વિનોદ વિહાર

ગુજરાતી ગદ્ય-પદ્ય સર્જનની આનંદ યાત્રા

Category Archives: ફેસ બુક પેજ… ” મોતી ચારો “

1229 -૮૯ વર્ષના એક આજીવન વિદ્યાર્થીની પ્રેરક કથા

 પરીક્ષા આપવામાં મગ્ન ૮૯ વર્ષના વિદ્યાર્થી શરણાબસવરાજ બીસારાહલ્લીની એક તસ્વીર 

“ जीना इसीका नाम है !”

કર્ણાટકના પુર્વ સ્વાતંત્ર્ય સેનાની અને નિવૃત શિક્ષક શરણાબસવરાજ બીસારાહલ્લી (Sharanabasavaraj Bisarahalli)પાસે કાયદાની તેમજ અન્ય બે વિષયો એમ ત્રણ વિષયોની માસ્ટર્સ ડીગ્રીઓ છે !

હાલ,૮૯ વરસની વયે શરણાબસવરાજ કન્નડ સાહિત્ય પર પીએચડી ડિગ્રી મેળવવાની તૈયારી કરી રહ્યા છે,આ અગાઉ પીએચડી માટેની પ્રવેશપરીક્ષામાં ૫૫% આવવાથી બસવરાજને પ્રવેશ મળ્યો નહતો પણ તેઓએ બીજી વખત પરીક્ષા આપીને જરુરી ૬૬% ઉપરાંત માર્ક મેળવી લીધા છે !છ સંતાનોના પિતા શરણાબસવરાજ પી.એચ.ડી. ની પરીક્ષા આપતા કદાચ પ્રથમ વિદ્યાર્થી હશે.

ગાંધીજીના જીવન કાર્યોથી પ્રભાવિત હોવાથી શરણાબસવરાજે તેમના ગામ કોપ્પલની શાળામાં નોકરી સ્વીકારી સાદગીપુર્ણ જીવન જીવી પોતાની માતા રાછમ્માની સલાહ પાર પાડવાનું ધ્યેય રાખ્યું હતું !

શાળાની નોકરીની ફુરસદ વખતે તેઓએ જુદાંજુદાં વિષયો પર ૧૫ જેટલા પુસ્તકો પણ લખ્યા હતા તેમજ જુદી જુદી માસ્ટર્સ ડિગ્રીની પરીક્ષાઓ સફળતાથી પાર પાડી હતી !

તેઓએ તેમના દરેક વિધાર્થીને ઉત્તમ શિક્ષણ સાથે જીવન જીવવાની સરસ કેળવણી પણ આપી હતી !

શરણાબસવરાજને શિક્ષક તેમજ સ્વાતંત્ર્ય સેનાનીનું જે પેન્શન મળે છે એ તેઓ સામાજીક કામ, કોઈ વિદ્યાર્થી કે કોઈ જરુરિયાતમંદને દાન કરી દે છે !

પોતાની આ ડીગ્રીઓ મેળવવાની ઘેલછાનું રહસ્ય જણાવતા શરણાબસવરાજ કહે છે કે મારા પિતા ઉચ્ચ શિક્ષણના વિરોધી હતા પરંતુ મારી માતા રાછમ્મા મને સલાહ આપતી કે જીવનમાં જેટલું શિક્ષણ મેળવાય તેટલું મેળવતા રહેવું !તેઓએ એમનાં છ સંતાનોને સારું શિક્ષણ પૂરું પાડ્યું હતું.પી.એચ.ડી. નું પતે એ પછી પણ ‘Vachana Sahitya’ ના વિષયમાં આગળ અભ્યાસ કરવાની તેઓ નેમ રાખે છે.આમ તેઓ આજીવન વિદ્યાર્થી તરીકેનું જીવન જીવી રહ્યા છે.

૮૯ વરસની જૈફ વયે પણ એમની માતાએ બાળપણમાં આપેલી સલાહનું સતત પાલન કરતા આવ્યા છે. આજીવન વિદ્યાર્થી શરણાબસવરાજનું આ પ્રેરક જીવન કથન વાંચી સૌ વાચકોના મનમાં થશે કે –

“ जीना इसीका नाम है !”

સાભાર -શ્રી પ્રવીણ પટેલ , મોતીચારોમાથી 

શરણાબસવરાજની આ પ્રેરણાત્મક કથા અંગ્રેજીમાં વિગતે વાંચવા માટે નીચેની લીંક પર ક્લિક કરો.
https://www.thenewsminute.com/article/89-yr-old-freedom-fighter-karnataka-signs-phd-88012

1121 “અપ્પો દીપો ભવ:” ….  તું જ તારો દીવો બન …. 

અપ્પો દીપો ભવ:” ….  તું જ તારો દીવો બન ….આત્મ જ્યોતિ જગાવ 

તારીખ ૧૦-૨૮- ૨૦૧૭ ના રોજ મારા ફેસ બુક ગ્રુપ પેજ ” મોતી ચારો ”  પર  મેં નીચેની પોસ્ટ મૂકી હતી .

તુમ ભગવાનકા દિયા હો… 

માટીનો બનેલો એક નાનકડો દીવડો આખી રાત બળીને, અંધારા સાથે જંગ ખેલીને એને હટાવે છે. તું તો ભગવાનનો બનાવેલો દિવ્ય દીવડો છે, તો પછી તારે ડરવાની કે નિરાશ થવાની શી જરૂર છે. – બ્રહ્મા કુમારી સિસ્ટર શિવાની

 

આ જ દિવસે જાણીતા ગુજરાતી બ્લોગ વેબ ગુર્જરમાં ‘’દીવા’ વિષય ઉપર જ વિવિધ ફિલ્મી ગીતોના વિડીયો અને એની વિવેચના સાથે શ્રી નિરંજન મહેતાનો એક સરસ પોસ્ટ થયો છે.લેખક શ્રી નિરંજન મહેતાના આભાર સાથે એને નીચે પ્રસ્તુત છે. 

દીવો-દીપક ફિલ્મી ગીતોમાં …. નિરંજન મહેતા

શ્રી નિરંજનભાઈએ કરાવેલ આ સંગીત મઢી ફિલ્મી સફરથી  આપના દિલમાં ખુશીનો દીપક જો ના પ્રગટે તો જ નવાઈ.! 

આજના આ દીપક વિષયની પોસ્ટના સંદર્ભમાં જાણીતાં કાવ્ય યાત્રી કવિયત્રી સુ.શ્રી દેવિકા ધ્રુવના નીચેના દિવાળીના  દીપક વિશેની એમની આ ભાવવાહી સુંદર કાવ્ય રચનાને પણ યાદ કરી લઈએ.

આ આખું ભાવવાહી ગીત આ રહ્યું. 

દીપ જલે 

દીપ જલે જો ભીતર સાજન,
 રોજ દિવાળી આંગન.
કાચું કોડિયું વાત  જાણે,
 પરમ પુનિત ને પાવન.


માંજીએ સાચ્ચે મનના બરતન
 ચકચકાટ દિલભાવન.
પછી ખીલે જો ભીતર આતમ,
 રોજ દિવાળી આંગન.


નાની અમથી સમજી લઈએ,
     ક્ષણની આવન જાવન.
 અમાસને અજવાળી લઈએ
 ઝગમગ દીવા મુબારક.


દીપ જલે જો ભીતર સાજન,
 રોજ દિવાળી આંગન. 

દેવિકા રાહુલ ધ્રુવ

આ કાવ્યમાં તેઓ કહે છે કે જો ભીતરનો દીવો જલતો હોય તો બહાર દીવાઓ પ્રગટાવ્યા સિવાય પણ રોજે રોજ દિવાળી જ છે.દિવાળીમાં ઘરની બહાર કે ઘરમાં દીપક ની હારો પ્રગટાવીએ પણ જો આપણી ભીતરમાં અંધારું હોય તો એ સાચી દિવાળી નથી.સાપ ગયા ને લીસોટા રહ્યાની માફક એ માત્ર ઔપચારિકતા કહેવાશે. 

ઉપરના ગીતને દેવિકાબેનના જ સ્વરમાં આ વિડીયોમાં પણ સાંભળો.

સૌજન્ય  … શબ્દોને પાલવડે બ્લોગ

 

દિલમાં દીવો કરો – LIGHTEN UP YOUR HEART 

ભક્ત કવિ રણછોડનું આ જાણીતું ભજન પણ આપણને દિલમાં દીવો કરવાની શીખ આપે છે.

 દિલમાં દીવો કરો 

દિલમાં દીવો કરો રે, દીવો કરો.
કૂડા કામ ક્રોધને પરહરો રે, દિલમાં દીવો કરો રે. દિલમાં

દયા-દિવેલ પ્રેમ-પરણાયું લાવો, માંહી સુરતાની દિવેટ બનાવો;
મહીં બ્રહ્મ અગ્નિ ચેતાવો રે, દિલમાં દીવો કરો રે. દિલમાં

સાચા દિલનો દીવો જ્યારે થાશે, ત્યારે અંધારું સૌ મટી જાશે;
પછી બ્રહ્મલોક તો ઓળખાશે રે, દિલમાં દીવો કરો રે. દિલમાં

દીવો અભણે પ્રગટે એવો, તનનાં ટાળે તિમિરનાં જેવો;

એને નયણે તો નરખીને લેવો રે, દિલમાં દીવો કરો રે. દિલમાં

દાસ રણછોડે ઘર સંભાળ્યું, જડી કૂંચી ને ઊઘડ્યું તાળું;
થયું ભોમંડળમાં અજવાળું રે, દિલમાં દીવો કરો રે. દિલમાં

ભક્તકવિ રણછોડ

 બેઠક સાહિત્ય સંસ્થાનાં એક મુખ્ય સંચાલિકા સુ.શ્રી પ્રજ્ઞાજીએ કરાવેલ સુંદર આસ્વાદ અહીં  ક્લિક કરીને વાંચી શકાશે.

અંતમાં એટલું જ કહીશ કે અંતરનો દીવો સદા પ્રજ્વલિત રહેવો જોઈએ તો જ અંતરમાં અજવાળું ફેલાઈ શકે અને એની મદદ વડે આપણા જીવનનો રાહ અંધારામાં ભટકાયા વિના સંતોષથી અને સારી રીતે પૂરો કરી શકીએ.મારા એક કાવ્ય’’ મને શું ગમે ‘’માં પણ મેં કહ્યું છે.

એક સુરજ થવાનાં નથી મને કોઈ શમણાં,

માટીના મારા કોડીયામાં તેલ-વાટ પેટાવી,

અંધારાં ઉલેચતો ઘરદીવડો થવાનું મને ગમે . 

વિનોદ પટેલ, સાન ડીએગો ,૧૦-૨૮-૨૦૧૭

 

સૌજન્ય- શ્રી સુરેશ જાની 

( 747 ) મારી અછાંદસ કાવ્ય રચનાઓ/ ચિત્ર કાવ્યો

આજે મારા ફેસ બુકના ગ્રુપ પેજ મોતી ચારો 

પર મુકેલ આ બે રચનાઓ વિ.વિ. ના વાચકો માટે આજની પોસ્ટમાં પ્રસ્તુત છે.

મારી આ બે સ્વ-રચિત અછાંદસ ભાવવાહી રચનાઓ માણો.

જિંદગીની સફળ સફર

જિંદગીની આ સફર “સફળ ” કરવાની હોય છે,
જિંદગીની સફરમાં ” સફર “પણ કરવું પડે છે.
સફર કરીને પણ સફરને જે સફળ બનાવે છે,
એ જ મનુષ્યનું જીવ્યું આ જગતમાં સફળ છે.

હું એક પતંગિયું !

એક રંગબેરંગી મનરંગી ઉડતું પતગીયું છું હું
પાંખોમાં મેઘ ધનુષ્યના રંગો લઈને ઉડું છું હું
ભર્યા બાગ જંગલોમાં મુક્ત વિહાર કરું છું હું
સુંદર ફૂલો ઉપર બેસી રોજ રસપાન કરું છું હું
રસાતુર પ્રેમી જનોને એ રસ પાઈ વિનોદુ છું હું
આ રીતે મારી જીવન યાત્રાને ગમતી કરું છું હું !

વિનોદ પટેલ

 

 ચિત્ર કાવ્યો 

મોતી ચારોમાં મુકેલ નીચેનું ચિત્ર કાવ્ય વાચકોને ખુબ પસંદ પડ્યું હતું .

આ ચિત્ર કાવ્ય માટે આજે જ ઈ-મેલમાં વાચક મિત્ર શ્રી Prabhulal Tataria એ લખ્યું છે:શ્રી વિનોદભાઇ,ખરેખર હ્રદય શ્પર્સી ચિત્ર છે અને અનુરૂપ શબ્દો પ્રયોજયા છે, આભાર.”

આ ચિત્ર કાવ્યને આપ પણ અહીં માણો.

વતન ભારતમાં આવાં ગરીબ અને મહેનત જીવી મહિલાઓનાં દ્રશ્યો જોવા મળે એ આર્થિક પાવર ની વાતો કરતા દેશના નેતાઓ માટે શરમ રૂપ ગણાવાં જોઈએ.

chitra kaavy-1

આ ચિત્ર જોઈ આ કાવ્ય સુઝ્યું ..

જીવતરનો બોજ

એના માથે ચણતરનો બોજ છે
એની કમરે જણતરનો બોજ છે
એના મનમાં જીવતરનો બોજ છે
પણ નેતાઓને ક્યાં કશું નડતર છે ?
આહ, આ તો કેવું માવતર હોય છે ?
ગરીબોનું આ તો કેવું કરુણ જીવતર છે ?
પેટનો ખાડો પુરવા કેવી વેઠ કરાવે છે !

વિનોદ પટેલ

એક ફૂલનો સંદેશ !chitr kaavy-2

કદાચ જો બરાબર વાંચી ના શકાય તો આ ચિત્રમાં જે લખાણ છે એ આ છે.

ધગતા લાવામાં ભસ્મીભૂત થયેલ ફૂલો વચ્ચે
ખીલી ઉઠ્યું છે કેવું આ એકલું રંગીન પુષ્પ !
આપી રહ્યું જાણે માનવીઓને એનો સંદેશ કે –
નીરાશાઓ વચ્ચે પણ એક આશા અમર છે .

એક ચિત્રકુ- ચિત્ર હાઈકુ chitr kaavy-3

( 714 ) સૌ માતાઓને હેપ્પી મધર્સ ડે- માતૃદિન મુબારક

Happy mothers day

આજે ૧૦મી  મે ૨૦૧૫ નો દિવસ મધર્સ ડે નો દિવસ છે .

દર વર્ષે મે મહિનાના બીજા રવિવારે જન્મ દાતા માનું સન્માન કરવાના હેતુથી મધર્સ ડે- માતૃ દિન ઉજવાય છે.

માતૃ દિન એટલે આપણા જીવનમાં માતાએ આપેલ ત્યાગ, બલિદાન અને પ્રેમને યાદ કરી માનું જાહેરમાં ઋણ સ્વીકારવાનો દિવસ .

આ દિવસે સંતાનો પોતાની માતાને યાદ કરી એના ઉપકારો અને ત્યાગ માટે જુદી જુદી રીતે માતાને અંજલી આપશે .

મારા જીવનમાં મારાં સ્વ.માતુશ્રી મારા જન્મથી માંડી એમના જીવનના અંત સુધી મારી સાથે જ મારી નજર સામે રહ્યાં હતાં . મને એમના તરફથી જે અપાર પ્રેમ પ્રાપ્ત થયો હતો એ ભૂલ્યો ભૂલાય એમ નથી.

SRP-MODHER'S DAY-2

સ્વ. શાંતાબેન રેવાભાઈ પટેલ (અમ્મા )

એમના પ્રેરક જીવનની ઝાંખી કરાવતો પ્રતિલિપિમાં પ્રકાશિત નીચેનો લેખ અને એ લેખના અંતે મુકેલ “માતૃ વંદના “નામના મારા એક સ્વ-રચિત કાવ્ય દ્વારા એમને નત મસ્તકે સ્મરણાંજલિ આપું છું.

પૂજ્ય માતુશ્રી સ્વ.શાંતાબેન પટેલ (અમ્મા)ની જીવન ઝરમર અને કાવ્યાંજલિ — વિનોદ પટેલ
http://www.pratilipi.com/read?id=5748225885601792

હે મા ,તેરી સુરત સે અલગ  ……  ભગવાન કી સુરત ક્યા હોગી !

અગાઉ વિનોદ વિહારની પોસ્ટ નંબર 708 માં જણાવ્યા મુજબ ફેસ બુક પર મારું એક નવીન પેજ “મોતી ચારો” શરુ કરવામાં આવ્યું છે.

આ મોતી ચારોના પેજ ઉપર તારીખ ૫-૮-૨૦૧૫ થી તારીખ ૫-૧૦-૨૦૧૫ ની ત્રણ પોસ્ટમાં મધર્સ ડે વિશેના લેખો , કાવ્યો, વિડીયો,ચિત્રો વી. આ પ્રસંગને ઉજાગર કરતી રસસ્પદ સામગ્રી પોસ્ટ કરી છે એને નીચેની લીંક ઉપર વાંચવા વિનંતી છે . 

https://www.facebook.com/groups/moticharo428/

 Mother’s Day Special – Meri Pyari Maa –

Bollywood Memorable Moms – Audio Jukebox

આ યાદગાર ઓડિયો સાંભળવા નીચેના ચિત્ર ઉપર ક્લિક કરો

Mothers Day special

Happy Mother’s Day to all mother’s in the world and to those who have passed and still remain in our hearts! Today is the day mother’s should be cherished, appreciated and loved.

Mom – (Mother’s Day)

( 708 ) ફેસ બુક પર મારું એક નવીન પેજ… ” મોતી ચારો “

ફેસ બુક ઉપર મારું એક નવીન પેજ…

” મોતી ચારો “… જીવન પ્રેરક સાહિત્યનો મધપુડો

માણસના મનમાં કંઇક નવું નવું કરવાના ઓરતા જગ પુરાણા છે. દરેક માણસ ના મનમાં નવા નવા વિચારો આવે છે અને જાય છે. એમાંથી કોઈ એક સારો વિચાર મનમાંથી જતો રહે એ પહેલાં એને મજબુતીથી પકડી રાખી એને મૂર્ત સ્વરૂપ આપવા માટે જો પ્રયત્નશીલ બનીએ તો  એ શક્ય બને છે ત્યારે સ્વાભાવિક આનંદની અનુભૂતિ થતી હોય છે.

ફેસ બુક ઉપર ઘણાં સાહિત્ય ગ્રુપ સરસ કામ કરતાં જોઈ એમાંથી પ્રેરિત થઇ મને પણ થયું ચાલો આવું એક પેજ શરુ કરીએ જ્યાં રોજ કઇંક નવું પ્રેરક સાહિત્ય મિત્રોમાં પીરસતા જઈએ .ક્ષીર અને નીર જુદા કરી શકનાર અને મોતીનો ચારો ચરનાર હંસ નજર સામે આવ્યો ,અને આ પેજનું નામ “મોતી ચારો ” મનમાં ફીટ બેસી ગયું.

“મોતી ચારો” પેજ ના માધ્યમથી મનના પટારામાં અને નોટ બુકોમાં અને કોમ્પ્યુટરમાં સંગ્રાહેલું-બચાવેલું અને બચેલું હજુ ઘણું પડ્યું છે એ બહાર આવશે અને ગમતાનો ગુલાલ થતાં આનંદિત થવાશે.છેવટે મનનો આનંદ જ સૌને જોઈએ છે ને ! કોઈ પણ સકારાત્મક માર્ગે જો એ મળતો હોય તો એ મેળવવાની તક શા માટે જતી કરવી ?

મારા આ વિચારને મૂર્ત રૂપ આપી તારીખ ૨૮ મી એપ્રિલ ૨૦૧૫ ની સવાર થી 

” મોતી ચારો ” એ નામે મેં એક નવું ફેસ બુક પેજ શરુ કર્યું છે.

તારીખ ૨૮ મીની આ પ્રથમ પોસ્ટ માં એના ઉદ્દેશ્ય વિષે મેં આ પ્રમાણે લખ્યું છે.

મોતી ચારો … જીવન પ્રેરક સાહિત્યનો મધપુડો

મારી લગભગ ૮૦ વર્ષની જિંદગીમાં જે વાંચ્યું, અનુભવ્યું અને મેળવ્યું અને ગાંઠે બાંધ્યું એમાંથી મને ગમતું સ્વ-રચિત અને અન્યોના સર્જનમાંથી મિત્રો અને અન્યોને વહેંચવા ,ગમતાનો ગુલાલ કરવા માટે મોતી ચારો નામનું એક ગ્રુપ આજે શરુ કર્યું છે.
હંસની જેમ ચરેલા મોતીનો મોતી ચારો કરાવવાનો એનો મુખ્ય આશય છે.
સૌ મિત્રોને એમાં જોડાઈ જીવન સંધ્યાએ શરુ કરેલી આ બુઝર્ગની સર્જનાત્મક
રમતમાં જોડાવા હાર્દિક નીમન્ત્ર્ણ છે .
મને ગમતું એક વાક્ય છે ….”તમારા મૃત્યુ બાદ તમારે ભુલાઈ જવું ના હોય તો
વાંચવા જેવું લખો અથવા કોઈને લખવું ગમે એવું જીવનમાં કૈક કાર્ય કરો .”
આભાર,
વિનોદ પટેલ …. ૪-૨૮-૨૦૧૫

Gandhi Sketch- Vinod Patel

   ફેસ બુકની નીચેની લીંક ઉપર ક્લિક કરીને એના પેજ ઉપર જઈને

“મોતી ચારો” વાંચી/જોઈ શકશે.

https://www.facebook.com/groups/moticharo428/

એમાં તારીખ ૪-૩૦-૨૦૧૫ ના રોજ પોસ્ટ કરવામાં આવેલ પ્રેરક પોસ્ટ અત્રે ફરી રજુ કરું છું.

આજનો મોતીચારો ……એપ્રિલ ૨૯,૨૦૧૫

આજની ઈ-મેલમાં આ સરસ અવતરણ વાંચ્યું.
“There are two primary choices in life: to accept conditions as they exist, or accept the responsibility for changing them.”
~Denis Waitley

આ અંગ્રેજી અવતરણનો અનુવાદ અને વિવરણ

અનુવાદ

“જીવનમાં તમારે આ બે પ્રાથમિક અગત્યની બાબતોમાંથી એકની પસંદગી કરવાની છે .કઈ છે આ બે બાબતો ? એક તો તમારી અત્યારે હાલ જે પરિસ્થિતિ છે એને એ સ્વરૂપે સ્વીકારી લો અથવા તો પછી તમે જે વર્તમાન પરિસ્થિતિમાં છો એમાં સુધારો કરવાની જવાબદારી માથે ઉપાડી લો.”

વિવરણ

જીવનમાં જ્યારે ખરાબ પરિસ્થિતિ આવે છે ત્યારે ઘણા માણસો મનથી ભાંગી પડે છે. નિરાશ થઇ જાય છે. .નશીબને દોષ દે છે કે મારા નશીબમાં એવું લખ્યું હશે શું થાય. આવી પરિસ્થિતિ તમારે મનથી સ્વીકારી લેવી છે કે પ્રયત્નો કરીને તમારે એને બદલી નાખવા માટે પ્રયત્નો કરવાનું શરુ કરવું છે બે માંથી તમારે એકની પસંદગી કરવાની છે .બહાદુર માણસનું એ એક લક્ષણ હોય છે કે કોઈ પણ પરિસ્થિતિમાં એ હિંમત હારતો નથી પણ એને બદલવા માટે પૂરી કોશિશ કરીને એમાંથી સફળતાથી બહાર નીકળી આવે છે.દરેક મહાન પુરુષની જીવન યાત્રાની કથા આવી જ હકીકતોથી ભરપુર છે.પ્રયત્ન વિના કશું સુલભ બનતું નથી.
રાષ્ટ્રપિતા મહાત્મા ગાંધીએ પણ કહ્યું છે કે તમારે દુનિયાને બદલવાની મનમાં જો ખ્વાહીશ હોય તો એની શરૂઆત તમારાથી જ કરો.
“ Be the change you want to see in in the world “એટલે કે તમે જો દુનિયામાં બદલાવ આવવો જોઈએ એવી જો મનમાં ઇચ્છા કરતા હો તો એની શરૂઆત તમારાથી જ કરવી જોઈએ .કોઈ જુઠું બોલતો હોય અને તમે એમ ઈચ્છો કે એ સાચું બોલે તો તમારે જાતે સાચું બોલવાની શરૂઆત કરી દેવી પડે તો જ એની અસર પડે .
આપણામાં એક સરસ કહેવત છે કે આપ મુઆ વિના સ્વર્ગે ના જવાય . તમારા બદલે કોઈ મરે અને તમને સ્વર્ગનું સુખ મેળવવું હોય તો એ ના મળે . એ માટે તો તમારે જાતે મરવું જ પડે !
પેલા મહાત્માની વાત તમોએ વાંચી હશે કે એમના શિષ્યને ગોળ ના ખાવાની સલાહ આપતા પહેલાં એમણે એક અઠવાડિયા માટે ગોળ ખાવાનું છોડી દીધું હતું . ગોળ ના ખાવાનો જાત અનુભવ લીધા પછી જ હું બીજાને એમ નહિ કરવાની સલાહ આપી શકું અને તો જ એની અસર પડે એમ એ મહાત્માનું માનવું હતું.

મહાત્મા ગાંધીજીનું એક બીજું સરસ અંગ્રેજી અવતરણ છે ….
“ An ounce of practice is worth more than tons of preaching.”
એટલે કે શુદ્ધ ગુજરાતીમાં એનો અર્થ થાય -એક શેર શિખામણ કરતાં અધોળનું આચરણ ઉત્તમ છે.
આપણે સૌ આ મહાત્માની શિખામણને ગાંઠે બાંધી એમના કહેલ માર્ગે ચાલવાનું આચરણ શરુ કરી દઈએ તો કેવું સારું !
વિનોદ પટેલ

મિત્રો ,

આ પેજ ઉપર મુખ્યત્વે મારી સ્વ -રચનાઓ, અનુવાદ વી. પોસ્ટ કરવાનો વિચાર રાખ્યો છે એટલે ફેસ બુક મિત્રો એમાં સીધા એમનાં લખાણ કે ચિત્ર વી. શેર કરી નહી શકે એ માટે માફ કરશો.

આમ છતાં , મિત્રોના ફેસબુક પેજ ઉપર જતાં કે મિત્રો તરફથી ઈ-મેલથી મોકલે એમાંથી મને ગમતું જો મળશે તો હું આ પેજ ઉપર એમના આભાર સાથે જરૂર મુકીશ.

મોકલવા માટે મારું ઈ-મેલ સરનામું … vinodpatel63@yahoo.com

ઈ-મેલના મથાળે ..”મોતીચારા માટે” લખવા વિનતી છે.

“મોતીચારા “માંથી તારવેલ ગમે એવી સાહિત્ય અને અન્ય સામગ્રી અવાર નવાર વી.વી. ના વાચકોને માટે અહીં એક પોસ્ટ તરીકે મુકવામાં આવશે.

આભાર ,
વિનોદ પટેલ