦૧૫

 

( 666 ) મારાં સ્વ-રચિત વિચાર મુક્તકો ……મારી નોધપોથીમાંથી …

માનવ મનમાં રોજે રોજ કેટ કેટલા વિચારો આવે છે અને પસાર થઇ જતા હોય

છે ! સ્નાન કરતાં સાબુની ગોટી હાથમાંથી સરકી જાય એમ સ્તો !

માનવ, મન અને મનન અન્યોન્ય જોડાયેલાં હોય છે .

દરેક સર્જનનું મૂળ વિચાર છે અને વિચાર મન-મગજની પેદાશ છે.

મારા વિચાર મંથનના નવનીત સમાં ,મન-મગજમાંથી એ જતાં રહે

એ પહેલાં મારી નોંધપોથીમાં ટપકાવી લીધેલાંમાંથી કેટલાંક મુક્તકો

આજની પોસ્ટમાં મુક્યાં છે .આશા છે આપને એ વાચવાં –વિચારવાં ગમશે.

વિનોદ પટેલ

 Mari nodh Pothi

માનવ ઉડીને આજે પહોંચ્યો, મંગળના ગ્રહમાં ,ઉંચે અવકાશમાં ,

ના ચઢ્યો ,ખબર પૂછવા ,દુખી પડોશીના ઘરનાં, બે પગથીયાં .

================

સ્ત્રીઓને બસ ચાહતા રહો, બહુ સમજવાની જરૂર નથી,

પુરુષોને બસ સમજતા રહો,આપો આપ ચાહવા લાગશો.

===================

દુખો સહન કરી કરી , એ સહન કરવાની આદત પડી છે,

સુખો મળે છે એમાં ય ,દુઃખોની દહેશત લાગવા માંડી છે !

=====================

આમ તો જગતમાં રોજ લાખો લોકો મૃત્યુથી મરતાં હોય છે,

ઘરે મૃત્યુ દસ્તક દે ત્યારે જ, મૃત્યુની વિકરાળતા દેખાય છે. 

===================

સુરજ રોજ ઉગે છે એક સરખો પૂર્વ દિશામાં બધે,

પરંતુ નઝારો સવારોનો કેવો જુદો જુદો દીસે બધે,

પશ્ચિમમાં પાણી દુકાળ હોય તો પૂર્વમાં હોય ઘોડાપુર,

પર્યાવરણની ખૂબીઓ જોઈને આ બધી, અજબો ગજબ,

વિચાર આવે,ઓ પ્રભુ,તારી લીલાઓ કેટલી અગમ છે !

=================

જિંદગીમાં ધાર્યો બદલાવ જો તમે ચાહતા હો તો,

સંજોગો પ્રત્યેનો તમારો અભિગમ બદલવો જ પડે.

=====================

સદા વહી રહેલા જીવન પ્રવાહની આ અજબ કમાલ  છે !

વૃધ્ધાવસ્થામાં ચહેરાનો નકશો કેટલો બદલાઈ જાય છે !

==================

જિંદગી શું છે ? એ પ્રશ્નનો જવાબ એટલો સહેલો નથી

પણ જો જવાબ ટૂંકમાં આપું તો ,આ જિંદગી શું નથી !

=================

દુખ પછીનું સુખ, ખુશી લઈને આવે છે,

હાર પછીની જીત જ ગૌરવ અપાવે છે .

======================

મારી દિલી પ્રાર્થનાના પોકારથી પ્રભુ દુર નથી રહ્યો,

કર ગ્રહી, માર્ગદર્શક બની, એ જ મને સદા દોરી રહ્યો,

જીવન માર્ગ મારો ખાડા ટેકરાવાળો વિકટ ભલે રહ્યો ,

માર્ગના દરેક પગલે, મારી સાથે, પ્રભુ તું ચાલી રહ્યો.

===================.

પ્રભુ ,હું છું એક અદનો પામર મનુષ્ય ,

તું જ સંભાળી રહ્યો છે મારી આયુ દોર,

જેમ જીવાડે ત્યાં સુધી મારે જીવવું છે,

અને પછી તારામાં જ ભળી જવું છે.

===========

નથી મને કોઈ મહેચ્છાઓ સો વર્ષ જીવી જાઉં એવી,

થોડા વરસોની ભલેને હોય , જિંદગી હોય ખુશી ભરી.   

 

વિનોદ પટેલ

 

( 605 ) ઇન્ડીયન અમેરિકન…. (સત્યકથા પર આધારિત વાર્તા ) ….વિનોદ પટેલ

ગુજરાતી બ્લોગ વિશ્વમાં ખુબ જાણીતા બ્લોગર શ્રી જીગ્નેશ અધ્વર્યુએ એમના ખુબ વંચાતા બ્લોગ અક્ષરનાદના તારીખ ૪ થી ડીસેમ્બર ૨૦૧૪ના અંકમાં એક સત્યકથા ઉપર આધારિત મારી વાર્તા ‘ઇન્ડીયન અમેરિકન’ પ્રસિદ્ધ કરી છે, એ મારે માટે આનંદની વાત છે. 

અક્ષરનાદ માટે ખાસ લખેલ આ વાર્તાને પ્રગટ કરવા માટે હું સંપાદક શ્રી જીગ્નેશ અધ્વર્યુનો ખુબ આભારી છું .  

આ વાર્તાનો પ્રેરણા-વિચાર સ્ત્રોત …….

અમેરિકામાં જે વડીલો એમના નિવૃતિના કાળમાં એમના બાળકો વાળા સંતાનો સાથે રહે છે તેઓ એમના અમેરિકામાં સંઘર્ષમય સમયમાં એમને ખુબ મદદ રૂપ બનતાં હોય છે.પોતાનાં જ મા-બાપને એમના બાળકને સંભાળ માટે મુકીને તેઓ નિશ્ચિત મને જોબ કરી શકે છે.

ઘરમાં એકલાં પડેલાં વડીલો પણ પોતાના વંશને ઉછેરવામાં અને  બાળક સાથે બાળક બનીને રમવામાં આનંદ લેતાં હોય છે.એનાથી એમને આ દેશમાંની ઘરની એકલતા પણ સાલતી નથી. એમના માટે તો આ એક LABOUR OF LOVE બની જાય છે .

વડીલોના સહવાસથી બાળક પર વડીલોના ભારતીય સંસ્કારોનું જાણે અજાણે આરોપણ પણ થયા કરે છે.જે ઘરમાં વડીલો નથી હોતાં એ ભારતીયોની તકલીફો ઘણી હોય છે. ધંધાકીય બેબી સીટરને બાળક સોપીને જોબ ઉપર જવું પડે છે ત્યારે એમને મનમાં સતત બાળકની ચિંતા રહ્યા કરે છે.

ધંધાકીય બેબી સીટર ઘણાં મા-બાપનાં બાળકોનું ધ્યાન રાખે છે.ઘણીવાર ચાઈલ્ડ એબ્યુજના બનાવો પણ અખબારોમાં ચમકતા હોય છે.આવા અસંસ્કારમય વાતાવરણમાં ઉછરેલાં બાળકો વડીલોની છત્ર છાયા અને પ્રેમ વિના મોટાં થઈને ડ્રગ અને બીજાં વ્યસનોના શિકાર પણ બનતાં હોય છે.આ દ્રષ્ટીએ ઘણાં ભારતીય કુટુંબોમાં ઘરમાં રહેતા વડીલો એક આશીર્વાદ રૂપ બને છે.

જે એન.આર.આઈ. બાળકો ભારતીય સંસ્કારો વચ્ચે ઉછર્યા નથી તેઓ મહદ અંશે ભારત જવાનું પસંદ કરતાં નથી.તેઓને મન ભારત એક ગંદો, ઘોંઘાટીયો, ગીચ વસ્તી વાળો દેશ છે.ત્યાં જઈને શું જોવાનું એવા ખ્યાલો એમના મગજમાં રમતા હોય છે. આ કારણે તેઓ ભારત જોવા જવાના નામથી જ હમેશાં દુર રહે છે.

આવાં એન.આર.આઈ.બાળકોનાં ઘણાં મા-બાપ ભારતમાં જ જન્મેલાં હોવા છતાં ત્યાંના અન હાઈજીનીક માહોલમાં એમનું બાળક માંદુ પડશે  વિગેરે ખોટાં યા ખરાં કારણોથી નથી પોતે જતાં નથી કે નથી પોતાનાં બાળકો સાથે ભારત જવાનું પસંદ કરતાં .આવેલી તકોને હમેશાં ટાળતાં હોય છે.

પરંતુ જ્યાં સુધી પોતાના  બાળકને લઈને તેઓ જ્યાં એમનું મૂળ નંખાયુ છે એવા પોતાના જ વતનમાં જઈને એમના બાળકને બધું બતાવે નહી ત્યાં સુધી એમને ભારતનો સાચો ખ્યાલ કેવી રીતે આવી શકે !

આવી અગત્યની બાબતો ઉપર એક સત્ય કથા ઉપર આધારિત મારી આ વાર્તા ‘ઇન્ડીયન અમેરિકન” પ્રકાશ પાડે છે.આશા છે આપને એ ગમશે .

તો આ પાશ્ચાદભૂમિ સાથે હવે વાંચો અક્ષરનાદમાં પ્રગટ  

સત્યકથા પર આધારિત આ વાર્તા ……

ઇન્ડિયન અમેરિકન….. (વાર્તા ) ……વિનોદ પટેલ

દુનિયાની એક અજાયબી તાજમહાલણે જોઇને ખુશીથી હવામાં ઉછળતો એક પરદેશી પ્રવાસી- આ વાર્તાનો યશ જ માની લો ને !
દુનિયાની એક અજાયબી તાજમહાલને જોઇને ખુશીથી હવામાં ઉછળતો એક પરદેશી પ્રવાસી- આ વાર્તાનો યશ જ માની લો ને !

“બેટા યશ,આ ડીસેમ્બરમાં હું અને દાદી દેશમાં જઈએ છીએ.તારે હવે ક્રિસમસનું વેકેશન પડશે,  તું પણ અમારી સાથે ઇન્ડિયા ચાલ.ઘણું નવું જોવાનું, જાણવાનું મળશે ,મજા આવશે.”

“પણ દાદા, તમે મારી મમ્મી ડેડીને પૂછ્યું ?”યશ એ શંકા બતાવી .

“હા બેટા ,અમારી હા છે ,સાથે સ્કુલની બુકો લેતો જજે.ફરવાનું અને સાથે અભ્યાસ પણ કરવાનો.”

આમ કહી પલ્લવી અને સંજયે યશને ઇન્ડિયા જવાની રજા આપી દીધી .

અમેરિકાના ન્યુ જર્સી શહેરની રવિવારની એક ખુશનુમા સવારે આખું કુટુંબ કિચનના ટેબલ ઉપર રજાના મુડમાં ચા-નાસ્તાની મોજ માણી  રહ્યું હતું ત્યારે ઉપરનો સંવાદ થયો.

આખુ કુટુંબ એટલે ૬૫ વર્ષના નિવૃત નરેશભાઈ જોશી, એમનાં પત્ની જયવંતીબેન, નરેશભાઈનાં દીકરી પલ્લવી ,દીકરા જેવો જ  જમાઈ સંજય અને દાદા-દાદીનો ચહીતો દોસ્ત જેવો દસમા ધોરણમાં અભ્યાસ કરતો દોહિત્ર યશ.

યશ જન્મથી જ ભારત અને અમેરિકાની  એમ બે દેશની સંસ્કૃતિના સંસ્કારો વચ્ચે ઉછરીને મોટો થયો છે .એના જન્મથી જ એ નરેશભાઈ અને જયવંતીબેન સાથે ઉછર્યો છે . ભારત વિશેની ઘણી વાતો એણે દાદા પાસેથી જાણી છે……

( આ આખી વાર્તાને નીચેના અક્ષરનાદના લોગો ઉપર ક્લિક કરીને વાંચો.)

aksharnaad logo image

( 562 ) નવા વર્ષે,નવેસરથી, નવલા થઈએ –દીપોત્સવી અંક ભાગ-૪

પ્રિય વાચકમિત્રો.

New year

મનુષ્યના જીવનનું અને સમયનું ચક્ર સદા ફરતું જ રહે છે, ફરતું જ રહે છે  .ભીત ઉપર નવા વર્ષનું કેલેન્ડર ટીંગાઈ જાય છે .એક પછી એક કેલેન્ડરનાં પાનાં બદલાતાં રહે છે.

આમ જોવા જઈએ તો નવા વર્ષમાં અને જુના વર્ષોમાં સમયની દ્રષ્ટીએ કોઈ ફેર નથી .નવું વર્ષ એ ફક્ત કેલેન્ડરની કમાલ છે.પરંતુ માણસને કૈક નવું નવું કરવાનું મૂળભૂત રીતે ગમે છે.એટલા માટે વર્ષના એક સમય ગાળાના એક ભાગને કોઈ ધાર્મિક ઉત્સવ સાથે જોડીને એને હર્ષથી ઉજવવાની જુદી જુદી રીતો એણે શોધી કાઢી છે.

હિન્દુ ધર્મમાં એ રીતે વર્ષના એક ભાગને દિવાળી અને બેસતું વર્ષ એમ નામાભિધાન કરીને દીવાઓ, ફટાકડા ,સ્વાદિષ્ટ મીઠાઈ,હળવું, મળવું, મ્હાલવું, એક બીજાને શુભેચ્છાઓની આપ-લે કરવી એમ વિવિધ રીતે જન સમાજ આનંદ અને ઉત્સાહની અભિવ્યક્તિ કરે છે. આવો આનંદ અને ઉત્સાહ આખું વર્ષ ટકી રહે તો કેવું સારું !

હિંદુ ધર્મમાં જેમ દિવાળી-બેસતા વર્ષનો મહિમા છે એમ ખ્રિસ્તી ધર્મમાં ક્રિસમસ-ન્યુ યર નું પર્વ આવો જ ભીતરમાં સુસુપ્ત રીતે પડેલા ઉત્સાહ અને ઉલ્લાસને બહાર લાવી નવીનતાનો અહેસાસ કરવાનું સાર્વજનિક પર્વ છે.

પ્રશ્ન એ છે કે વર્ષ તો બદલાયું પણ આપણે બદલાયા છીએ ખરા ! ગત વર્ષોના અનુભવોમાંથી આપણે કઇંક શીખ્યાનો અહેસાસ કરીએ છીએ ખરા ?નવું વર્ષ આવે એટલે સ્વાભાવિક રીતે મનમાં નવા નવા સંકલ્પો કરવાનો મનમાં ઉમંગ જાગે છે .

Mahendra shah cartoon- New year resolutions

પ્રસંગોચિત આવા મનોવિચારોમાંથી સર્જાએલ નવા વર્ષના સ્પીરીટને ઉજાગર કરતી

મારી એક સ્વ-રચિત અછાંદસ  કાવ્ય રચના નીચે પ્રસ્તુત છે .

નવા વર્ષે,નવેસરથી, નવલા થઈએ

સમય સરિતા હંમેશ વહેતી જ રહેતી,

જૂની યાદો પાછળ મૂકી વર્ષ એક થયું પસાર

આવી ઉભા એક નવા વર્ષને પગથાર.

જિંદગી આપણી છે એક ફળદાઈ ખેતર,

એમાં ઊગેલ ઘાસ નીદામણ દુર કરીને,

નવા વરસે પ્રેમનો નવ પાક ઉગાડીએ.

ખામીઓ, કમજોરીઓ હોય એ દુર કરીએ

નકારાત્મકતા છોડીને ,સકારાત્મક બનીએ.

નવા વરસે નવ નિર્માણનો સંકલ્પ કરીને,

નવલા વરસે નવલા બનીને ,નવેસરથી,

નવું વર્ષ હળીમળી પ્રેમથી સૌ ઉજવીએ,

નવી આશાનો દીપ જલાવીએ,પ્રકાશીએ.

કૃપાળુ પ્રભુને હંમેશાં હર પળ સમરીએ,

નવ વરસે, બે કર જોડી એને પ્રાર્થીએ કે ,

રિદ્ધિ, સિદ્ધિ,લક્ષ્મી અને સરસ્વતી માતા ,

સૌ પર રીઝે ,સુખ શાંતિ સૌ પ્રાપ્ત કરે ,

એવું ઉત્તમ નવું વર્ષ બનાવજે, હે પ્રભુ.

મારી એક બીજી રચના 

ભલાઈની પરંપરા

જિંદગી આપણી આ દેવની દીધેલ એક અણમોલ ભેટ સમાન છે,

વેડફી ના દેતા એને એવા કાર્યોમાં જેમાં માત્ર તમારો જ સ્વાર્થ છે,

અન્યો માટે પણ ભલાઈ બતાવીને નિસ્વાર્થ સેવા સદા કરતા રહો,

સદા હસતા રહો , હસાવતા રહો અને પ્રેમની ગંગા વહાવતા રહો.

 

તમારા માટે નાનું કે મોટું ભલાઈનું કામ કોઈ કરે એવા સમયે તો

એના બદલામાં ભલાઈનું કાર્ય કરીને ઋણ ચૂકવવાનું ભૂલશો નહીં .

તમે કરેલ ભલાઈનું આ ચક્ર ફરતું ફરતું તમારી પાસે જરૂર આવશે,

તમારી સેવા પરોપકારની આ પરંપરાથી જીવન ધન્ય બની જશે .

 

દરેક જણ જો સમજીને નાનું સરખું પણ જો ભલાઈનું બી વાવશે તો પરિણામે આ

સમાજરૂપી બગીચામાં સરસ મજાની ફૂલવાડી ખીલી ઉઠશે .

ચાલો, નવા સંવત વર્ષ ૨૦૭૧ નું હૃદયમાં હર્ષ,નવા ઉત્સાહ અને ઉલ્લાસથી સ્વાગત કરીએ .

ગત વરસોમાં વિનોદ વિહારને આપ સૌ મિત્રો તરફથી જે સુંદર સહકાર મળ્યો છે એ બદલ આભાર વ્યક્ત કરી નવા વરસે પણ એથી વધુ  સહકાર મળતો રહેશે એવી આશા રાખું છું.

આજથી શરુ થતું નવું સંવત વર્ષ આપ સૌને સુખ, સફળતા ,તંદુરસ્તી ,આનંદ,સમૃદ્ધિ અને સંતોષ આપનારું સુંદરત્તમ વર્ષ બની રહે તેવી મારી અનેક હાર્દિક શુભ કામનાઓ છે .

HAPPY NEW YEAR — HAPPY NEW YOU

સાલ મુબારક

વિનોદ પટેલ

===========================

You did not choose your date of birth,
Nor do you know your last,
So live this gift that is your present,
Before it becomes your past.
–Linda Ellis

===========================

ફેસ બુક પાનાઓમાંથી પ્રાપ્ત કેટલીક પ્રસંગોચિત સામગ્રી.

જુઓ, શ્રી રઈશ મનીઆર નવા વર્ષ માટે શું કહે છે :

સહુ મિત્રોને સાલમુબારક કહેવાનું આ માત્ર એક નિમિત્ત છે, બાકી જીવનને વર્ષોમાં વહેંચી શકાતું નથી. અને જીવનને માત્ર ઉત્સવોની આંખે જોઈ શકાતું નથી. છતાંય જીવનમાં આંતરિક અને બાહ્ય સંઘર્ષમાં રત પ્રત્યેક વ્યક્તિ, પોતાની અંદર રહેલ શુભને વેગ આપવા માંગતી પ્રત્યેક વ્યક્તિ વર્ષ બદલાય ત્યારે હૌસલા અફઝાઈનો, પ્રોત્સાહનનો હકદાર હોય છે.

વીતેલા વરસને પ્રેમપૂર્વક વિદાય આપીએ અને એક સૌમ્ય નૂતનવર્ષની અપેક્ષા રાખીએ.

ઉમીદોનો મનમાં નવો ફાલ આવે

ખુશી આંગણે ઝૂમતી ચાલ આવે

આ જીવતર ઉપર કંઈ નવું વ્હાલ આવે

એ રીતે તમારું નવું સાલ આવે

આજ મુબારક..કાલ મુબારક

સૌને અમારું વ્હાલ મુબારક

મળે કોઈને ના ઝખમ કોઈ બીજો

ક્ષમાથી ઊંચો ના ધરમ કોઈ બીજો

સમયથી ન સારો મલમ કોઈ બીજો

નવો દિન ગુલાબી લઈ ગાલ આવે

એ રીતે તમારું નવું સાલ આવે

આજ મુબારક..કાલ મુબારક

સૌને અમારું વ્હાલ મુબારક

અનુભવ નિરંતર ઘડે મિત્ર તમને

નિરાશા કદી ના અડે મિત્ર તમને

પરિશ્રમનું ફળ સાંપડે મિત્ર તમને

સકલ લાભ શુભ યોગ તત્કાલ આવે

એ રીતે તમારું નવું સાલ આવે

આજ મુબારક..કાલ મુબારક

સૌને અમારું વ્હાલ મુબારક

નવા સાલમાં પહેલા જેવા ન રહેશો

નવા સાલમાં કૈંક સંકલ્પ લેશો

નવા સાલમાં ભોળપણથી પ્રવેશો

જે રીતે જગતમાં નવું બાલ આવે

એ રીતે તમારું નવું સાલ આવે

આજ મુબારક..કાલ મુબારક

સૌને અમારું વ્હાલ મુબારક

રઈશ મનીઆર

==================

ભક્ત રણછોડ એમના આ પ્રેરક પદમાં દિલનો દીવો કરવાનું ઈજન આપે છે

એમને પણ સાંભળો :

થયું ભો મંડળમાં અજવાળું રે

દિલમાં દીવો કરો રે, દિલમાં દીવો કરો.
કૂડા કામક્રોધને પરહરો રે…દિલમાં
દયા-દીવેલ પ્રેમ-પરણાયું લાવો,
માહા સુરતાની દિવેટ બનાવો,
મહા બ્રહ્મ અગ્નિ ચેતાવો રે…દિલમાં
સાચા દિલનો દીવો જ્યારે થાશે,
ત્યારે અંધારું સૌ મટી જાશે,
પછી બ્રહ્મ લોક તો ઓળખાશે રે…દિલમાં
દીવો અનભે પ્રગટે એવો,
તનનાં ટાળે તિમિરના જેવો,
એને નયને તો નીરખીને લેવો રે… દિલમાં
દાસ રણછોડે ઘર સંભાળ્યું,
જડી કૂંચી ને ઉઘડ્યું તાળું,
થયું ભો મંડળમાં અજવાળું રે…દિલમાં
રણછોડ

=======================

શ્રી પ્રકાશ ગજ્જર અને હું એક જ માતૃ સંસ્થા સર્વ વિદ્યાલય- કડીના જુના વિદ્યાર્થીઓ છીએ. વિદ્યાર્થીકાળથી  જ તેઓએ સાહિત્ય સર્જન શરુ કર્યું છે. આધ્યાત્મિક ચિત્તવૃત્તિ ધરાવતા મારા આ ફેસ બુક મિત્ર એમના પ્રેરણાદાયી-Motivational – સાહિત્યથી ખુબ જાણીતા છે.

નવા વર્ષની શરૂઆત મિત્ર શ્રી પ્રકાશ ગજ્જર લિખિત નીચેની  સુંદર પ્રાર્થનાથી કરીએ .

સર્વશક્તિમાન પરમાત્માની સર્વદર્શી આંખ સદાસર્વદા મારી સંભાળ રાખી રહી છે ને મારા ઉપર સતત અમીવર્ષણ કરી રહી છે. એનો પરમ શક્તિશાળી હાથ – જે બ્રહ્માંડના કોઈપણ ખૂણે પહોઁચીને ગમે તે કાર્ય સાવ સરળતાથી કરી શકે છે તે – મારી પાસે છે, ઉપર છે, નીચે છે, આસપાસ છે. એ સતત મારૂં રક્ષણ કરે છે. પછી ચિઁતાની શી જરૂર? હું સાવ નચિઁત છું, સુરક્ષિત છું, પ્રભુની શક્તિથી પ્રેરાયેલો છું.

હે પ્રભુ! જે ઘટનાઓ બનવાની છે તે સહન કરવાની શક્તિ આપો. દુઃખોમાં અડગ રહીએ, ગુસ્સો આવે ત્યારે શાંત રહીએ અને ભાગ્યના ભયંકર પલટા સાથે આસમાની-સુલતાની થઈ જાય ત્યારે છેક મૃત્યુના દ્વાર સુધી પણ પરસ્પરને વફાદાર અને પ્રેમભર્યા રહીએ એવો અનુગ્રહ કરો.

પારસ-પ્રાર્થના, જનકલ્યાણ, જુલાઈ ૧૯૯૫, પૃ. ૩૩

કેટલીક ગમતી કાવ્ય ક્ન્ડીકાઓનો આસ્વાદ

 

છોડ દીવાને પહેલાં તું મને પ્રગટાવને,

આવવા તૈયાર છું, રસ્તો જરા બદલાવને.

– અનિલ ચાવડા

~~~~

છો વેદ વાંચનારાને માનહાનિ લાગે

પ્રસ્વેદ પાડનારા અમને તો જ્ઞાની લાગે

– રઈશ મનીયાર

~~~~

હમણાં કશું લખાતું નથી એવું કેમ છે ?

ખુદને મળી શકાતું નથી એવું કેમ છે ?

– મેગી અસનાની

~~~~

ક્યારેક સારો લાગે ક્યારેક નરસો લાગે

તોયે માણસ મને હૈયાસરસો લાગે

– સુરેશ દલાલ

~~~~

શબ્દોમાં ક્યાં સમાય છે તારી ને મારી વાત ?

અર્થોમાં ક્યાં ચણાય છે તારી ને મારી વાત ?

– રમેશ પારેખ

~~~~

( 542 ) મજા કંઇક ઓર છે ……….ગઝલ ……….વિનોદ પટેલ

જિંદગીમાં પ્રથમ વાર જ આ ગઝલ લખવાનો પ્રયત્ન કર્યો છે .

ખબર નથી કે ગઝલના નિયમોનું પાલન થયું છે કે નહીં .

મનમાં જે ઉગ્યું એને ગઝલના ઢાળમાં ઢાળ્યું છે .

રદીફ, કાફિયાનું કોઈ બંધન હોય તો એની ખબર નથી .

આ રચના વખતે વિચારો વહ્યા એમ વહેવા દીધા છે .

તમે એને ગઝલ માનો તો એ ગઝલ નહી તો વિચાર મંથનોમાંથી નીપજેલી એક કાવ્ય રચના .

ગઝલ પણ અંતે તો એક કાવ્ય રચના જ છે  ને !

આશા છે મારો ગઝલ રચનાનો આ પ્રથમ પ્રયત્ન આપને ગમે .

વિનોદ પટેલ

========================================

 

મજા કઇંક ઓર છે …..ગઝલ……વિનોદ પટેલ

એક પર્વત ઉર ચડતાં વારંવાર પડી ગયા પછી,

શિખરે સુખરૂપ પહોંચી જવાની મજા કંઇક ઓર છે .

પ્રેમ પંથમાં અનેક વાર હૃદયભગ્ન થયું હોય પછી,  

સદા માટે પ્રેમિકા મેળવવાની મજા કઇંક ઓર છે .

 

જીવનની રાહમાં અનેક વાર હારની હારમાળા પછી,

અંતિમ ઇચ્છિત જીત મેળવવાની મજા કઇંક ઓર છે .

જીવનમાં ભૂલેચૂકે દુષ્કૃત્યો થઇ ગયાં હોય એ પછી,

સુધરીને સત્ય માર્ગે ચાલવાની મજા કઇંક ઓર છે . 

 

પરિવર્તન જીવનનો અનિવાર્ય નિયમ છે એ સમજી,

નવા સુધારાઓને અપનાવવાની મજા કઇંક ઓર છે.   

જીવનમાં હંમેશા બધું સમું સુથરું બનતું નથી હોતું ,

 માટે પડ્યું પાનું નિભાવી લેવાની મજા કઇંક ઓર છે. 

 

જિંદગીનો આ એક પાઠ સૌએ શીખી લેવા જેવો છે કે,

દુખો ભોગવ્યા પછી સુખ મળે એની મજા કઇંક ઓર છે .

આ ભવસાગરમાં અનેક વિપરીત તોફાનો વટાવ્યા પછી,

હરી નામ ભજતાં મોક્ષ મેળવવાની મજા કઇંક ઓર છે .  

 

વિનોદ પટેલ

 

 

 

 

( 530 ) ‘’સુખ એટલે ‘ ….. (કાવ્ય )…… વિનોદ પટેલ …… શબ્દોનું સર્જન …

"બેઠક" Bethak

vinod patel પ્રિય પ્રજ્ઞાબેન ,
“શબ્દોનું સર્જન ” બ્લોગ માટે ખાસ તૈયાર કરીને  સુખ-દુખ વિશેની મારી એક
કાવ્ય રચના સૌ પ્રથમ આપને મોકલું છું. મને આશા છે આપને અને વાચકોને
એ ગમશે।
સાર, સસ્નેહ,

સુખ – દુખ નું  કાવ્ય ….. વિનોદ પટેલ 

જીવન ચગડોળના ડબામાં આપણે બેઠાં છીએ
ડબો દુઃખમાં નીચે અને સુખમાં ઉપર જાય છે
ચગડોળની મોજ છે ,ને પડવાની બીક પણ છે
પણ આમ જ જીવન મેળાની મજા લુંટાય છે.  
   
જીવનમાં ક્યારેક સુખની વર્ષા થતી જોવાય છે
તો ક્યારેક દુખોના વાદળોથી અંધકાર ઘેરાય છે.
સુખની વર્ષા ટાણે મેઘ ધનુના રંગો દેખાય છે
જીવનમાં આનંદની અનુભૂતિ છવાઈ જાય છે
દુખના અંધકારમાં આભમાં તારાઓ દેખાય છે
તારાઓના પ્રકાશથી આગળ માર્ગ વર્તાય છે
સુખમાં મેઘધનુષ્ય એ અલ્પ કાળની ખુશી છે
દુઃખમાં તારાઓ  ભાવી સુખની નિશાની છે .
 
જીવનનું આ સત્ય સૌએ યાદ રાખવા જેવું છે 
 સુખ યા દુખ  એ જીવન સિક્કાની બે બાજુ છે
 
સુખી થયા , ગર્વ ના કરો, સુખ કંઈ કાયમી નથી.
દુખી થયા…

View original post 15 more words