વિનોદ વિહાર

ગુજરાતી ગદ્ય-પદ્ય સર્જનની આનંદ યાત્રા

Category Archives: હિરલ શાહ

( 1025 ) સંબંધો વગરનું સહ જીવન …. હિરલ શાહ

સુરત નિવાસી મિત્ર આદરણીય શ્રી ઉત્તમભાઈ ગજ્જરે એમના બ્લોગ ‘સંડે-ઈ-મહેફિલ”માં સૌ.હિરલ શાહનો ૨૦૧૦માં લખાયેલ “સંબંધો વગરનું સહ જીવન “ ( લીવ ઇન રીલેશનશીપ ) વિષયનો એક મનનીય લેખ પ્રસિદ્ધ કર્યો છે.

આ લેખ એમણે એમના ઈ-મેલમાં મને વાંચવા માટે મોકલ્યો હતો , જે મને ગમ્યો.આ માટે એમનો આભારી છું.

આ લેખમાં હિરલે એના યુ.કે અને ભારતના અનુભવો પર આધારિત વિચારો દાખલા અને દલીલો સાથે રજુ કર્યા છે જે આજે પણ એટલા જ સુસંગત છે.લેખમાં એ સાચું કહે છે કે આદર્શ લગ્ન સંસ્થા એ ભારતીય સંસ્કૃતિનો પાયો છે.લગ્ન વિનાના સંબંધો એ એક જાતનો મુક્ત વ્યભિચાર જ કહેવાય.

પશ્ચિમમાં પણ લગ્ન સંબંધોની બાબતમાં ઘણા લોકો ભારતીય સંસ્કૃતિને પસંદ કરતા હોય છે.હીરલની મિત્ર કેથરીનના શબ્દો કે ” હું મારો બીજો જન્મ ભારતમાં થાય એવું ઈચ્છું છું”એમાં એના લગ્નેત્તર સહ જીવનનો કટુ અનુભવ  દેખાઈ આવે છે.

આની સામે હવે ભારતમાં જ જો ભારતીય સંસ્કૃતિ અને આદર્શ લગ્ન સંસ્થાનો અનાદાર થતો હોય અને લગ્ન વિનાના સંબંધો થતા હોય તો એ કેટલું ઉચિત કહેવાય!

સહજીવનમાં સાથે રહેવાની ઈચ્છા છે,
સંગતીમાં જીવનનો આનંદ ને સુગંધ છે.
બાગમાં દરેક ફુલની ખુશબો હોય છે,
તેમ દરેક વ્યક્તીનીયે સૌરભ હોય છે.
સહજીવનમાં સ્ત્રીની મધુર સુગંધ છે,
પુરુષનાયે સાંનીધ્યમાં વીશેષ સૌરભ છે.
તેથી જ બેઉને સાથે રહેવાની ઉત્કંઠા છે,
સહજીવનની પ્રેરણા નૈસર્ગીક છે.
પણ, સંયોજન અને વ્યવસ્થા સાંસ્કૃતીક છે,
જેઓ એકમેકના જીવનને સમ્પન્ન કરે છે,
સુરભીત કરે છે, એમનું સહજીવન
ચરીતાર્થ થાય છે, આનંદમય થાય છે…
—- દાદા ધર્માઘીકારી

હિરલ શાહ નો આ આખો મનનીય લેખ શ્રી ઉત્તમભાઈ ગજ્જર અને લેખિકાના આભાર સહીત સંડે-ઈ-મહેફિલ ની નીચેની લીંક પર ક્લિક કરીને વાંચી શકાશે.

સંબંધો વગરનું સહજીવન ….હિરલ શાહ _sem_2017_03_05

સુ.શ્રી હિરલ શાહ નો પરિચય અને લેખો એમના બ્લોગની 

આ લીંક પર ક્લિક કરીને વાંચો.

https://hirals.wordpress.com/about/

Hiral Shah

                      Hiral Shah

ઈ-મેલ સંપર્ક :

 hiral.shah.91@gmail.com   

( 824 ) બાળ ઉછેર વિષય પર હિરલ શાહના બે મનનીય લેખો ..

EVidyalay  નાં સ્થાપક સભ્ય યુ.કે. નિવાસી  બેન હિરલ શાહ એમની સારી જોબ છોડીને ત્રણ -સાડાત્રણ વર્ષની એમની દીકરી જીનાનો યોગ્ય રીતે ઉછેર થાય એ માટે હાલ એમાં સંપૂર્ણ સમય આપી રહ્યાં છે.

 

હિરલબેનની ત્રણ વર્ષની પુત્રી જીનાની બે બોલતી તસ્વીરો   

ઈ-વિદ્યાલય એ એમનું માનસિક બાળક છે તો જીના એમનું બાયોલોજીકલ બાળક છે.બન્નેના ઉછેરનું કામ તેઓ એક સાથે જે ઉત્સાહથી સંભાળી રહ્યાં છે એ અભિનંદનીય છે.એમનાજ શબ્દોમાં જ કહીએ તો Children are not a distraction from more important work. They are the most important work.

એમના ગુજરાતી બ્લોગHiral’s Blog માં આપેલ એમના પરિચય-હિરલ એક નજરે માં જણાવ્યા પ્રમાણે તેઓ સ્વભાવે ઉત્સાહી, લાગણીશીલ, મહેનતુ, વિચારશીલ, દેશપ્રેમી, મિલનસાર અને છતાં એકાંતપ્રિય છે.

બાળકોના આંતરિક તથા બાહ્ય વિકાસ માટે અને એમના સારા ઉછેર માટે ઈ-વિદ્યાલય એક ખુબ જરૂરી અને ઉપયોગી માધ્યમ છે.

હિરલના બ્લોગમાં ઈવિદ્યાલય એ આપણા બધાની શાળા છે એ લેખમાં આપેલ માહિતી પ્રમાણે EVidyalay પર હાલ

૨૮૫+શૈક્ષણિક વિડીયો છે.

૨૦થી વધુ પ્રેરક જીવનચરિત્રો આલેખાયેલ છે.

અઢળક બાળવાર્તાઓ છે.

વિજ્ઞાન વિષયક માહિતી અને પ્રાયોગિક પ્રોત્સાહન માટે પ્રયોગઘર છે.

જન્મજાત કુતુહલ, અને આંતરિક તથા બાહ્ય વિકાસમાં સહાયક કરતી હોબીલોબી છે.

બાળ ઉછેર વિષે હિરલ શાહ ના લેખો 

હીરલ શાહના ઉપરોક્ત બ્લોગમાં બાળ ઉછેરના એમના અંગત અનુભવ ઉપર આધારિત એમણે જે કેટલાક વિચાર કરવા જેવો લેખો લખ્યા છે એમાંથી મારી પસંદગીના નીચેના બે લેખો આજની પોસ્ટમાં રજુ કરતાં આનંદ થાય છે.

૧.બાળઉછેર માત્ર માતાની જવાબદારી?

બાળકોને માત્ર સ્કીલ ડેવલેપમેન્ટ જ નહિં પણ મૂલ્યો અને રીતભાત પણ પ્રેમથી , ધીરજથી એમને બિલકુલ અભાવ ના આવે અને સમજીને આચરણમાં મૂકે તેવું માહોલ આપવું પડે.આ માટે માત્ર માતા જ નહિં, પરિવારનાં સભ્યોનું વર્તન, આડોશ-પાડોશ, સામાજિક માળખું, બાળકો માટેની સપોર્ટ સિસ્ટમ બધું જ જોઇએ અને જોઇએ અને જોઇએ જ.માત્ર માતાનો વાંક કેવી રીતે કાઢી શકાય? એ રીતે બાળઉછેર માત્ર માતાની જવાબદારી કેવી રીતે કહી શકાય?

આખો મનનીય લેખ આ લીંક પર ક્લિક કરીને વાંચો.

૨.બાળકો અને ઘરમાં કંકાસ

બાળક ઘરમાં જેટલું પ્રફુલ્લિત વાતાવરણ જોશે અથવા તો જેટલી પ્રફુલ્લિતતા માતાના ચહેરા પર જોશે એટલું જ પ્રફુલ્લિત બનશે.એક માતા સો શિક્ષકની ગરજ સારે છે.

આખો મનનીય લેખ આ લીંક પર ક્લિક કરીને વાંચો.

આમાં ઉમેરો કરતાં હિરલબેન જણાવે છે …

ભારતમાં ધીમે ધીમે બહુ જ નાની ઉંમરથી પ્લેગ્રુપ વગેરેની જરુરિયાત (બિઝનેસ) વધતો જાય છે એ અનુસંધાને ઘણુંખરું લોકો આજની માતાઓને દોષિત ગણે છે.

પરંતુ ખરું જોતા, પહેલાં જ્યારે સંયુક્ત કુટુંબ હતાં અને એક જ છત નીચે ઘણાં બાળકો એક સાથે ઘણાં લોકોની કાળજી-દેખરેખ હેઠળ મોટાં થતાં આથી માતાની જવાબદારી કૌટુંબિક સ્તરે વહેંચાયેલી હતી. બાળકોને પણ એકસાથે એમની ઉંમરનાં ઘણાં બાળકો સાથે હળવું-ભળવું સરળતાથી પ્રાપ્ય હતું.

હવે આ આખું માળખું તૂટી ગયું છે. નવજુવાનિયાઓ વ્યવસાય અર્થે સ્થળાંતર કરે છે. બધાનાં માતા-પિતા શરુઆતથી જ સાથે નથી રહી શકતાં. અથવા સાથે રહે તો પણ નાનાં ભૂલ કાંઓની ઉંમરના બાળકોને શોધવા ક્યાં જવું? એવી બીજી માતાઓની કંપની શોધવા ક્યાં જવું? આના વિકલ્પો ખાસ વિચારાયા જ નથી.

આથી જ કદાચ પ્લેગ્રુપ ની જરુરિયાત દોઢ-બે વરસના બાળકને વર્તાય છે. પોસાય કે ના પોસાય, તાણમાં આવીને પણ બાળકની સામાજિક જરુરિયાતને અનુલક્ષીને એ દિશામાં પૂરપાટ બિઝનેસ વધી રહ્યો છે.

એ અનુસંધાને મેં આખો લેખ લખેલો કે કેવી રીતે આ પ્રશ્નનો ઉકેલ વિચારી શકાય.અહિં કોઇ દેશની કોઇ પધ્ધતિ સારી કે ખોટી એવી કોઇ તારવણી નથી. પરંતુ જ્યાં જે સારું અને ઉપયોગી છે અથવા અમલ કરવા યોગ્ય છે એ દિશામાં અંગુલી નિર્દેશ માત્ર છે.

ખાસ કરીને ૧ થી ૫ વર્ષનાં બાળકોના માતા -પિતા માટે આ લેખો અને લેખના અંતે મુકાએલ પ્રતિભાવો જરૂર માર્ગ દર્શક બનશે એવી આશા છે.

આ લેખો અને એમના બ્લોગમાં પોસ્ટ થયેલા બીજા લેખો પણ તમે વાંચશો તો તમને પ્રતીતિ થશે જ કે હિરલ શાહ એક સારાં લેખિકા પણ છે. 

 

આજની આ પોસ્ટમાં પ્રસ્તુત બેન હિરલના ઉપરના બે મનનીય લેખો ઉપર એમના વિચારો પ્રતિભાવ રૂપે જણાવવા માટે વિનોદ વિહારના સુજ્ઞ વાચકોને આમંત્રણ છે.

સુ.શ્રી હિરલ શાહનો પરિચય

હિરલ-જીના -મિલન

                   હિરલ-જીના -મિલન

 

અગાઉ વિનોદ વિહારની નીચેની પોસ્ટમાં મુકેલ એમનો પરિચય આ રહ્યો …

( 526 ) હીરલ શાહ…..મળવા જેવા માણસ ….પરિચય …પી.કે.દાવડા

 

વિનોદ પટેલ

 

( 686 ) ‘ઓન લાઈન શાળા ‘…ઈ-વિદ્યાલય.. યજ્ઞકાર્યમાં સહભાગી થશો ?

મહાત્મા ગાંધીના જન્મ દિવસ , ૨, ઓક્ટોબર – ૨૦૧૩ના રોજ  ‘ઓન લાઈન શાળા ‘ નો  એક  પ્રયોગ સુ.શ્રી હિરલ શાહએ મિત્રો અને વડીલોના સહકાર અને આશીર્વાદથી શરૂ કર્યો  હતો. આ ઓન લાઈન શાળાનું નામ હતું ” ઈ-વિદ્યાલય “.

શરૂઆત થતાં જ થોડા સમયમાં યુટ્યુબ ચેનલ પર ૧ લાખથી વધુ અને વેબસાઇટને ૧.૫ લાખથી વધુ વિઝીટ મળી અને ત્યારબાદ મુલાકાતીઓનો સતત વધારો થયા જ કરે છે.

ઈ-વિદ્યાલય શું છે એ જાણવા આ પ્રતિક પર ‘ક્લિક’ કરો.

logo

અગાઉ વિનોદ વિહારમાં  નીચેની બે પોસ્ટમાં બેન હિરલ શાહ અને એમના સ્વપ્નના સર્જન ઈ-વિદ્યાલયનો પરિચય આપવામાં આવ્યો છે.

( 430) હિરલ શાહ અને એમના સ્વપ્નનું સર્જન ઈ-વિદ્યાલય ( એક પરિચય )

( 526 ) હીરલ શાહ…..મળવા જેવા માણસ ….પરિચય …પી.કે.દાવડા

ઉપરની એક પોસ્ટના પ્રતિભાવમાં હિરલ લખે છે …..

Guardian_2

હિરલે છેલ્લે ઉમેર્યું હતું “દરેક જણ જે ઇવિદ્યાલય પ્રોજેક્ટ સાથે પ્રત્યક્ષ કે પરોક્ષ રીતે સંકળાયેલા છે. તે સર્વેનો દિલથી આભાર.”

હવે આ શાળાનું વિસ્તરણ કાર્ય શરૂ કરવામાં આવ્યું છે; અને નજીકના ભવિષ્યમાં એનો નવો અવતાર આવી રહ્યો છે. ઘણા બધા નવા પ્રયોગો, સવલતો, ક્ષિતિજો સાથે. આ શુભ કાર્યને બીરદાવતો / આવકારતો એક લેખ ‘ ગુજરાત ગાર્ડિયન’ માં શ્રીમતિ કલ્પનાબેન દેસાઈએ લખ્યો છે .આ લેખને એમના આભાર સાથે નીચેના ચિત્ર પર ક્લિક કરી વાંચવા માટે વિનંતી છે .

આ ચિત્ર પર ક્લિક કરી એ મનનીય લેખ વાંચો

 

આ લેખમાંથી લીધેલો એક ફકરો ….

Guardian_1

ઘણા એવા ગુજરાતી ભાઈઓ અને બહેનો હશે- જેમની પાસે થોડોક પણ ફાજલ સમય હશે- નિવૃત્ત વયસ્કો, શિક્ષિત ગૃહિણીઓ, વેકેશનમાં શું કરવું એવી મુંઝવણ વાળા કિશોર /કિશોરીઓ / યુવાનો / યુવતિઓ. એ સૌને આ યજ્ઞ કાર્યમાં યથાશક્તિ ફાળો આપવા વિનંતી છે. અને જેમની પાસે આવો ફાજલ સમય ન હોય; અને છતાં થોડાક ‘લાંબા’ થઈ આમાં મદદ કરવા મન થાય; તેમનો તો વિશેષ આભાર જ માનવો પડે.

  • તમારી વેબ સાઈટ પર ઈ-વિદ્યાલયનો લોગો મુકીને

  • શૈક્ષણિક વિડિયો/ સોફ્ટવેર સંબંધી મદદ કરીને

  • ગુજરાતની શાળાઓ અંગે માહિતી આપીને

  • આર્થિક સહયોગ આપીને

  • આ શુભ કાર્યના સમાચાર  તમારા મિત્રો/ સંબંધીઓને પહોંચાડીને 

પ્રેરણા સાભાર- સન્મિત્ર શ્રી સુરેશ જાનીના બ્લોગ સૂર સાધનાનો લેખ  

યજ્ઞકાર્યમાં સહભાગી થશો ? 

( 526 ) હીરલ શાહ…..મળવા જેવા માણસ ….પરિચય …પી.કે.દાવડા

શ્રી પી..કે.દાવડાજી તરફથી એમની” મળવા જેવા માણસ” ની પરિચય શ્રેણીમાં ઈ-વિદ્યાલયના સર્જક હીરલબહેનનો પરિચય કરાવતો લેખ ઈ-મેલમાં મળ્યો એને આજની વિનોદ વિહારની પોસ્ટમાં રજુ કરતાં આનંદ થાય છે .

આ અગાઉ વી.વી. ની પોસ્ટ નમ્બર ૪૩૦માં હિરલ શાહના ઈ-વિદ્યાલયના વિચાર ઉપર વધુ પ્રકાશ પાડીને એમનો પરિચય કરાવતો મારો એક લેખ હિરલ શાહ અને એમના સ્વપ્નનું સર્જન ઈ-વિદ્યાલય ( એક પરિચય ) એ નામે પ્રગટ થયો હતો .આ લેખને અહીં ક્લિક કરીને વાંચો .

ઈ-વિદ્યાલયની શરૂઆત વખતે શ્રી સુરેશભાઈ જાની અને અન્ય મિત્રો સાથે મને પણ આ યજ્ઞ કામમાં થોડી ઘણી આહુતિ આપવાની તક મળી હતી. આ વખતે મને બેન હિરલ અને એની ઈ-વિદ્યાલય માટેની ધગશનો પ્રથમ પરિચય થયો હતો. ત્યારબાદ એના ઈ-મેલ મળતા એથી પરિચય વધુ બળવત્તર થતો રહ્યો.

વિનોદ પટેલ

======================================================

હીરલ શાહ…..મળવા જેવા માણસ ….પરિચય …પી.કે.દાવડા  

HIRAL SHAH  MILAN SHAH

હીરલબહેનનો જન્મ ૧૯૮૦ માં અમદાવાદમાં થયો હતો. માતા-પિતાને વરસોની ઈંતેજારી બાદ સંતાન પ્રાપ્તિ થઈ એટલે દીકરીને પુષ્કળ લાડમાં ઉછેરી. હીરલબેનના પિતાએ ઈલેક્ટ્રીકલ એંજીનીઅરીંગના ડિપ્લોમા સુધીનો અભ્યાસ કરેલો, પણ બાંધકામના વ્યવસાયમાં કાર્યરત હતા. હીરલબેનના માતાએ ઈતિહાસનો વિષય લઈ બી.એ. ની ડિગ્રી પ્રાપ્ત કરી હતી.

હીરલબહેનનો બાળમંદિરથી ૧૨ મા ધોરણ સુધીનો શાળાનો અભ્યાસ અમદાવાદના નવરંગપુરાની એક ગુજરાતી માધ્યમની શાળામાં થયો.અભ્યાસમાં તેજસ્વી હોવાથી કોઈ મુશ્કેલી ન આવી. અભ્યાસ ઉપરાંત શાળાની ઈત્તર પ્રવૃતિઓમાં પણ ઉત્સાહથી ભાગ લીધો. સામાન્ય અભ્યાસ ઉપરાંત રાષ્ટ્રીય કક્ષાએ લેવાતી હીંદી, સંસ્કૃત અને ડ્રોઈંગ જેવી પરીક્ષાઓમાં પણ ભાગ લઈ સફળતા મેળવી. ગણિતના શિક્ષક શ્રી યજ્ઞેશભાઇની ઘણીવાતોએ એમના માનસપટ પર ઉંડી અસર છોડી.

મધ્યમવર્ગી કુટુંબ હોવા છતાં મા-બાપ હીરલની ઈતર પ્રવૃતિના ખર્ચની બાબત આનાકાની ન કરતા. એમના પિતા કહેતા, “આ બધા અનુભવો તને ઘણું શીખવશે. જરૂર પડશે તો અમે વધારે મહેનત કરીશું,” ધાર્મિક કુટુંબમાં જન્મેલી હીરલ ૧૦મા ધોરણ સુધી રોજ સવારે દેરાસર અને સાંજે પાઠશાળામાં જતી. વેકેશનમાં પણ તે પ્રવૃત્તિમય રહેતી. ઘણીવાર વેકેશનમાં પણ આવતા ધોરણના પુસ્તકો ખરીદીને અગાઉથી વાંચી અને સમજી લેવાની એની આદત એને વર્ગમાં આગળ રહેવામાં મદદરૂપ થતી. ૧૦મા ધોરણમાં સારૂં પરિણામ આવવાથી માતા-પિતાએ હીરલને લ્યુના સ્કૂટર ભેટ તરીકે આપેલું અને ત્યારે ઉત્સાહમાં હિરલે ભણી ગણીને ખૂબ પૈસા કમાઈ પિતાને કાર ભેટ આપવાનું વચન આપેલું.

૧૨મા ધોરણમાં થોડા ઓછા માર્કસ આવવાથી હીરલબહેનને એંજીનીઅરીંગના ડીગ્રી કોર્સમાં એડમીશન ન મળ્યું. એમણે તરત બીજો રસ્તો વિચારી લીધો અને એંજીનીઅરીંગના ડીપ્લોમા કોર્સમાં એડમીશન લઈ લીધું. સારા નશીબે ડીપ્લોમાના આખરી વર્ષમાં એમનો ગુજરાતમાં ચોથો નંબર આવ્યો. નિયમ અનુસાર પ્રથમ છ વિદ્યાર્થીઓને ફ્રી સીટ સાથે ડીગ્રી કોર્ષના બીજા વર્ષમાં એડમીશન મળે એટલે હીરલબહેનને ઈલેક્ટ્રોનિક્સ અને કોમ્યુનિકેશનના ડીગ્રી કોર્ષમાં એડમીશન મળી ગયું. આ અભ્યાસ એમણે સ્કોલરશીપ અને ફેલોશીપ મેળવી પુરો કર્યો. આ અભ્યાસ દરમ્યાન હીરલબહેન પાંચમા સેમીસ્ટરમાં હતા ત્યારે એમના પિતાને એક ગંભીર અકસ્માત નડ્યો. ત્યારે આર્થિક મુશ્કેલીઓ વેઠીને હીરલબહેને B.E. ની ડીગ્રી ડીસ્ટીંકશન સાથે મેળવી.

ભણતર પૂરૂં થયું કે તરત જ એમને નિરમા કોલેજમા વિઝીટીંગ લેકચરરની નોકરી મળી. થોડા સમય બાદ એક નાની સોફટ્વેર કંપનીમાં  નોકરી મળી.આ સમય દરમ્યાન પૂજ્ય અજય સાગરજી મહારાજ સાહેબનો પરિચય થયો અને એમની પાસેથી જીવન ઘડતર માટે ઘણું ઉપયોગી ભાથું બાંધ્યું.

૨૦૦૬માં એમને બૅંગલોરમાં મલ્ટી નેશનલ કંપની લ્યુસન્ટ ટેકનોલોજીમાં સોફ્ટવેર એન્જીનીયર તરીકે ખુબ જ સારા પગારની જોબ મળી. હવે એમનું મમ્મી-પપ્પા માટે કાર ખરીદવાનું સ્વપ્ન સાકાર થતું લાગ્યું, સાથે સાથે એમની બહેન અને ભાઇની કારકિર્દી માટે પણ મદદરૂપ થવાની તક મળી. અહીં એક વરસમાં જ એમનું  સિનિયર સોફ્ટવેર એન્જીનિયર તરીકે પગાર વધારા સાથે પ્રમોશન થયું.

એમની બૅંગલોરમાં જોબ પોસ્ટીંગ દરમ્યાન હીરલબહેન, મિલન શાહના પરિચયમાં આવ્યા અને આ દોસ્તી પ્રેમલગ્નમાં પરિણમી. મિલનભાઇ પૂનાની સિમેન્ટેક કોર્પોરેશનમાં નોકરી કરતા હતા. ૨૦૦૮ માં લગ્ન  જોબમાં ખલેલ ન પડે એટલે મિલનભાઇએ પોતાની નોકરી છોડી. પણ ઘણાં પ્રયત્નો બાદ હીરલબેનની ના છતાં મંદીના મોજા નીચે, મિલનભાઇનું નવી જોબનું લોકેશન પૂના જ રહ્યું. હીરલબહેન પૂના જાય તે પહેલાં  જ મિલનભાઈને ઓન-સાઈટ એસાઇન્મેન્ટ માટે યુ.કે. જવાનું થયું. હવે હીરલબેને પોતાની નોકરી છોડીને મિલનભાઈ સાથે યુ. કે. પ્રયાણ કર્યું. આ બધું લગ્ન પછીનાએક વર્ષમાં જ બન્યું.

યુ. કે. માં બન્ને પાસે વર્ક પરમીટ હતી એટલે હીરલબહેને પણ એક સ્ટાર્ટઅપ કંપનીમાં R & D માં નોકરી લીધી. અહીંના હવામાન અને નોકરીની દોડધામની હીરલબહેનના સ્વાસ્થ્ય પર ખરાબ અસર થઈ. એમણે વિચાર્યું, “કારકિર્દી માટે જિંદગી નથી પણ જિંદગી માટે કારકિર્દી છે”, આથી એમણે કારકિર્દીમાંથી વિરામ લીધો.

પ્રવૃતિ વગર બેસી રહેવાનું હીરલબહેનના સ્વભાવમાં નથી. નોકરી છોડ્યા બાદ તરત તેઓ યુ.એસ.એ. ની ઈ-જૈના લાયબ્રેરીની એજ્યુકેશન કમિટીમાં મેમ્બર બનીને પુસ્તક સંપાદન અને અનુવાદના કામમાં લાગી ગયાં .http://www.jainlibrary.org/  અને લીડ્સમાં જૈન સત્સંગ અને ઉત્સવોમાં સક્રીય રીતે ભાગ લેવાનું શરૂ કર્યું. સાથે સાથે ઇ-વિદ્યાલય અંતર્ગત યુ-ટ્યુબચેનલ પર ગણિત અને ગુજરાતી વિષયના વિડીયો બનાવવા શરુ કર્યા.

દરમ્યાન પ્રેગનન્સી વખતે ડોકટરી સલાહ મુજબ અમદાવાદ માતા-પિતા સાથે રહેવા જતાં રહ્યાં  . મા-બાપ પાસે ફરી લાડ-કોડમાં સમય પસાર કરી દીકરી જિના ના જન્મ બાદ યુ. કે. પાછા આવી ગયાં .

ઇવિદ્યાલયના કાર્યને વધુ વ્યાપક અને અસરકારક બનાવવા હીરલબેન યુ.કેમાં રહીને પણ મથામણ કર્યા કરતાં. એકલા હાથે એમણે લગભગ ૩૦૦ જેટલા વિડીયો બનાવ્યા. તેઓ વિચારે છે કે સરકારી શાળાના બાળકોને આપણાં બાળકો જેવી સગવડ ક્યારે નસીબ થશે? બધાને એક સમાન ભણતર કેવી રીતે મળે? અંગ્રેજીમાં તો ઘણું સહજતાથી ઉપલબ્ધ છે પણ ઉંચા સ્વપ્ના સેવતા, ગુજરાતી માધ્યમમાં ભણતા ગરીબ વિદ્યાર્થીના અંતરમનમાં કેટલો વલોપાત થતો હશે?  આ પ્રશ્નોના જવાબરૂપે એમણે વિચાર્યું કે ટેકનોલોજીનો લાભ ગુજરાતના પ્રત્યેક ગામને મળે, અને જ્યાં વ્યવસ્થિત શાળાઓ નથી, ત્યાં ટેકનોલોજીની મદદથી શિક્ષણનો પ્રસાર થઈ શકે એટલા માટે એક સહિયારૂં આયોજન કરવું. ૨જી ઓકટોબર ૨૦૧૩માં શ્રી સુરેશભાઈ જાની અને અન્ય મિત્રોની મદદથી એમણે ઈ-વિદ્યાલયને નેટજગત પર ગુંજતુ કર્યું. આ કામ હજી શરૂઆતની સ્થિતિમાં છે, એમ છતાં એક વર્ષમાં સાડા ચાર લાખ લોકોએ મુખ્ય વેબ સાઈટ  http://evidyalay.net/ અને બે લાખ લોકોએ યુ ટ્યુબમાં મૂકાયલા વિડીયોસની મુલાકાત લીધી છે.

e -vidyalay

 ઈ-વિદ્યાલયનો લોગો

આ લીંક ઉપર ક્લિક કરીને  ઈ-વિદ્યાલયની મુલાકાત લેવા પહોંચી જાઓ.  

ઇ-વિદ્યાલય યુ-ટ્યુબ ચેનલને યુટ્યુબ-એજ્યુકેશન વિભાગમાં સમાવવામાં આવી છે. જે ગુજરાતી ભાષાનું આંતરરાષ્ટ્રીય સ્તરે ગૌરવ છે. આ કાર્યને સફળ બનાવવા એમણે સૌને આગળ આવી શક્ય હોય તે મદદ કરવાની અપીલ કરી છે.

જિનાની દેખભાળને વધારે મહત્વનું ગણી હમણાં નોકરીમાં ન જોડાવાનો નિર્ણય લીધો હોવાથી, ઘરે બેસીને M.B.A. નો અભ્યાસ અને શોખ ખાતર હાઈડ્રોફોનિક ખેતીમાં સમયનો સદઉપયોગ કરે છે.

hIRAL SHAH-2

           (હીરલબહેન, પતિ મિલન અને પુત્રી જિના સાથે)

–પી. કે. દાવડા

( 430) હિરલ શાહ અને એમના સ્વપ્નનું સર્જન ઈ-વિદ્યાલય ( એક પરિચય )

Hiral Milan Shah
Hiral Milan Shah

મને હીરલબેનનો પરિચય મારા મિત્ર શ્રી સુરેશભાઈ જાની મારફતે થયો .

હિરલબેનએ એમના ઈ-વિદ્યાલય બ્લોગની શુભ શરૂઆત મહાત્મા ગાંધીજીની જન્મ તારીખ

૨જી ઓક્ટોબર ૧૯૧૩ ના રોજ  કરી ત્યારે એની શરૂઆતમાં મને પણ આ બ્લોગમાં વિડીયો માટેનું

થોડું કામ કરવાનો લાભ મળ્યો . ત્યાર પછી એમના ઈ-મેલો દ્વારા વધુ પરિચય થતો ગયો .

હીરલબેનનો જન્મ અને શાળા અને કોલેજનું શિક્ષણનું સ્થળ અમદાવાદ છે .

માતા પિતાના જૈન ધર્મના સંસ્કાર એમનામાં ઉતર્યા છે .

અભ્યાસે બી.ઈ (ઈલેક્ટ્રોનિક્સ) અને વ્યવસાયે હાલમાં લંડન ખાતે સોફટવેર ક્ષેત્રમાં ફરજ બજાવે છે  .

વ્યવસાયઃ કોલેજમાં વ્યાખાતા તરીકે અને ટેલિકોમ સોફ્ટવેર ક્ષેત્રે અમદાવાદ, બેંગલોર,

લીડ્સ ખાતે કામનો અનુભવ મેળવેલ છે.

પુત્રી જિનાના જન્મ પછી થોડા વરસ માટે સ્વૈછિક નીવૃત્તી લીધી છે અને આ નીવૃત્તીની પ્રવૃત્તી

એટલે મુખ્યત્વે ઇ-વિદ્યાલય .

તેઓ પુત્રીના  ઉછેરની સાથે એમના માનસ સર્જન ઈ-વિદ્યાલયના માટે પણ પૂરી ધગશથી હાલ પ્રવૃત્ત  છે  .

હિરલ મને ઈ-મેલમાં ” વિનોદકાકા ” તરીકે જ્યારે સંબોધે છે ત્યારે મને એની જ ઉંમરની  લોસ એન્જેલસમાં

રહેતી મારી દીકરી જેવો મારા મનમાં ભાવ જાગે છે .

હિરલ એના એક ઈ-મેલમાં લખે છે …..

ક્યારેક ઇન્ટરનેટના ફાયદા વિષે ચિંતન કરીએ તો વિચાર આવે જ કે, સરકારી બાળકોને આપણાં બાળકો જેવી

સગવડ ક્યાંથી નસીબ થશે? ગરીબી અને અમીરીની ખાઇ ઊંડીને ઊંડી જ થતી જશે શું?ઉંચા સ્વપ્ના સેવતા

ગરીબ વિદ્યાર્થીના અંતરમનમાં કેટલો વલોપાત થતો હશે?

જો કે વાતો વધારે વિસ્તારથી કરું તો ‘સત્યમેવ જયતે’ ની જેમ એક આખી વાસ્તવિક ડોક્યુમેન્ટરી બની શકે.

અને ટુંકમાં વાત કરું તો ઘણા સવાલોના જવાબ સ્વરુપે ‘ઈ-વિદ્યાલય’ ની શુભ શરુઆત કરી.

હિરલ એક નજરે.

હીરલબેનના બ્લોગમાં એમણે એમનો વિગતે પરિચય આપ્યો છે એને

અહીં ક્લિક કરી વાંચો  .

ઈ- વિદ્યાલય શું છે ?

Dipak-animation

હિરલ લખે છે …..

જેમ જેમ આપણે ‘ઈ’- યુગમાં આગળ ધપતા જઈએ છીએ; તેમ તેમ ખરીદી, સંદેશા વ્યવહાર,ટિકીટો ખરીદવી, એવાં ઘણાં રોજિંદા કામોમાં આપણે ઇન્ટરનેટ પર વધારે ને વધારે આધાર રાખતા થવા લાગ્યા છીએ. આને કારણે શીખવાની આપણી પધ્ધતિમાં પણ બદલાવ આવવા લાગ્યો છે.

ઈ-વિદ્યાલય આવા જ એક બદલાવ તરફનો પ્રામાણિક પ્રયત્ન છે – શીખવાની રીતમાં પરિવર્તન આવે, તે માટેનો પ્રયાસ. આશય એ છે કે, નવું જ્ઞાન સમજવાની પ્રક્રિયા સરળ બની જાય;તે વિદ્યાર્થીને માટે ખુબ સરળ હોય અને રસ પડે તેવી પણ હોય અને છતાં તેમાં સમય અને જગ્યાનું બંધન ન રહે.

ઈ-વિદ્યાલયમાં હાલ પ્રાથમિક અને માધ્યમિક શિક્ષણ માટેની એક ઓન લાઈન વિડિયો લાયબ્રેરી છે.તેમાં હાલ ગણિત, ઝડપી ગણતરી અને ગુજરાતીના પ્રારંભિક શિક્ષણને લગતા વિડિયો મોજૂદ છે.તમારા તરફથી મળતા ફીડબેક ( પ્રતિભાવો અને સૂચનો) ધ્યાનમાં રાખીને આ વિડિયો લાયબ્રેરીમાં સતત સંવર્ધન અને ફેરફાર પણ થઈ રહ્યા છે.

ખાસ નોંધવા લાયક બાબત એ છે કે,યુ-ટ્યુબ સંસ્થાના શિક્ષણાત્મક વિભાગ તરફથી ઈ-વિદ્યાલયને માન્યતા મળેલી છે.

નીચેની લીંક ઉપર ક્લિક કરી ઈ-વિદ્યાલય અને એના વિવિધ વિભાગોની જરૂર મુલાકાત લો

અને માહિતી મેળવો . આપનાં ભૂલકાઓને પણ એમાં રસ લેતા કરો .

Heartiest welcome to E-Vidyalay

એમાં અભ્યાસ કરવા માટે કોઈ પણ જાતની ફી આપવી પડતી નથી અને ફાયદા અનેક છે .

આ બ્લોગની જમણી બાજુ ઈ-વિદ્યાલયનો લોગો મુક્યો છે એની ઉપર ક્લિક કરીને

પણ આ અનોખા વિદ્યાલયમાં પહોંચી જશો .

———————–

વેબ ગુજરાતી બ્લોગમાં ઈ-વિદ્યાલયનો પરિચય

વેબ ગુજરાતી બ્લોગમાં સૌ. મૌલિકાબેન દેરાસરીએ ઈ-વિદ્યાલય બ્લોગનો સુંદર

શબ્દોમાં પરિચય કરાવ્યો છે એને નીચેની લીંક ઉપર ક્લિક કરીને વાંચો .

બ્લૉગ ભ્રમણની વાટે – ૫૮- ઈ -વિદ્યાલય – મૌલિકા દેરાસરી

————————————

યુટ્યુબ ચેનલ પર ૧ લાખથી વધુ અને ઈ-વિદ્યાલય વેબસાઇટને ૧.૫ લાખથી વધુ વિઝીટ

મળી છે અને મુલાકાતીઓનો સતત વધારો થયા જ કરે છે .

હિરલબેન ૨૫ એપ્રિલના અરસામાં ભારત જઇ રહ્યાં છે  .

વતન ભારતની મુલાકાતે જતાં પહેલાં એમણે નેટ મિત્રો જોગ એક ઈ-મેલ સંદેશો મોકલી

આપ્યો છે એ નીચે મુજબ  છે .

આદરણીય વડીલમિત્રો અથવા આજીવન વિદ્યાર્થીમિત્રો,

આપણે બધા શિક્ષિત છીએ, ઇન્ટરનેટની સુવિધાથી સુસજ્જ છીએ, એટલે જ તો તમે મને અત્યારે વગર કશી ઓળખાણે પણ વાંચી રહ્યા છો.

ક્યારેક આપણે બધા વિચારીએ પણ છીએ, ક્યાં જઇને અટકશે આ નવી પેઢી? ટી.વી.નું વ્યસન ઓછું હતું, તે આજકાલ ટાબરીયા પણ મોબાઇલથી રમતા હોય છે. કમ્પ્યુટરમાં આખો દિવસ વિડીયો ગેમ્સ. એમને કેમ કરીને સમજાવવા? વગેરે….

ક્યારેક ઇન્ટરનેટના ફાયદા વિષે ચિંતન કરીએ તો વિચાર આવે જ કે, સરકારી શાળાના બાળકોને આપણાં બાળકો જેવી સગવડ ક્યાંથી નસીબ થશે? ગરીબી અને અમીરીની ખાઇ ઊંડીને ઊંડી જ થતી જશે શું?

ઉંચા સ્વપ્ના સેવતા ગરીબ વિદ્યાર્થીના અંતરમનમાં કેટલો વલોપાત થતો હશે?

જો કે વાતો વધારે વિસ્તારથી કરું તો સત્યમેવ જયતેની જેમ એક આખી વાસ્તવિક ડોક્યુમેન્ટરી બની શકે.

અને ટુંકમાં વાત કરું તો ઘણાં સવાલોના જવાબ સ્વરુપે વિદ્યાલયની શુભ શરુઆત કરી.

માત્ર વિડીયો જ નહિં પણ ઇન્ટરનેટ પર ગણિત, વિજ્ઞાનનું હોમવર્ક પણ વિડીયો ગેમ્સની જેમ શક્ય છે. જ્યાં ઇન્ટરનેટ નથી ત્યાં ઓફલાઇન કન્ટેન્ટ એક સેન્ટ્રલ સર્વર કે મોબાઇલમાં ફીટ કરી શકાય છે.

પણ એક બીજને વિશાળ વટવૃક્ષ બનાવવાં પુરતાં ખાતર ને પાણીની આવશ્યકતા છે.

આદરણીય સુરેશકાકાના સહકારથી ૨ઓક્ટોબરે ઈવિદ્યાલય વેબસાઇટની વિધિવત શરુઆત કરી, આપ સૌના આશીર્વાદ મળ્યા. યુટ્યુબ ચેનલ પર ૧ લાખથી વધુ અને વેબસાઇટને ૧.૫ લાખથી વધુ વિઝીટ મળી અને મુલાકાતીઓનો સતત વધારો થયા જ કરે છે. બીજા વિષય સંદર્ભે પૂછતાછ કરતી ઇમેઇલ પણ મળે છે. ભાઇ મિહિર (ઉંમર ૧૯ વર્ષ) અને મુનિ સેવા શ્રમના સહયોગથી ઇવિદ્યાલયનું ઓફલાઇન વર્ઝન (સેન્ટ્રલ સર્વર પર) પણ પાદરાની બક્ષી પંચ શાળામાં વિધિવત નવા સત્રથી કાર્યરત કરી રહ્યા છીએ. જ્યાં ઇન્ટરનેટની સુવિધા વગર પણ ઈવિદ્યાલય, શાળા માટેનું વિકીપીડિયા, ખાન એકેડેમી, પ્રો. અરવિંદ ગુપ્તાના સાયન્સ ટૉયસની વિડીયો લાઇબ્રેરી અને સ્ક્રેચ એનીમેશન (બાળપણથી પ્રોગ્રામિંગ અને લોજીકલ અપ્રોચ કેળવવામાં સહાય થતું અભુતપૂર્વ સોફ્ટવેર) નો સમાવેશ થશે.

પણ ……..

ઇવિદ્યાલયનું એક અભિન્ન અંગ કે હેતુ ગુજરાતી માધ્યમમાં ૧ થી ૧૨ ધો. ની વિડીયો લાઇબ્રેરી માટે આપણે હજુ ઘણું કરવાનું છે.

ઈવિદ્યાલયના બીજને કરમાવા પહેલાં આપણે સૌ સાથે મળીને આ પ્રશ્રનો ઉકેલ મેળવીએ તો કેવું?

એક અંદાજ મુજબ ગુજરાતમાં હાલ ૩૪,૩૦૦ સરકારી શાળા છે જ્યાં ૫.૪ લાખથી વધુ વિદ્યાર્થીઓ પ્રાથમિક શિક્ષણ લઇ રહ્યાં છે.

ઉકેલ સ્વરુપે બે વાત ધ્યાનમાં આવે છે.

) વિડીયો બનાવવા માટેના ઉપકરણો કોઇ દાતા તરફથી મળી શકે તો ઘણું રુડું.

) જો જરુર પડે તો વેતન આપીને પણ ધો. ૧૦, ૧૧, ૧૨ ના ક્વોલિટી વિડીયો બનાવડાવી શકાય.

આપને કદાચ વધુ યોગ્ય વિકલ્પ ધ્યાનમાં આવે તો પણ ચોક્કસથી જણાવશો.

હું  ૨૫ એપ્રિલના ભારત જઇ રહી છું. મે મહિનો નાગપુર અને પુના રહેવાનું થશે. જુન, જુલાઇ અમદાવાદ છું. શક્ય હોય તેટલા શિક્ષકોનો સંપર્ક કરવા વિચાર છે. કોલેજના પ્રધ્યાપકોનો પણ સંપર્ક કરવા વિચાર છે. શક્ય છે, કોલેજના કોઇ જરુરિયાતમંદ વિદ્યાર્થીના સંપર્કથી પણ વેતન દ્વારા વધુ વિડીયો બનાવી શકીએ.

નોંધઃ શક્ય હશે ત્યાં સુધી હું માત્ર આંગળી ચિંધ્યાનું પૂણ્ય લઇશ. અને હા, દરેકના નાના-મોટા સહકારની બધી વિગતો વેબસાઇટ પર ચોક્કસથી મૂકવામાં આવશે.

સરકારજેનીપણબને, આપણેજવાબદારનાગરિકોએકડગલુંસમાજનાવિકાસમાટેજરુરથીભરીશકીએછીએ,

સૌનોસાથ, સૌનોવિકાસ…….

ઉત્તર આપશો ને?

સ્નેહવંદન,

હીરલમિલનશાહ.

—————————————————-

ઇમેઇલના પ્રત્યુત્તરમાં જેમણે પણ પ્રત્યક્ષ મુલાકાત માટે મને આમંત્રણ આપ્યું છે, તે બધાને હું મળીશ. હા, કદાચ અમદાવાદ, બરોડાથી આગળ જવું શક્ય ના બની શકે. નહિં તો પણ મારા ઘરે આપ બધાનું સ્વાગત છે.

ભાવેશભાઇ પાસેથી ઇવિદ્યાલયની જરુરિયાત અને વ્યાપ અર્થે પ્રાથમિક શાળાઓ અને ત્યાં કમ્પ્યુટરની સગવડ અંગે વધુ સચોટ આંકડા પ્રાપ્ય બન્યા છે.

ગુજરાતમાં હાલ ૩૬૫૭૮ પ્રાથમિક શાળાઓ અને ૮૦  લાખ કરતાં વધારે બાળકો માત્ર સરકારી શાળાઓમાં જ અભ્યાસ કરે છે.આ શાળાઓમાં ૪૫૭૮ શાળાઓ એવી છે જે બ્રોડ બેન્ડથી કનેક્ટ થયેલી છે.૨૮,૦૦૦ કરતાં વધારે શાળાઓમાં ઓછામાં ઓછું એક કોમ્પ્યુટર છે. આ વિગત માત્ર પ્રાથમિક શાળાઓની જ છે.

જો આપ નજર સમક્ષ એકવાર આ બાળકોને વિચારશો અને ઈવિદ્યાલયની મહેનતને જોશો તો આપ સર્વે વિદ્યાદાન માટે પ્રેરિત થશો જ. જો ટેકનીકલ હેલ્પ કે વિડીયો લાઇબ્રેરી બનાવવામાં આપ વડીલોનો સહકાર મળે તો એ યોગ્ય દિશામાં બહુ મોટી મદદ થશે નહિં તો આર્થિક રીતે આપના સહકારની આ વખતે અપેક્ષા છે.

જેનાથી જે શક્ય હોય તે દિશામાં પોતાનો મદદ માટેનો વિચાર વ્યક્ત કરશે તો વધુ ઝડપથી સાચી દિશામાં પ્રયાણ કરી શકીશું.

વિડીયોના વેતન અંગે રુબરુમાં શિક્ષકગણ સાથે વાત થશે ત્યારે ખ્યાલ આવશે. વિડીયોની સરેરાશ લંબાઇ ૧૦ થી ૨૫ મિનિટની છે. જો કે વિડીયો કેટલાં બને છે તે ગણતરી મુજબ નહિં પરંતુ જે તે ધોરણ અથવા વિષય અનુરુપ અને ગુણવત્તાને ધ્યાનમાં લઇને આપણે વેતન વિચારી શકીએ એવું મારું માનવું છે.

આપ સૌ પણ આપનો આ બાબતે અભિપ્રાય જણાવશો તો મને વધુ આનંદ થશે.

ફરીથી એક વાર વિનંતી કરીશ કે,

વધુથી વધુ મિત્રો સુધી આપ આ વાત વહેતી કરી શકો અને આપણને યોગ્ય મદદ મળી શકે તો કામ ઝડપથી આગળ વધી શકે.

સ્નેહવંદન,

હીરલમિલનશાહ.

http://evidyalay.net/ev_journe_help/

………………………………………………………

ઉપરના ઈ-મેલમાં  વિદેશ (યુ.કે.)માં રહીને પણ ઈ-વિદ્યાલય પ્રત્યેનો હિરલબેનનો ઊંડો લગાવ અને ધગશ

તેમ જ એમના સ્વપ્ન મુજબના ઉદ્દેશ્યોની જલ્દી પરિપૂર્તિ થાય એ માટેની ચિંતા જણાઈ આવે છે .

વિદ્યાદાન એ શ્રેષ્ઠ દાન છે.

 હિરલબેનની અપીલના જવાબમાં આપ સમય દાન કે આર્થિક દાન આપી એમને બને એટલો સહકાર આપી

ઈ-વિદ્યાલયના કાર્યને વેગ આપશો વિનંતી સાથે આશા રાખું છું  .

વિનોદ પટેલ

—————————————————— 

હિરલ એક ગુજરાતી લેખિકા તરીકે 

હીરલબેન ગુજરાતી સાહિત્યમાં ઘણો રસ ધરાવે છે અને એક લેખિકા તરીકે શબ્દો અને શૈલીની કલાનાં પણ માહિર છે.તમે એમના  નીચેના શરુઆતના લેખ વાંચશો એટલે તમને એમના આધ્યાત્મિક અને સાહિત્ય રસની ખાત્રી થઇ જશે . 

નીચેના  લેખના નામ  ઉપર ક્લિક કરીને વાંચશો

સંબંધો વગરનું સહજીવન    ( રીડ ગુજરાતી  .કોમ )

રત્નાનો કેસ  

( રીડ ગુજરાતી  .કોમ–આંતરરાષ્ટ્રીય વાર્તા-સ્પર્ધા:2010માં બીજા ક્રમાંકે પુરસ્કૃત થયેલી આ વાર્તા  )

જન્મદિવસની ઉજવણી-ઘરથી દુર એક નવું ઘર ( હીરલનો બ્લોગ )

મન, વચન અને કાયા વિશે ચિંતન-મનન ( હીરલનો બ્લોગ )

હીરલબેનનો  સંપર્કઃ

hiral.shah.91@gmail.com,

evidyalay@gmail.com
——————–