વિનોદ વિહાર

ગુજરાતી ગદ્ય-પદ્ય સર્જનની આનંદ યાત્રા

Tag Archives: હાસ્ય-કટાક્ષ કથા

1094 – સાસુ માટેનો વિલાપ !  … ટૂંકી હાસ્ય-કટાક્ષ કથા !

સાસુ માટેનો વિલાપ !  … ટૂંકી હાસ્ય-કટાક્ષ કથા !

Black Humour !

યુવાન મહિલાઓના એક ગ્રુપે એમની એક મીટીંગમાં નક્કી કર્યું કે દરેક મહિલા સભ્ય અને એની સાસુ સાથે એક સુંદર જગાએ પીકનીકનું આયોજન કરવું જેથી સાસુ અને વહુ એક બીજાને સારી રીતે જાણે અને સમજે જેથી એમના  સંબંધોમાં સુધારો થાય.

આ નિર્ણય પ્રમાણે બે બસો ભાડે કરવામાં આવી.એક બસમાં  બધી મધર-ઇન-લો બેસી ગઈ અને બીજામાં બધી  ડોટર-ઇન-લો બેસી ગઈ.  

કમનશીબે જે બસમાં સાસુઓ બેઠી હતી એ બસને એક ભયંકર અકસ્માત થયો અને એમાં બેઠેલાં બધાં જ પેસેન્જરો અકસ્માતની જગાએ જ મૃત્યુ પામ્યાં.

બીજી બસની વહુઓએ મહિલાઓ હોવાને લીધે થોડાં આંસુઓ સાથે એમનો શોક વ્યક્ત કર્યો.પરંતુ એક મહિલા તો   ખુબ જ દુખ સાથે બેકાબુ બનીને રડતી હતી અને વિલાપ કરી રહી હતી.બધાંને એથી ખુબ જ આશ્ચર્ય થયું .

એક મહિલાએ એની પાસે જઈને કહ્યું ‘’ બેન મને માફ કરજે પણ અમને એ ખબર ન હતી કે તું તારી સાસુને આટલો બધો પ્રેમ કરે છે .’’

આના જવાબમાં એ મહિલાએ આંખમાં આંસુ સાથે જવાબ આપ્યો ,’’ના બેન, એવું જરાએ નથી, મારું રડવાનું ખરું કારણ તો એ છે કે મારી સાસુ મારી સાથે આવવાનાં હતાં પણ મોડું થતાં તેઓ બસ ચુકી ગયાં !’’

  અંગ્રેજી પરથી ભાવાનુવાદ …વિનોદ પટેલ