વિનોદ વિહાર

ગુજરાતી ગદ્ય-પદ્ય સર્જનની આનંદ યાત્રા

Category Archives: તસ્વીરો

( 986 ) માનવતાની પ્રેરણાદાયી તસ્વીર

*નીચેની તસ્વીર નાઈજીરિયા ,આફ્રિકાના બે વર્ષના ભૂખ્યા,તરસ્યા અને નગ્ન બાળકની છે.એ વિચ છે એમ માની કુટુંબે એને તરછોડી દીધો હતો. ડેનમાર્કની સામાજિક કાર્યકર્તા એન્જા રિંગ્રીન લોવેને એને એડોપ્ટ કરીને ઉછેરે છે.

* છ સાત મહિનામાં જ આ બાળકના શરીરમાં અને એના જીવનમાં ગજબનો પલટો આવે છે.ફેસ બુક ઉપર આ વાત વાઈરલ થાય છે અને  આવા બાળકોના ઉધ્ધાર માટે લોકો આ વર્કરને ડોનેશન આપે છે.

  • બે વર્ષના આ બાળકનું નામ “હોપ ” રાખ્યું છે એ કેટલું  સાર્થક છે !એક સેવાભાવી મહિલાએ જે “હોપલેસ” હતો એ બાળકમાં માનો પ્રેમ આપી “હોપફૂલ “બનાવી દીધો !

  • સલામ છે આ માનવતાની મુરત સમી સેવાભાવી મહિલાને .

માનવતાને ઉજાગર કરતી આ સત્ય ઘટનાની વિગતો નીચેના ચિત્રલેખામાં પ્રગટ અહેવાલ અને બે યુ-ટ્યુબ વિડીયોમાંથી જાણી શકાશે.

વિનોદ પટેલ     

two-year-old-nigerian-baby

 

વિશ્વની સૌથી વધુ પ્રેરણાદાયી તસવીર તરીકે ઓબામા અને પોપને પછાડી આ મહિલા નીકળી આગળ

લંડન-અમેરિકાના વિદાઈ લઈ રહેલા પ્રમુખ બરાક ઓબામા, રોમન કેથલિક સંપ્રદાયના વડા પોપ ફ્રાન્સિસ, દલાઈ લામા જેવી જાણીતી હસ્તીઓને પાછળ છોડી ડેનમાર્કની સામાજિક કાર્યકર્તા એન્જા રિંગ્રીન લોવેને વિશ્વના પ્રેરણાદાયી લોકોની યાદીમાં પ્રથમ સ્થાન પ્રાપ્ત કર્યું છે. આ યાદી જર્મની ભાષાના લોકપ્રિય મેગેઝિન ‘ઉમ’એ જાહેર કરી છે.

એન્જા રિંગ્રીને આ વર્ષની શરૂઆતમાં બે વર્ષના હોપ નામના નાઇજીરિયન બાળકને દત્તક લીધો હતો. આ બાળકને પાણી પીવડાવતી તેની તસવીર સોશિયલ મીડિયા પર વિશ્વભરમાં વાઇરલ થઈ હતી અને ખૂબ ચર્ચામાં રહી હતી. આ બાળક કુપોષણથી પીડાતો હતો જેની સારવાર માટે આ સમાજ સેવિકાએ તેને દત્તક લીધો હતો. જોકે રિકવરી બાદ હવે હોપ મુક્તપણે પોતાનું જીવન જીવી રહ્યો છે. એન્જાએ હોપને દત્તક લઈ તેની દેખભાળ કરી હતી, ત્યાર બાદ તેની હાલતમાં સુધારો આવ્યો હતો.

હોપ નામનો આ બાળક જે સ્થિતિમાં મળ્યો હતો તે જોતાં તેના બચવાની કોઈ આશા નહોતી. શરીર પર ન તો કપડાં હતાં કે ન પેટમાં અન્ન. રસ્તા પર ભટકી રહેલા આ બાળકને લોકો રાક્ષસ કહેતા હતા અને ભૂખથી તડપી રહેલા આ બાળકને મારી રહ્યા હતા. બાળકના સદનસીબે ડેનમાર્કની સમાજ સેવિકા એન્જા ત્યાં પહોંચી. તેણે લોકો પાસેથી હોપને છોડાવ્યો. જોકે બાળકને બચાવવા માટે ત્યાં રહેલા લોકોને એન્જાએ પોતાની પાસે રહેલા તમામ પૈસા આપી દેવા પડ્યા હતા.

( સૌજન્ય- ચિત્રલેખા)

Care worker reveals how Nigerian ‘witch child’ is much healthier since image

Dramatic rescue of two-year-old boy accused of being a witch in Nigeria

( 601) અમેરિકન કુતરી ! ……. ( એક ચિત્ર કથા ) ……. હિમતલાલ જોશી ( આતા )

એક નેટ મિત્રએ મને ઈ-મેલમાં માનવીઓ જેવી જ અદામાં કુતરાઓના કેટલાક રમુજી ફોટા મોકલ્યા હતા .એમાંથી પસંદ કરીને મને ગમેલા નીચેના બે ફોટા “આધુનિક કુતરાઓ “નું શીર્ષક આપીને મારા નજીકના બ્લોગર મિત્રોને જોવા એમને ઈ-મેલથી મોકલ્યા હતા . 

પહેલા ચિત્રમાં ચાર કુતરાઓ જાણે કોઈ ક્લબમાં કાર્ડની ગેમ રમતા હોય એમ કેવા રીલેક્સ થઈને બેઠા છે !બીજા ચિત્રમાં કોમ્પ્યુટરની કી દબાવીને  કઇંક લખવામાં મગ્ન  થઇ ગયેલો એક કુતરો દેખાય છે! કોઈ ઉસ્તાદ ફોટોગ્રાફરના કેમેરા અને એના ભેજાની કમાલ જેવા આ ફોટા ખરેખર કાબીલે દાદ છે !

આ ફોટા જોઇને ઘણા મિત્રોએ એમના પ્રતિભાવો મને લખ્યા એમાં ફીનીક્ષ,એરીજોનામાં, જુનાગઢના સાવજની જેમ એકલા રહેતા હિંમતના ભંડાર જેવા, આતાના હુલામણા નામે પ્રખ્યાત ,૯૩ વર્ષના ,આતાવાણી બ્લોગના બ્લોગર મારા પ્રિય મિત્ર હિમતલાલ જોશીએ જે જવાબ લખી મોકલ્યો એ મને ખુબ જ ગમ્યો. 

આતાજીએ જવાબમાં એક મજાની વાર્તા લખી મોકલી. આતાજીના ખુશ મિજાજી સ્વભાવનાં પણ તમને એમાં દર્શન થશે .એમના જવાબને સહેજ સાજ મઠારીને આતાની લખેલી આ આખી મજાની વાત આજની પોસ્ટમાં પ્રસ્તુત છે.

આતાજીની આ કાલ્પનિક ટૂંકી વાર્તાની ખરી ખૂબી અને મજા એના અંતમાં છે .એ અંત મને ગમ્યો એવો તમને પણ જરૂર ગમશે . 

વિનોદ પટેલ 

====================================

દેશીંગાના ગામઠી લેબાશમાં હિમતલાલ જોશી.-આતા

દેશીંગાના ગામઠી લેબાશમાં હિમતલાલ જોશી.-આતા

અમેરિકન કુતરી !  — હિમતલાલ જોશી ( આતા ) 

મારી પ્રિન્ટીંગ પ્રેસની જોબ વખતે મારી સાથે કામ કરતી મારી મિત્ર કેથીએ  ઇન્ડિયા જવાનો મનસુબો ઘડ્યો. મને એની વાત કરી અને મારા ગામ દેશીંગાની   ખાસ  મુલાકાત લેવાની ઈચ્છા  વ્યક્ત  કરી  .કેથીએ એની સાથે એની પ્રેમાળ  કુતરીને પણ લઇ જવાનું નક્કી કર્યું  . મેં એને સાથે કુતરી ન જઈ જવા માટે  ખુબ સમજાવી . 

 કેથી કહે  મારી કુતરી  બહુ ફ્રેન્ડલી છે ,જરાએ હેરાન નહીં કરે . મેં કીધું  કે તારી કુતરી ફ્રેન્ડલી  હશે  , પણ અમારા  ઘેડના ડાઘીયા  કુતરા  , ફ્રેન્ડલી નથી  . એમાં ય તારી કુતરી ઓપરેશન કરીને નપુંસક  કરેલી  છે  .એટલે એને  જરાય આવકારશે નહિ  . 

આમ સમજાવ્યા છતાં  ઇન્ડીયાની મુલાકાત વખતે એની સાથે એની કુતરી સાથે મારે ગામ દેશીંગા ગઈ .

ગામમાં કેથીની કુતરીને એક  સાવઝ જેવા વાળ અને એના જેવા જ કેસરી  રંગના  ડાઘીયા કુતરાએ જોઈ . કુતરી એને મળવા જતી હતી એટલે  કેથીએ એને ડારો દઈને રોકી અને પોતાની ડાબી બાજુ  દોરીથી  ડોકે પટા સાથે  સાંકળ બાંધી હતી એનાથી  ખેંચીને  પાસે બેસાડી દીધી . 

આ જોઇને પેલો ડાઘીયો  કુતરો બોલ્યો: 

”અલી અમરીકન કુતરી ,તને આવું પરાધીન પણું ગમે છે ?’ 

અમેરિકન કુતરી બોલી:

”મને ખાવાનું કેટલું સરસ સરસ માણસો જેવું તૈયાર મળે છે  . તારી જેમ  રખડીને કોકનું ખાવાનું ઝપટ મારીને આંચકીને  ખાતી નથી  .” 

અમેરિકન કૂતરીનો આ જવાબ સાંભળીને મારા જેશીંગા ગામના સાવજ જેવા ભારતીય ડાઘીયાએ ઉર્દૂના શેરમાં અમેરિકન કુતરીને યાદ રહી જાય એવો જવાબ આપી દીધો :

मिले खुश्क रोटी जो आज़ाद  रह कर
वो खौफ और जिल्लतके  हलवे से बेहतर

એટલે કે “આઝાદીની લુખી સુખી રોટી “મને જે મળે છે એ તારા” ગુલામીના હલવા-મીઠાઈ પકવાન ” કરતાં ઘણી જ  બહેતર છે.તારી એવી ખુશી તને મુબારક! 

—હિમતલાલ જોશી (Ataai)

આ ટચુકડી વાર્તાના અંતમાં આતાજીએ કેવી સમજવા જેવી વાત કહી દીધી છે !

તમે આને એક રૂપક કથા પણ કહી શકો ! 

આતાજી અને એને પુત્રની જેમ પ્રેમ કરતો એમનો  પડોશી મિત્ર ક્રીસ - ક્રિસને ઘેર  થેંક્સ ગીવીંગ ડે ઉપર લીધેલો હાલનો ફોટો.

આતાજી અને એમને પુત્રની જેમ પ્રેમ કરતો એમનો પડોશી મિત્ર ક્રીસ – ક્રિસને ઘેર થેંક્સ ગીવીંગ ડે ઉપર લીધેલો હાલનો ફોટો.

આતાજીના બ્લોગ આતાવાણીની આ લીંક ઉપર તમે જો એની મુલાકાત લેશો તો તમને ઉપર કહી એવી ઘણી મજાની એમના જીવનના અનુભવોની વાતો ત્યાં તમને વાંચવા મળશે અને એમના ખુશ મિજાજી રંગીલા મિજાજનો પરિચય પણ મળશે. એમના દીર્ઘાયુંનું આ જ તો છે રહસ્ય !

અગાઉ વિનોદ વિહારમાં પ્રગટ આતાની એક સત્ય ઘટના ઉપર આધારિત વાર્તા પાંજરાપોળ ને અહી ક્લિક કરીને વાંચો.

પાંજરા પોળ…સત્ય ઘટનાત્મક વાર્તા …હિમતલાલ જોશી ( આતા ) 

( 552 ) ઈ-યુગના આધુનિક ગણેશજી ……. એક ચિત્ર કાવ્ય …… વિનોદ પટેલ

એક મિત્રના ફેસ બુક પેજ ઉપર નીચેના ગણેશજીના ચિત્ર ઉપર મારી નજર અટકી ગઈ !

ચિત્ર મને ગમ્યું .

આ ચિત્ર જોઇને મારા મનમાં જાગેલ વિચાર મંથનોમાંથી આકાર પામી

નીચેની અછાંદસ કાવ્ય રચના . આશા છે આપને એ ગમે.

આ રહ્યું એ ચિત્ર

ગણેશ- ૧

આ રહી  અછાંદસ કાવ્ય રચના

ઈ-યુગના આધુનીક ગણેશજી 

ઈ-યુગના જુઓ આ છે એક આધુનિક શ્રી ગણેશ,

મુષક પર સવાર થઇ,નીકળી પડ્યા દેશ- વિદેશ.

અદાથી ખોળા ઉપર મુક્યું છે જુઓ કેવું લેપ ટોપ

હાથમાં પણ માઉસ ગ્રહી સ્થિર નજરે નિહાળતા,

ઘુમી રહ્યા જુઓ કેવા ધ્યાનથી આખા એ નેટ વિશ્વમાં.

આંગળીઓ રમી રહી બોર્ડ પર કેવી ટપાટપ,

દેખાય ગણેશજી ખુબ ખુશ, નુતન ઉપકરણ પામીને.

શું નિહાળી રહ્યા હશે એક નજરે તેઓ સ્ક્રીન પર,

જોઈ રહ્યા હશે શું મુવી ગણેશ મહિમા યુ-ટ્યુબ પર,

કદાચ ઈ-મેલ મોકલી રહ્યા હશે રિદ્ધિ સિદ્ધિને,

જેમને ઘેર મૂકીને આવ્યા છે આજે શ્રી ગણેશ.

હાથમાં માઉસ અને લેપટોપ સાથે નીકળેલી જુઓ,

સાયબર યુગના ગણેશજી ની મુષક પર સવારી !

કેવી અજબ છે ઈ-યુગના ગણેશજીની આ કથા,

કોપ્યુટર મળતાં જેમને લાડુ ની પણ નથી ચિંતા !

વિનોદ પટેલ

=============================

ટપાલ ટિકિટ પર ગણેશ  “આપણા દેશની ટપાલ ટિકિટો અંગે ખાંખાખોળાં કર્યાં પણ ગણેશ કહેતાં ગણપતિના માનમાં બહાર પાડવામાં આવેલી ટિકિટ મળી નહિ. પણ જ્યાં વધતે ઓછે અંશે હિંદુ ધર્મનો ફેલાવો થયો છે તેવા બીજા કેટલાક પડોશી દેશોએ ગણપતિના માનમાં ટપાલ ટિકિટો બહાર પાડી છે. અહીં તેમાંથી શ્રીલંકા, થાઈલેન્ડ, રિપબ્લિક ઓફ ઇન્ડોનેશિયા અને નેપાળે ગણેશજીના માનમાં બહાર પાડેલી ટિકિટો રજૂ કરી છે.”

ગણેશ-૨

સૌજન્ય : ‘સ્ટેમ્પ ઓફ લેટર્સ’, દીપક મહેતા સંપાદિત ‘અક્ષરની આરાધના’,

“ગુજરાતમિત્ર”, 01 સપ્ટેમ્બર 2014

————————————-

બહુમતી મુસ્લિમ વસ્તી ધરાવતા દેશો ગણેશજીની ટપાલ ટીકીટો બહાર પાડી શકે પરંતુ જે દેશમાં ૭૦ થી ૭૫ ટકા વસ્તી હિંદુ છે એ ભારત દેશમાં કહેવાતા સેક્યુલરોની ટીકાની બીકે સરકાર ગણેશની ટીકીટો બહાર પાડી ના શકે એ કેવું કહેવાય ! 

===================================

ગણ નાયક ગણપતિ શ્રી ગણેશજી ના દરેક અંગો આપણને કોઈને કોઇ જીવન સંદેશ આપે છે

એ એમના નીચેના ચિત્ર ઉપરથી જોઈ શકાય છે .

ગણેશ-૩

 

 

 

( 544 ) ર જી ઓક્ટોબર,ગાંધી જયંતિ / પરિવાર જન્મ દિવસો …….સંકલિત


Gandhi Birth Day -2nd Octoberમારું જીવન એ જ મારો જીવન સંદેશ છે – મહાત્મા ગાંધીજી  


2 જી  ઓક્ટોબર, ૧૮૬૯ (ભાદરવા વદ બારસ, વિ.સં ૧૯૨૫) ના રોજ ગુજરાતના પોરબંદર શહેરમાં જન્મેલ એક બાળક ,મોહન કરમચંદ ગાંધી એક એવા પ્રકારનું ઉન્નત  જીવન જીવી ગયો કે વિશ્વમાં એ 
મહાત્મા ગાંધીના નામે અમર બની ગયો.

એક વિશ્વ માનવ બની ગયો  .

વિશ્વ વિચારક ટોફલર ગાંધીજી વિષે કહે છે  :

“૨૧ મી સદી  ટેકનોલોજીની દ્રષ્ટીએ સેટેલાઈટનો ઉપયોગ કરતી હશે અને 

માનવ મુલ્યોની દ્રષ્ટીએ ગાંધીને અનુસરતી હશે .”

એમની જન્મ જયંતીએ આપણે આ મહાન આત્માને યાદ કરી એમણે ચરિતાર્થ કરેલ જીવન મુલ્યોને આપણા જીવનમાં ઉતારવાનો પ્રયત્ન કરીએ એ જ એમને સાચી શ્રધાંજલિ આપી ગણાશે  .  

વિનોદ પટેલ 

==============================

ગાંધી જયંતી સપ્તાહ 

Gandhi -chrkha

વિનોદ વિહારમાં 2012 ના વર્ષમાં ગાંધી જયંતિ પ્રસંગે એક સપ્તાહ સુધી મહાત્મા ગાંધીજી વિષે વિવિધ લેખો પ્રગટ કરીને ગાંધી જયંતી સપ્તાહની ઉજવણી કરવામાં આવી હતી .

આજની આ ગાંધી જયંતિ પ્રસંગે એ બધા લેખો એક જગાએ  નીચે  ફરી પ્રસ્તુત કરું છું .

(100 ) રજી ઓક્ટોબર એટલે ગાંધી જયંતિ-રાષ્ટ્રપિતા મહાત્મા ગાંધીનો જન્મ દિવસ

(101) ગાંધી જયંતિ (ભાગ-૨)- ગાંધીજીનાં પૌત્રી સુમિત્રા ગાંધીની એમના દાદા વિશેની કેટલીક રસપ્રદ વાતો

(102)The last day of Mahatma Gandhi-Friday, January 30, 1948 (ગાંધી જયંતી – ભાગ 3)

(103 ) ગાંધીજીના જીવનના કેટલાક પ્રસંગો – ગાંધી જયંતી ભાગ-4)

ગરીબોના બેલી મહાત્મા ગાંધીની પુણ્યતિથીએ એક ભાવાંજલિ

==========================================

2જી ઓક્ટોબર, મારા પૌત્ર  અર્જુનનો પણ જન્મ દીવસ

કેવો સુંદર સંજોગ છે કે મારા નાના દીકરા આશિષના પુત્ર અર્જુન નો પણ જન્મ દિવસ આજના ગાંધી જયંતીના પાવન દિવસે આવે છે  . 

સાન ડીયેગોના પ્રાણી સંગ્રહાલયની મુલાકાત વખતે લીધેલી પૌત્ર અર્જુનની એક હાલની તસ્વીર 

બીજી તસ્વીરમાં અર્જુનને બેઝ બોલની પ્રેક્ટીસ કરતો બતાવ્યો છે  .

Arjun and Vinodpatel

અર્જુનની પ્રથમ વર્ષ ગાંઠ ઉપર  ચકી ચીઝના મેજિક કેમેરા ઉપર લીધેલીગ્રાન્ડ પા (દાદા) વિનોદભાઈ સાથેની અર્જુનની એક યાદગાર તસ્વીર 

આજના પાવન દિને ,ચી. અર્જુનને ,ગ્રાન્ડ પા વિનોદભાઈ તરફથી 

11 મા જન્મ દિવસની અનેક 

શુભેચ્છાઓ અને ખોબલે ખોબલે આશીર્વાદ  .

એક બીજો યોગાનુયોગ પણ જુઓ કે મારા બન્ને ય પુત્રોની વર્ષ ગાંઠ આ ઓક્ટોમ્બર મહિનાની તારીખોમાં જ આવે છે  .

આ રવિવારે , 5મી ઓક્ટોબરે, અગિયારસના પવિત્ર દિવસે, આ ત્રણેયની વર્ષગાઠ,  સાન ડીયેગોના સ્વામીનારાયણ મંદિરમાં એકત્રિત હરિભક્તોની હાજરીમાં ભજન અને  ભોજન સાથે અમે આનંદથી ઉજવીશું  .

મારો પરિવાર 

Rakshabandhan -VRP with family- no-1

ડાબેથી દીકરી અને જમાઈ અને બે પુત્રો -સપત્ની સાથેની આ રક્ષા બંધન ના દિવસે

લીધેલી મારી સાથેની એક તસ્વીર 

VRP-WITH 6 G.K.-REVISED

મારાં વ્હાલાં 6 પૌત્ર -પૌત્રીઓ સાથેની મારી એક તસ્વીર 

પ્રિય ચી. અર્જુનને આજે  અને બે પુત્રો ધ્રુવેન અને આશિષ ને એમના આગામી 

જન્મ દિવસો નિમિત્તે વધાઈ અને  સૌના નિરામય દીર્ઘાયુષ્ય માટેની

શુભેચ્છાઓ અને આશીર્વાદ 

પપ્પા અને ગ્રાન્ડ પા –  વિનોદ પટેલ