વિનોદ વિહાર

ગુજરાતી ગદ્ય-પદ્ય સર્જનની આનંદ યાત્રા

Tag Archives: રાજકારણ

( 941 ) અમેરિકાના ૪૪ મા પ્રેસીડન્ટ બરાક ઓબામા ના ૫૫ મા જન્મ દિવસે અભિનંદન અને શુભેચ્છાઓ ….

Obama Family-Portrait- Sept. 1, 2009. (Official White House Photo) Photo by Annie Leibovitz

Obama Family-Portrait- Sept. 1, 2009. (Official White House Photo)-Photo by Annie Leibovitz

૪ થી ઓગસ્ટ ૨૦૧૬ એ હાલના અમેરિકાના ૪૪મા પ્રેસીડન્ટ બરાક હુસેન ઓબામાનો ૫૫ મો જન્મ દિવસ છે .

બરાક ઓબામાને હાર્દિક અભિનંદન અને અનેક શુભેચ્છાઓ.

પ્રમુખ ઓબામાની બીજી ટર્મ હવે જાન્યુઆરી ૨૦૧૭ માં પૂરી થઇ જશે.નવેમ્બર ૨૦૧૬ ની ચુંટણીમાં જો હેલેરી ક્લીન્ટન જીતી જશે તો અમેરિકાના ઇતિહાસમાં પ્રથમ વાર જ એક મહિલા અમેરિકાના પ્રેસિડન્ટ તરીકે ચૂંટાઈ આવશે તો અમેરિકાના રાજકીય ઇતિહાસમાં એક નવું પ્રકરણ ઉમેરાઈ જશે.જોઈએ શું થાય છે !

અમેરિકાના ઇતિહાસમાં પ્રથમ વાર જ એક અશ્વેત–આફ્રિકન અમેરિકન બરાક ઓબામાને ૨૦૦૮ની ચુંટણીમાં ૪૪મા પ્રેસિડન્ટ તરીકે વિશાળ જનાદેશથી ચૂંટીને અમેરિકાની રાજકીય તારીખમાં એક નવું પ્રકરણ ઉમેયું હતું.

આ પ્રસંગને અનુરૂપ રચેલ મારી એક અછાંદસ રચના …

ઈતિહાસ કહે છે,બ્લેક મજુરોના હાથે,
વર્ષો અગાઉ બંધાયું’તું વ્હાઈટ હાઉસ,
એ જ “વાઈટ હાઉસ”માં રહે છે હવે,
એક “બ્લેક પ્રમુખ” નો  પરિવાર .
વિશ્વ આખાએ આશ્ચર્યથી જોયો હતો,
અમેરિકી લોકશાહીનો આ ચમત્કાર.
“યસ વી કેન” ના “ઓબામા મંત્ર”નું
આ હતું એક સાક્ષાત મૂર્ત સ્વરૂપ !
બધું શક્ય છે અમેરિકી લોક્શાહીમાં,
વિશ્વમાં એવો દ્રઢ થયો હતો વિશ્વાસ.

નીચેના વિડીયો પરથી ઓબામાની બહુ રંગી જીવન પર ચિત્રો સાથે સરસ પ્રકાશ ફેંકે છે.એમાંથી એમના જીવનની ઘણી નવી વિગતો જાણવા મળશે.

A Mother’s Promise: Barack’s Biography

ઓબામાની માતા એન ડનહામનો ઓબામાના જીવન પર ઘણો પ્રભાવ હતો . આ વિડીયોમાં એ સ્પષ્ટ થાય છે.

NBC News: Ann Dunham

ઓબામાની બહેન માયા (Maya Soetoro-Ng) એમના ભાઈ વિષે આ વિડીયોમાં સારી માહિતી પૂરી પાડે છે.

Maya Soetoro-Ng: My Brother is the President of the United States

આ વિડીયોમાં ફર્સ્ટ લેડી મિશેલ ઓબામા ફાધર્સ ડે નિમિત્તે એમના પતિ બરાક ઓબામાનું એક પિતા તરીકેનું સુંદર બયાન કરે છે .

Happy Father’s Day from First Lady Michelle Obama

ફર્સ્ટ લેડી મિશેલ ઓબામા વિષે આ વિડીયોમાંથી જાણવા મળશે.

Michelle Obama: South Side Girl

તારીખ ૨૧મી જાન્યુઆરી ૨૦૧૨ના રોજ માર્ટીન લ્યુથર કિંગ દિવસે લાખ્ખો માણસો ની જન મેદની સમક્ષ એક રંગોરંગ સમાંરભમાં અમેરિકાના ૪૪મા પ્રેસીડન્ટ તરીકે બીજી વાર શપથ લઈને બરાક ઓબામાએ એમની ઐતિહાસિક બીજી ટર્મ ધમાકેદાર કાર્યક્રમો વચ્ચે શરુ કરી હતી.

નવેમ્બર ૨૦૧૨ની બીજી ટર્મની ચૂંટણી વખતે ડેમોક્રેટિક પક્ષના કન્વેન્શનમાં બરાક ઓબામાએ આપેલ જુસ્સાદાર પ્રવચન ના આ વિડીયોમાં એમનો નવી ટર્મનો એજન્ડા રજુ કરે છે. જો કે રીપબ્લીકનોની નિષ્ક્રિયતા અને અસહકારમય વલણોથી એને પૂરો કરી નથી શકાયો એ જુદી વાત છે.

President Barack Obama’s Remarks at the 2012 Democratic National Convention – Full Speech

 Read Complete Biography on Wikipedia

44th President Barack Obama Jr.

44th President Barack Obama Jr.

( 726 ) મોદીનો વિદેશ પ્રવાસ…એક કટાક્ષ લેખ….કલ્પના …. નિખિલ મહેતા

હમણાં હમણાં ભારતના વડા પ્રધાન શ્રી નરેન્દ્ર મોદીના વિદેશ પ્રવાસો બધે બહુ ચર્ચામાં છે. એક વર્ષના વહીવટ ગાળામાં તેઓ ૨૦ થી વધુ દેશોનો પ્રવાસ કરી આવ્યા છે.જુલાઈમાં રશિયા અને બીજા દેશોમાં જવાની યોજનાઓ નક્કી થઇ ગઈ છે.બે ચોપડી ભણેલા લાલુ યાદવ જેવા એમના વિરોધીઓ માટે તો ટીકા કરવા માટે આ એક સરસ મુદ્દો મળી ગયો છે.લાલુ મોદીને એક એન.આર.આઈ વડા પ્રધાન છે એવી ટીકા કરે છે .

સોસીયલ મીડિયા અને બીજાં સમાચાર માધ્યમોમાં પણ મોદીના વિદેશ પ્રવાસો વિષે લેખો ,કાર્ટુનો દ્વારા ટીકાઓ અને કટાક્ષ કરતી વિવિધ સામગ્રી જોવા મળે છે.

બે મહિનાના અજ્ઞાત વાસ પછી એકાએક નોળવેલ સુંઘી તરો તાજા થઈ આવેલ  રાહુલ ગાંધી અત્યારે હાલ દેશમાં ફરીને ખેડૂતો પાસેથી જ્ઞાન પ્રાપ્તિ કરી રહ્યા છે. રાહુલ ગાંધી મોદીની “શૂટ –બુટ “ સરકાર અને એમના વિદેશ પવાસો માટે એમની પર મન મુકીને ટીકાઓનો મારો ચલાવી રહ્યા છે. જો કે એમની વાતોમાં થોડું તથ્ય તો છે પણ એના કરતાં તો  “ તું ફાવી ગયો અને હું રહી ગયો “ ની ઊંડી દ્વેષ ભાવના વધુ હશે એમ મને લાગે છે.આમે ય રાહુલ બાબાને મોદી સમોવડા થવા માટે તો હજુ  દિલ્હી ઘણી દુર છે ! 

મુંબઈ સમાચારમાં મોદીના વિદેશ પ્રવાસ વિષે શ્રી નીખીલ મહેતાનો એક સરસ કાલ્પનિક કટાક્ષ લેખ ,”મારો અગ્રતાક્રમ વિદેશ પ્રવાસ કરવાનો છે,(પ્રવાસી પીએમની સિક્રેટ ડાયરી)” એ નામે પ્રકાશિત થયો છે એ મારા વાંચવામાં આવ્યો .આજની પોસ્ટમાં લેખક અને મુંબઈ સમાચારના આભાર સાથે વી.વી. ના વાચકો માટે પ્રસ્તુત છે. 

આ લેખમાં” પ્રવાસી પીએમની સિક્રેટ ડાયરી ” ની શરૂઆત આ રીતે થાય છે .

હમણા જ ચીનનો પ્રવાસ પૂરો કર્યો અને એક પ્રવાસી તરીકેના ઊંડા સંતોષની અનુભૂતિ કરી. છેલ્લા કેટલાક સમયથી હું જોઇ રહ્યો છું કે હું જ્યારે પણ વિદેશ યાત્રાએ જાઉં ત્યારે ઘર આંગણે મારી ટીકા થવા લાગે છે. શા માટે ભાઇ? શું હું કોઇ સામાન્ય માણસ છું? દેશના વડા પ્રધાન વિદેશ પ્રવાસે ન જાય તો કોણ જાય, વિદેશ પ્રધાન? અને વિદેશ પ્રધાન પણ વિદેશ જવાને લાયક તો હોવા જોઇએ ને? 

સુષ્મા સ્વરાજને મેં વિદેશ ખાતું આપ્યું ત્યારે એમની સાથે ચોખ્ખી વાત થઇ ગઇ હતી કે તમારે અને વી. કે. સિંહે બન્ને મળીને વિદેશ ખાતાંને લગતી જવાબદારીઓ નિભાવવાની છે. એ માટે જો તમારે વિદેશ જવું પડે તો જવાનું, પણ કોઇ રાષ્ટ્રની સરભરા માણવાની હોય તો એ કામ હું પોતે જ કરીશ.

ખરેખર તો હું વડા પ્રધાન બન્યો ત્યારે જ મેં નક્કી કરી લીધું હતું કે આ પાંચ વર્ષમાં હું એટલા વિદેશ પ્રવાસો કરીશ કે ભવિષ્યમાં કોઇ વડા પ્રધાન મારો રેકોર્ડ ન તોડી શકે. જોકે છેલ્લા એક વર્ષમાં મેં ધાર્યું હતું એટલા વિદેશ પ્રવાસ નથી થઇ શક્યા.” 

નીચેના ચિત્ર ઉપર ક્લિક કરીને આ આખો મજાનો કટાક્ષ લેખ વાંચો.

Modi- foreign tour

 

મોદી સરકારનું એક વર્ષ – એક વિડીયો કાર્ટુન . 

મોદી સરકારના એક વર્ષના વહીવટ ઉપર અને એમના વિદેશ પ્રવાસ વિશે યુ-ટ્યુબ પર  So Sorry નું આ વિડીયો કાર્ટુન પણ ઉપરના લેખના સંદર્ભમાં માણો. 

So Sorry: 1 Year Modi Government

 

 

 

 

 

 

( 719 ) મોદી સરકારના એક વર્ષના વહીવટનાં લેખાં જોખાં

આજથી બરાબર એક વર્ષ પહેલાં એટલે કે તારીખ ૧૬મી મે ૨૦૧૪ ના દિવસે ભારતની લોકસભાની ચુંટણીનો કટોકટીનો જંગ ખેલાયા પછી નરેન્દ્ર મોદીની આગેવાની નીચે “અબકી બાર મોદી સરકાર” અને “સબકા સાથ સબકા વિકાસ” ના નારા સાથે ભાજપ-એન.ડી.એની સંપૂર્ણ બહુમતી સાથેના ભવ્ય વિજયથી આખાએ દેશમાં ઉત્સાહનું મોજું ફરી વળ્યું હતું.દેશનાં ઘણાં રાજ્યો ભાજપના ભગવા રંગમાં રંગાઈ ગયાં હતાં .

Modi- 1st  anniversary  

ત્યારબાદ ,તારીખ ૨૬મી મે ૨૦૧૪ના દિવસે રાષ્ટ્રપતી ભવનના પ્રાંગણમાં દેશ વિદેશથી આમંત્રિત મહેમાનોની વિશાળ સંખ્યા સામે ભૂતપૂર્વ ગુજરાતના મુખ્યમંત્રી શ્રી નરેન્દ્ર મોદીએ દેશના ૧૫મા વડાપ્રધાન તરીકે શપથ ગ્રહણ કર્યા હતા અને એ દિવસથી જ શ્રી મોદી અને એમના મંત્રી મંડળના સાથીઓએ દેશના વહીવટની બાગડોર સંભાળી હતી.

એ વખતે “અચ્છે દિન આને વાલે હૈ” ની આશાઓ અને આકાંક્ષાઓ દેશની આમ જનતામાં હતી .દેશની જનતાએ જૂની કોંગ્રેસ અને સાથી પક્ષોની યુતિ સરકારના સ્થગિત, અકાર્યક્ષ્મ અને ભ્રષ્ટાચારી વહીવટના કારણે એમને મોટી હાર આપી હતી અને ગુજરાતની માફક મોદીના નેતૃત્વ નીચે નવી સરકાર જરા હટકે કામગીરી કરશે એવી લોકો આશાઓ રાખે એ સ્વાભાવિક છે.

આજે એક વર્ષ પછી અચ્છે દિન બાબત વિરોધ પક્ષો અને મોદી વિરોધી બળો ભલે વિવાદ કરતા હોય કે ઠેકડી ઉડાડતા હોય પણ ઘણા અર્થ શાસ્ત્રીઓનો એ સ્પષ્ટ મત છે કે સરકારે અપનાવેલી વિકાસની નીતિઓથી દેશના વિકાસ માટેનો સુદ્રઢ પાયો આ એક વર્ષની મોદી સરકારની કામગીરીમાં નંખાયો છે એની ના કહી શકાય એમ નથી .

એક વર્ષની કામગીરી વિષે આંતર રાષ્ટ્રીય સંસ્થાઓએ સારો અભિપ્રાય વ્યક્ત કર્યો છે. વિશ્વમાં ભારતની વિશ્વશનિયતા બાબતની પહેલાં જે છાપ હતી એમાં ઘણો સુધારો થયો છે એને લીધે એક વર્ષમાં વિશ્વના દેશોનું ભારતમાં મૂડી રોકાણ સ્પષ્ટ રીતે વધી રહ્યું છે. મોદી સરકારની “મેઇક ઇન ઇન્ડિયા ” ની ઉત્પાદન નીતિની કદર થઇ રહી છે.

દેશની ગરીબ આમ જનતા માટેની યોજનાઓનું અમલીકરણ શરુ થઇ ગયું છે.ચાલીસ દિવસના ગુપ્ત વાસ પછી એકાએક દેખાઈને રાહુલ ગાંધીની આગેવાની નીચે વિરોધ પક્ષો મોદી સરકારની વિકાસ યાત્રામાં બને એટલો અટકાવ કરવાનો પ્રયત્ન કરી બુમ બરાડાની નીતિ અપનાવી રહ્યા છે. પરંતુ એમની કોઈ કારણ શોધી મોદી સરકારનો વિરોધ કરી દેશના હિતોમાં અવરોધરૂપ બનવાની નીતિ એમના માટે બુમરેંગ બને તો એની નવાઈ નહિ.

ભૂતપૂર્વ પ્લાનીગ કમિશનના એક સભ્ય અને રાજ્ય સભાના સભ્ય રહી ચૂકેલ શ્રી NK Singh એ મોદી સરકારના વહીવટના એક વર્ષનાં લેખાં જોખાં કરતો એક સરસ લેખ ndtv ની વેબ સાઈટ ઉપર લખ્યો છે એ વાંચવા જેવો છે . નીચેની લીંક ઉપર એ લેખ વાચો.

In Year One,Modi Has Repositioned India-N.K.Singh 

વિદેશ નીતિ 

એક વર્ષમાં શ્રી નરેન્દ્ર મોદીએ ૧૬ કરતાં એ વધુ દેશોની મુલાકાત લઇ ૫૦ કરતાં એ વધુ આંતર રાષ્ટ્રીય ખ્યાતી ધરાવતા નેતાઓ સાથે દેશનાં હિતોની બાબતો અંગે રૂબરૂ વાતચીત કરી , વિકાસ યોજનાઓ માટે કરાર કરી ,સારા સંબંધો સ્થાપી આંતર રાષ્ટ્રીય ક્ષેત્રે દેશની ગરિમામાં વૃદ્ધિ કરી છે.

આ લખાય છે ત્યારે શ્રી મોદી ત્રણ દિવસ માટે ચીન ,મોંગોલિયા વી. દેશોની યાત્રા ઉપર છે . ચીનમાં એની પ્રજા અને ચીનના પ્રમુખ અને વડા પ્રધાને મોદીનું ભાવભીનું સ્વાગત કર્યું છે અને દેશ હિત માટેના ૧૬ કરાર ઉપર સહી સિક્કા કર્યા છે.

તારીખ ૧૬મી મે ૨૦૧૫ ના રોજ એટલે કે ભાજપના ભવ્ય વિજયની પ્રથમ સંવત્સરીના દિવસે ચીનની ધરતી ઉપરથી ચીનમાં વસતા ભારતીયોની વિશાળ જન સંખ્યા સામે શ્રી મોદીએ બહુ જ જુસ્સાદાર પ્રવચન આપ્યું હતું એ સાંભળવા જેવું છે.નીચેના વિડીયોમાં મોદીને સાંભળ્યા પછી તમને લાગશે કે દેશના બીજા થઇ ગયેલા વડા પ્રધાનો અને મોદીમાં કેટલો ફરક છે !

વિદેશમાં વસતા ભારતીય ડાયાસ્પોરામાં મોદીનો જાદુ હજુ ય બરકરાર છે એ આ વિડીયોમાં જોઈ શકાય છે.  

PM Modi’s speech at the Indian Community Reception

in Shanghai

આ ઐતિહાસિક પ્રવચનનો હિન્દીમાં સંપૂર્ણ પાઠ આ લીંક ઉપર વાંચી શકાશે

http://www.narendramodi.in/text-of-pm-s-address-at-the-indian-community-reception-in-shanghai

( 651 ) ચૂંટણીની સફળતા -નિષ્ફળતા …..( ચિંતન )….. વિનોદ પટેલ

જેની કાગ ડોળે રાહ જોવાઈ રહી હતી એ દિલ્હી એસેમ્બલીનાં, ટી.વી. ઉપર નિષ્ણાતોના બધાએ પોલ અને વરતારાને આંબી જતાં પરિણામો  બહાર આવી ગયાં .

ઝાડુને બદલે વેક્યુમ ક્લીનર ?!!!

ઝાડુને બદલે વેક્યુમ ક્લીનર ?!!!

આ પરિણામોમાં શ્રી અરવિંદ કેજરીવાલની નેતાગીરી હેઠળ આમ આદમી પાર્ટીએ ૭૦ માંથી ૬૭ બેઠકો ઉપર જ્વલંત ,અણધાર્યો અને આશ્ચર્યકારક વિજય હાંસલ કરીને એક ઐતિહાસિક વિક્રમ સ્થાપિત કરી દીધો. એક વખત ટીકાઓ અને ટિખળનો ભોગ બનનાર ઉપર પ્રસંસાનાં ફૂલોની દેશ અને દુનિયામાંથી વર્ષા થઇ રહી છે . ઇતિહાસનું પાનું ફરી ગયું છે અને ભાજપ હાલ ટીકાઓ અને ટીખળોનો સામનો કરી રહ્યું છે !

તાંજેતરમાં જ પાંચ સ્ટેટમાં લોકસભાની ચુંટણીમાં ઉપરા ઉપરી સારી બહુમતીથી વિજય પ્રાપ્ત કરી પોતાની સરકારો રચનાર અને મધ્યસ્થ સરકારનો વહીવટ સંભાળનાર ભારતીય જનતા પક્ષને દિલ્હીમાં સમ ખાવા પુરતી ૭૦ માંથી માત્ર   ૩ બેઠકો પ્રાપ્ત થઇ અને મુખ્ય પ્રધાન તરીકે પ્રોજેક્ટ કરેલ ,લોખંડી મહિલા કહેવાતી શ્રીમતી કિરણ બેદીની નામોશી ભરી હાર થઇ .મોદીનો વિજય રથ આમ દિલ્હીમાં ખોટવાતો નજરે પડ્યો !અબકી બાર મોદી સરકારને બદલે અબ કી બાર કેજરીવાલ નો આશ્રય જનક ચુકાદો લોકોએ આપ્યો !

શીલા દીક્ષિતના મુખ્ય મંત્રી પદે આ જ દિલ્હીમાં ૧૫ વર્ષ સુધી એક ચક્રી રાજ્ય કરનાર કોંગ્રેસ પક્ષને ઝીરો- એક પણ બેઠક ઉપર વિજય ના મળે એ કેવું કહેવાય ! મોદીનું કોંગ્રેસ મુક્ત ભારતનું સ્વપ્ન દિલ્હી પુરતું તો કેજરીવાલે સત્ય કરી આપ્યું !કોંગ્રેસની નેતાગીરીમાં હાલ એક જ કુટુંબનો જે ઈજારો પ્રવર્તે છે એમાંથી મુક્ત થઇ કોઈ બહારની સક્ષમ નેતાગીરી માટે વિચારવાનો કોંગ્રેસીઓ માટે સમય ક્યારનો ય પાકી ગયો છે!હજુ ય રાહુલને બદલે પ્રિયંકા ગાંધીને લાવવાની વાતો કોંગ્રેસમાં ફરતી થઇ એ કેવું કહેવાય ! 

આમ આદમીની હાલની રાજકીય સુનામીના માહોલમાં એ નોધવા જેવું છે કે આ જ કેજરીવાલની પાર્ટીને એક વર્ષ અગાઉ ભાજપ કરતાં ઓછી સીટો મળેલી અને લોકસભાની ચુંટણીમાં તો એમને દિલ્હીમાં એક પણ બેઠક પ્રાપ્ત થઇ ન હતી. આજની કોંગ્રેસ જેવી સ્થિતિમાં તેઓ હતા.વારાણસીમાં તેઓ પોતે ભાજપ સામે લોકસભાની સીટ હારી ગયા હતા અને આખા દેશમાં ૪૦૦ ઉમેદવારો ઉભા રાખેલા એમાંથી ફક્ત ચાર ઉમેદવારો જ જીત્યા હતા !મોટા ભાગના ઉમેદવારોએ તો એમની ડીપોઝીટો પણ ગુમાવી હતી !

આમ રાજ્કારણ કે જીવનમાં હાર કે જીત એ કાયમી નથી હોતી.સફળતા- નિષ્ફળતાનું  ચક્ર ચાલતું જ રહે છે .

આજના રાજકીય માહોલમાં મને આ અછાંદસ કાવ્ય અને કેટલાંક હાઈકુ

રચનાની પ્રેરણા થઇ, જે નીચે પ્રસ્તુત છે.

સફળતા અને નિષ્ફળતા !

સફળ થઇ ગયા ! વાહ ! અભિનંદન ,

પણ જરા એ  ગર્વ ના કરો,

કેમકે , 

સફળતા ક્યાં કાયમી હોય છે ?

નિષ્ફળતા મળી ! આહ ! દિલાસો, 

પણ જરાએ દુખી ના થાઓ, 

કેમકે,

નિષ્ફળતા પણ ક્યાં કાયમી હોય છે ?

પરિવર્તનશીલ હોય છે બધુ જગમાં ,

પરિવર્તન એ જ એક માત્ર એવું છે ,

જે હમ્મેશાં કાયમી હોય છે !

બાકી બધું જ ,

બદલાતું રહે છે, દિન પ્રતિ દિન ,

એક વર્તુળ-ચક્ર નાં પરિઘ બિંદુઓની જેમ !  

વિનોદ પટેલ 

પ્રસંગોચિત કેટલાંક હાઈકુ 

ચાખો, ચખાડો, 

ચુંટણીની ચટણી,

ચટાકેદાર !

——————

એકને ઘેર,

દિવાળી,ખાજાં,વાજાં,

બીજે અંધાર ! 

————————-

મોટી સભાઓ,

વચનો, પ્રવચનો,

કામ ના લાગ્યાં !

——–———–

ચૂંટણી જંગે ,

પ્રજાનું દીલ, જાણી

શકાય છે શું ?

——————–

ચુંટણી ખેલ,

રમો ખેલદિલીથી,

ના ગાળા ગાળી !

————————-

હાર કે જીત

ગર્વ કે દુખ ત્યાગો,

કાલ અજાણ ! 

  

 

 

 

( 637 ) શ્રી નરેન્દ્રભાઈ મોદીની દિનચર્યા–એમાંથી થોડું શીખવા જેવું …… સંકલિત

આજે સવારે ચા-નાસ્તા પછી દૈનિક ક્રમ પ્રમાણે કોમ્પ્યુટર ખોલી આજની ઈ-ટપાલ બોક્ષમાં આવેલ ટપાલ  એક પછી જોતો-વાંચતો હતો. એમાં ભારતના વડા પ્રધાન માનનીય શ્રી નરેન્દ્ર મોદીના દૈનિક કાર્યક્રમ વિશેનો  નેટ જગતમાં ફરતો કોઈ અજ્ઞાત લેખકનો એક માહિતી પૂર્ણ લેખ  જે મિત્ર શ્રી સુરેશભાઈ જાનીએ મોકલેલ  એને વાંચતાં જ એ ગમી ગયો.

શ્રી નરેન્દ્ર મોદી આજે જે જગાએ છે એ શા કારણે છે એ સમજવા માટે આ લેખ ઉપયોગી થાય એવો છે.શ્રી મોદીના અંગત જીવનની આપણે જાણતા ના હોઈએ એવી કેટલીક  માહિતી એમાં છે.

શ્રી સુરેશકાન્ત પટેલ / શ્રી સુરેશભાઈ જાનીના આભાર સાથે આજની પોસ્ટમાં વી.વી.ના સૌ વાચકોને આ  લેખ શેર કરતાં આનંદ થાય છે.

૨૦૧૫ ના નવા વર્ષની શરૂઆતમાં નવા વર્ષના એક રીઝોલ્યુસન તરીકે આ લેખ દ્વારા આપણા ગુજરાતી દેશ નેતા શ્રી નરેન્દ્રભાઈ પાસેથી થોડું ઘણું પણ જો શીખવા જેવું મળશે  તો આ પોસ્ટનો અર્થ લેખે લાગશે.

વિનોદ પટેલ

—-———————————————————————

શ્રી નરેન્દ્રભાઈ મોદીની દિનચર્યા-એમાંથી થોડું શીખવા જેવું

NAMO-DAILY WORK

કોઈ માણસ સફળ થાય ત્યારે આપણે નસીબ નામની અદ્રશ્ય વસ્તુનેતેની ક્રેડીટ આપતા હોઈએ છીએ

પણ તેનું સમર્પણ અને હાડવર્કિંગઆપને નથી દેખાતું.

-તમનો સુવાનો સમય ગમે તે હોય ઉઠવાનો સમય ફિક્સ છે સવારે4.45 વાગે,

– રોજ સવારે ૩૦ મિનીટમાં તેમના દૈનિકકાર્ય પૂર્ણ કરી ( ટોઇલેટમાંમુખ્ય પેપર વાંચી લે છે )

૩૦ મિનીટ કસરત કરે છે અને તે સમયેઆગાઉના દિવસે દુનિયા ભરની ન્યુઝ ચેનલમાં ભારત અને

ભાજપનેલાગુ પડતા સમાચારનું રેકોડીંગ સાંભળી લે છે.

– 10 મિનીટ મંદિર સામે બેસી ધ્યાનધરે છે
.
– એક કપ ચાય સાથે કોઈ જ નાસ્તો લેતા નથી.

– ૬ .૧૫ની આસપાસ એક સરકારી વિભાગ તેમનાં ઘરમાં મીટીંગરૂમમાં પ્રેજન્ટેશન માટે તૈયાર જ હોય છે.

– ૭ થી ૯ તેમના ઘરે આવેલ મહત્વની ફાઈલો ચેક કરે છે. તથાતેમના માતૃશ્રીને ફોન કરી

ખબર અંતર પૂછે છે

NAMO BOWS TO MOTHER

 ( ભારતનાવડાપ્રધાનને મા માટે સમય છે. આપને ?)

– ૯ વાગે ગાજર અથવા અન્ય સલાડનો નાસ્તો કરે છે તથા પંચામૃતપીણું પીવે છે

( રેસીપી – 20 ml મધ , 10 ml દેશી ગાયનું ઘી, તથાફુદીના, તુલસી અને લીમડાના

મોરનું મિક્સ જ્યુસ અને એક લીંબુ )

– ૯.૧૫ કાર્યાલય પર પહોંચી મહત્વની મીટીંગો પતાવે છે.

– બપોરે જમવામાં ૫ જ વસ્તુ લે છે ( ગુજરાતી રોટલી, શાક,દાળ, સલાડ, છાશ )

– સાંજના ૪ વાગે દુધ વગરની લીંબુ ચાય

– સાંજે ૬ વાગે ખીચડી અને દૂધનું ભોજન

– રાત્રે ૯ વાગે દેશી ગાયનું દૂધ એક ગ્લાસ સુંઠ નાખી,

– મુખવાસમાં કાયમ લીંબુ મારી નાખેલો શેકેલો અજમો, ( તેનાથીવાયુ ન થાય )

– ૯ થી ૯.૩૦ ચાલે છે, સાથે એક વિષયના જાણકારને રાખી તેનીસાથે ચર્ચા કરે છે.

– ૯.૩૦ થી ૧૦ સોશ્યલ મીડિયા તથા સિલેક્ટેડ પત્રોના જવાબ આપેછે.

નરેન્દ્રભાઈએ જિંદગીમાં ક્યારે ય:

– સોફ્ટ ડ્રીંક પીધું નથી કે ફાસ્ટ ફૂડ ખાધું નથી.

– ભારતના ૪૦૦ જીલ્લાનો તેમણે પ્રવાસ કરેલો છે.

– તેઓ ગુજરાતથી દિલ્લી ગયા ત્યારે માત્ર બેજ વસ્તુ સાથે લઇ ગયા:

એક કબાટ કપડા અને ૬ કબાટ પુસ્તકો

– તેઓ આટલા સતત પ્રવાસ દરમ્યાન રાત્રી વસો કાયમ કોઈ સંતસાથે આશ્રમમાં કે કોઈ નાના કાર્યકરને ઘેર રોકાતા હોટલમાં ક્યારેયનહિ, વડનગરની લાઈબ્રેરી ના તમામ પુસ્તકો તેમણે વાંચી નાખ્યાહતાં.

– તેઓ કોઈ પણ પ્રસંગે અંગત ભેટ આપે તો તે પુસ્તક જ હોય.છેલ્લા એક દાયકાથી ગુજરાતમાં નવ વિવાહીતો ને સીહ્પુરુષ પુસ્તકભેટમાં આપતા.

આજે ભારતના વડાપ્રધાન તરીકે સહુને તેઓ ભગવદગીતા ભેટ આપે છે.

– તેઓ ટુથ બ્રસ નહિ પણ કરંજનું દાતણ કરે છે.

– તેમના રસોડામાં મીઠાંને બદલે સિંધાલુણ વપરાય છે.

– પ્રવાસ દરમ્યાન ફાઈલો તથા ચર્ચા કરાવવા વાળા મંત્રી, અધિકારીસતત સાથે હોય છે.

– 64 વર્ષની ઉમરે સીડી ઉતરતા તેઓ ક્યારેય રેલીંગ નથી પકડતા,

– એક દિવસની 19 સભાઓ તેમણે કરેલી છે.

– આંખ કાયમ ત્રિફલાના પાણીથી ધોવે છે .

( હરડે, બહેડે, આમળાઆખા રાત્રે પલાળી સવારે તેનું પાણી )

– ગુજરાતના મુખ્ય મંત્રી હતાં ત્યારે એક વાર સ્વાઈન ફ્લુ સમયે અનેએક વાર દાઢના દુખાવા સમયે જ ડોક્ટરની તેમણે જરૂર પડી હતી.

– વડાપ્રધાન બન્યા બાદ પણ ગુજરાત ભાજપના કાર્યકરોને દુખ:દપ્રસંગે સાંત્વના પાઠવવા

જરૂર ફોન કરે છે.

( મોટા બન્યા બાદ ભૂલાયનહિ, ભાઈ…તે શીખો )

– તેમના અંગત સ્ટાફના તમામ દીકરા દીકરીનું એજ્યકેશન સ્ટેટસતેમને ખબર હોય છે .

અને તેનું ફોલોપ રાખે છે

( સમાજ સેવામાંઅંગત લોકો બાદ ના થઇ જાય તે શીખો )

WHAT A CO-INCIDANCE !

COINCIDANCE !

Thanks- Dhiren  

 

( 636 ) અમેરિકાના ઓબામા વહીવટી તંત્રમાં ઉચ્ચ હોદ્દા ઉપર નીમાએલા બે ઇન્ડીયન અમેરિકનોનો પરિચય

 અમેરિકાના પ્રેસિડન્‍ટ બરાક ઓબામા ભારતના પ્રજાસત્તાક  દિનની ઉજવણી માટે ૨૬ જાન્‍યુ ૨૦૧૫ના રોજ આ પ્રસંગે મુખ્‍ય મહેમાન તરીકે એમનાં પત્ની મિશેલ ઓબામા સાથે અને એમના એમના વહીવટી તંત્રના મોટા કાફલા સાથે આવી રહ્યા છે. 

અમેરિકાના પ્રેસિડન્‍ટ બરાક ઓબામા ભારતીયો ઉપર ઓળઘોળ

તાંજેતરમાં જ અમેરીકાના પ્રમુખ બરાક ઓબામાએ ભારતીય મૂળના – ઈન્‍ડિયન અમેરિકન ૩૭ વર્ષના ડૉ. વિવેક મૂર્તિની અમેરિ કાના સર્જ્યન જનરલ તરીકે અને બીજા એક ઈન્‍ડિયન અમેરિકન શ્રી રાહુલ રિચર્ડ વર્માની ભારત ખાતેના અમેરિકાના નવા રાજદૂત તરીકે નિમણુક કરીને ભારત અમેરિકાના સંબંધોમાં એક નવા ઈતિહાસની શરૂઆત કરી છે.

ચાલો, પ્રેસીડન્ટ ઓબામાના વહીવટી તંત્રમાં ખુબ ઊંચા હોદ્દે નીમાએલા આ બે ભારતીય મૂળની વિશિષ્ઠ વ્યક્તિઓનો પરિચય મેળવીએ.

આખા અમેરિકાનો ડૉક્ટર – ઇન્ડિયન-અમેરિકન- ડૉ. વિવેક મૂર્તિ…. એક પરિચય

 અમેરિકાના સર્જ્યન જનરલ ડૉ. વિવેક મૂર્તિ – પ્રેસીડન્ટ ઓબામા સાથે 

માત્ર ૩૭ વર્ષના ડૉ. વિવેક મૂર્તિની ભારે રાજકીય વિવાદો અને વિરોધ વચ્ચે અમેરિકાના સર્જ્યન જનરલ તરીકે તાજેતરમાં  જ નિમણૂક થઈ છે . અમેરિકાના વહીવટી તંત્રમાં આ અગત્યનો હોદ્દો સંભાળનાર આજ સુધીના ડોકટરોમાં – ડૉ. વિવેક મૂર્તિ સૌથી યુવાન ડૉક્ટર છે.

 યુવાન વયે આ હાઈપ્રોફાઇલ પોસ્ટ પર બિરાજનારા વિવેક મૂર્તિ અને તેમને મળેલી આ પોસ્ટ વિશે જાણવા જેવું છે..

સર્જ્યન જનરલ એટલે સાદા શબ્દોમાં કહીએ તો અમેરિકાના ટૉપમોસ્ટ હોદ્દે રહેલો ડૉક્ટર જે તમામ અમેરિકનોના સ્વાસ્થ્ય પર અને  એને લગતી નીતિઓ પર ધ્યાન રાખે છે.

ડૉ. વિવેક મૂર્તિ : ઉજ્જ્વળ કારકિર્દીની TWENTY20ના અમેરિકાના આ ૧૯મા સર્જ્યન જનરલ કર્ણાટકના કન્નડ ભાષા બોલતા પરિવારના ફરજંદ છે.એમનામાં નાની ઉંમરે જ્વલંત અભ્યાસ અને ઝુંબેશકારનું ગજબ કૉમ્બિનેશન છે.

વિવેક મૂર્તિનો જન્મ ઇંગ્લૅન્ડના હડ્ર્સફીલ્ડમાં થયેલો, પરંતુ વિવેક જ્યારે ત્રણ વર્ષના હતા ત્યારે તેમનો પરિવાર અમેરિકાના ફ્લૉરિડા રાજ્યના માયામીમાં શિફ્ટ થઈ ગયો, જ્યાં મૂર્તિએ પોતાનું બાળપણ પિતાના પ્રાઇમરી કૅર ક્લિનિકમાં રમતાં-રમતાં વિતાવ્યું. અહીંથી જ તેમનામાં મેડિકલ-લાઇનમાં જવાનાં બીજ વવાયેલાં. પ્રાથમિક શિક્ષણ વિવેક મૂર્તિએ માયામીમાં જ મેળવ્યું.

ત્યારબાદ પ્રતિષ્ઠિત હાર્વર્ડ યુનિવર્સિટીમાં ત્રણ વર્ષનો અભ્યાસ કરીને બાયોમેડિકલ સાયન્સમાં બૅચલર્સની ડિગ્રી મેળવી. ત્યાર પછી MD (ડૉક્ટર ઑફ મેડિસિન)નો અભ્યાસ કરવા માટે તેઓ અમેરિકાની જ બીજી પ્રતિષ્ઠિત સંસ્થા યેલ સ્કૂલ ઑફ મેડિસિનમાં ગયા. એ પછી ૨૦૦૩માં આ જ યેલ યુનિવર્સિટીના સ્કૂલ ઑફ મૅનેજમેન્ટમાંથી હેલ્થ કૅર મૅનેજમેન્ટમાં સ્પેશ્યલાઇઝેશન સાથે MBA કર્યું.

ત્યારબાદ બૉસ્ટનમાં આવેલી બ્રિગહૅમ ઍન્ડ વિમેન્સ હૉસ્પિટલ સાથે ફિઝિશ્યન તરીકે તેઓ જોડાયા. અહીં તેમણે ધાર્યું હોત તો તેઓ શાંતિથી નોકરી કરીને ડૉલર રળી શક્યા હોત, પરંતુ નોકરીની સાથોસાથ તેમણે હાર્વર્ડ મેડિકલ સ્કૂલમાં પોતાની સેવા આપવાનું શરૂ કર્યું.

ત્યાર પછી તેમણે જે કામ કર્યું એણે તેમને અમેરિકાના સર્વોચ્ચ ડૉક્ટર બનાવવામાં ઘણે અંશે નિમિત્ત બન્યું છે. ૨૦૦૮માં તેમણે ડૉક્ટર્સ ફૉર અમેરિકા નામની ઝુંબેશ શરૂ કરી. દેશભરના તબીબો અને મેડિકલ સ્ટુડન્ટ્સને સાંકળતી આ ઝુંબેશનો હેતુ સૌને રાહતના દરે સ્વાસ્થ્ય-સેવાઓ ઉપલબ્ધ કરાવવાનો હતો. આ ઝુંબેશની શરૂઆત ડૉક્ટર્સ ફૉર ઓબામાના નામે થયેલી અને સ્થાપનાના થોડા મહિનાઓમાં જ એમાં ૧૦,૦૦૦થી પણ વધુ સભ્યો જોડાઈ ગયેલા.

અત્યારે અમેરિકાનાં તમામ પચાસ રાજ્યોમાં થઈને આ ઝુંબેશમાં ૧૫,૦૦૦થી વધુ સભ્યો કાર્યરત છે. ડૉક્ટર્સ ફૉર અમેરિકાએ અમેરિકન કૉન્ગ્રેસને સમગ્ર દેશની હેલ્થ કૅર પૉલિસી બદલવા માટે પણ બહારથી દબાણ ઊભું કર્યું. તેમણે વૉઇસિસ ઑફ ફિઝિશ્યન્સ નામની વેબસાઇટ પણ શરૂ કરી, જ્યાં તબીબો અમેરિકાની હેલ્થ સિસ્ટમ સામે પોતાના બખાળા કાઢી શકતા હતા.

મૂર્તિને સર્જ્યન જનરલ બનાવવા માટે ત્યાંના વગદાર ભારતીયો ઉપરાંત અમેરિકાની ટોચની ૧૦૦ જેટલી સંસ્થાએ પોતાનો સપોર્ટ જાહેર કરેલો, પરંતુ મૂર્તિના વિરોધીઓ તેમને ઓબામાના માણસ કહીને ઉતારી પાડે છે. તેમને સર્જ્યન જનરલ બનાવવાના વિરોધમાં એવી દલીલ થતી હતી કે એક તો તેમનો અનુભવ તદ્દન ઓછો છે અને ઉપરથી તેમની અત્યાર સુધીની કારકિર્દી ગન-કન્ટ્રોલ માટે અને ઓબામા માટે પૉલિટિકલ કૅમ્પેન્સ કરવામાં જ વીતી છે. અમેરિકામાં છાશવારે થતા બેફામ ગોળીબારથી આખી દુનિયા વાકેફ છે. એનું કારણ છે ત્યાં અત્યંત સરળતાથી મળી જતાં બંદૂકનાં લાઇસન્સ. મૂર્તિ આનો સખત શબ્દોમાં વિરોધ કરવા માટે જાણીતા છે.

વળી અમેરિકામાં ગન-કન્ટ્રોલનો મુદ્દો એટલે ત્યાંના બે મુખ્ય રાજકીય પક્ષો ડેમોક્રૅટ્સ વર્સસ રિપબ્લિકનમાંથી કોઈ એકની પંગતમાં બેસી જવું. એટલા માટે જ ત્યાંની વગદાર ગન-લૉબી અને નૅશનલ રાઇફલ અસોસિએશને ત્યાંના સેનેટ મૅજોરિટી લીડર તથા સેનેટ રિપબ્લિકન લીડરને પત્ર લખીને મૂર્તિની નિમણૂક ન થાય એ જોવાની ભલામણ પણ કરી હતી. વિવેક મૂર્તિના એઇડ્સ અને સ્મોકિંગ વિશેના વિચારોથી પણ એ ખાસ્સા અળખામણા છે. કેરી ખાવાના શોખીન ડૉ. વિવેક મૂર્તિના શોખ વિશે તેમને પૂછો તો કહેશે કે ગ્લોબલ હૅપીનેસ ક્વૉશન્ટ વધારવાનો.

સૌજન્યગુજરાતી મીડ ડે,કોમ માં પ્રગટ શ્રી જયેશ અધ્યારુ ના લેખમાંથી સાભાર

==========================================

ભારતમાં અમેરિકાના રાજદૂત તરીકે સૌ પ્રથમવાર નિમાયેલા

ભારતીય મૂળના ઈન્‍ડિયન અમેરિકન શ્રી રાહુલ રિચર્ડ વર્મા

Richard Verma -2

અમેરિકાના વિદેશ મંત્રી જ્હોન કેરી સમક્ષ શપથ લેતા શ્રી રિચર્ડ વર્મા

અમેરિકાના પ્રેસિડન્‍ટ બરાક ઓબામા ભારતના પ્રજાસત્તાક  દિનની ઉજવણી માટે ૨૬ જાન્‍યુ ૨૦૧૫ના રોજ મુખ્‍ય મહેમાન તરીકે આવે એ પહેલાં જ ભારતમાં અમેરિકાના રાજદૂત તરીકે સૌ પ્રથમવાર નિમાયેલા ઈન્‍ડિયન અમેરિકન શ્રી રાહુલ રિચર્ડ વર્માએ ૨ જાન્‍યુ. ૨૦૧૫ના રોજ ન્‍યુ દિલ્‍હી ખાતે આવી એમના હોદ્દાનો ચાર્જ સંભાળી લીધો છે.

મૂળ ભારતીય એવા અમેરિકન રાહુલ રિચર્ડ વર્મા હવે ભારતમાં અમેરિકાના નવા રાજદૂત બની ગયા છે. અમેરિકાના ટોચના સેનેટરોએ પક્ષીય મતભેદોને ભૂલી જઈને રિચર્ડ રાહુલ વર્માને ભારત ખાતે નવા અમેરિકી રાજદૂત કરીકેની નિમણૂંકને ધ્વનિમતથી સમર્થન આપ્યું છે.

46 વર્ષના રાહુલ રિચર્ડ વર્મા ભારતના રાજદૂત બનતા પહેલા ભારતીય અમેરિકન છે. નોંધનીય છે કે અમેરિકાની કોંગ્રેસના રિપબ્લિકન તેમજ ડેમોક્રેટિક, બંને પાર્ટીના સંસદસભ્યોએ નવી દિલ્હીમાં ટોચના રાજદ્વારી પદ માટે વર્માની ઉમેદવારીને સર્વાનુમતે સમર્થન આપ્યું છે.

રાહુલ રિચર્ડ વર્મા હંમેશા ભારત અને અમેરિકાના સંબંધો મજબૂત બને એ માટે પ્રયત્નશીલ રહ્યા છે. હાલમાં જે સિવિલ ન્યૂક્લિયર ડીલ પાસ થઈ છે એમાં પણ રાહુલ રિચર્ડ વર્માનો રોલ મહત્વનો સાબિત થયો છે. હાલમાં જ તેમણે સેન્ટર ફોર અમેરિકન પ્રોગ્રેસ માટે ઇન્ડિયા 2020 પ્રોજેક્ટ પર કામ શરૂ કર્યું છે. 

રાહુલ રિચર્ડ વર્મા  2009થી 2011 સુધી વિદેશ વિભાગમાં હિલેરી ક્લિન્ટનના કાર્યકાળ વખતે વિદેશ મામલોમાં ઉપમંત્રી રહી ચૂક્યા છે. ભારતમાં અમેરિકન રાજદૂતનું પદ નેન્સી પોવેલના રાજીનામા પછી ખાલી હતું જે હવે ભરાઈ ગયું છે. નેન્સી પોવેલે અમેરિકામાં ભારતીય અધિકારી દેવયાની ખોબ્રાગડે સાથે બનેલી ઘટનાના વિવાદ પછી રાજીનામું આપી દીધું હતું.

રિચર્ડ વર્માના માતા-પિતા પંજાબ રાજ્યના વતની હતા એટલે તેમનો ભારત સાથે એક ખાસ સંબંધ છે એમ કહી શકાય.

રિચર્ડ વર્માના પિતા કમલ વર્મા 40 વર્ષ સુધી પીટ્સબર્ગ યુનિવર્સિટીમાં પ્રોફેસર રહ્યા હતા જ્યારે તેમના માતા સાવિત્રી વર્મા પણ ટીચર હતાં. રાહુલ રિચર્ડ સહિત પોતાના સંતાનોનો ઉછેર વર્મા દંપતીએ વેસ્ટર્ન પેન્સિલ્વેનિયામાં કર્યો હતો. રિચર્ડ વર્માના પત્ની પિન્કી વર્મા એટર્ની છે અને તેમને સંતાનમાં ત્રણ દીકરીઓ છે. 

રાહુલ -રીચાર્ડ વર્મા -અમેરિકાના નવા રાજદૂત

રાહુલ -રીચાર્ડ વર્મા -અમેરિકાના નવા રાજદૂત

એક પત્રકાર પરિષદમાં શ્રી વર્માએ જણાવ્‍યા મુજબ તેઓ બંને દેશઓ વચ્‍ચે સલામતિ, વિકાસ તથા સમૃધ્‍ધિનો નાતો દૃઢ બનાવશે. આ હેતુ માટે ભારતના પ્રજાજનો તથા સરકારી અધિકારીઓ સાથે વિચાર વિનિમત કરવાની ઉત્‍કંઠા એમણે દાખવી હતી.

સમાચાર સૌજન્ય- ગુગલ.કોમ 

ઈન્‍ડિયન અમેરિકન મહિલા સુશ્રી અઝીતા રાજી બન્યાં

સ્‍વીડન ખાતેનાં અમેરિકન રાજદૂત

અમેરિકાના પ્રેસિડન્‍ટ બરાક ઓબામાએ ઈન્‍ડિયન અમેરિકન મહિલા સુશ્રી અઝીતા રાજીની નિમણુંક સ્‍વીડન ખાતેના અમેરિકન રાજદૂત તરીકે કરી છે.

સુશ્રી અઝીતાએ ૨૦૧૨ની સાલમાં બરાક ઓબામાની ચૂંટણી સમયે ૩ મિલિયન ડોલર ઉપરાંત ફંડ એકત્રિત કરી આપ્‍યુ હતું.આ અગાઉ તેઓ વ્‍હાઈટ હાઉસમાં પ્રેસિડન્‍ટ કમિશનમાં સેવાઓ આપી ચૂકયા છે.

સુશ્રી અઝિતાની નિમણુંક સ્‍વીડન ખાતેના અમેકિન રાજદૂત તરીકે થતાં તેઓ અમેરિકાના બીજા નંબરના ભારતીય પૂર્વના રાજદૂત બન્યાં છે.

આ પોસ્ટના સંદર્ભમાં ગુગલ.કોમની નીચેની લીંક પણ જુઓ 

 PERSONS OF INDIAN ORIGIN IN OBAMA ADMINISTRATION