વિનોદ વિહાર

ગુજરાતી ગદ્ય-પદ્ય સર્જનની આનંદ યાત્રા

Category Archives: સહૃદયી મોદી (શૈલી)

( 771 ) પ્રતિલિપિ.કોમ એ શરુ કર્યું વાર્તાઓનું ઈ-મેગેઝિન- ‘સંકેત’

પ્રતિલિપિ.કોમએ માતૃભાષાના લેખકોને તેમના વાચકો સાથે જોડતું એક ઓન લાઈન સેલ્ફ પબ્લીશીંગ પ્લેટફોર્મ છે.

એમાં હાલ ગુજરાતી /હિન્દી / તમિલ એમ ત્રણ ભાષાઓનું સાહિત્ય તમે માણી શકો છો.ટૂંક સમયમાં જ તેમાં મરાઠી ભાષાનું સાહિત્ય પણ વાંચવા માટે ઉપલભ્ધ બનશે. આમ તમામ ભારતીય ભાષાઓના સાહિત્યને એક મંચ ઉપર લાવવાનું કામ પ્રતિલિપિએ હાથ પર લઇને સુંદર સાહિત્ય સેવા બજાવી છે એ બદલ એને અભિનંદન ઘટે છે.

સાહિત્યિક પ્રવૃતિઓમાં અગ્રેસર એવાં લેખિકા નિમિષા દલાલ થોડા સમયથી પ્રતિલિપિ ટીમમાં ગુજરાતી વિભાગ સંભાળે છે.ગુજરાતી સાહિત્યને વિશાળ ફલક પર પહોચાડવા માટે પ્રતિલિપિ.કોમના મંચ ઉપરથી ઓગસ્ટ ૨૦૧૫ થી ” સંકેત ” એ નામે વાર્તાઓનું નવું ઈ- મેગેઝીન લોન્ચ કરવામાં આવ્યું છે . આ વાર્તા મેગેઝિનનાં સંપાદિકા તરીકે શ્રીમતી નિમિષા દલાલ રહેશે.

વાર્તા માસિક- સંકેત , પ્રથમ અંક : ૧ : ઓગસ્ટ ૨૦૧૫ નું મુખ પૃષ્ઠ 

sanket magazin

સંપાદિકા : નિમિષા દલાલ ગુજરાતી વિભાગ ,પ્રતિલિપિ.કોમ

આ પ્રથમ અંકના લેખક/લેખિકાઓ

સ્મિતા શાહ, રેખા શુક્લ, રશ્મિ જાગીરદાર, સરયૂ પરીખ, કલ્પના રઘુ, ખુશાલી દવે, જય ગજ્જર, વિનોદ પટેલ, સેજલ પોંડા, સુરેશ જાની, ગુણવંત વૈદ્ય, ડો.કે.કે.દેસાઈ, રવિ યાદવ, અનસૂયા દેસાઈ, કામિની મહેતા, ભજમન નાણાવટી, સપના વિજાપુરા, વિજય શાહ, બકુલેશ દેસાઈ, વલીભાઈ મુસા, નટવર મહેતા, રોહિત કાપડિયા, કલ્પના ચૌધરી, મીનાક્ષી વખારિયા, પ્રવીણકાંત શાસ્ત્રી.
ભગવતીકુમાર શર્મા, રવીન્દ્ર પારેખ, નિમિષા દલાલ.

સંકેત વાર્તા માસિકના ઓગસ્ટ ૨૦૧૫ના આ પ્રથમ અંકની વાર્તાઓ વાંચવા માટે નીચેની લીંક પર ક્લિક કરો.

http://www.pratilipi.com/team-pratilipi/sanket

 

આ વાર્તા મેગેઝીનમાં પ્રકાશિત મારી વાર્તા વાંચવા માટે નીચેની લીંક પર ક્લિક કરો.  

સાચો પ્રેમ કદી ઘરડો થતો નથી …. વાર્તા ….વિનોદ પટેલ 

પ્રતિલિપિ .કોમના મંચ પરથી પ્રકાશિત મારું ઈ-પુસ્તક “કુસુમાંજલિ “, કાવ્યો, વાર્તાઓ , ચિંતન લેખો વી. સાહિત્ય વાંચવા માટે નીચેની લીંક પર ક્લિક કરો.

http://www.pratilipi.com/vinod-patel

 સંપર્ક –

 નિમિષા દલાલ

ફોન નંબર   ૯૯૨૫૬ ૨૪૪૬૦

ટીમ પ્રતિલિપિ 

પ્રતિલિપિમાં ગુજરાતી ભાષાનો વિભાગ સંભાળતાં બે ઉત્સાહી પ્રતિનિધિઓ  

nimisha- modi

નિમિષા દલાલ અને સહૃદયી મોદી 

( 750 ) પ્રતિલિપિ દ્વારા “માય ડેડી સ્ટ્રોંગેસ્ટ” ઈ- પુસ્તકનું પ્રકાશન ….

ફાધર્સ ડે વખતે આ દિવસ નિમિત્તે Pratilipi પ્રતિલિપિ प्रतिलिपि સંસ્થા તરફથી ” My daddy strongest “ વિષય ઉપર એક લેખન સ્પર્ધા યોજવામાં આવી હતી. આ સ્પર્ધામાં  72 લેખક -લેખિકાઓએ ભાગ લીધો હતો.

આ સ્પર્ધાનું જે પરિણામ જાહેર થયું હતું એમાં સુ.શ્રી સ્નેહા એચ.પટેલની કૃતિ ” મારા જીવનની ક્ષણો ” પ્રથમ નંબરનું ઇનામ જીતી ગઈ હતી.

ટોપ – ટ્વેંટી સ્પર્ધકોનાં નામ તથા પરિણામ :

Sahradayi Modi's photo.
 

pratilipi

પ્રતિલિપિ દ્વારા “માય ડેડી સ્ટ્રોંગેસ્ટ” ઈ- પુસ્તકનું પ્રકાશન  

ફાધર્સ ડે ના ઉપક્રમે પ્રતિલિપિ.કોમ પર યોજાયેલ “માય ડેડી સ્ટ્રોંગેસ્ટ” સ્પર્ધામાં આવેલ આ કુલ ૭૨ રચનાઓમાંથી વાચકોની પસંદ બનેલી પ્રથમ વીસ રચનાઓનો સમાવેશ કરીને આ પ્રતિલિપિ સંસ્થા દ્વારા એક ઈ-પુસ્તકનું પ્રકાશન કર્યું છે એ ખુબ જ ખુશીની વાત છે .

 

પ્રતિલીપીનાં પ્રતિનિધિ સુ.શ્રી સહૃદયી મોદી આ ઈ-પુસ્તકની જાહેરાત કરતાં જણાવે છે કે …..

 

” ફાધર્સ ડે ના ઉપક્રમે પ્રતિલિપિ.કોમ પર યોજાયેલ “માય ડેડી સ્ટ્રોંગેસ્ટ” સ્પર્ધામાં આવેલ કુલ ૭૨ રચનાઓમાંથી વાચકોની પસંદ બનેલી પ્રથમ વીસ રચનાઓને એક ઈ-બુકના સ્વરૂપે આપ સહુની સમક્ષ પ્રેષિત કરી રહ્યા છીએ. 

આ ઈ-બુકમાં સમાવિષ્ટ દરેક વાર્તાના કૉપીરાઇટસ જે – તે લેખક / લેખિકાના હોઈ , ઉપયોગમાં લેવા રચનાકારની પરવાનગી લેવી આવશ્યક છે. અમે ભાગ લેનાર દરેક સ્પર્ધકનું તથા ટોપ ટ્વેંટીમાં સ્થાન પામનાર રચનાકારોનું દિલથી અભિવાદન કરીએ છીએ. “

“માય ડેડી સ્ટ્રોંગેસ્ટ” ઈ-પુસ્તક વાંચવા માટે નીચેના ચિત્ર ઉપર ક્લિક કરો.

 
MY DADY -E-BOOK

દરેક મનુષ્યના વ્યક્તિત્વ ઘડતરમાં એક માતા જેટલો જ પિતાનો ફાળો હોય છે એ ઘણીવાર ભૂલી જવાય છે. દર વરસે આવતા ફાધર્સ ડે ના દિવસે સૌ સંતાનો પિતાને યાદ કરી એમની સેવાઓ અને ત્યાગને એક યા બીજી રીતે નવાજે છે.

FATHER'S DAYઘર અને બાળકો સંભાળવાની જવાબદારી માતાની હોય છે તો કુટુંબના નિભાવની જવાબદારી માથે લઈને પરિશ્રમ અને સંઘર્ષ કરવામાં એક સાચો પિતા કદી કચાસ રાખતો નથી. એના બાળકની આંગળી પકડીને એને પટાવી -સમજાવીને નિશાળે લઇ જનાર એક પિતા જ હોય છે જ્યાં ગુરુઓ પાસેથી  શિક્ષણ પામી બાળકના ભાવિનો પાયો રચાય છે.

અમેરિકાના હાલના પ્રેસીડન્ટ બરાક ઓબામાના આફ્રિકન પિતા બરાક ઓબામા સીનીયર એમને બાળપણમાં જ એમની માતા અને નાના નાનીના આશરે છોડીને એમના દેશ આફ્રિકા ચાલ્યા ગયા હતા . એમના બાળપણમાં તેઓએ એમના પિતાને ફક્ત બે વખત જ ટૂંકી મુલાકાતમાં જોયા હતા .

આ સંજોગોમાં એમને એમના પિતાનો જરાએ પ્રેમ ના મળ્યો એનો તેઓ એમના ફાધર્સ ડે ઉપરના પ્રવચનમાં ઘણીવાર અફસોસ વ્યક્ત કરતા હોય છે.પ્રેસિડન્ટ બરાક ઓબામાને એમના પિતા પાસેથી જે પ્રેમ ન મળ્યો એનો વ્યાજ સાથે બદલો એમની બે દીકરીઓ મલીયા અને શાશા પ્રત્યે પ્રેમ દર્શાવીને તેઓ કેવી રીતે વાળી રહ્યા છે અને એક પિતા તરીકેની આબાદ જવાબદારી નિભાવી રહ્યા છે એ આપણે નજરે જોઈએ છીએ.

આ ઈ-પુસ્તકના લેખો/ વાર્તાઓ/કાવ્યમાં દરેક લેખકે પિતાને યાદ કરી જીવનમાં પિતાએ આપેલ અમુલ્ય ફાળો, ત્યાગ અને પિતાની ગરિમાની મન મુકીને વાતો કરી જે સુંદર પિતૃ અંજલી આપી છે એથી આ ઈ-પુસ્તક એક યાદગાર સંભારણું છે બની રહેશે.

આ ઈ-પુસ્તકમાં મારા સ્વર્ગસ્થ પિતાશ્રીના જીવનની સત્ય કથા પર આધારિત વાર્તા “કર્મ યોગી” – ૧૩ મા ક્રમે છે એને વાંચવા માટે વિનંતી છે.

Sahradayi Modi

Sahradayi Modi

આ ઈ-પુસ્તક બહાર પાડવા માટે સાહિત્યના ક્ષેત્રમાં ખુબ જ પ્રગતી સાધી રહેલ પ્રતિલિપિનાં ઉત્સાહી પ્રતિનિધિ સુ.શ્રી સહૃદયી મોદી અને ટીમને અભિનંદન ઘટે છે.ઈ-બુકમાં સમાવિષ્ટ સાહિત્યના લેખકો/લેખિકાઓ અને અન્ય સૌ સ્પર્ધકોને પણ અભિનંદન

પિતાના ગુણ ગાન કરતો મને ખુબ ગમતો એક સુંદર યુ-ટ્યુબ વિડીયો .

આ વિડીયોમાં ગાયક Paul Enka પિતાને યાદ કરીને એના કર્ણ મધુર સ્વરે એના સ્વર્ગસ્થ પિતાને એક હૃદય સ્પર્શી શ્રધાંજલિ આપે છે.

આ અંગ્રેજી ગીત સાંભળીને દરેક વાચકને પોતાના પિતાના જીવનની જ જાણે વાત ગાયક કરતો ન હોય એવું લાગે તો નવાઈ નહિ .

MY PAPA – Paul Enka

( 725 ) પ્રતિલિપિ દ્વારા યોજાએલ ” વહાલી મા – લેખન સ્પર્ધા” નું પરિણામ

pratilipi

મધર્સ-ડે નિમિતે પ્રતિલિપિ દ્વારા “વહાલી મા – લેખન સ્પર્ધા ” યોજવામાં આવી હતી ,જેમાં કુલ ૯૩ કરતાં વધુ લેખકોએ ભાગ લીધો હતો.

મને જણાવતાં આનંદ થાય છે કે આ લેખન સ્પર્ધાનું પરિણામ આજે જાહેર થયું એમાં મારી વાર્તા “એક અમેરિકન મા.. કે  માસી !” તૃતીય સ્થાને રહી હતી .

આ લેખન સ્પર્ધા પરિણામના પરિણામ અંગે પ્રતિલિપિ નાં પ્રતિનિધિ સુ.શ્રી સહૃદયી (શૈલી ) મોદીનું નિવેદન …..

મધર્સ-ડે નિમિતે પ્રતિલિપિ દ્વારા એક લેખન સ્પર્ધાનું આયોજન કરેલ હતુ. જેમાં કુલ  ૯૩ કરતાં વધુ લેખકોએ હિન્દી તથા ગુજરાતી ભાષામાં એમની ભાવનાઓને કવિતાઓ – પત્રો – વાર્તાઓ – નિબંધ  જેવા વિવિધ સ્વરૂપોમાં  અમને લખી મોકલી. આ સાહિત્ય વાચકો સમક્ષ ૧૧મે થી પ્રતિલિપિ.કોમ  પર વાચન માટે ખુલ્લું મુકાયું. ૧૧મી મે થી ૨૭ મે સુધી વાચકોએ રીવ્યુ, લાઈક્સ તથા  રેટીન્ગ્સ દ્વારા એમની પસંદ અમને નોંધાવી. ૧૭ દિવસમાં અમને મળેલ વાચકોના પ્રતિભાવોને આધારે અમે ટોપ ટ્વેંટી સાહિત્યને અહી આપની સમક્ષ મૂકી રહ્યા છીએ. ટોપ-ટ્વેંટીમાં પસંદગી પામેલ સાહિત્ય કઈ રીતે પસંદગીને પામેલ છે તેના ધોરણો નીચે બતાવેલ છે એ આધારે નક્કી થયેલ છે.

એન્ગેજમેન્ટ ફેક્ટર નીચે જણાવેલ પરિમાણોને આધારે નક્કી થયેલ છે.

૧. કુલ વાચકો – ૫૦%

૨.સરેરાશ રેટિંગ –  ૨૦%

૩. કુલ લાઈક્સ – ૨૦ %

૪. કુલ રીવ્યુ તથા વાચકોએ સાહિત્ય પર વિતાવેલ સરેરાશ સમય  – ૧૦ %

વહાલી મા – લેખન સ્પર્ધા પરિણામ 

result final

વહાલી મા – લેખન સ્પર્ધામાં પ્રથમ આવેલ સાહિત્ય રચના ” માતૃદેવો ભવ “ના લેખક શ્રી કંદર્પ પટેલને પ્રતિલિપિ.કોમ દ્વારા ૨૦૦૦ /- ના મૂલ્યનું  સેન્ટ્રલ ( Central ) ગીફ્ટ વાઉચર  પુરસ્કાર સ્વરૂપે આપતા અમે સહુ આનંદની લાગણી અનુભવીએ છીએ. સહુ સ્પર્ધકો તથા ટોપ ટ્વેંટી વિજેતાઓને સમગ્ર પ્રતિલિપિ પરિવાર તરફથી ખુબ ખુબ અભિનંદન.

ટોપ ટ્વેંટી સાહિત્ય રચનાઓને ‘ વહાલી મા ‘ પુસ્તકના સ્વરૂપે પ્રતિલિપિ.કોમ પર ૧ જુન, ૨૦૧૫ના રોજ પ્રકાશિત કરવામાં આવશે.

gift vouchar

 આવો સાથે મળીને ભારતભરને માતૃભાષામાં લખતું અને વાંચતું કરીએ smiley

– સહૃદયી મોદી, પ્રતિલિપિ

————————————————–

તૃતીય સ્થાને રહેલી પ્રતિલિપિમાં અગાઉ પ્રકાશિત મારી વાર્તા “એક અમેરિકન મા.. કે માસી ! ”

નીચેના ચિત્ર ઉપર ક્લિક કરીને વાંચો.

American mother-story

“એક અમેરિકન મા.. કે માસી ! ”  (વાર્તા )….વિનોદ પટેલ 

(696) સ્વ. કુસુમબેનની ૨૩ મી પુણ્યતિથી નિમિત્તે ઈ-પુસ્તક “કુસુમાંજલિ ” નું પ્રકાશન

૧૪ મી એપ્રિલ, ૨૦૧૫ એટલે મારાં ધર્મપત્ની સ્વ. કુસુમબેન પટેલની ૨૩ મી પુણ્ય તિથીનો દિવસ . 

આજથી ૨૩ વર્ષ પહેલાં કુસુમબેનનું એમની ૫૪ વર્ષની ઉંમરે, સ્ટ્રોક-પેરાલિસિસને લીધે  લાંબી માંદગી પછી, તારીખ ૧૪ મી એપ્રિલ,૧૯૯૨ ના રોજ, નારણપુરા,અમદાવાદ  ખાતેના અમારા નિવાસસ્થાને દુખદ અવસાન થયું હતું. 

સ્વ.કુસુમબેનની પ્રથમ વાર્ષિક પુણ્યતિથિ નિમિત્તે એ સ્વર્ગીય આત્માની સ્મૃતિ સચવાય એ હેતુથી “શ્રધાંજલિ “ નામના ૧૨૧ પાનાના પાકા પૂંઠાના પુસ્તકની ૧૦૦૦ નકલ છપાવીને મિત્રો /સ્નેહીજનોને મેં વહેંચી હતી .આ શ્રધાંજલિ પુસ્તકમાં એ વખતે એમની ઉમર જેટલાં ૫૪ પસંદ કરેલાં ભજનો,ચિંતન લેખો,સો જેટલાં ચૂંટેલાં સુવાક્યો વિગેરે વિવિધ માહિતી સંપાદિત કરી હતી.આ પુસ્તક બધાંને ખુબ ગમ્યુ હતું.આ પુસ્તક હાલ અપ્રાપ્ય છે. 

ત્યારબાદ ૨૨ વર્ષના લાંબા સમય દરમ્યાન મેગેઝીનો ,સામયિકો તથા સદગતની યાદમાં ૨૦૧૧માં શરુ કરેલ મારા ગુજરાતી બ્લોગ “વિનોદ વિહાર”માં મારા સ્વ-રચિત  ઘણા લેખો, વાર્તાઓ, કાવ્યો ,ચિંતન લેખો એમ વિવિધ પ્રકારનું સાહિત્ય પ્રગટ થતું રહ્યું છે જેને માટે વાચકોનો પ્રોત્સાહિત પ્રતિસાત પ્રાપ્ત થયો છે.

પ્રતિલિપિ સંસ્થાએ પણ મારી ઘણી સાહિત્ય રચનાઓ પ્રકાશિત કરી છે જેના માટે હું આ સંસ્થા નો ખુબ જ આભારી છું.

આ બધી સ્વ રચિત સાહિત્ય રચનાઓમાંથી મારી પસંદગીની રચનાઓનો સમાવેશ કરી કુસુમબેનની ૨૩મી પુણ્યતિથી એટલે કે ૧૪ મી એપ્રિલ ૨૦૧૫ના  દિવસે એમની યાદમાં “કુસુમાંજલિ” નામે એક ઈ-બુક બહાર પાડી એમને શ્રધાંજલિ આપવાનો મને એક વિચાર આવ્યો હતો.આ વિચાર મેં પ્રતિલિપિમાં ગુજરાતી સાહિત્યના વિભાગનું  બેંગલોરથી કુશળતાથી સંચાલન કરી રહેલ સુ.શ્રી શૈલીબેન(સહૃદયી) મોદીને જણાવ્યો.શૈલીબેનએ મારા સૂચનને ખુશીથી સ્વીકાર્યું એટલું જ નહીં કુસુમાંજલિ ઈ-બુકને સમયસર બહાર પાડવા માટે તેઓ બધો જ સહકાર આપશે એવી હૈયાધારણ આપી.

આજે ૧૪ મી એપ્રિલ,૨૦૧૫ ના  રોજ, કુસુમબેનની ૨૩મી પુણ્યતિથીના દિવસે પ્રતિલિપિના સહકારથી “કુસુમાંજલિ ઈ-બુક” ને ગુજરાતી સાહિત્ય રસિકો માટે ખુલ્લી મુકતાં હું આનંદ અને સંતોષની લાગણી અનુભવું છું.

આ ઈ-પુસ્તકમાં મુકેલા લેખો જેવા કે આમુખ પ્રસ્તાવના ,સ્વ. કુસુમબેનની સચિત્ર જીવન ઝરમર અને મારું જીવન વૃતાંતમાંથી, કભી ખુશી ,કભી ગમનો અહેસાસ કરાવતા અમારા ૩૦ વર્ષના દામ્પત્ય જીવનના અનેક પ્રસંગોની સ્મૃતિઓ ઉજાગર થતી આપને જાણવા મળશે .

આ ઉપરાંત એમાં મારો ઈન્ટરવ્યું ,પ્રતિલિપિમાં પ્રકાશિત થયેલ મારાં પસંદગીનાં ૩૫ કાવ્ય રચનાઓ ,૧૮ વાર્તાઓ ,૧૪ ચિંતન લેખો ,કેટલાંક ચૂંટેલાં અંગ્રેજી-ગુજરાતી અવતરણો વી. જીવન પોષક સાહિત્ય આપને વાંચવા મળશે.

કુસુમાંજલિ ની ભજનાવલિ 

છેલ્લે,સ્વ.કુસુમબેનને પસંદ હતાં એવાં લગભગ ૪૦ભજનો,આરતીઓ તથા અન્ય આધ્યાત્મિક પ્રસાદી સમાવીને એક મીની ઈ-બુક જેવી ભજનાવલિ પણ એમાં સામેલ છે.

 આ ઈ-પુસ્તક વાંચવા માટે નીચેના ચિત્ર ઉપર ક્લિક કરો. 

KUSUMANJALI -3

 સ્વ.કુસુમબેન વિ.પટેલ  

જન્મ- ફેબ્રુઆરી ૧, ૧૯૩૮ (કરાંચી)

સ્વર્ગવાસ- એપ્રિલ ૧૪,૧૯૯૨ (અમદાવાદ)

———————————————–

સંપાદન – પ્રકાશન 

વિનોદ પટેલ… અને…પ્રતિલિપિ 

શબ્દો જે આત્માને પ્રકાશિત કરે , એને ઉર્ધ્વ કરે ,

એની કિંમત આગળ , હીરા-મોતી તો કશું જ નથી . 

મુલ્ય –અમુલ્ય-માત્ર સદભાવ  

આ “કુસુમાંજલિ ” ઈ-પુસ્તક પ્રકાશનને શક્ય બનાવવા  માટે પ્રતિલિપિ અને એના ગુજરાતી વિભાગનું કુશળતાથી સંચાલન કરી રહેલ સુ.શ્રી સહૃદયી ( શૈલી ) મોદીનો હું ખુબ આભારી છું.

મને આશા છે આ “કુસુમાંજલિ ” ઈ-પુસ્તક મારફતે મારી ચૂંટેલી ગુજરાતી ગદ્ય-પદ્ય સાહિત્ય રચનાઓનો વાચકોને વિનોદ વિહાર કરાવવાનો જે મેં નમ્ર પ્રયાસ કર્યો છે એ આપને ગમશે અને જીવન પ્રેરક જણાશે .

આ “કુસુમાંજલિ ઈ-બુક તો સ્વ.કુસુમબેનની ૨૩ મી પુણ્યતિથી નિમિત્તે એમને હાર્દિક શ્રધાંજલિ આપવાનો એક નમ્ર પ્રયાસ છે.એની મારફતે વિદેહી કુસુમબેનની સ્મૃતિ અક્ષર દેહે સચવાઈ રહેશે એનો મને આનંદ છે. 

વિનોદ પટેલ, સાન ડીએગો 

તા. એપ્રિલ ૧૪, ૨૦૧૫ .   

KUSUMAANJALI QUOTE   

 સૌજન્ય- મિત્રના ફેસ બુક પેજ પરથી સાભાર 

 

 

 

 

( 684 ) પ્રતિલિપિનો એક સંદેશ …સહૃદયી મોદી

Our monthly report is attached here in the link. This data is related to the content you have published by yourself. Once again a hearty congratulations to all of you on behalf of entire Pratilipi family.

Here is the link:

http://www.pratilipi.com/blog/5709032362868736

Keep writing 🙂

Thanking you,

Sincerely,

Shally

Team Pratilipi

+91 9979880776

=================

સુ.શ્રી .સહૃદયી  મોદીએ pratilipi ના ફેસબુક પેજ પર પણ આ સમાચાર હિન્દી ભાષીઓ માટે આ રીતે મુક્યા છે.

पिछले महीने कई लेखकों ने प्रतिलिपि के मंच पर अपने साहित्य को खुद से प्रकाशित किया और पाठकों ने इस साहित्य का दिल से स्वागत किया। हमें कई पाठकों के बधाई हेतु ई- मेल प्राप्त हुए। प्रतिलिपि के मंच पर खुद से साहित्य जोड़नेवाले सभी लेखकों को प्रतिलिपि के पाठकों एवं समग्र परिवार की ओर से हार्दिक शुभकामनाए।

प्रतिलिपि के मंच पर खुद से प्रकाशित होने वाले तथा सबसे ज्यादा पढ़े जानेवाले दस लेखकों के बारे में एक रिपोर्ट :

http://www.pratilipi.com/blog/5709032362868736

 

બેંગ્લોર સ્થિત સોશિયલ નેટ વર્કિંગ સંસ્થા પ્રતિલિપિ  ભારતીય ભાષા- સાહિત્ય ને પ્રોત્સાહન આપવા માટે આજે સુંદર કામગીરી બજાવી રહી છે અને એની વાચકોની સંખ્યામાં ઘણો જ વધારો થતો જાય છે .આખી પ્રતિલિપિ ટીમને આવી સુંદર પ્રગતી દર્શાવવા બદલ ધન્યવાદ ઘટે છે.

પ્રતિલિપિ વિષે અગાઉ વિનોદ વિહારની આ  વિવિધ પોસ્ટમાં માહિતી આપવામાં આવી છે.

( 631) પ્રતિલિપિ પ્રકાશિત ક્લાસિક ઈ-બુકો વિના મુલ્ય વાંચો.

ગુજરાતી સાહિત્યમાં કવિ દલપતરામ ડાહ્યાભાઈ ના નામથી ભાગ્યે જ કોઈ અજાણ્યું હશે. એમની કવિતાઓ ઉપરાંત તેઓ એમનાં મિથ્યાભિમાન -નાટક જેવાં અન્ય પુસ્તકોથી પણ તેઓ ખુબ જાણીતા છે.

 કવિ દલપતરામનું બાવલું 

DALPATRAAM

સૌજન્ય -વિકિપીડિયા -પરિચય 

પ્રતિલિપિ એ દલપતરામની લખેલી બોધ કથાઓ ની એક ઈ-બુક

 तार्किक बोध

પ્રકાશિત કરી છે એ સૌએ વાંચવા જેવી છે .  

तार्किक बोध

પંજાબનો રહેવાશી ક્રૂરચંદ, અને ગુજરાતનો સુરચંદ, એ બંને રોજગાર વાસ્તે પરદેશ જતાં રસ્તામાં એકઠા થયા.

તેઓ ચાલ્યા જતા હતા તે માર્ગને એક પડખે સુકા તળાવમાં વગર બાંધેલો કૂવો હતો, તેમાંથી કોઈ એક માણસે બૂમ પાડીને કહ્યું કે-

“અરે મને આમાંથી કોઈ કાઢો” તે સાંભળીને ક્રૂરચંદે તો મનમાં કંઈ ધાર્યું નહીં, પણ સુરચંદે જોયું તો, પાણી પીવા ઉતરતાં ખશી પડેલો. અને ગભરાયેલો આદમી તે કુવામાં દીઠો. પછી તેણે ક્રૂરચંદને બોલાવ્યો. તેણે પણ આવીને જોયું.

સુરચંદ : આપણે બંને જણ મળીને તતબીરથી આને બહાર કાઢીએ.

ક્રૂરચંદ : મારે એની કે એના બાપની ગરજ નથી. એની મેળે ઘણોયે નીકળશે. આપણે શા વાસ્તે ખોટી થવું જોઈએ ?

સુરચંદ : ત્યારે તમારે જવું હોય તો જાઓ, પણ હું તો એને બહાર કાઢ્યા વિના આવીશ નહિ.

આ આખી બોધ કથા તથા ઘણી બધી દલપતરામ લિખિત બોધકથાઓ નીચેની ઈ-બુકમાં વાંચવી તમને ખુબ ગમશે.

તાર્કિક બોધ – કવિ દલપતરામની બોધ કથાઓ

Tarkik bodh

 આ ઈ-બુક વાંચવા માટે ઉપરના ચિત્ર ઉપર ક્લિક કરો.

દલપતરામ નાં બીજાં ત્રણ ખુબ જાણીતાં પુસ્તકો

૧. મિથ્યાભિમાન -નાટક

૨. અંધેર નગરી

૩.કથના સપ્તશતી -કહેવત સંગ્રહ

ની ત્રણ ઈ-બુકો પણ પ્રતિલિપિ ના સૌજન્યથી નીચેની લીંક

ઉપર વિના મુલ્યે વાંચી શકશો

પ્રતિલિપિ- દલપતરામ -ઈ બુકો 

સત્યના પ્રયોગો અથવા આત્મકથા -ગાંધીજી 

મહાત્મા ગાંધીની આત્મકથા -સત્યના પ્રયોગો ની ઈ-બુક પણ પ્રતિલિપિ એ પ્રકાશિત કરી છે .

આ આત્મકથાના પુસ્તકના નીચેના ચિત્ર ઉપર ક્લિક કરીને આખું પુસ્તક વાંચવાનો વિના મુલ્ય લાભ લેવાની તક ચુકશો નહિ.

atmakatha

આત્મકથાના બીજા ભાગ તથા પ્રતિલિપિ પ્રકાશિત બધી જ ક્લાસિક હિન્દી ,ગુજરાતી ઈ-બુકો વાંચવા માટે નીચેની લીંક ઉપર ક્લિક કરો .

http://www.pratilipi.com/classics/books