વિનોદ વિહાર

ગુજરાતી ગદ્ય પદ્ય સર્જનની આનંદ યાત્રા

Tag Archives: અમદાવાદ

1083 -અનોખું અને રંગીલું અમદાવાદ અને અમદાવાદીઓ ….

 સાભાર- ડો. કનક રાવળ- એમના ઈ-મેલમાંથી

અમદાવાદના લોકો?Ok hand signThumbs up sign
BoyGirlManWomanOlder manOlder womanPrincess

અમદાવાદ સંપૂર્ણપણે વર્તમાનકાળમાં જીવતું શહેર છે. આ શહેરને ભૂતકાળનોબહુ 

ખાસ રંજ કે ખરખરો નથી અને ભવિષ્યકાળની બહુ બધી ફિકર પણ નથી. 

આ શહેરના લોકો આજ-અટાણે મજા કરી લેવામાં માને છે.

અમુક લોકો રાતે ત્રણ વાગ્યે ચા પીને ઘરે જાય છે તો અમુક લોકો ત્રણ વાગ્યે ચાપીવા 

ઘરમાંથી બહાર નીકળે છે. ટૂંકમાં, ગામ રેઢું ન રહેવું જોઈએ બસ!

જુદાં જુદાં ગામડાંમાંથી માઇગ્રેટ થઈને જુદી જુદી જાતના-ભાતના ને નાતનાલોકોએ અમદાવાદને પચરંગી બનાવ્યું છે.

એટલે જ તો અમદાવાદનું કોઈ એક કલ્ચર નથી બસ, એ જ તો અમદાવાદનું’કલ્ચર’ છે. 

અમદાવાદ ગુજરાતીઓનું ‘અમેરિકા’ છે.
અમદાવાદમાં કરોડ કરોડની ગાડીવાળા પણ મોજમાં છે તો રિક્ષાવાળો પણઉદાસ નથી.

અહીં દરેક માણસ પોતાને પરવડે એવી મોજની ખોજ કરી લ્યે છે. એટલે જ તોઆ શહેર રાતે  નથી વધતું એટલું દિવસે વધે છે.

અમદાવાદમાં અગિયારસો રૃપિયાની થાળી લગ્નપ્રસંગમાં જમાડવાવાળા કેટરિંગનું 

પણ ચાલે છે, તો ફૂટપાથ પર પાણી પૂરી વેચનારો પણ ફ્રી નથી.

અહીં ફૂટપાથ કોઈની પણ મંજૂરી વગર ચાની લારી માટે પાંચ પાંચ લાખમાં કોઈપણ 

જાતના દસ્તાવેજ વગર મરદની મૂછ માથે વેચાઈ જાય છે.

એક વાર નર્કમાં કેટલાક લોકો આરામથી વડલા હેઠે પાણાનું ઓશિકું કરીને ઘસઘસાટ 

સૂતા હતા. ચિત્રગુપ્તે યમરાજાને પૂછયું કે, “આ કોણ છે!” યમરાજ કહે, ” આ અમદાવાદ ના લોકો છે, સાલ્લા ગમે ત્યાં સેટ થઈ જ જાય છે!”

અમદાવાદમાં જે હાલે એ આખા ગુજરાતમાં ચાલે.

અમદાવાદ વાસીઓ માટે લખેલી એક હળવીફૂલ કવિતા માણો.

એક હાથમાં ફૂલડાં રાખે, બીજા હાથમાં ધોકો,
સાવ અનોખા યાર અમારાં, અમદાવાદના લોકો 

આંખોમાં સપનાં લઈ વહેલા ઊઠતા રોજ,
લોકો જ્યાં મસ્તી લૂંટવાનો કાયમ ગોતે મોકો,
સાવ અનોખા યાર અમારા અમદાવાદના લોકો..!

ગજબનું શહેર છે યાર આ અમદાવાદ

રોડના એક કાંઠે તમને પૂર્ણ ભારતીય પોશાકવાળી સાડી સેંથાવાળી ગુજરાતણસ્ત્રી 

જોવા મળે, તો સામો કાંઠે બોલ્ડ ટાઇટ જીન્સ અને સ્લીવલેસ ટીશર્ટમાંછાનીમૂની 

ગલીમાં સિગારેટ પીતી કન્યા પણ જડી આવે.

રેલવે સ્ટેશન પર એક અજાણી છોકરીએ બારી બહાર ડોકું કાઢી એક છોકરાનેપૂછયું કે, “કયું શહેર છે” છોકરો કહે, “ફ્રેન્ડશિપ કર તો કહું!” છોકરી હસીને બોલીકે સમજાઈ ગ્યું અમદાવાદ આવી ગ્યું!

જમીનના જ્યાં ભાવ છે માણસ કરતાં મોંઘા,
શીંગ રેવડી જેટલા થઈ ગયા શેરદલાલો સોંઘા;
ભાવ અને સ્વભાવ ગયા છે ઊંચા એને રોકો,
સાવ અનોખા યાર અમારા અમદાવાદના લોકો..

અમદાવાદનું પાણી થોડું વટવાળું છે. કો’ક કરોડનું ફુલેકું ફેરવે તોય એની 

ગામનોંધ ન લ્યે; 

અને અડધી ચાનો આગ્રહ ન કરો તો ખોટું લાગી જાય.

અહીંયાં લોકો સૂઝથી નહીં પણ સેન્ટિમેન્ટ્સથી ધંધો કરે છે. અહીંયાં મોંઘાંદાટલગ્નો 

થાય ઈ તો સમજ્યા પણ કરોડ કરોડ રૃપિયા પ્રાર્થના સભા કે સાદડીના સામિયાણાના 

પણ લોકો ચૂકવે છે. અમદાવાદના લોકોને મૌત પણ શાનદાર જ ખપે છે.

મોંઘેરી ગાડી નખરાળી લાડી લઈને ભમવું,
ગામ આખાને રવિવારની સાંજે બહાર જ જમવું;
ફેશન પહેરી નીકળી ગયેલા જુવાનીયા’વને ટોકો,
સાવ અનોખા યાર અમારા અમદાવાદ ના લોકો..

સેવાના અવતાર સમી છે જ્યાં સંસ્થાઓ સધ્ધર,
સ્વાભિમાનથી જેના લોકો હાલે વેંત એક અધ્ધર…

સાવ અનોખા યાર અમારા અમદાવાદ ના લોકો…

ઉપરનો લેખ વાંચ્યા પછી સાથે સાથે અમદાવાદની ખાસીયતો જણાવતો દિવ્ય ભાસ્કરમાં પ્રગટ આ લેખ પણ વાંચી લો.  

 

મૂળ સુરતના પણ અમદાવાદમાં રહેલા ન્યુ જર્સી નિવાસી મારા મિત્ર શ્રી વિપુલ દેસાઈએ અમદાવાદનાં જોવા લાયક સ્થળોને આવરી લઈને ગીત સાથે બનાવેલો આ વિડીયો પણ આપને જરૂર ગમશે. 

અમે અમદાવાદી 

અમદાવાદ -વિકિપીડિયા  

અમદાવાદની વિગતે માહિતી વિકિપીડિયાની

આ લીંક પર ક્લિક કરીને વાંચી શકાશે.

Dedicated to all Ahmedabadis.

( 534 ) અમદાવાદ સાબરમતી –રીવર ફ્રન્ટ… એના મોંઘેરા મુલાકાતી- ચીનના રાષ્ટ્રપતિ શી જિનપિંગ

 બુધવાર, તારીખ ૧૭મીએ ભારતના વડા પ્રધાન શ્રી નરેન્દ્ર મોદીનો જન્મ દિવસ, એમની સભાઓનો કાર્યક્રમ અને ગુરુવાર, ૧૮ સપ્ટેમ્બર બપોર પછી ચીનના પ્રમુખ સી જિનપિંગ ની સ-પત્ની પધરામણી અને એમના ભરચક કાર્યક્રમો , એમ બે દિવસો દરમ્યાન અમદાવાદમાં એક ઉત્સાહ અને ઉમંગની લ્હેર પ્રસરી ગઈ હતી . 

દુનિયાની ઉભરતી આર્થિક તાકાત સમા અને વસ્તીમાં મોખરે ભારતના એક હરીફ દેશ ચીનના સર્વોચ્ચ નેતા અને એમનાં પત્નીને સાબરમતી  રીવર ફ્રન્ટ અને સાબરમતી આશ્રમ મોદીએ એમને જાતે ફરી ફરીને બતાવીને ખુશ કરી દીધા .

આ પ્રસંગે દુનિયાના પત્રકારો અને ટી.વી. કેમેરામેનો અમદાવાદમાં ઉતરી પડ્યા હતા . એમના જન્મ દિવસ ઉપર મોદીએ એક કાંકરે બે પક્ષી માર્યા. .ચીન સાથે આર્થિક સંબંધો બાંધી અમદાવાદના ભાવી વિકાસ માટે કરાર કરી ચીનની ભાગીદારી દ્રઢ કરી અને દુનિયાભરમાં  અમદાવાદના આ બે વિખ્યાત સ્થળોનું માર્કેટિંગ કરી સહેલાણીઓને અમદાવાદ આવવા માટે એક જાતનું આકર્ષણ ઉભું કર્યું .   

( ફોટો સૌજન્ય- દિવ્ય ભાસ્કર )

પહેલી તસ્વીર માં સાબરમતી નદી કિનારે ખુલ્લા આકાશ નીચે સંખેડાના હિંડોળે ઝુલતા શી જિનપિંગ અને એમનાં પત્ની પેંગ લિયુઆન ખુશખુશાલ અને રોમાંટિક મુડમાં દેખાય છે  .

શહેરના સુભાષબ્રિજ પાસે આવેલો સાબરમતી રિવરફ્રન્ટ સામાન્ય રીતે સાંજે પ્રેમીપંખીડાઓથી ઉભરાતો હોય છે. પણ બુધવારની સાંજનું વાતાવરણ અલગ હતું. અહીં એક ખાસ કપલ માટે ખાસ રંગારંગ આયોજન કરવામાં આવ્યુ હતુ. આ શાહી કપલે ગુજરાતી સંસ્કૃતિનાં દ્રશ્યો જોતાં જોતાં રોમાંચક સાંજની ક્ષણો માણી હતી.

બીજા ચિત્રમાં ગીરના જંગલોનો માહોલ ઉભો કરવામાં આવ્યો છે . જીંદગીમાં પહેલીવાર એક ગ્રામીણ ખાટલામાં  આસન લઈને આ પ્રેમી શાહી યુગલ ગીરના  બનાવટી સિંહો વચ્ચે બેઠાં છે  .મોદી એમને જાણે કે કહી  રહ્યા છે ” કેમ મજા આવીને ! “

આ  બે પ્રસંગોને  નીચેના બે વિડીયોમાં નિહાળો અને માણો  . 

Chinese President Xi Jinping & FirstLady visit Sabarmati Riverfront,

accompanied by PM Modi 

 PM Modi and Chinese President visit Sabarmati Ashram

 

મારી અમદાવાદની 2007 ની છેલ્લી મુલાકાત વખતે મેં સાબરમતી રીવર ફ્રન્ટની મુલાકાત લીધી હતી પણ એ વખતે કામ શરું થયું હતું  .સાબરમતી ગાંધી આશ્રમની પણ મુલાકાત લઈને કૈક જુદા જ પ્રકારની માનસિક શાંતિની અનુભૂતિ કરી હતી  . એ વખતે ” મારું જીવન એ જ મારો સંદેશ છે ‘ એવા શબ્દો સાથેની ગાંધીજીની શાંત મુદ્રાની એક છબી સાથેની મારી એક યાદગાર તસ્વીર આ રહી 

Gandhi-vrp

સાબરમતી રીવર ફ્રન્ટ- પહેલાંનું અને આજનું  

 હું અમદાવાદી છું. મારી જિંદગીનાં લગભગ ૪૫ વર્ષ મેં અમદાવાદમાં ગાળ્યાં છે .અમદાવાદ સાથે એક જાતનો માનસિક લગાવ થઇ ગયો છે. જીવનની અનેક સ્મૃતિઓ અમદાવાદ સાથે જોડાયેલી છે . આજના સાબરમતીના રીવર ફ્રન્ટ નો નજારો કલ્પનાતીત છે. પહેલાં સાબરમતી નદીમાં ચોમાસાના થોડા દિવસ જ એક નાના વ્હેણમાં પાણી જોવા મળતું બાકી વર્ષનો મોટો ભાગ એમાં રેતી જ ઉડતી દેખાતી. સ્કુલના વિદ્યાર્થીઓ સાબરમતીના પટની રેતીમાં ક્રિકેટની અને બીજી રમતો રમતા . એ રેતીના પટમાં સરકસના તંબુઓ જોવા મળતા . સપરિવાર નદીના પટમાં સર્કસ પણ જોયેલાં છે .

આજે એ જ સાબરમતી નદીમાં લોકો બોટિંગની મોજ માણે છે ! એક સ્વપ્ન્નશીલ વ્યક્તિની દુરંદેશીનું પરિણામ એટલે આજનું સાબરમતી રીવર ફ્રન્ટ.નરેન્દ્ર મોદી માત્ર સ્વપ્ન જોતા જ નથી પણ એ સ્વપ્નને કેવી રીતે સાકાર કરે છે એ તમને રીવર ફ્રન્ટના ભૂતકાળ અને વર્તમાનનો નીચેનો વિડીયો જોવાથી માલુમ પડશે .

Sabarmati Riverfront Secret Revealed by Narendra Modi

Before After– Full Documentary..