વિનોદ વિહાર

ગુજરાતી ગદ્ય-પદ્ય સર્જનની ઓન લાઈન આનંદ યાત્રા

( 454 ) ભારતની જનતાએ કર્યો જય જય કાર …… અબકી બાર મોદી સરકાર

NARENDRA MODI …..FROM TEA VENDOR TO PRIME MINISTER OF INDIA

 

ભારતની આમ જનતા જેની ચાતક દ્રષ્ટીએ રાહ રહી હતી એ ૧૬ મી મે ૨૦૧૪ ની સવાર થી બપોરના એક વાગ્યા સુધીમાં લોક્સભાની ચૂંટણીના પરિણામો  જાહેર થઇ ગયાં .

namo-mahendr cartoon-2

આ પરિણામોમાં ભારતની આમ જનતાએ ગુજરાતના એક સપૂત નરેન્દ્ર મોદીની આગેવાની હેઠળ ભાજપ પક્ષ-એનડીએ- એ ૩૩૫ બેઠકો જીતીને ઐતિહાસિક જીત પ્રાપ્ત કરી જેની નોધ ભારતમાં જ નહી પણ વિદેશોમાં પણ ટી.વી.,અખબારો અને સોસીયલ મીડિયા -ટ્વીટરમાં લેવાઈ .

દેશભરમાં મોદીનું વાવાઝોડુ ફરી વળ્યું .બિહાર, યુપી, ગુજરાત, મધ્‍યપ્રદેશ, રાજસ્‍થાન, મહારાષ્‍ટ્ર, ઉત્તરાખંડ, દિલ્‍હીમાં પૂરી રીતે કમળ ખીલી ઉઠ્યું  .

વારાણસી અને વડોદરામાં મોદીની તોતીંગ લીડથી વિજય થયો . કોંગ્રેસના અનેક દિગ્‍ગજોને લોકોએ ઘરભેગા કરી દીધા છે.

       કમલ  ચિત્ર : સાભાર -શ્રી મહેન્દ્ર શાહ 

ભારતની જનતાએ ઘણા દશકાઓથી ભારતના રાજકારણ  ઉપર પકડ જમાવી રહેલ વંશવાદ અને ભ્રષ્ટાચારમાં ગળાડૂબ બિન કાર્યક્ષમ કોંગ્રેસ અને એના સાથી પક્ષોને કારમી હાર આપી ન ભૂલાય એવો પાઠ ભાણાવ્યો  .

ભારતીય લોકશાહીની કમાલ જેવી આ વખતની ચૂંટણીમાં એક બાજુ અનેક ભ્રષ્ટાચાર અને ગેર વહીવટમાં ૧૦ વર્ષ વેડફી દેનાર વગોવાયેલી ચાલુ સરકાર અને ભારતની પિછડી જાતિમાંથી એક ચા વેચનાર સામાન્ય  નાગરિકમાંથી સ્વપ્રયત્ને આગળ વધી સતત ૧૩ વર્ષ સુધી ગુજરાતના મુખ્ય પ્રધાન પદે રહી સ્વચ્છ  વહીવટ કરનાર ભાજપ પક્ષના વડા પ્રધાનના ઉમદવાર શ્રી નરેન્દ્ર મોદીની પસંદગી કરવાની હતી.

ભારતની  આમ જનતાએ ચૂંટણી પહેલાં જ નિર્ણય લઇ લીધો હતો  અને એ નિર્ણયને એમણે એમના મતોમા પરિવર્તિત કરી બતાવ્યો .

ભારતની લોકશાહી પરંપરાનો અને ભારતની આમ જનતાનો આ એક મોટો વિજય છે જેના પડઘા આખાયે વિશ્વમાં ગાજી ઉઠ્યા છે . અમેરિકાના પ્રમુખ બરાક ઓબામાએ મોદીને ફોન કરીને વિજય માટે અભિનંદન સાથે અમેરિકાની મુલાકાત લેવાનું આમન્ત્રણ પણ પાઠવ્યું છે .  

અમેરિકાની પ્રમુખશાહી લોકશાહીમાં ચૂંટણીની આંતરિક પ્રાઈમરી પ્રક્રિયામાંથી પસાર થઈને એક વ્યક્તિને પ્રેસીડન્ટ તરીકે પ્રોજેક્ટ કરવામાં આવે છે .ભારતની લોકશાહીમાં વડા પ્રધાનું નામ પક્ષના ચૂંટાએલા સભ્યોએ  નક્કી  કરવાનો સિરસ્તો હોય છે .  પ્રથમવાર  લોકસભાની આ  આખી ચૂંટણી એક જ નામ નરેન્દ્ર મોદી ઉપર જ લડાઈ .પક્ષનો ઢંઢેરો જાણે કે ગૌણ બની ગયો હતો . લોકોનો ચૂંટણીનો નારો હતો અબકી બાર મોદી સરકાર .

આમ લોકો નરેન્દ્ર મોદી ઉપર વિશ્વાસ મૂકી દેશની હાલત સુધારવા માટે સારી બહુમતીથી એમને ચૂંટીને દિલ્હી મોકલવા માગતા હતા અને ખરેખર એમણે એ કરી પણ બતાવ્યું .

માત્ર દેશમાં જ નહિ પણ વિદેશોમાં વસતા ભારતીય મૂળના સભ્યોમાં પણ આં ચૂંટણીમા અપૂર્વ રસ દાખવ્યો હતો એ નીચેનો વિડીયો જોવાથી સમજાઈ જશે .

વારાણસી, ભારતથી વોશિંગટન અમેરિકા અને વિશ્વમાં ન.મો…. ન.મો …..

Narendra Modi goes global -વિડીયો જોવા આ લીંક ઉપર ક્લિક કરો

નરેન્દ્ર મોદી આધુનિક ટેકનોલોજી અને સોસીયલ મીડિયામાં સારું એવું જ્ઞાન ધરાવે છે .

નરેન્દ્ર મોદીના ૩૦ લાખ ટ્વીટર ફોલોઅર છે અને ચૂંટણીને લગતી થયેલી કુલ ૫.૬ કરોડ ટ્‍વિટમાંથી દર પાંચ ટ્વિટમાંથી એકમાં મોદીનું નામ હતું.

મોદીએ પણ જીતની ખબર પછી જે પ્રથમ ટ્વિટ કર્યો એ ગુજરાતીમાં નહિ પણ હિન્દીમાં આ હતો ” યહ ભારત કા વિજય વિજય હૈ . અબ અચ્છે દિન આને વાલે હૈ ” આ ટ્વિટએ રી ટ્વિટનો રેકોર્ડ તોડ્યો હતો .

૧૬ મી મેની બપોરે જ્યારે એ નક્કી થઇ ગયું કે ભાજપે સરકાર બનાવવા માટે ૨૭૨ + નો જાદુઈ અંક વટાવી દીધો છે ત્યારે શ્રી નરેન્દ્ર મોદીએ ગાંધીનગર સેક્ટર ૨૨મા રહેતા એમના નાના ભાઈના ફ્લેટમાં ૮ બાય ૮ ની રૂમમાં રહેતાં એમનાં નેવું વર્ષ વટાવી ગયેલ માતા હીરાબેનને પગે લાગી એમના આશીર્વાદ લેવાનું કર્યું હતું .માતાએ એમના માથે હાથ મૂકી આશીર્વાદ આપ્યા હતા અને ગળ્યું માં કરાવ્યું હતું એ અદભૂત દ્રશ્ય વારંવાર ટી.વી. ઉપર બતાવાતું હતું.

 

Modi, the 63-year-old son of a tea seller seeks blessings of his 90+ year old Mother Hiraben .

Modi, the 63-year-old son of a tea seller seeks blessings of his 90+ year old Mother Hiraben .

ત્યારબાદ મોદી ગાંધીનગરમાં આવેલા ભાજપના કાર્યાલય કમલમ  જઈ બધા કાર્યકરોને મળ્યા હતા પરંતુ ત્યાં એમણે કોઈ પ્રવચન કર્યું ન હતું .

જીત પછીનું પ્રથમ પ્રવચન એમણે ઐતિહાસિક ૫૭૦૦૦૦  રેકોર્ડ મતની બહુમતીથી લોકસભામાં ચૂંટીને મોકલનાર વડોદરાની જનતાની જંગી મેદની સમક્ષ કર્યું હતું અને એમનો આભાર માન્યો હતો.

Narendra Modi Victory Speech – Full Speech

એમના આ પ્રવચનમાં એમણે કહેવાતા સેક્યુલર બુધ્ધીવાદીઓને  છુપો સંદેશો આપી દીધો હતો છે કે એમણે લોકોમાં એમના વિરુદ્ધ જે હિન્દુત્વનું ઝેર અને ડર ફેલાવ્યો હતો એવો કોઈએ કોઈ જાતનો ડર રાખવાની બિલકુલ જરૂર નથી .

શ્રી મોદીએ એમના દેશના વરાયેલા વડા પ્રધાન તરીકેના આ પ્રથમ પ્રવચનમાં એમના પ્રચારમાં અનેકવાર એમણે જે કહ્યું હતું

એમણે ફરી દોહરાવ્યું હતું . “સબકા સાથ , સબકા વિકાસ ”  (with all, development for all)

આ માટે નીચેના વિડીયોમાં એક પ્રશ્ન ઉત્તરમાં મોદી શુ કહે છે એ સેક્યુલર ભારતની પીપુડી વગાડતા પંડિતોએ સાંભળવા જેવું છે .

વિડીયો જોવા માટે નીચેની લીંક ઉપર  ક્લિક કરો .
Modi’s greatest answer to a silliest question – Is there place for Muslims

ભારતની આમ જનતા એ નરેન્દ્ર મોદીમાં જે આશાઓ રાખી છે એ નિભાવવાની મોટી જવાબદારી હવે શ્રી મોદીને શિરે આવી છે . જૂની યુપીએ સરકાર જે ગંદુ ઘર એમને માટે મૂકી ગઈ છે એને બરાબર સાફ સુફ કરી વિશ્વમાં ભારતની છાપને નવો આયામ આપવાનું અને દેશના સર્વાંગી વિકાસનું  મુખ્ય કામ એમણે સૌના સાથ અને સહકારથી કરવાનું છે .

મહેસાણા જીલ્લાના એક ગામ વડનગરમાં કુટુંબ નિર્વાહ માટે ભૂતકાળમાં રેલવેના ડબ્બામાં ચા વેચનાર કિશોરમાંથી પ્રગતિ કરતાં કરતાં આ વિશાળ ભારત દેશના વડા પ્રધાન પદે પહોંચનાર શ્રી નરેન્દ્ર મોદીની આશ્ચર્ય જનક જીવન યાત્રાની તવારીખ નીચેના વિડીયોમાં નિહાળીને એમના લોખંડી વ્યક્તિત્વનો પરિચય મેળવો .

NARENDRA MODI’S INSPIRING BIOGRAPHY –

FROM TEA SELLER TO PM OF INDIA

શ્રી નરેન્દ્ર મોદીએ સક્ષમ વહીવટ કરીને દશ વર્ષમાં ગુજરાતને જેમ દેશનું પ્રથમ નબરનું રાજ્ય બનાવ્યું એ રીતે એમની વડા પ્રધાન તરીકેની નવી જવાબદારીમાં એ ભારત દેશને પ્રગતિના પંથે લઇ જવામાં જ્વલંત સફળતા મેળવે અને પ્રભુ એમને સદા હેમખેમ રાખે એવી હાર્દીક શુભેચ્છાઓ .

શ્રી નરેન્દ્ર મોદી તુમ આગે બઢો … પ્રજા તુમ્હારે સાથ હૈ 

ગાંધી, સરદાર પછી દેશને ગુજરાતે નરેન્દ્ર મોદીની જે સેવા માટે ભેટ આપી છે એ માટે ગુજરાત જરૂર યોગ્ય રીતે ગૌરવ લઇ શકે .

જ્વલંત વિજય માટે અભિનંદન શ્રી નરેન્દ્ર મોદી

આપની કામયાબી માટે અનેક હાર્દીક શુભ કામનાઓ .

વિનોદ પટેલ

8 responses to “( 454 ) ભારતની જનતાએ કર્યો જય જય કાર …… અબકી બાર મોદી સરકાર

  1. Ramesh Patel મે 22, 2014 પર 1:47 પી એમ(PM)

    જ્વલંત વિજય માટે અભિનંદન .. હાર્દીક શુભ કામનાઓ .

    Ramesh Patel(Aakashdeep)

  2. પરાર્થે સમર્પણ મે 17, 2014 પર 9:09 પી એમ(PM)

    આદરણીય વડિલ શ્રી વિનોદકાકા

    ભાજપના ભવ્ય વિજય રથના સારથિ શ્રી નરેન્દ્રભાઇ ભારતના કાયાકલ્પનું

    નિમિત બની દેશને માન સન્માન સાથે દુનિયામાં અગ્રેસરતા અપાવશે એવા

    અદમ્ય વિશ્વાસ સાથે આપના અનન્ય લેખને નમસ્કાર

  3. chandravadan મે 17, 2014 પર 3:31 પી એમ(PM)

    Abhinandan to MODIJI….Wishing all the Best as the PM of India.
    After Sardar from Gujarat…may you equal him or be close to him with what you do for BHARAT.
    Chandravadan
    http://www.chandrapukar.wordpress.com
    Hope to see you @ Chandrapukar !

  4. Pingback: ભારતની જનતાએ કર્યો જય જય કાર …… અબકી બાર મોદી સરકાર-વિનોદ વિહાર | વિજયનું ચિંતન જગત-

  5. dee35 મે 17, 2014 પર 9:36 એ એમ (AM)

     શ્રીવિનોદભાઇ, આપનો ફોન નંબર આપશો અથવા મને ૧૩૦૯૫૩૨૦૨૨૪ ઉપર વાત કરશો. Deejay.

    .

  6. Hemant મે 17, 2014 પર 8:32 એ એમ (AM)

    It all consider as hard work , dedication towards achieve the goal for the good reason , which is growth for the county , Congratulation to Mr. Modi and all the hard worker who restlessly work hard for the success , new era is now begin in our Matru Janam bhoomi ………Hemant Bhavsar

  7. pragnaju મે 17, 2014 પર 6:50 એ એમ (AM)

    જ્વલંત વિજય માટે અભિનંદન શ્રી નરેન્દ્ર મોદી
    આપની કામયાબી માટે અનેક હાર્દીક શુભ કામનાઓ .
    તેમની પધ્ધતિ પોલીટીકલ સાયન્સમા નવું ચેપ્ટર ઉમેરશે

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

%d bloggers like this: