વિનોદ વિહાર

ગુજરાતી ગદ્ય-પદ્ય સર્જનની આનંદ યાત્રા

Tag Archives: ઉત્તમ ગજ્જર

( 922 ) ચાર બોધ કથાઓ …..

જાણીતા બ્લોગ સન્ડે-ઈ-મહેફિલ ના સંપાદક ,સુરત નિવાસી મિત્ર શ્રી ઉત્તમભાઈ ગજ્જરે એમના ઈ-મેલમાં કેટલીક સરસ બોધ કથાઓ વાંચવા માટે મોકલી હતી,એમાંથી મને ગમેલ ચાર બોધ કથાઓને આજની પોસ્ટમાં એમના આભાર સાથે વિનોદ વિહારના વાચકો માટે પ્રસ્તુત કરેલ છે.વિ.પ.

૧.બાળકોની ખુબીઓને ખામીઓ સમજવાની ભૂલ

૧૩ વર્ષની ઉંમરની એક વિદ્યાર્થીનીથી શાળાના બધા શિક્ષકો કંટાળી ગયા હતા કારણ કે આ છોકરી વર્ગમાં પગ વાળીને બેસતી જ નહોતી. વર્ગમાં બેઠા બેઠા સતત પોતાના પગ હલાવ્યા કરે અને પાંચ મીનીટ ન થાય ત્યાં પોતાની જગ્યાએથી ઉભી થઇને વર્ગમાં આંટો મારે. શિક્ષકો ગમે તેવી સજા કરે તો પણ એની કોઇ અસર આ છોકરી પર થતી નહોતી.

છેલ્લા ઉપાય તરીકે આ છોકરીની મમ્મીને શાળાએ બોલાવવામાં આવી. શિક્ષકે એમને કહ્યુ કે ” આ છોકરી ભણવામાં બિલકુલ ધ્યાન નથી આપતી. એ શાંતીથી વર્ગમાં બેસી પણ શકતી નથી. આ છોકરીને અમે આ શાળામાં રાખી શકીએ તેમ નથી કારણકે એનામાં કંઇક ખામી હોય એવુ અમને લાગે છે તમે ખામીવાળા બાળકોને અભ્યાસ કરાવતી હોય એવી કોઇ શાળામાં એને પ્રવેશ અપાવો.”

વાત સાંભળીને છોકરીની મમ્મી પડી ભાંગી. પોતાની દિકરીના ભવિષ્યની ચિંતા માતાને સતાવી રહી હતી. દિકરીમાં શું ખામી છે એ તપાસવા માટે એણે એક મનોવૈજ્ઞાનિક ડોકટરની મુલાકાત લીધી. ડોકટરે નાની છોકરીની બધી વાતો ધ્યાનથી સાંભળી અને એનું નિરિક્ષણ કર્યુ. છોકરી શાંત બેસી રહેવાને બદલે એના પગ હલાવતી હતી અને વારે વારે ઉભી થતી હતી. ડોકટરે એની ચેમ્બરમાં રહેલો રેડીયો ચાલુ કર્યો અને છોકરીને ડાન્સ કરવા માટે પ્રત્સાહિત કરી. થોડી જ વારમાં 13 વર્ષની ઉંમરની આ છોકરી કોઇપણ જાતની તાલીમ વગર અદભૂત ડાન્સ કરવા લાગી.

ડોકટરે છોકરીની માતાને કહ્યુ, ” તમે કોઇ ચિંતા ન કરો. તમારી દિકરી ખામીવાળી નહી પણ ખુબીવાળી છે. ભગવાને એનામાં નૃત્યકળા ઠાંસીઠાંસીને ભરી છે. આને તમે કોઇ સારી સંગિત અને નૃત્યની શાળામાં મોકલો. ડોકટરના આદેશ પ્રમાણે એ છોકરીને એક સારી નૃત્યશાળામાં મુકવામાં આવી અને યોગ્ય તાલીમના કારણે આ છોકરી ન કેવળ પોતાના શહેરમાં પરંતું સમગ્ર વિશ્વમાં પ્રસિધ્ધ બની ગઇ.

શિક્ષકોએ જેને ખામીવાળી છોકરી સમજીને શાળામાંથી કાઢી મુકેલી એ છોકરી એટલે વિશ્વની શ્રેષ્ઠ ડાન્સર, કોરીયોગ્રાફર, અભિનેત્રી અને ડાયરેકટર ગિલીયન લીની.

બોધ પાઠ : ઘણીવખત આપણે બાળકોની ખુબીઓને ખામીઓ સમજવાની ભૂલ કરતા હોઇએ છીએ. બાળકોના વર્તન પરથી એની ટેલેન્ટને સમજીએ અને બીજા બાળકો સાથે એની સરખામણી કરવાનું બંધ કરીએ.

૨.વિચારોના ચશ્માને પણ જરા સાફ કરતા રહેવા

ભાદરવા મહિનાના ધોમધખતા તાપમાં બપોરના સમયે એક ભાઇ દુધપાકની ડોલ હાથમાં લઇને ગટર પાસે ઉભા હતા અને એક ચમચા વડે ડોલમાંથી દુધપાક લઇને થોડો થોડો ગટરમાં નાંખતા હતા. ત્યાંથી પસાર થતી કોઇ વ્યક્તિનું ધ્યાન ગયુ એટલે એ પેલા ભાઇ પાસે પહોંચી ગયા. કેસર ઇલાઇચી વાળા સુકા મેવાથી ભરપુર મસ્ત મજાના દુધપાકને ગંદી ગટરમાં નાંખતા જોઇને એમને આશ્વર્ય થયુ.

દુધપાકને ગટરમાં નાંખી રહેલા પેલા ભાઇને પુછ્યુ , ” તમે , કેમ દુધપાકને ગટરમાં નાંખી દો છો ? “

પેલા ભાઇએ બળાપો કાઢતા કહ્યુ , ” અરે ભાઇ, શું કરુ ? આજે મારા દાદાના શ્રાધ્ધ નિમિતે કેટલી મહેનતથી આ સરસ મજાનો દુધપાક બનાવ્યો હતો. પણ તેમાં આ બે માંખો પડી છે અને મરી ગઇ છે એટલે એને ચમચાથી બહાર કાઢીને ગટરમાં ફેંકવા માટે આવ્યો છું પણ માંખ બહાર નિકળવાનું નામ જ નથી લેતી.”

વાત સાંભળતા જ રસ્તેથી પસાર થતા હતા તે ભાઇ ખડખડાટ હસી પડ્યા અને કહ્યુ , “ ભાઇ આમ જ જો આ મરેલી માંખોને બહાર કાઢવાનો પ્રયાસ કરશો તો દુધપાકની આખી ડોલ ખાલી થઇ જશે તો પણ માંખો બહાર નહી નિકળે. એક કામ કરો તમે જે ચશ્મા પહેર્યા છે તે મને આપો”. દુધપાકની ડોલ નીચે મુકીને પોતાના ચશ્મા ઉતારીને એ ભાઇના હાથમાં આપ્યા.
ચશ્માના કાચ પર બે મરેલી માંખો ચોંટી હતી. કપડું લઇને ચશ્મા બરાબર સાફ કર્યા અને પછી પાછા આપીને કહ્યુ , ” હવે આ ચશ્મા પહેરો “. પેલા ભાઇએ ચશ્મા પહેરીને ડોલમાં જોયુ તો દુધપાક તો ચોખ્ખો હતો. એમાથી મરેલી માંખો જતી રહી હતી.

બોધ પાઠ :

આપણા વિચારોરુપી ચશ્મા પર ચોંટેલી નકારાત્મતારૂપી માંખોને કારણે આ દુનિયાને અને દુનિયાના લોકો સાથેના આપણા સંબંધને જે સરસ મજાના દુધપાક જેવા મીઠા છે તેને ગંદી ગટરમાં ફેંકી રહ્યા છીએ. વિચારોના ચશ્માને પણ જરા સાફ કરતા રહેવા.

૩.નાના માણસોની મોટી ભેટ

એક અત્યંત પૈસાદાર પરિવારના એકના એક દિકરાના લગ્ન હતા. એકમાત્ર સંતાન હોવાથી દિકરાના માતા-પિતાએ ધામધૂમથી લગ્ન ઉજવવાનું નક્કી કરેલુ. લગ્નમાં સામેલ થનાર તમામ લોકોને કંઇક ભેટ આપવી એવુ નક્કી થયુ.

એકદિવસ પતિ-પત્નિ બંને સાથે બેસીને કોને કોને શું ભેટ આપવી ? એની ચર્ચા કરી રહ્યા હતા. લાંબી ચર્ચાના અંતે એવુ નક્કી થયુ કે લગ્નમાં આવનાર તમામ સ્ત્રીઓને એક સાડી અને તમામ પુરુષોને એક સુટ ભેટમાં આપવુ. મેનેજરને બોલાવીને આદેશ આપ્યો ” લગ્નમાં આવનાર મહેમાન માટે 500 સાડી અને 500 સુટના કાપડનો ઓર્ડર આપી દો. મારા લાડકા દિકરાના લગ્ન છે એટલે સાડી અને સુટ મોંઘામાં મોંઘા હોય એવા લેવાના છે એમા જરા પણ કંજૂસાઇ ન કરતા.”

મેનેજર જતા હતા એટલે શેઠાણીએ એને અટકાવીને કહ્યુ, ” તમે થોડી સાડી અને સુટ સસ્તા હોય એવા પણ લેજો.” શેઠે કહ્યુ, ” કેમ એવુ ? ” શેઠાણીએ કહ્યુ, ” ઘરના નોકરને જે ભેટ આપીશું એ બહુ મોંઘી આપવાની જરૂર નથી એમને તો સસ્તી આપીએ તો પણ ચાલે.” સાંજે સાડી અને સુટના કાપડની ખરીદી કરવા માટે મેનેજર શહેરના એક અત્યંત આધુનિક શોરૂમ પર પહોંચ્યા. આ શોરૂમ શહેરનો સૌથી મોંઘો શોરૂમ હતો.

મેનેજર અંદર પ્રવેશ્યા કે એનું ધ્યાન 4-5 જાણીતા ચહેરા પર પડ્યુ. આ બધા લોકો ઘરના નોકર હતા. મેનેજરને આશ્વર્ય થયુ કે નોકરો અહીંયા શું લેવા આવ્યા હશે ? એ તો એકબાજુ ઉભા ઉભા જોવા લાગ્યા. નોકરો સેલ્સમેનને કહી રહ્યા હતા, ” ભાઇ, અમારા શેઠના એકના એક દિકરાના લગ્ન છે. લગ્નપ્રસંગે અમારે એમને ભેટ આપવી છે. અમને આવા સામાન્ય કપડા ન બતાવો. તમારા શોરૂમમાં જે મોંઘામાં મોંઘા કપડા હોય એ બતાવો અમે બધાએ સાથે મળીને અમારા નાનાશેઠને ભેટ આપવા માટે અમારા પગારમાંથી ઘણી બચત કરી છે એટલે તમે ચિંતા ન કરતા.” નોકરોની વાતો સાંભળીને મેનેજરની આંખ ભીની થઇ ગઇ.

બોધ પાઠ:

મિત્રો, આપણે માણસોના હદય જોઇને નહી પરંતુ એના હોદા જોઇને ભેટ આપીએ છીએ. જો આપણને મોટા હોદા પર બેઠેલા માણસોને નાની ભેટ આપવાથી શરમ આવતી હોય તો પછી મોટા હદયના માણસોને નાની ભેટ આપતા શરમ કેમ નથી આવતી ?

કવિ ઉમાશંકર જોશી રચિત આ પંક્તિઓ યાદ આવી ગઈ

મોટાની અલ્પતા જોઈ થાક્યો

નાનાની મોટાઈ જોઇ જીવું છું.  

૪.જીવનમાં સંયમ ખુબ જ અગત્યનો છે

એક વેપારી પોતાના ઘરાકને મધ આપતો હતો. અચાનક એના હાથમાંથી મધ ભરેલું વાસણ છટકીને નીચે પડી ગયું. જમીન પર ઢોળાયેલા મધમાંથી જેટલું મધ ઉપર ઉપરથી લઇ શકાય એટલું મધ લઇ લીધુ બીજુ જમીન પર જ પડી રહ્યુ.

મધની મીઠાશના લોભથી ઘણીખરી માખીઓ તે મધ પર આવીને બેસી ગઇ. મીઠું મીઠું મધ એમને ખુબ જ ભાવતું હતું આથી એ મધ ચાટવા લાગી. મધ ચાટવામાં એવી તો મશગુલ બની ગઇ કે ધીમે ધીમે એની પાંખો મધમાં ચોંટી રહી હતી એનો ખ્યાલ પણ ન રહ્યો. મધથી પુરે પુરુ પેટ ભરાઇ ગયુ અને ઉડવાનો પ્રયાસ કર્યો પણ ઉડી જ ન શકી.

પોતાની જાતને બચાવવા ખુબ પ્રયાસો કર્યા પણ એ અસફળ રહી. વધુ મધ ખાવાની લાલચમાં એ પોતાનો જીવ ખોઇ બેઠી. અરે આશ્વર્યની વાત તો એ હતી કે મધનો સ્વાદ લેવા માટે જે નવી માખીઓ આવી રહી હતી તે જુની માખીઓની દુર્દશા જોતી જ હતી આમ છતા પણ મધ ચાટવાની લાલચને ન રોકી શકવાને કારણે સામે ચાલીને મોતને આમંત્રણ આપતી હતી.

બોધ પાઠ:

જીવનમાં સંયમ ખુબ જ અગત્યનો છે. ક્યાં અટકવું એનું પ્રમાણભાન ન હોય તો જીવન બરબાદ થતા બીલકુલ વાર ન લાગે.

(547) શ્રી હરનીશ જાનીનો હાસ્ય લેખ “સીનીયર નામા” અને ઘડપણ વિશેના અન્ય લેખોનો ખજાનો .

એમના  ખુબ વંચાતા બ્લોગ ‘સન્ડે ઈમહેફીલ નાં માધ્યમથી ગુજરાતી ભાષાની અનન્ય સેવા બજાવી રહેલ જાણીતા સુરત નિવાસી મિત્ર શ્રી ઉત્તમભાઈ ગજ્જરે  ‘SeM’ની  306 : October 05, 2014 ની પોસ્ટમાં પ્રખ્યાત હાસ્ય લેખક શ્રી હરનીશ જાનીનો ઘડપણ વિષય ઉપરનો ખુબ જ રમુજી લેખ “સીનીયરનામા” પ્રગટ કર્યો છે  .આ લેખ ઈ-મેલથી એમણે મને વાંચવા મોકલ્યો  જે વાંચતા જ મને ખુબ ગમી ગયો.

 

આ લેખમાં એવોર્ડ વિજેતા આ હાસ્ય લેખકે ઘડપણની કઠીનાઈઓની વાતો એમની આગવી રમુજી શૈલીમાં રજુ કરી હાસ્યની છોળો ઉડાડી છે  જે તમને પણ વાચવી ગમશે  .

 

હરનીશભાઈને થોડા દિવસો પહેલાં જ ૨૦૧૪ નો ચુનીલાલ વેલજી મહેતા એવોર્ડ( ગુજરાતી લિટરરી એકેડમી ઓફ નોર્થ અમેરિકા) પ્રાપ્ત થયો છે .એ પહેલાં ૨૦૦૯ માં એમના હાસ્ય લેખોના પુસ્તક ‘સુશીલા’ને ગુજરાત સરકારની સાહિત્ય અકાદમીનું પ્રથમ પારિતોષિક ; ગુજરાતી સાહિત્ય પરિષદનો ‘જ્યોતીન્દ્ર દવે’ પુરસ્કાર અને ૨૦૦૭ માં એમના “સુધન” પુસ્તકને સાહિત્ય અકાદમીનો હાસ્યસર્જનો માટેનો દ્વિતીય પુરસ્કાર પ્રાપ્ત થયો છે .

શ્રી હરનીશ જાની અને શ્રીમતી હંસા જાની

શ્રી હરનીશ જાની અને શ્રીમતી હંસા જાની

 વિગતે પરિચય અહીં ક્લિક કરીને વાંચો 

 

હરનીશભાઈના “સીનીયર નામા ” લેખને નીચેની પી.ડી.એફ. ફાઈલની લીંક પર ક્લિક કરીને માણો .

 

 

આ લેખ ઉપરાંત શ્રી ઉત્તમભાઈએ  ઘડપણના વીષય પર  સન્ડે ઈમહેફીલ માં બીજા જાણીતા લેખકોના જે લેખો પ્રગટ થયા છે  એ બધાની પણ પી.ડી.એફ. ફાઈલો મને મોકલી છે  .આ બધા લેખો પણ વાચકોને અને ખાસ કરીને સીનીયર મિત્રોને વાંચવા ગમે એવા છે  . 

 

આ બધા લેખોને નીચેની લિંક  ઉપર ક્લિક કરીને વાચો અને માણો   .

 

 

શ્રી ઉત્તમભાઈ ગજ્જર  અને સન્ડે-ઈ-મહેફીલના લેખો /કાવ્યો ની ઈ-બુકોનો પરીચય

uttam-madhu-gajjar

શ્રી ઉત્તમ ગજ્જર   અને  શ્રીમતી મધુ ગજ્જર 
 
આ અગાઉ વિનોદ વિહારમાં પોસ્ટ નમ્બર 467 માં શ્રી ઉત્તમભાઈ ગજ્જર અને  એમના બ્લોગ ગ ‘સન્ડે ઈમહેફીલ માં પ્રગટ ચૂંટેલા પસંદગીના લેખોની સાહિત્યના ખજાના જેવી ૧૩ ઈ-બુકોનો પરિચય  કરાવવામાં આવ્યો હતો એને નીચેની લીંક ઉપર ક્લિક કરીને વાચો  .
 

( 467 ) જીવન પોષક સાહીત્યનો ખજાનો — શ્રી ઉત્તમભાઈ ગજ્જરના સન્ડે-ઈ-મહેફીલના લેખો /કાવ્યો ની ઈ-બુકો – એક પરીચય

 

Uttam & Madhukanta Gajjar,
53-Guraunagar, Varachha Road,
SURAT-395 006 -INDIA
Phone : (0261)255 3591
 
==============================================

 

ઘડપણ વિષય ઉપરના પ્રસિદ્ધ લેખકોના આ બધાં પ્રેરક લેખોને એક જગાએ રજુ કરતી આજની પોસ્ટ એક ઈ-બુકની ગરજ સારશે. ખાસ કરીને જીવનની સંધ્યાના અવનવા રંગોમાંથી પસાર થઇ રહેલ મારા જેવા સીનીયરો-વૃદ્ધ જનો માટે ઉપયોગી બનશે અને સારું વાચન પૂરું પાડશે એમાં મને કોઈ શંકા નથી.

 
આજની આ પોસ્ટને શક્ય બનાવવા માટે આદરણીય શ્રી ઉત્તમભાઈ અને પોસ્ટમાં રજુ થયેલ લેખોના સૌ લેખકોનો હું આભારી છું.
 
વિનોદ પટેલ 

 

( 467 ) જીવન પોષક સાહીત્યનો ખજાનો — શ્રી ઉત્તમભાઈ ગજ્જરના સન્ડે-ઈ-મહેફીલના લેખો /કાવ્યો ની ઈ-બુકો – એક પરીચય

Uttam and Madhu Gajjar

Uttam and Madhu Gajjar

 

એમની ૭૯ વર્ષની ઉંમરે પણ એક જુવાન જેવો ઉત્સાહ અને મીજાજ ધરાવતા સુરત નીવાસી મીત્ર શ્રી ઉત્તમભાઈ ગજ્જર  છેલ્લાં નવ વર્ષથી -૨૦૦૫ થી ઇન્ટરનેટ દ્વારા એમના બ્લોગ સન્ડે-ઈ-મહેફીલના માધ્યમથી ગુજરાતી સાહીત્યની  આસ્વાદ્ય રચનાઓની વાચકોને વાચનયાત્રા કરાવી રહ્યા છે .

આજસુધીમાં શ્રી ઉત્તમભાઈએ એમના આ ખુબ વંચાતા બ્લોગમાં અનેક સાહીત્યકારોના પ્રેરક લેખો/વાર્તાઓ અને કવીઓનાં કાવ્યો વીગેરે એમની પસંદગીની પુષ્કળ ઉત્તમ સાહીત્ય કૃતીઓનું  પ્રકાશન કર્યું છે અને હજુ પણ કરી રહ્યા છે .

આ બધી સન્ડે-ઈ-મહેફીલમાં પ્રગટ  અમુલ્ય સાહીત્ય સામગ્રીને આવરીને લઈને એમણે જાતે ખુબ મહેનત કરીને અને એમના સાથીઓનો સહકાર લઈને તૈયાર કરેલી કુલ ૧૩ ઈ-બુકો બહાર પાડી એમણે નેટ જગતના વાચકોને વાંચવા માટે અર્પણ કરી છે . કોઇપણ કિંમત ચુકવ્યા સીવાય વાચકો એને ડાઉનલોડ કરીને વાંચી શકશે .

આ ઈ-બુકો ખરેખર ગુજરાતી સાહિત્યના ” રીડર્સ ડાઈજેસ્ટ ” જેવી છે એમ કહેવું જરાયે ખોટું નથી જેની પ્રતીતી તો તમે એકવાર ડાઉનલોડ કરીને જોશો એટલે તમને થઇ જશે . 

‘ગુજરાતીલેક્સિકોન’ના સૌજન્યથી  …..

GL eBooks –Sunday-eMahefil

નીચે PDF ના ખાનામાં ડાઉન લોડ લખ્યું છે ત્યાં ક્લીક કરશો કે તરત જ બુક ડાઉનલોડ થવા માંડશે અને તે પછી તેને તમે ચાહો તે સ્થળે સેવ કરી તેમાં સમર્થ સાહીત્યકારોની અનેક ચૂંટેલી રચનાઓને માણી શકશો .

સન્ડે-ઈ-મહેફીલની નીચેની આ બધી બધી ઈ-બુકોને ડાઉન લોડ કરી એને વાંચવાની આ અમુલ્ય તકનો જરૂર લાભ લેશો .

No. Book Title PDF  
  SeM eBooks Index file Download  
1 Sunday-eMahefil Part-1 Download  
2 Sunday-eMahefil Part-2 Download  
3 Sunday-eMahefil Part-3 Download  
4 Sunday-eMahefil Part-4 Download  
5 Sunday-eMahefil Part-5 Download  
6 Sunday-eMahefil Part-6 Download  
7 Sunday-eMahefil Part-7 Download  
8 Sunday-eMahefil Part-8 Download  
9 Sunday-eMahefil Part-9 Download  
10 Sunday-eMahefil Part-10 Download  
11 Sunday-eMahefil Part-11 Download  
12 Gazal Kavya Colllection Of SeM Part1 Download  
13 Gazal Kavya Colllection Of SeM Part2 Download  
———————————————————-

આ ઈ-બુકો ‘ગુજરાતીલેક્સિકોન’ ઉપરાંત શ્રી ઉત્તમભાઈના નીચેના ઈ-મેલ પ્રમાણે

બીજા બે બ્લોગોમાં પણ મુકવામાં આવી છે .

મીત્રો,

આપણે કહેતા રહીએ છીએ કે હવેનો જમાનો ઈ.બુક્સ–ઈ.વાચનનો છે.

અમને કહેતાં આનંદ થાય છે કે ‘સન્ડે ઈ.મહેફીલ’ની સઘળી ઈ.બુક્સ

અને તે ઉપરાંત બીજી ઘણી બધી ઈ.બુક્સ, હવે નીચેની ત્રણ વેબસાઈટ

પરથી મફત ડાઉનલોડ કરી શકાય છે : 

 
હૃદયસ્થ રતીલાલ ચંદરયાની
‘ગુજરાતીલેક્સિકોન’ની વેબસાઈટ પરથી
 
ભાઈ અતુલ રાવલની ‘એકત્ર’ વેબસાઈટ પરથી
 
ભાઈ જીજ્ઞેશ અધ્યારુની ‘અક્ષરનાદ’ વેબસાઈટ પરથી
 
 
રસ પડે તો વેબસાઈટની મુલાકાત લેવા વીનંતી..
..ઉ.મ..
 
Uttam & Madhukanta Gajjar, 35-Gurunagar, Varachha Road, SURAT-395006
Phone : 0261-255 3591 Websites : https://sites.google.com/site/semahefil/  and
 

..ઉત્તમ.મધુ ગજ્જર.. uttamgajjar@gmail.com

———————————————————————-

 બે યુ-ટ્યુબ વીડીયોમાં શ્રી ઉત્તમભાઈ , 

સન્ડે-ઈ-મહેફીલ અને ઈ-બુકો નો પરીચય

ડીસેમ્બર ૧૨, ૨૦૧૨ ના રોજ શ્રી ઉત્તમભાઈના પ્રસંશકો અને સાહીત્ય પ્રેમીઓની હાજરીમાં એમની જન્મ જયંતીની ઉજવણી સુરતના સાહીત્ય સંગમ દ્વારા એક સમારંભ યોજીને કરવામાં આવી હતી .

આ પ્રસંગે જાણીતા શીક્ષણવીદ અને લેખક ડો. શશીકાંત શાહના હસ્તે એમનું અને એમનાં ધર્મપત્ની શ્રીમતી મધુબેનનું અભિવાદન કરવામાં આવ્યું હતું .

આ પ્રસંગને આવરી લેતા નીચેનાં બે વીડીયોમાં શ્રી ઉત્તમભાઈ , સન્ડે-ઈ-મહેફિલ અને ઈ-બુકો વીષે ઘણી માહિતી વાચકોને પ્રાપ્ત થઇ શકશે .

નીચેનાં પ્રથમ વીડીયોમાં સન્ડે-ઈ-મહેફિલને ઇન્ટરનેટના માધ્યમથી હજારો વાચકો સુધી પહોંચાડવામાં  શ્રી ઉત્તમભાઈને મદદરૂપ થનાર એમના નજીકના સાથીદારો શ્રી ગૌરાંગ  ઠાકર અને કવી તરીકે જાણીતા શ્રી સુનીલભાઈ શાહ એમના અનુભવો રજુ કરી શ્રી ઉત્તમભાઈના નામ અને કામનો વીસ્તૃત પરીચય કરાવતા જણાશે .

Uttam_Gajjar_Saathe_Ek_Saanj-01-12-2012-Surat saahity sangam .Part-1

નીચેના બીજા વીડીયોમાં તમે શ્રી ઉત્તમભાઈને એમના સન્માનનો પ્રત્યુત્તર આપતા જોઈ શકશો . આ પ્રતીભાવમાં તેઓ સન્ડે-ઈ-મહેફીલને પોતાનો રસનો વીષય ગણાવે છે..

તેઓ જણાવે છે કે તેઓ એક શિક્ષક હતા ત્યારે પણ એમને ગમતી કવીતા કે સાહીત્ય વીષયક નીબંધ કે કોઈ લેખની ઝેરોક્ષ કોપી કરીને એમના મીત્ર વર્તુળને વાંચવા માટે પોસ્ટ કરતા હતા . આ રીતે તેઓ સાહીત્યનો આનંદ માણતા હતા અને એ આનંદમાં એમના મીત્રોને પણ સહભાગી કરતા હતા .

શ્રી ઉત્તમભાઈનો જીવન મન્ત્ર છે : ” આજનો દીવસ એ જીંદગીનો છેલ્લો દીવસ છે ”  એમ માનીને કાર્ય કરવું.

એમના વીષે હું વધુ કહું એના કરતાં શ્રી ઉત્તમભાઈના મુખેથી જ એમની સુરતી રમુજી જબાનમાં એમના જીવનના અનુભવોની રસીક વાતો કહેતા એમને આ વીડીયોમાં નીહાળો .

આ વીડીયો ભાષા પ્રેમી જનો માટે એક પ્રેરણા પૂરી પાડે એવો છે .

Uttam_Gajjar_Saathe_Ek_Saanj-01-12-2012-Surat-Sahity Sangam Part -2

ગુજરાતીલેક્સિકોનના જનક અને ગુજરાતી ભાષા માટે રાત દીવસ પાયાનું કામ કરી બતાવીને એમનું નામ અમર કરી ગયેલ સ્વ.રતીકાકાના શ્રી ઉત્તમભાઈ  એક જમણા હાથ સમા હતા .

શ્રી ઉત્તમભાઈ ૭૯ વર્ષની એમની પાકટ ઉંમરે છેલ્લાં નવ વર્ષો ગુજરાતી સાહીત્યના સુગંધિત ફૂલોની ફોરમને બધે પહોંચાડનાર પવનનું કામ ગુજરાતીલેક્સિકોન -સન્ડે-ઈ-મહેફીલ દ્વારા કરી રહ્યા છે .

“ઊંઝા જોડણી ” માટેનું એમનું પ્રદાન જાણીતું છે .એક યુવાન જેવા ઉત્સાહથી તેઓ જે નિસ્વાર્થ સાહિત્ય સેવાકરી રહ્યા છે એને માટે એ ખરેખર અભિવાદનને અને ધન્યવાદને પાત્ર છે .

શ્રી ઉત્તમભાઈ અને શ્રીમતી મધુબેનને પ્રભુ દીર્ઘાયુ બક્ષે અને એમના હાથે હજુ પણ અધીક

ગુજરાતી ભાષાની સેવા થતી રહે એ માટે અનેક હાર્દીક શુભેચ્છાઓ .

વીનોદ પટેલ

————————————————–

મારા મિત્ર શ્રી સુરેશ જાનીએ પણ એમના જાણીતા બ્લોગ ગુજરાતી પ્રતીભા પરીચયમાં

શ્રી ઉત્તમભાઈ ગજ્જરનો પરીચય કરાવ્યો છે એને અહીં ક્લીક કરીને વાંચો .